Advertising on the Telegram channel «በአዲስ አበባ ከተማ አስተዳደር የከተማ ውበትና አረንጓዴ ልማት ቢሮ»

#ከዛንቺስ አካባቢ የሚገኘው የወንዝ ዳርቻ ልማት አሁናዊ ገፅታ።

አዲስ አበባ--ኢትዮጵያ 🇪🇹🇪🇹🇪🇹🇪🇹🇪🇹

ክረምትና የአረንዴ አሻራ የችግኝ ተከላ መርሃ ግብራችን፡-

የክረምት ወራት ለእኛ ኢትዮጵያዉን የተለየ ቦታ አላቸዉ፡ በእርግጥ ለኢትዮጵያዉን ብቻ ሳይሆን ለብዙ የአፍሪካ አገሮች የክረምት ወራት የተለየ ስፍራ እንዳላቸዉ የሚታወቅ ሲሆን ምክንያቱ ደግሞ የኑሮአችን መሰረት በመሆናቸዉ ነዉ፡፡

ለብዙዎቻችን የአፍሪካ ሀገራት የኑሮ መሰረታችን በክረምት ወራት በቀጥታ በምናገኘዉ የዝናብ ዉሃ ላይ ጥገኛ በመሆን በባህላዊ መንገድ ለምናከናዉናቸዉ ከእርሻ ጋር የተያያዙ ስራዎች እና ለምናረባቸዉ እንስሳት ግጦሽ ለማግኘት ዝናብን ዋና የዉሃ ምንጫችን አድርገን በመዉሰዳችን የተነሳ ነዉ፡፡

የአየር ንብረቱን ሚዛን ለመጠበቅና የዉሃ መጠኑንም ለማመጣጠን እንዲረዳ ታስቦ  በዋነኛነት በክረምት ወራት በሀገራችን በተለይም ከስድስትና ሰባት ዓመታት ወዲህ በልዩ ትኩረትና አሰራር ሲከናወን ቆይቶ እስከ ዛሬ የመጣዉ የክረምት የአረንጓዴ አሻራ መርሃ ግብራች ነዉ፡፡

የክረምት የአረንጓዴ አሻራ መርሃ ግብራችን ዘርፈ ብዙ ጥቅሞችን እንዲሰጠን በፖሊሲና ስትራቴጂ ተደግፎ በመንግስት ደረጃ ልዩ ትኩረት ተሰጥቶት የሀገሪቷን ህዝቦች ባሰባሰበ መንገድ እተተገበረ ያለና እንደ ህዳሴ ግድባችን ሁሉ አሻራችን ያረፈበትና እያረፈበት የሚገኝ ሌላኛዉ ግዙፍ ስራችን ነዉ፡፡

የአረንጓዴ አሻራችን ጥቅሞቹ ሰፊ ናቸዉ፡፡

ነፍሰ ወከፍ የአረንጓዴ ሽፋንን ከማሳደግና የአየር ንብረት ለዉጦች ተከስተዉ ለተለያዩ አደጋዎች እንዳይዳርጉን ሚዛዊነቱን ከማስጠበቅ ጀምሮ እስከ የምግብ ዋስትናን ማረጋገጥ፡ከሀገራዊ አንድነት ማስጠበቂነት ጀምሮ እስከ አለም አቀፍ የዲፕሎማሲ ሚዛን ማስጠበቂያነት፡ ከቁሳቁስ መስሪያነት እስከ ከተማን ማስዋብና ለዜጎች የስራ ዕድል ከመፍጠር ተሻግሮ የሚሰጠዉ ጥቅም ብዙ ነዉ፡፡

የአረንጓዴ አሻራ መርሃ ግብራችን በሀገር አቀፍ ደረጃ በንቅናቄ ህዝብን አንቀሳቅሶ የልማቱ አካል ከማድረግ አልፎም ባህላዊ ወደ መሆን እያደገ ይገኛል፤ ለዚህ ነዉ ግለሰቦችም ሆኑ ተቋማት በቅጥር ግቢያቸዉና በየአካባቢያቸዉ ችግኞችን በመትከል አሻራቸዉን ለራሳቸዉም ሆነ ለሚቀጥለዉ ትዉልድ ለማኖር ጥረት በማድረግ ላይ የሚገኙት፡፡

ባለፉት ዓመታት ሀገራችን ኢትዮጵያ  በክረምት ወራት በቀጥታ ከዝናብ የምታገኘዉን ዉሃ ግድብ ገንብታ ዉሃዉን በሰፊዉ በመያዝ ከክረምት ወራት ባሻገርም ለተለያዩ የልማት ዘርፎች ለመጠቀም ህዝቦቿዋን አስተባብራ እልህ አስጨራሽ በሆነ አኳኃን ትንቅንቅ ስታደርግ የቆየች ሲሆን የግድቡን ስራ ወደ ፍፃሜ ለማድረስና ሪቫን ለመቁረጥ እየተንደረደረች ትገኛለች፡ለዚህ ደግሞ የዉሃ መጠኑ ሳይዋዥቅ ቀጣይነት ባለዉ አግባብ ለኢትዮጵያም ሆነ ለታችኞቹ የናይል ተፋሰስ ሀገራት የአረንጓዴ አሻራ በኢትዮጵያ መስፋፋት ትልቅ ፋይዳ አለዉ፡፡

ኢትዮጵያ የአረንጓዴ አሻራን በማስፋፋት ተፈጥሮን በዕዉቀት በመምራት ልማትን ለማፋጠንና ከድህነት አሮንቃ ለመዉጣት ያላትን ቁርጠኝነት ያሳየችበትና ለሌሎች የአፍሪካ ሀገራትም ጭምር አርአያ ሊያደርጋት የሚችል ስራ መስራት የቻለችበት አንዱ ግዙፍ ሀገራዊ ስራዋ ነዉ፡፡

ከእንጦጦ እስከ አራት ኪሎ ፕላዛ ተሠርቶ የተጠናቀቀውን ኮሪደር ልማት ስራ ምርቃት‼️

ሳምንታዊው አገልጋይ በዚህ ሳምንት ሐሙስ ምሸት የአዲስ አበባ ከተማ ከተማ ውበትና አረንጓዴ ልማት ቢሮን ይመለከታል፡፡

#በመዲናዋ የወንዝ ዳርቻ ልማትና ለጎርፍ መሸርሸር ተጋላጭ በሆኑ በታዎች የተሰሩ የኮንሶ እርከን ስራዎች