Advertising on the Telegram channel «The Jubair || The ጁበይር»

«ما رأيت مثله، ولا رأى هو مثل نفسه. وما رأيت أحداً أعلم بكتاب الله وسنة رسوله منه»

ኡስታዝ ያሲን ኑሩን አለማመስገን ንፉግነት ነው
በለሰለሰ አንደበት የሽርኩን ካምፕ ድምጥማጡን ነው ያወጣው

የኹጥባውን ውጤት በቀቢህ ታጁ እና በሌሎች አህባሾች ጩሀት በደንብ ትረዳዋለህ ፤ሩቃ እንደተደረገበት ጂን በአንዴ ጮኹ፤

አላህ ይቀበለው ከዚህ በላይ ለኢስላምና ለሱና የሚጠቅም ያድርገው


https://t.me/Thejubair00

ሸይኻችን ሷሊህ አልፈውዛን የሳዑዲ ጠቅላይ ሙፍቲ ተደርገው ተሹመዋል።
አሏሁ አክበር
وفَّق الله سماحة الشيخ  (صالح بن فوزان الفوزان )حفظه الله ووفقه وأطال عمره في طاعته،  وأعانه على هذا المنصب الكبير (المفتي العام للملكة العربية السعودية) حقيقةً الواحد يفرح لما يرى الرجل المناسب في المكان المناسب؛ إذ إنَّ من علامات الساعة (أن يوسَّد الأمرُ إلى غير أهله) وفق الله حكومة السعودية  وكذا سائر الحكومات إلى ما يحبه الله ويرضاه.

የቀብር ዚያራ
~
የቀብር ዚያራ ብለው የሚያራግቡ ሰዎችን እያየን ነው። የቀብር ዚያራን የሚቃወም ሙስሊም የለም። የቀብር አምልኮን የሚነቅፉ አካላትን ልክ የቀብር ዚያራ እንደሚቃወሙ እያደረጉ ማቅረብ ከእውነት የራቀ የተለመደ የሱፍያ ክስ ነው። ችግሩ ያለው ከሙታንና ከመቃብር ጋር ያላቸውን አጉል ቁርኝት የሸሪዐ መሰረት ባለው የቀብር ዚያራ ሊያሻሽጡ መሞከራቸው ላይ ነው።

ለማንኛውም የቀብር ዚያራ ሶስት መልክ አለው። እነሱም፦

ሀ. ሸሪዐዊ የቀብር ዚያራ፡-

ኣኺራን ለማስታወስ ወይም ለሟቾቹ ዱዓእ ለማድረግ ታስቦ የሚደረግ ሲሆን ሸሪዐው የሚያበረታታውና ነብዩ ﷺ የፈፀሙት ነው። ሸሪዐዊ የቀብር ዚያራ ሶስት መስፈርቶችን ያሟላ ነው።

1. አገር አቋርጦ አለመጓዝ፡-
ምክንያቱም ነብዩ ﷺ እንዲህ ብለዋል፦
لا تُشَدُّ الرِّحالُ إلَّا إلى ثلاثةِ مساجدٍ : المسجدُ الحرامُ ، و مسجدي هذا ، والمسجدُ الأقصى
{ወደ ሶስት መስጂዶች ካልሆነ በስተቀር ለጉዞ (የግመል) መጫኛዎች አይጠበቁም። (አገር አቋርጦ መጓዝ አይቻልም።) (እነሱም) ይሄ መስጂዴ (መዲና የሚገኘው የሳቸው መስጂድ)፣ መስጂደል ሐራም እና መስጂደል አቅሷ ናቸው።} [ቡኻሪ፡ 1189] [ሙስሊም፡ 1397]

2. ሄዶ መጥፎ ነገር አለመናገር፣ አለመፈፀም፡-
ነብዩ ﷺ እንዲህ ብለዋል፦
كنتُ نهيتُكم عن زيارَةِ القبورِ ألا فزورُوها ، فإِنَّها تُرِقُّ القلْبَ ، و تُدْمِعُ العينَ ، وتُذَكِّرُ الآخرةَ ، ولا تقولوا هُجْرًا
{ቀብሮችን እንዳትጎበኙ ከልክያችሁ ነበር። ከዚህ በኋላ ግን ጎብኟቸው። ምክንያቱም ልብን ያለሰልሳሉ፤ አይንን ያረሰርሳሉ እንዲሁም ኣኺራን ያስታውሳሉና። መጥፎ ነገር ግን እንዳትናገሩ።} [ሶሒሑል ጃሚዕ፡ 4584]

ሟቹን መለመን፣ በጀነት መመስከር፣ ሙሾ ማወረድና መሰል አላህን የሚያስቆጡ ንግግሮችን መራቅ የግድ ይላል።

3. ገደብ አለማስቀመጥ፡-
የቀብር ጉብኝት ዒባዳ ወይም አምልኮት ነው። አምልኮት ውስጥ ደግሞ ሸሪዐው ያላስቀመጠውን የአፈፃፀም ልዩ ገደብ ማስቀመጥ አይፈቀድም። ስለሆነም የሆነን ጊዜ ጠብቆ ወይም የሆነን ቀብር ለይቶ በቋሚነት መጎብኘት አይፈቀድም። ነብዩም ﷺ {ቀብሬን መመላለሻ አድጋችሁ አትያዙት} ማለታቸው ይህን የሚገልፅ መልእክት አለው። [አሕካሙል ጀናኢዝ፡ 280]

ለ. ቢድዐዊ የቀብር ዚያራ፡-

ሌላኛው ዚያራ አይነት ደግሞ ከቀብሩ ዘንድ ቁርኣን ለመቅራት፣ ሶላት ለመስገድ ወይም እዚያ ለአላህ ለማረድ ታስቦ የሚፈፀመው ሲሆን ይህኛው ጉብኝት መሰረት የሌለው መጤ ፈሊጥ ነው። ምክንያቱም እነኚህን አምልኮቶች ለመፈፀም በማሰብ ነብዩም ﷺ ይሁኑ ሶሐቦች ወደ መቃብር ስፍራ የሚመላለሱ አልነበሩምና። እንዲያውም ይሄኛው ዚያራ ወደ ሺርክ የሚያሻግር መንገድ ነው። ከቀብር አካባቢ ዘወትር አምልኮት የሚፈፅም ሰው ወደ ቀብሩ በአምልኮት የማዘንበል እድሉ ሰፊ ነው።


ሐ. ሺርክ ያለበት የቀብር ዚያራ፡-

ሌላኛው የቀብር ዚያራ አይነት ለሟቹ ለማረድ፣ ሟቹን ለመለመን፣ በሱ ወደ አላህ ለመቃረብ፣ ከሟቹ ልጅ፣ ዝናብ፣ ፈውስ ወይም ሌላ እርዳታ ለመጠየቅ፣ ስለት ለመሳል ታስቦ የሚፈፀመው ሲሆን ብይኑም ከኢስላም የሚያስወጣው ትልቁ ሺርክ ነው። [አልቀውሉል ሙፊድ፣ ወሷቢይ፡ 192-194]

=
IbnuMunewor

የዶሪህ አምልኮ አይታችሁ ለማታውቁ ይህንን ይመስላል

እስልምናና ዶሪህ አምልኮ አይገናኝም

አስቸኳይና ወሳኝ መግለጫ‼
===================
(ከኢትዮጵያ እስልምና ጉዳዮች የዑለማእ ም/ቤት የተሰጠ ወቅታዊ መግለጫ!)
||
✍ የሸሪዓን መሠረታዊ መርሆች መሰረት በማድረግና የኡማውን አንድነት የመጠበቅን የጋራ ጥቅም ከግምት ውስጥ በማስገባት፣ የኢትዮጵያ ዑለማእ ምክር ቤት፤ የቀድሞው ሙፍቲ የክቡር ሐጂ ዑመር ኢድሪስ የቀብር ስነ-ስርዓት ላይ ለመሳተፍና በክቡር የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት፣ በምክትሎቻቸው፣ በበርካታ ዑለማዎችና መሻኢኾች እንዲሁም በሀገር ሽማግሌዎችና ታዋቂ የእስልምና ልሂቃን ታጅቦ በአን-ኑር መስጂድ የተከናወነውን የጀናዛ ሰላት ለመስገድ ተገኝቷል።

በመቀጠልም፣ በኃላፊነት በተሰጣቸው አካላት በሚሊኒየም አዳራሽ በተዘጋጀው የሽኝት ሥነ-ሥርዓት ላይ በመገኘት ወደ መጨረሻ ማረፊያቸው ሸኝተናል።

በዚሁ አጋጣሚ ልናጤነው የሚገባው ነገር ቢኖር፣ በኑዛዜያቸው መሰረት ከሙስሊሞች መቃብር ውጪ በቤታቸው አጠገብ እንዲቀበሩ የተወሰነው ውሳኔ በሀገራችን ታሪክ ታይቶ የማይታወቅ ክስተት መሆኑን ነው።
እኛም የተውሒድን ገጽታ ለመጠበቅ ስንል ይህንን ድርጊት አጥብቀን እንቃወማለን።

ድርጊቱ ለቀጣይ ትውልዶች ከጊዜ ሂደት በኋላ ወደ ሺርክና ወደ ቀብር አምልኮ የሚያመራ ሰበብ እና መንገድ እንዳይሆን እንሰጋለን። የዑለማእምክር ቤቱ ይህ ውሳኔ ሲወሰንና ተግባራዊ ሲደረግ ምንም አይነት ቅድመ-መረጃ እንዳልነበረው ሊታወቅ ይገባል።

በጉዳዩ ዙሪያ የጠቅላይ ምክር ቤቱን ክቡር ፕሬዝዳንት አነጋግረን የነበረ ሲሆን፣ ኑዛዜው እንዲሻርና ቀብሩ በሙስሊሞች መቃብር እንዲፈጸም ለማድረግ ከሸይኹ ቤተሰቦችና ከሚመለከታቸው የመንግስት አካላት ጋር ሙከራ እንዳደረጉ ነገር ግን እንዳልተሳካላቸው ገልጸውልናል።

በመሆኑም፣ ምክር ቤቱ ከሸሪዓህ መንፈስ ጋር የሚጋጩ እንዲህ አይነት ተግባራትን በብርቱ የሚቃወምና የሚያወግዝ መሆኑን ይገልጻል።

በተጨማሪም፣ ሁሉም ዑለማዎች የተውሒድን ክብር ለመጠበቅና ከሺርክ ለማስጠንቀቅ፣ በማህበረሰቡ ውስጥ መሰል ጉዳዮች ላይ ትክክለኛውን የሸሪዓህ ግንዛቤ እንዲያሰርጹና ግንዛቤ እንዲፈጥሩ አደራ ይላል።

ሸይኽ ዶ/ር ዐሊ ሙሐመድ
የኢትዮጵያ ዑለማእ ምክር ቤት ፕሬዝዳንት

|

አላህን እንፍራ

📌 ጥቅል ጥቆማ

ሙታንን በቤት ውስጥ መቅበር

አስገዳጅ ሁኔታ በሌለበት በቤት (በግል ግቢ) ውስጥ ሟችን መቅበር አብዛኛዎቹ የፊቅህ ሊቃውንት ዘንድ የተጠላ ነው፤ የተወሰኑት ጭራሽ እርም አድርገውታል። ሆኖም ከሚቀበረው ሰው ማንነት አንፃር የሺርክ መንገድን ለመዝጋት መከልከሉ ጥርጥር የለውም።

መልእክተኛችን ﷺ በቤታቸው የተቀበሩት ነብያት በሞቱበት ቦታ መቀበራቸው በልዩ ድንጋጌ የተወደደ እንደሆነ የሚያሳይ ሐዲሥ በመኖሩ ነው። በዚህ ላይ የሳቸው ቀብር በተገለጠ የመቃብር ስፍራ ቢሆን ለባእድ አምልኮ እንዳይጋለጥ ስለተሰጋም ነው።

በመስጂድ ውስጥ መቀበር

መስጂዶች ለሰላትና ለተያያዥ የአምልኮ ተግባራት እንዲውሉ ወቅፍ የተደረጉ በመሆናቸው በግቢያቸውም ይሁን በውስጣዊ ግንባታቸው ውስጥ ማንንም መቅበር አይቻልም። ይህን ማድረግ ከወቅፍ ንብረት እንደመዝረፍ ይቆጠራል፤ ቀብሩ ለሺርክ ተግባራት እንዲጋለጥም በር ይከፍታል።

የመልእክተኛችን ﷺ ቀብር ከመስጂዳቸው ጋር የተቀላቀለው ከጊዜ በኋላ መስጂዱ ሲስፋፋ በወቅቱ የነበሩ አስተዳደሮች በወሰዱት እርምጃ ነው። በሰሓቦች ዘመን መስጂዱ በተለያዩ አቅጣጫዎች  ከመስፋፋቱ ጋር በቀብሩ በኩል ግን ምንም አልተነካም ነበር።
ስለሆነም ከጥንት ጀምሮ ታላላቅ የኢስላም ስብእናዎች ሲሞቱ ሙስሊሞች በሚቀበሩት የመቃብር ስፍራ እንጂ በቤታቸው ወይም በመስጂድ ውስጥ አይቀበሩም ነበር።


©: ሸይኽ ኢልያስ አሕመድ

?