Advertising in the Telegram channel «❤❤የኪያ ደብዳቤዎች❤❤» from 4.80

Channel info
Full statistics

Recent Channel Posts

በመውደድ መሳሳት የለም ብለሽ ነበር
እሺ ምን ይሉታል ወልደው የሳሙትን ፍቅር ገሎ መቅበር

እኔ እልሻለሁ
የተሳሳተ ሰው ማፍቀር ምን ይጠቅማል
ተላምዶ መራራቅ አይገልም ግን ያማል
እደግምልሻለሁ
እኔ ባንቺ ነገር ከንፈሬን ስበላ
ፊት ያለው አገባሽ ቀረሁ ወደኋላ

አለሜ
የታለች ተባልኩኝ የት ነች ልበላቸው
ዝምታ አይደለም መጠየቅ ወርቃቸው
እንዲህ ፃፍኩላቸው
መጥታለች አትሄድም ሄዳለች አትመጣም
ግዴለሽም ልይሽ የእጄን እኔ አላጣም

ደግሞ አበባዬ
የሴት ልጅ መኖሪያ ምቾት ነው ይሉኛል
አዲስ ሰው ተዋውቃ ታሪካቹን ፍቃ ምናምን ምናምን እኔን ለማቃጠል
አውቃለሁ ናፍቆቴ አትረሽኝም አይደል

አለሜ
ባለፈው አብጄ አብጄ እየሳኩኝ
በሰባራ ብሩሽ በቀዳዳ ሸራ አንቺን እየሳልኩኝ
ጥርሶችሽ ጋር ስደርስ ፈገግታሽን ጣልኩኝ
አንዴ ፈገግ በይ እንባሽን ጥረጊ
ቁስልሽን ሸፍኚው ያለ እድሜሽ እደጊ

አበባዬ
ዱልዱም ሰበርባራ ብሩሼን ለጥርስሽ ስስለው ስስለው
ለካስ እረስቼው
የያዝኩትን ቀለም በእንባሽ ጨርሻለው

እውነት ነው አለሜ
አብጃለሁ አዎ ባጣም የሚጣል ጨርቅ
ማበድም እንደኔ ያገባች መናፈቅ።

✍ አብዱ የእሙዬ ልጅ

537

05:26

01.01.2026

imageImage preview is unavailable

❝ቤተስኪያን ሂድ እዚያ ጠብቀኝ❞

❝እሺ❞ አልኩ። አስታወስኩ። ሎዛ ሚካኤል ትወስደኝ ነበር...። አኪ ደሞ ወደ ገብርኤል። እኔ ያደኩት ማሪያም ፊት-ለፊት ገዳም ሰፈር ነው። የምወደው የአራዳውን ጊዮርጊስ ነው፤ ፒያሳ። 

ሴቶቹ! ሴቶቹ ወደ መቅደስ ይዘውኝ ይሄዳሉ። ትርጉም ያለው ነገር በህይወቴ ለመተው ይፈልጋሉ።  ያውቃሉ፦ እኔ አብዘርዲስት ነኝ። እያንዳንዷ ሴት ትርጉም ልታስጨብጠኝ፤ መስመር ልታስይዘኝ፤ ወይም እንድከተላት ትፈልጋለች፤ እኔን አሸንፋኝ ለውጣኝ የራሷን ስሪት ናኹ ለማየት ትመኛለች፤ እናቴም እንደዛ ነበረች። 

ሊረዱት አይችሉም። እኔ ማንንም አልከተልም! ምንም ላይ አልተከልም። ከምንም ጋር አልጣበቅም። እኔ የሐያሉ ጉልበት መንፈስ ነኝ፤ ነፋስ። ልትይዘኝ የቻለች ሴት የለችም። 

በእያንዳንዷ ሴት ውስጥ እገባለሁ። ከሰውነቷ አልፌ ከነፍሷ እዋሀዳለሁ። ቢሆንም አልታሰርም። ይህንን የደቡቧ ትብለጥ ትናገር። የሰሜኗ ሐኑ ትጠየቅ። የመሐል አገሯ ሎዛ ትናገር። ወደ ምሥራቅ አልሄድኩም እስካሁን።  

እኔ ነፋስ መሆኔን ከተረዳሽ፤ እናም ከወደድሺኝ፤ ልትገድቢኝ አትመኚም፤ ልታቅቢኝ አትሞክሪም። ካፈቀርሺኝ ከእኔ ጋር ትቀላቀያለሽ። ከእኔ ጋር መዋሀድ ከተመኘሽ አብረሺኝ ትጠፊያለሽ። እኔ እንደ ቁሯው የሰማይ ላይ ብልህነት  ነኝ። እንደ ሌፓርድ ንጡል ነዋሪ ነኝ። 

እንዋሀድ ወይስ መታገልሽን ትቀጥያለሽ?  አብረሺኝ ትከንፊ ወይስ  እኔን ለማስቀረት ትደክሚያለሽ? ምን

ያህል ትፈልጊኛለሽ?
____

1640

15:28

21.12.2025

imageImage preview is unavailable

The Theory of Everything' የሚለውን ርዕስ አንብባችሁ ፊልሙን ስታዩት የሚገባችሁ እውነት የሁሉም ነገር Theory ፍቅር እንደሆነ የ'Stephen Hawking የቀድሞ ሚስት ልትነግረን እንደፈለገች ደምቆ ይታያችኋል።

 ወይም እኔ የታየኝ ይሄ ነው። 'Travelling to Infinity (my life with stephen)' ብላ Jane Hawking የፃፈችው መፅሐፍ 'The Theory of Everything' ተብሎ ወደ ፊልም የተቀየረው ፍቅር የሁሉም ነገር Theory እንደሆነ ሊነገረን ተፈልጎ ሁላችንም በሳይንቲስትነቱ በምናቀው Stephen Hawking በኩል በማናቀው የፍቅር ሕይወቱ ውስጥ ሊነገር ተፈልጎ ነው።

Jane Hawking ብዕር አንስታ Travelling to Infinity ብላ መፅሐፍ የፃፈችው "እናተ አፋችሁን ከፍታችሁ የምታደንቁትን የምድራችንን ጂኒየስ የትዮሪዎች አባት የሆነውን የ'Stephen Hawking'ን ጭንቅላት የሰራው ከነበረበት አለመቻል ወደ መቻል የቀየረው የእኔ ፍቅር ነው። የእኔን የፍቅር ዋጋ አታሳንሱት እኔ ባላፈቅረው ይሄ አለምን ቀየረ የምትሉት Stephen Hawking ዶክተሩ 'motor neurone disease ... የሚባለው በሽታ ይዞሃል በወራት ውስጥ ትሞታለህ' እንዳለው ሞቶ አንድ ማንም የማያውቀው ረባሽ የኮሌጅ ተማሪ ሆኖ ነበር የሚሞተው። ከስኬታማው ወንድ ጀርባ ያለሁት ጠንከራ ሴት እኔ ነኝ"

ልትለን ስለፈለገች የእሷንም ዋጋ እኛ እንድናቅላት 'Travelling to Infinity'ን እንደፃፈችው ነው የሚገባኝ። የ'The Theory of Everything' ዳይሬክተር James Marsh'ም የJane Hawking ነፍስ በደንብ እንደተረዳላት ፊልሙን ስታዩት ይታያችኃል። የፊልሙ ፖስተር ላይ እንደ Tag line የተቀመጠው ፅሁፍም የሚነግረን ስለ Jane Hawking ነው።

His Mind Changed Our World. Her Love Changed His.
"የእሱ ጭንቅላት የእኛን አለም ቀየረ። የእሷ ፍቅር ደግሞ እሱን ቀየረው" እንደማለት መሰለኝ በእኛ አፍ ሲወራ። ፊልሙም ሙሉ ሰአቱን የሚነግረን ይሄንን ነው።

ሌላው ፊልሙን ስታዩት ወንድ ልጅ የፈለገ ቢሆን ምኑንም ማንቀሳቀስ ቢያቅተው መንቀሳቀስ የማያቅተው ምን የሰውነት ክፍል እንዳለውም ታዩበታላችሁ☺

ብቻ ግን በጣም ከምወዳቸው ፊልሞች መሀከል ምርጡ ፊልም ነው።

1470

12:24

21.12.2025

imageImage preview is unavailable

ስለ የዌስትሮሳውያኑ ዘመነ መሳፍንት ( Game of Thrones ) የሚሰማኝ 

ጌም ኦፍ ትሮንስ የሌላ አለም ታሪክ ነው ። እንደኔ እምነት በእውነታው አለም የሌሉ አህጉራትን ውቅያኖሶች ከተሞች ባህሎች ቋንቋና እምነቶችን መፍጠር ፈጥሮም በዘመንና በኹነት ከማይገናኛቸው ከዚህኛው አለም ተመልካች ጋር ማዛመድ እና በእያንዳንዱ ሰው ልብ ውስጥ ማስረፅ ታላቅ የስነ ጥበብ ፈጠራና ስኬት ነው ።

እርግጥ ነው የፊልሙ አጨራረስ ብዙዎች እንደጠበቁት አይደለምና ነፍ ሰዎች አበሳጭቷል ( በመጨረሻው ኤፒሶድ ብዙ ቅር ያልተሰኘሁት እኔ ብቻ ነኝ ? እስከምል ድረስ በዙሪያዬ ያሉ ሰዎችን ጨርቅ አስጥሏል )  ። የናይት ኪንጉ የተዳፈነ እቅድ ና ሚስጥር  ና የሲዝን 8 ካለ ተጨበጠ ነገር ተካልቦ መጠናቀቅን ጨምሮ ብዙ ግልፅ ያልሆኑልኝ ጥያቄዎች ቢኖሩም በአጨራረሱ ከተስማማሁባቸው ነገሮች መካከል ጥቂቶቹ 

1) ዴኔሪየስ በብረት ዙፋኑ ላይ መቀመጥ ስለሌለባት ።
የድራገኖች እናት በመባል የምትታወቀው ዴኔሪየስ ታርጌሪያን በርሷና በቤተሰቦቿ ላይ ከደረሰው ነገር አንፃር ተመጣጣኝ በቀል ከእርሷ  ቢጠበቅም እርሷ ግን ከድራገኖቿ እድገት እኩል እየጨመረ የሚሄደው በራስ መተማመኗ ብቻ አልነበረም ታላቅ እብሪትና ማናለብኝነቷም ጭምር ነው እንጂ ። 

ዳኒ ከሆነ ጊዜ በኹዋላ ሃይልን የምትቆጣጠረው በቅጣት እንደሆነ የምታስብ ለምህረትና ለይቅርታ ፊት የማትሰጥ ሰው እየሆነች መጥታለች ። እናም ይሄ ይቅርታና ምህረትን መጠየፏ ቴሪዬን ጋር ሲደርስ ዋጋ ያስከፈላት ይመስለኛል ።

ዳኒ ራሷን እንደ ነፃ አውጪ ዲሞክራት የምትቆጥር ግን የለየላት አምባገነን ሆናለች።ምናልባትም ጆን ባይቀድማት ኖሮ ልትመሰረተው በአሰበችው አዲስ አለም ላይ በጣም ብዙ ደም መፋሰስ ይኖር እንደነበር አልጠረጥርም ።

ግን ዳኒ አሮጋንቷን ሰርሲና ናይት ኪንጉን ከነ ሙታን ሰራዊቱ በማስወገዷ ልትመሰገን ይገባታል ።

2) በመጨረሻም የዌስትሮስ እጣ ፈንታ በስታርኮች እጅ መውደቁ መልካም ስለሆነ።

ምንም እንኳን የሰባቱ ነገስታት ሃይል በየጊዜው እየተመናመነ መጥቶ በመጨረሻ እንደዋና ተፋላሚ የቀሩት ስታርኮች ላንስተሮችና ታጌሪያን ቢሆኑም ከራስ ወዳዶቹ ላንስተሮች ከእብዶቹ ታርጌሪያኖችበተለየ ሁኔታ የዌስትሮስ እድል በታማኝነታቸው እና ቃላቸውን በመጠበቅ በሚታወቁት ስታርኮች እጅ መውደቁ የተሻለ ምርጫ ብቻ ሳይሆን የዌስትሮስ ዳግም ማንሰራራት ትንቢት የሆነው " the lone wolf dies but the pack survives" በእነርሱ  ይፈፀም ዘንድ ስለሆነ ።

3) የፊልሙ አጨራረስ የሌላ አዲስ ምዕራፍ  ጅማሬ ስለሚመስል።
ለጦረኞችና ብልጣብልጥ ፖለቲከኞች ይሰጥ የነበረው የካውንስል ቦታ በሃገሩ አሉ ከተባሉ ምሁሮች መካከል አንዱ የሆነው ሳምዌልና ቴሪየንን ያካተተ በመሆኑ ምናልባት የዌስትሮሳውያኑ Renaissance ዘመን ጅማሬ ስለሚመስል ። ቲሪዬን በመጨረሻው ኤፒሶድ ንግግሩ መሪዎች በውልደት መንገሳቸው ቀርቶ በመመረጥ መሆን እንዳለበት መናገሩም ሌላ የአዲስ ዲሞክራሲያዊ ስርአት ጅማሬ ስለሆነ ።

4) ቴሪየንን እጅግ በጣም ስለምወደው ።
ጌም ኦፍ ትሮንስን ከሌሎች ፊልሞች የተለየ ያደረጉት ከታሪኮቹ ጀርባ ያሉ ዲያሎጎች ናቸው ። የዲያሎግ ንጉስ ደግሞ ቲሪዬን ላኒስተር ነው ። 
ቲሪዬን (Aka the god of tits and wine ) በመሣፍንቱ ዘመን ከጎራዴና ጦር መፋጨት ጀርባ ከእያንዳንዱ ሃገረ ገዢ ና ጌታ የስልጣን ጥም በተለየ ለህይወትና ለውበት የሚጨነቅና  ልብ ያለው ሰው ነው ።
ቲሪዬን አስቀያሚ ገፁን በብሩህ ጭንቅላት የሸፈነ ጨዋታ አዋቂ  ብልህና ህይወትንና ዋጋዋን በደንብ የተረዳ ሰው

።

2180

20:43

11.12.2025

ማረፍ ነበር የፈለኩት…የሆነ አለልሽ አደል እረጋ ማለት…ከጫጫታም አለም መራቅ …ድጋሜ መኖርን መመኘት ነበር የፈለኩት…ብዙ ነገር አልጠይቅም ብዙ ነገርም አልፈልግም…የሆነ ሰላም መሆን አለ አደለ ሰላም መሆን ብቻ…እንደዛ ነው እምፈለገው

✍🏽 ፊሊሞን የማርያም ልጅ
🤍 @itsmehappy 🤍

1720

19:38

11.12.2025

imageImage preview is unavailable

Wildlings ይባላሉ ወይም free folks/ነፃ ህዝቦች። ለማንም አይንበረከኩም፤ ለማንም አያዘነብሉም። የሚኖሩት ከትልቁ ግድግዳ ባሻገር ነው። ማእከላዊ መንግስት የላቸውም። ነጻነታቸውን አብዝተው የሚወዱ ህዝቦች ናቸው። በመሀከላቸው የበላይ፣ የበታች የለም። ሁሉም እኩል ናቸው። ለምልክት ብቻ መሪ አላቸው። መሪ ከሚባል ወኪል ቢባል ይቀላል።

ታዱያ White Walkersን ሽሽት ግድግዳውን ተሻግረው ወደ ደቡብ ገሰገሱ። ይኼኔ በስታኒስ ባራቴዎን ጦር ስር ተያዙ። ስታኒስ ምርጫ አቀረበላቸው—ለሱ እንዲገብሩና በሱ ስር እንዲሆኑ ወይም መሪያቸው ከነነፍሱ ተቃጥሎ እንዲሞት።

ነገር ግን ለነዚህ ነፃ ህዝቦች ለስታኒስ ማጎንበስ ከሞት የከፋ ነው። መሪያቸው እንዲህ ይላል፦

"ከነነፍስ በእሳት ተቃጥሎ መሞት ዘግናኝ ነው። እንደዚህ መሞት አልፈልግም። ግን ለሰው ተንበርከኩ ማለት የከፋ ነው"

ስታኒስ ጨካኝ ነው። መሪያቸውን ከነነፍሱ በእሳት አቃጠለው። ጆን ስኖው ግን ከነነፍሱ በእሳት የሚቃጠለውን ሰው የስቃይ ድምፅ እረፍት ነስቶት ከሩቁ በቀስት ተኩሶ ይገድለዋል። 

በዚህ በኩል ስታኒስ ስልጣን አገኛለሁ ብሎ የገዛ ልጁን ከነነፍሷ በእሳት ያቃጥላል። በሌላ በኩል ሌላው ለሰው ከመንበርከክ ከነህይወቱ በእሳት ተቃጥሎ መሞትን ይመርጣል። አለም ጉራማይሌ

!!!

2170

21:41

08.12.2025

imageImage preview is unavailable

Shawshank redemption ላይ የሚገርመኝ የራስህን ነፃነት የምታውቀው ራስህ ብቻ ነህ። ዞር ዞር ብለህ ሌሎች እስረኞችን ብትጠይቅ ግን የምታገኘው ተመሳሳይ መልስ ነው፦

"I didn't do it"

"በፍጹም አላደረግኩትም"
.
"ጥፋተኛ አይደለሁም"

"ነፃ ሰው ነኝ"

"ጠበቃው ነው ያስበላኝ"

ሌላው ደግሞ እስር ቤት የተቋቋመለት አላማ ታራሚዎችን ለማረምና ለማረቅ ነበር። ነገር ግን ይህ የእስረኞች ማጎሪያ ጉቦ፣ ስግብግብነት፣ ብልሹ አሰራር ወዘተ ወዘተ የተንሰራፋበት ተቋም ነው። 

በጣም የሚገርመው ምጸት ዋና ገፀባህሪው አንዲ ከእስር ቤት ውጪ ሃቀኛ እና ህግ አክባሪ ዜጋ ነበር። እስር ቤት ውስጥ ከገባ በኋላ ግን ለመዋሸት፣ ለማጭበርበር ተገዷል። ስርአቱ የተበላሸ ነው። ወንጀለኛውን ከማረቅ ይልቅ፣ ሃቀኛውን መመረዝ ተክኖበታል

2110

08:40

07.12.2025

imageImage preview is unavailable

በ

እርግጠኝነት አይገባችሁም ግን ዝም ብዬ ላውራችሁ.. 

ብዙ ሰው <አሁን ደግሞ ለራሴ መኖር መጀመር አለብኝ> ሲል ልገርመኛል። እኔ የምናፍቀው ለሰው መኖርን ስለሆነ ይመስለኛል። ለራሴ ስኖር ነው የኖርኩት። 

ከድሮም <አሪፍ ውጤት ካላመጣሁ ቤት ይገሉኛል> ሲሉ ስሰማ ስቀና ኖርኩ። ምክንያቱም እኔ ጥሩ ውጤት ካላመጣሁ <ጨው ለራስህ ስትል ጣፍጥ > እየተባልኩ ሲተረትብኝ ፤ ካልጣፈጥኩ ሊጥሉኝ እንደሚችሉ ሲያስፈራሩኝ ነው ያደኩት። 

ወደ ዩኒቨርስቲ ስሄድም እኩዮቼ ...

<እንደ እገሌ ልጅ ኢንጂነር ካልሆንክ እንዳትመጣ> <እንደ እገሊት ዶፍተር ሆነሽ ነይ> ሲባሉ ... እኔ <የሚሆንሽን አንቺ ታውቂያለሽ > ነበር የተባልኩት።

ነፃነት ይመስላል አይደል? አ አ ትኩረት ማጣት ይባላል... ኖራችሁም አልኖራችሁም ለሰው ተመሳሳይ ስሜት ሲፈጥር ህመም ይባላል። ሃዘናችሁም ደስታችሁም ሰዎች ላይ ምንም ሳይፈጥር ሲቀር ባዶነት ይባላል። ለመኖርም ለመሞትም ምክንያት ማጣት ኦናነት ይባላል። 

ስመረቅም ሆይ ሆይታ አልነበረኝም። 

<ስራ ታገኝ ይሆን?> ብለው ሳይጨነቁልኝ 

<እዚህ ተጋድመሽ ዋዪ ፤ ስራው አልጋሽ ድረስ ይመጣልሽ መስሎሻል>  ብለው ሳይገላምጡኝ 

<እንግዲ ቢጤሽን ፈልጊ እንጂ> ሳልባል <ባሉ ከቀረ እንደው ልጅም ቢሆን> ብሎ የኔን ፍሬ ለማየት የሚጓጓ ሳይኖር ነው የኖርኩት። 

ነፃነት ይመስላል አይደል? ታድለሽ ያስብላል። ጠዋት ብነሳ ለራሴ .. አልጋ እስክሰብር ተጋድሜ ብውል ለራሴ ... ቢያመኝ ፈጥኖ ደራሽ ራሴ.. ብደሰት የማወራው ከራሴ ጋር... ባዝን ከመስታወት ጋር። ነፃነት ይመስላል አይደል? 

ግን ገብቷችኋል

?

Fantu emu

2090

19:28

06.12.2025

imageImage preview is unavailable

ይህ የአባት ፍቅር ታሪክ ነው!
ይህ የሰው መንፈስ የድል ታሪክ ነው!

የክሪስ ሕይወት ብዙ ክፍሎች አሉት ፡፡ እርሱም “ይህ የህይወቴ ክፍል ሞኝነት ተብሎ ይጠራል” “ይህ የህይወቴ ክፍል መሮጥ ይባላል” 
“ይህ የህይወቴ ክፍል ፣ እዚህ ያለው ትንሽ ክፍል ፣ ደስታ“ ይባላል ”

ይህ የእኛም ሕይወት ነው። ሁላችንም ደስታን ተከትለናል

1830

08:39

06.12.2025

imageImage preview is unavailable

አይገርምም ከሰባት አመታት ጥበቃ በኋላ ዛሬ ደብዳቤውን አቃጠልኩት (የሞተብኝን ሰው እየቀበርኩ እንዳለሁ አይነት ስቅስቅ ብዬ ለምን አለቀስኩ? አንድ ወረቀት አይደል የተቃጠለው?)... ፍቶዎቹንም አነደድኳቸው (ልክ በአካል እየተቃጠለ እየመሰለኝ አሳዝኖኝ ስንቴ እፍ ብዬ እሳቱን አጠፋሁት ) ... የተላላክናቸውን ቴክስቶች የፃፍኩበትንም ደብተር ከነበልባሉ ጨመርኩት ( ስልኬ ቢጠፋ ያወራነው እንዳይጠፋብኝ ብዬ የመመዝገብ ልሙዱ ነበረኝ። የኔንም የሱንም መልዕክት እመዘግባለሁ) ይሄኔ አልቻልኩም ... ልቤን ድክም ብሎኝ ዛልልል ስል ተሰማኝ። ኑረቶቼ ነበሩ.. እነዛ የሱ የጠዋት ጠዋት ቴክስቶቹ ተስፋዎቼ ... ቃል ኪዳኖቼ... የፈገግታዬ ምንጮች ... ብርታቶቼ ነበሩ። የምር ከሱ የሚመጡት እያንዳንዶቹ ቃላቶች ተራ አይደሉም። እኔም የምልካቸው ቴክስቶች ዝም ብሎ ማለት ስላለብኝ ያልኳቸው አልነበሩም። ከልቤ ነበር። 

አይገርምም እያቃጠልኩት እንኳን <ለምን? ትንሽ ብትጠብቂውስ?> የሚል ደውል ውስጤ ነበር። የስነልቦና ሃኪሞች እንደሚሉት ካቃጠልኩት በኋላ እንኳን ረፍት ሊሰማኝ እንዳውም ፍርሃት ከበበኝ... የምር ፈራሁ.. <በቃ?> የሚል ቃል ነበር ከአፌ ያመለጠኝ። መጠበቅን እስከ... ብለን ልንወስንለት አንችልም ... መጠበቅ ሎጂክ የለውም... ፍልስፍና አያውቅም... መጠበቅ ብቻውን ቋሚ ኑረት ነው ፤ ብቻውን ነው ፤ ፍቺ የሌለው። 

<ኧረ ከዚህ በኋላስ በቃሽ> ሲሉኝ አመታት ተቆጠሩ... እየጠበኩ መሆኔ ሳይሰማኝ ነበር መሽቶ የነጋው። መጠበቄን ትቼውስ? ከዛስ? ከሌላ ሰው ጋር <ውዴ ማሬ> ልባባል? ወይስ ምን? ህይወት ይቀጥላል? እሱን ብዬማ ሞከርኩ እያቃረኝ ተቸገርኩ እንጂ... ቅርሻቴ እኔንም ያቀፈኝንም እያበላሸን ኖርን ... ይሄ ነው መኖር? ... ይሄ ነው ህይወትን መቀጠል...

ዛሬ ወስኜ አቃጠልኩት። ግን ያቃጠልኩትን ነገር ሁሉ ለማቃጠል ፈልጌ ሰርስሬ አግኝቼው እንጂ ትዝ ብለውኝ አያውቁም። <እስኪ ከሱ የመጡትን ከራስሽ አርቂ> የሚለውን መላምታችሁን ተቀብዬ አደረኩት እንጂ የት አስቀምጬው እንደነበር እረስቼው ስንት ጊዜዬ። ችግሩ ከሚታይ አይደለም... ችግሩ ልብ ላይ ነው... ችግሩ የመጀመሪያ መሠረት መሆኑ ላይ ነው... ከሌላው አወዳድሬው አይደለም ... እሱ ካልመጣ ሞቼ እገኛለሁ ብዬም አላውቅም... ለምን ይህ እየሆነብኝ እንዳለም አላውቅም... በትግል... ለመርሳት በመሞከር የሚሆን ስላልሆነ ነው? ለምን? አላውቅም። እውነት አላውቅም።

እና አሁንም...

<እኔን በመጠበቅ ላባከንሽው ጊዜ ይቅርታ> ብሎ እንዲመጣ እመኛለሁ። አውቃለሁ ይህ የምንኖረው ህይወት ፊልም አይደለም። ደራሲው <አጨራረሱን ጥሩ ላድርገው ይሆን> ብሎ ለካራክተሩ የሚፈልገውን ፅፎለት የልቡን እንደሚሞላለት አይነት አይደለም። እግዚአብሔር አሰራሩ እንዲህ አይደለም። ግን እንደዛ እንዲሆን ፈለኩ። የፈለኩት ፈልጌም አይደለም። አይምሮን እንደማዘዝ አይለደለም ልብን ማዘዝ። ልብ እሺ አይልም አመፀኛ ነው። 

እንጂ መጠበቅ ከመሄድ በላይ ያደክማል። መጠበቅ ከማጣት በላይ ያማል። መጠበቅ ክፉ ነው። ወይ እንደሚመጣ አውቆ መደሰት ወይ እንደማይመጣ አውቆ ማዘን የለውም ፤ በቃ እንዲሁ እንደዛፍ ባሉበት ሆኖ እየተወዛወዙ እየናወዙ መቆም። መዛል።

Fantu emu

2310

18:25

05.12.2025

close

-5

yesterday

-10

in the last week

-37

in the last month

lock

in the first 24 hours

11.64

ERR over 24 hours

13.58

ERR over 48 hours

19.14

ERR over 72 hours

0.0

Average reach (over 24hr)

Total number of posts*

Completed orders on Telega.io

Repeat orders on Telega.io

0 years и 2 months

Channel age

Advertising on the Telegram channel «❤❤የኪያ ደብዳቤዎች❤❤»

Channel statistics

Reviews channel

Advertising on the Telegram channel «❤❤የኪያ ደብዳቤዎች❤❤»

Channel statistics

Reviews channel

Catalog of Telegram Channels for Native Placements