Advertising on the Telegram channel «Xushnudbek.uz»

2-mart, dushanba (12-kun)
Saharlik vaqti: 05:38
Iftorlik vaqti: 18:19 (Toshkent vaqti) [hududlar farqi]

#ramazon

YIG‘IN VA MAJLISLAR ODOBI

Majlisdan turgan odamning yana qaytib kelishi ma’lum bo‘lsa, uning o‘rni egallanmaydi va qaytishiga sharoit yaratiladi.

Majlisda o‘tirgan odam biror sabab ila o‘rnidan turib chiqib ketsa-yu, hojatini chiqargandan keyin yana qaytib kelsa, o‘zining avvalgi joyiga o‘tirishga eng haqli odam bo‘ladi. Uning o‘rniga boshqa birovning o‘tirib olishga haqqi yo‘q. Binobarin, ilmiy majlislar, darslar va tez-tez takrorlanadigan yig‘inlarda ma’lum joyga o‘tirishni o‘ziga odat qilgan odamlarning o‘sha yerga doimiy ravishda o‘tirishga haqlari bor.

Abu Hurayra roziyallohu anhudan rivoyat qilinadi:

«Rasululloh sollallohu alayhi vasallam:
«Kim o‘z joyidan turib, yana unga qaytib kelsa, u o‘shanga haqlidir», dedilar».

Muslim, Abu Dovud va Termiziy rivoyat qilganlar.

Majlisdagilar uch kishidan iborat bo‘lsa, ulardan ikkitasi o‘zaro pichirlashib gaplashishlari mumkin emas.

Uch kishi o‘tirganda ulardan ikkitasi pichirlashib gaplashsa, uchinchi kishiga noqulay bo‘ladi. Xuddi ikkisi uni yomonlayotgandek yoki unga ishonmayotgandek ko‘rinadi. Shuning uchun uch kishi o‘tirganda ikkitalari sirli suhbat qilishlariga izn berilmagan.

Majlisda o‘tirganlardan birortasini kamsitish, istehzo qilish yoki ularga nisbatan kibrli bo‘lish mumkin emas.

Bunday ishlarni qilish majlisdan boshqa joylarda ham qoralanadi. Ammo majlisda bu ishlardan chetda bo‘lishning ahamiyati yana ham ortadi.

Majlisda o‘zini yig‘ishtirib, odob bilan o‘tirish kerak.

Ko‘pchilik bilan bo‘ladigan suhbatlarda odam oyoqlarini uzatib o‘tirish, yonboshlash kabi holatlardan o‘zini saqlashi kerak. Majlisda bunday ishlarni qilish o‘ta beodoblik sanaladi. Bunday ishlar atrofdagi kishilarni mensimaslik, ularni odam o‘rnida ko‘rmaslik hisoblanadi.

Majlisda o‘tirish qoidalariga rioya qilish lozim.

Yig‘inlarda oyoqlarini quchoqlab o‘tirish, qo‘lini bir-biriga kirishtirish (girra qilish), barmoqlarini qisirlatish, soati, qo‘l telefonini o‘ynash kabi ishlardan chetda bo‘lish kerak. Bu ishlarning barchasi insonning boshqalarga nisbatan odobsizligi, madaniyatsizligi alomatlaridir. Musulmon kishi yuksak odob va madaniyat dinining vakili ekanini zinhor unutmasligi lozim.

Majlisga kirish va undan chiqishda, unda turganda qilinadigan ishlarning barchasini o‘ngdan boshlash kerakligini unutmaslik lozim.

Barcha ishlarni o‘ngdan boshlash musulmon madaniyatining ko‘zga ko‘ringan alomatlaridan biridir. Buni hamma yaxshi bilishi kerak. Bu haqiqatni bilgan kishilar nazarida unga xilof ish qilish juda ham ko‘ngilsiz holat hisoblanadi.

Majlisda ozodalikka alohida e’tibor berish kerak.

Majlis bo‘layotgan joyning ozodaligiga putur yetkazadigan ishlarning yaqiniga ham yo‘lamaslik kerak. Afsuski, qo‘lidagi keraksiz narsalarni duch kelgan joyga tashlash, burun qoqish, tuflash kabilar musulmon kishiga yarashmaydigan ishlar ekanini ko‘pchilik tushunib yetmaydi.

Shayx Muhammad Sodiq Muhammad Yusufning «Ijtimoiy odoblar» kitobidan.

👉 @xushnudbek 👈

❗️Bugun, 1-martdan boshlab tabiiy gaz uchun bazaviy me’yor 100 metr/kubga tushirildi

Ma’lumki, O’zbekistonda tabiiy gaz iste’moli uchun noyabr-fevral oylari davomida (Qoraqalpog’iston Respublikasi va Xorazmda oktyabr-fevral oylarida) 500 metr/kublik bazaviy me’yor amal qilgan edi. Bugundan boshlab bazaviy me’yor yana 100 metr/kubga tushirildi.

Bazaviy me’yor ichida 1 metr/kub uchun 1000 so’m, undan keyin esa 1800 so’m etib belgilangan (2500 metr/kubgacha).

ℹ️ Ma’lumot uchun, 2025-yilda isitish mavsumi uchun bazaviy me’yor 1-aprelga qadar uzaytirilgan edi. Joriy yilda ham imtiyozli muddatni uzaytirish haqida biron xabar yo’q, hozircha.


👉 @xushnudbek 👈

O‘zbekiston tashqi ishlar vaziri Baxtiyor Saidov bugun 🇶🇦Qatar, 🇰🇼Kuvayt, 🇴🇲O‘mon, 🇯🇴Iordaniya, 🇧🇭Bahrayn va 🇦🇪BAA tashqi ishlar mahkamalari rahbarlari bilan qo‘ng‘iroqlashgan.

Suhbat chog‘ida ushbu mamlakatlar bilan O‘zbekiston birdam ekanligi ma’lum qilingan hamda Shavkat Mirziyoyevning hamdardligi va samimiy qo‘llab-quvvatlovi yetkazilgan.

Shuningdek, bugun 🇦🇿Ozarbayjon tashqi ishlar vaziri bilan ham telefon orqali suhbat qilingan va umumiy pozitsiyalarimiz birligi tasdiqlangan.


👉 @xushnudbek 👈

❗️Yaqin Sharqdagi vaziyat sababli Umra ziyoratlari vaqtincha kechiktirildi

Ma’lum qilinishicha, O‘zbekiston musulmonlari idorasi hamda turoperatorlar tomonidan tashkil etilayotgan Umra safarlari vaqtincha kechiktiriladi.

Jumladan, ertaga, 2-mart kuni O‘zbekiston musulmonlari idorasi tomonidan rejalashtirilgan Toshkent–Jidda yo‘nalishidagi navbatdagi Umra ziyoratchilari reysi ham ma’lum muddatga qoldirildi.

Aviaqatnovlar qayta tiklanishi haqida rasmiy manbalar orqali qo‘shimcha axborot beriladi.


👉 @xushnudbek 👈

1-mart, yakshanba (11-kun)
Iftorlik vaqti: 18:17 (Toshkent vaqti) [hududlar farqi]

#ramazon

YIG‘IN VA MAJLISLAR ODOBI

Yig‘in va majlislar ko‘pchilik yig‘iladigan, odamlar bir-birlari bilan uchrashib, o‘zaro suhbatlashadigan tadbirlardir.

Majlis va yig‘inlar odamlarning ijtimoiy hayotida muhim o‘rin tutgani, ularning natijalari shaxslar va jamiyatlar hayotida o‘ta ahamiyatli bo‘lgani uchun Islomda ularni tartibga solish, go‘zal tarzda o‘tkazish borasida ajoyib hikmatli ko‘rsatmalar taqdim qilingan.

Majlisga yaxshi kiyimlarni kiyib, belgilangan vaqtda boriladi.

Chunki musulmon odamning kiyimi, va’daga vafo qilib, majlisga ayni vaqtida borishi ham kishilar orasida husnga husn qo‘shib turadigan xoldek bo‘lishi kerak.

Sahl ibn Hanzaliyadan rivoyat qilinadi:

«Bizga Rasululloh sollallohu alayhi vasallam:
«Albatta, sizlar birodarlaringizning huzuriga borursizlar. Bas, libosingizni tuzating, egar-yuklaringizni tuzating, odamlar ichida xuddi xoldek bo‘ling», dedilar».

Ahmad, Abu Dovud, Tobaroniy va Hokim rivoyat qilganlar.

Xos majlislarga kelgan odam izn so‘rash qoidalariga amal qilib kiradi.

Misol uchun, birovning xonadonida xos odamlar uchun yig‘in yoki majlis bo‘lganda, albatta, u yerga izn so‘rash odoblariga amal qilgan holda kiriladi. Agar majlis umumiy bo‘lib, tashqarida kutib oluvchilar bo‘lsa, ular bilan ko‘rishishning o‘zi va ular taklif qilgan joyga borish bilangina kifoyalaniladi.

Majlis bo‘layotgan joyga yetib borganda va undan chiqib ketayotganda ham salom beriladi.

Kelganda berilgan salom ularning huzuriga salomatlik e’lon qilib kirish bo‘ladi. Bu esa, menda sizlarga yomonlik yo‘q, faqat salomat bo‘lishinglar tarafdoriman, degan ma'noni ifoda qiladi.

Ketayotganda berilgan salom esa o‘zi ularning huzuridan ketsa ham, qolganlarga salomatlik tilab ketayotganini bildiradi.

Majlisga kirgan odam o‘tirganlarni ovora qilmay, to‘g‘ri kelgan bo‘sh joyga o‘tiradi.

Hozirgi davrda ba'zi joylarda yig‘in va majlis ishtirokchilarining o‘rinlari oldindan belgilanib, ismi yozilgan yoki raqam qo‘yilgan bo‘ladi. Shuningdek, tashkilotchilar kimning qayerga o‘tirishini aytib ham turishadi. Bunday paytlarda o‘sha tartibga rioya qilinadi.

Majlisga kirgan odam ikki kishining orasiga faqatgina ularning ruxsati bilan o‘tirishi mumkin.

Chunki mazkur ikki kishining o‘zaro muhabbati, sirli gapi yoki o‘zlarigagina taalluqli boshqa ishlari bo‘lishi mumkin. Keyin kelgan kishi ularning orasiga o‘tirishi bilan o‘sha narsalarni buzgan va ikki mo‘minga ozor bergan bo‘ladi.

Majlis halqa shaklida bo‘lsa, uning o‘rtasiga o‘tirish joiz emas.

Chunki halqaning o‘rtasiga o‘tirgan odam bu boradagi Rasululloh sollallohu alayhi vasallamning ko‘rsatmalariga xilof ish qilgan va odamlarni bir-biridan to‘sgan bo‘ladi.

Kim bo‘lishidan qat’i nazar, birovni turg‘izib, uning o‘rniga o‘tirishdan chetlanish zarur.

Majlisda o‘tirgan bir kishini turg‘izib, o‘rniga boshqani o‘tirg‘izish haromdir. Chunki bu ishda avval kelgan kishini behurmat qilish bor. Ammo kengayib, joy ochilsa, yaxshi bo‘ladi.

Majlisga yangi kelganlarga joy bo‘shatib, kengayish matlubdir.

Mo‘min-musulmonlar bir joyga to‘planganda tor joyga siqilishmay, majlisni keng olib, bemalol o‘tirganlari afzal.

Shayx Muhammad Sodiq Muhammad Yusufning «Ijtimoiy odoblar» kitobidan.

👉 @xushnudbek 👈

Oʻzbekiston Respublikasi fuqarolariga tavsiyalar
(chet elda boʻlib turgan fuqarolar uchun)

❗️Yaqin Sharqdagi vaziyatning keskinlashishi munosabati bilan TIV xorijdagi vakolatxonalarimizning favqulodda aloqa raqamlari va ishonch telefonlarini taqdim etdi:

🇺🇿 O‘zbekiston Tashqi ishlar vazirligi
Konsullik xizmati departamenti:
📱 +998 97 136 51 51
☎️ Koll-markaz: 1164

🇮🇷O‘zbekistonning Erondagi elchixonasi (Tehron sh.)
📱 +98 912 132 78 23
Mas'ul shaxs: Yo‘ldoshev Elbek

🇶🇦O‘zbekistonning Qatardagi elchixonasi
📱 +974 5141 1001 - Konsul: Otabek Muratov
📱 +974 3352 0001 - Elchi maslahatchisi: Shuhrat Teshboyev

🇦🇪O‘zbekistonning BAAdagi elchixonasi
📱 +971 54 212 18 53 - Jahongir Xaitov

🇦🇪O‘zbekistonning Dubay shahridagi Bosh konsulxonasi (BAA)
📱 +971 55 986 90 40
Konsul: Bobonazarov Jahonboy Habibullo o‘g‘li
📱 +971 55 956 41 10
Konsul: Odilov Azizbek Alisherovich

🇸🇦O‘zbekistonning Saudiya Arabistonidagi elchixonasi
☎️ Telefon: +966 11 263 52 23
📱 Konsul: Azimjon Qobiljonov — +966 56 721 77 31 (Telegram / WhatsApp)

🇸🇦O‘zbekistonning Jidda shahridagi Bosh konsulxonasi (Saudiya Arabistoni)
☎️ Telefon: +966 12 607 72 50
📱 Konsul: Shuhrat Ibragimov — +966 59 439 08 50 (Telegram / WhatsApp)

🇰🇼O‘zbekistonning Kuvaytdagi elchixonasi
☎️ Telefon: +965 2539 6515
📱 Maslahatchi: Ergashev Iqboljon Odiljonovich — +965 9713 0270
📱 Konsul: Toirov Islomxon Mahmudxon o‘g‘li — +965 9942 7517

🇴🇲O‘zbekistonning O’mondagi elchixonasi
📱 +968 7159 5715
Konsul: Otabekjonov Ramzbek Otabek o‘g‘li

O‘zbekistonning Isroildagi elchixonasi
📱 Konsul: Abdullayev Shuhrat Anvarovich — +972 54 485 13 97


👉 @xushnudbek 👈

Xomaneiyning o’limini Eron rasmiylari ham tasdiqladi. Mamlakatda 40 kunlik motam e’lon qilindi.


👉 @xushnudbek 👈

Donald Tramp Eron oliy rahbari Ali Xomaneiyning halok bo‘lganini ma’lum qildi

"Bu Eron xalqi uchun o‘z mamlakatini qaytarib olishga berilgan eng katta imkoniyatdir”, — deb yozdi Tramp.

Eron tomoni ushbu xabarni rad etmoqda.


🔘 @xushnudbekuz

Eronda jabrlanganlar orasida Oʻzbekiston fuqarolari yoʻq — TIV

Oʻzbekistonning Eron Islom Respublikasidagi elchixonasi maʼlum qilishicha, hozirgi vaqtda Eron hududida 81 nafar Oʻzbekiston fuqarosi boʻlib turibdi.

Shulardan:

🔹 8 nafari — diplomatik vakolatxonalar xodimlari;
🔹 9 nafari — Qum shahrida tahsil olayotgan talabalar;
🔹 55 nafari — Eron hududida doimiy yashovchi fuqarolar;
🔹 9 nafari — xususiy safar bilan borganlar.

Elchixona vatandoshlar bilan doimiy aloqada boʻlib turibdi va ular bilan muntazam muloqotni taʼminlamoqda.

Oʻzbekistonning Eron Islom Respublikasidagi elchixonasi (Tehron shahri)
📱 +98 912 132 78 23
Masʼul shaxs: Yuldashev Elbek


👉 @xushnudbek 👈

1-mart, yakshanba (11-kun)
Saharlik vaqti: 05:40
Iftorlik vaqti: 18:17 (Toshkent vaqti) [hududlar farqi]

#ramazon

TO‘Y VA MAROSIM ODOBLARI

To‘y va marosimlar haqida ulmolarimizning kitoblarida kerakli ma’lumotlar taqdim qilingan. Quyida shunday ma’lumotlardan ba’zilarini keltirib o‘tishga ijozat bergaysiz:

• Marosim egasi o‘zi istagan kishilarni og‘zaki yoki taklifnoma vositasida taklif qiladi.
• Imkoni boricha ko‘proq taqvodor, duosidan umidvorlik bor, qorni to‘ysa xursand bo‘ladigan kambag‘al kishilarni, ko‘ngil yaqinlari taklif qilinadi.
• Marosim egasi o‘z marosimida isrofga yo‘l qo‘ymaydi yoki juda ham qisib yubormaydi. Imkoniga qarab o‘rtacha ish tutsa, yaxshi bo‘ladi.
• Marosim egasi ro‘za tutib kelganlarning ro‘zasini ochirishga harakat qilmaydi.
• Marosim egasi tortgan taomini maqtamaydi.
• Taklif qilingan marosimga borish hanafiy mazhabi bo‘yicha, agar u nikoh to‘yi bo‘lsa, sunnat, boshqa marosim bo‘lsa, mustahabdir.
• Marosimda gunoh ishlar sodir bo‘lishi aniq bo‘lsa, unga borilmaydi.
• Marosimga borish imkonini topa olmagan kishi taklif uchun tashakkur aytib, ezgu duolar qiladi, bora olmasligi uchun uzr aytadi.
• Agar marosimga shaxsan emas, umumiy tarzda taklif qilingan bo‘lsa, borish-bormaslik taklif qilingan odamning ixtiyorida.
• Taklif qilinmagan shaxslarning marosimga borishlari mumkin emas.
• Marosimga taklif qilingan kishi o‘zi bilan taklif qilinmagan odamni olib borsa, buning uchun marosim egasidan ruxsat so‘raydi.
• Marosimga boruvchi marosim egasining hurmatini niyat qilib boradi.
• Marosimga belgilangan vaqtdan oldin borilmaydi.
• Marosimga belgilangan vaqtdan kech ham qolinmaydi.
• Marosim egasi mehmonlarni ochiq chehra bilan, xursand holda samimiy kutib oladi.
• Marosim egasi muhtaram kishilarga va tortinib turganlarga alohida latofatli muomala qiladi.
• Marosim egasi ortiqcha takallufga, «oling-oling»larga o‘tib ketmaydi.
• Marosimga borgan mehmon o‘ziga ko‘rsatilgan joyga o‘tiradi.
• Mezbon o‘zi taklif qilmasa, to‘rga o‘tishi mumkin emas.
• Mehmon vojib ro‘za tutmagan bo‘lsa, taomdan o‘zini olib qochmaydi.
• Mehmon taom tanovul qilishga shoshilmaydi.
• Mehmon taom tanovul qilishning umumiy odoblariga rioya qiladi.
• Mezbon hammadan oldin taom tanovul qilishdan qo‘l tortmaydi.
• Mehmon o‘ziga alohida, dasturxonga qo‘yilmagan taomni keltirishni so‘ramaydi.
• Mehmon o‘ziga yoqqan odamga dasturxondagi taomdan olib bermaydi.
• Marosim taomidan uyiga olib ketilmaydi.
• Boshqalar turib ketgandan keyin o‘tirib qolish ham odobdan emas.
• Marosimga qatnashganlar marosim egasi, uning oilasi haqqiga duo qilishadi.

Shayx Muhammad Sodiq Muhammad Yusufning «Ijtimoiy odoblar» kitobidan.

👉 @xushnudbek 👈