Advertising on the Telegram channel «Xushnudbek.uz»

🚗 Eng yaxshi savol uchun avtomobil berildi!

2017-yilda Rossiyadagi “Chto? Gde? Kogda?” ko‘rsatuvida savol mualliflari uchun beriladigan mukofot pullariga havasim kelib Facebook'da post yozgandim. Bizda ham bo‘larmikin, shunaqasi, degandim. Chunki o‘shanda yil finalida eng yaxshi savol muallifi bo‘lgan Tatyana Frolova 1,5 mln rubl (203 mln so‘m) ishlab topgandi.

Mana, yillar o‘tib, bizda ham shunaqasi bo‘lar ekan, Xudoga shukr. Qachonlardir “Zakovat”da bitta savol uchun mashina beriladi, deyishsa, unchalik ishonmagan bo‘lardim.

"Zakovat"ning 25 yillik yubileyi mavsumida o‘tgan yil finali bahsida Alisher Navoiy haqidagi ajoyib savoli bilan 17 yoshli Muhammadjon Maxadaliyev yilning eng yaxshi bilimdoni deb topildi va elektromobil krossover sohibiga aylandi.

Muhammadjon Toshkent viloyati Qibray tumanida istiqomat qiladi. Toshkent shahridagi Turin politexnika universiteti talabasi.

👏Qoyil! Muhammadjonni tabriklaymiz! Tagidan shamol o‘tib yursin, yaxshi kunlarda xizmat qilsin.

Ko‘rsatuv homiysi - 🏦 “Agrobank” aksiyadorlik tijorat banki


👉 @xushnudbek 👈

Jollibekov Berdiyar Baxtiyarovich Berdaq nomidagi Qoraqalpoq davlat universiteti rektori etib tayinlandi.

Bunga qadar u Qoraqalpog‘iston qishloq xo‘jaligi va agrotexnologiyalar instituti rektori edi.


👉 @xushnudbek 👈

❗️DXX: Tojikistondan keltirilgan 32 kg narkotik modda to’xtatib qolindi

➖ Tojikistondan kontrabanda qilingan giyohvandlik vositalari savdosi bilan shug‘ullanuvchi fuqaroning Farg’ona viloyati Qo‘qon shahridagi xonadoni oshxonasi tekshirilganda, u yerda 4 kg 572 gr “opiy” hamda 1 kg 58 gr “gashish” moddalari borligi aniqlandi.

Shuningdek, unga tojikistonlik narkosavdogarlar WhatsApp messenjeridan yuborgan geolokatsiya orqali Dang‘ara tumani hududiga yashirib ketilgan 9 kg 980 gr “opiy” moddasi olindi.

Bundan tashqari, Qo’qonda unga giyohvandlik vositalarini qayta ishlab, iste’molga tayyor holatga keltirish uchun yordam bergan shaxsning xonadonidan ham 7 kg 226 gr “opiy” moddasi olindi.

***

➖ Boshqa holatda esa Qo‘qon shahri hududida harakatlanayotgan, mahalliy fuqaro boshqaruvidagi Lacetti ko‘zdan kechirilganda, unda muqaddam 34 ming AQSh dollariga sotib olingan 5 kg 22 gr “opiy” moddasi borligi ma’lum bo‘ldi.

Tezkor tadbir davom ettirilib, unga narkotik moddani sotgan hamshahari va uning jinoiy sherigi bo‘lgan Tojikiston fuqarosi qo‘lga olindi.

Shuningdek, tojikistonlik shaxsning O‘zbekiston tumanidagi xonadonidan ham 2 kg 362 gr “opiy” moddasi olindi.

***

➖ Qo‘qon shahrida qayd etilgan yana bir holatda Nexia rusumli avtomashinadagi sumka ichida 982 gr “gashish” moddasi borligi ma’lum bo‘ldi.

Aniqlanishicha, giyohvandlik vositasi muqaddam tojikistonlik narkokuryerlar tomonidan Qo‘qon shahri hududiga yashirib ketilgan xufiya joydan olgan.

***

➖ Farg‘ona shahrida esa Tojikistondan olib kelingan 989 gr “gashish” moddasini xaridorga 150 mln so‘mga sotayotgan shaxs ushlandi.

Hozirda barcha holatlar yuzasidan qonunbuzarlarga nisbatan Jinoyat kodeksining 246 va 273-moddalari bilan jinoyat ishlari qo‘zg‘atilib, “qamoq” ehtiyot chorasi qo‘llanildi.


👉 @xushnudbek 👈

Kasbiy ta’lim agentligi direktori o‘rinbosarlari tayinlandi

Hukumat qaroriga ko’ra:

➖ Sharofaddinov Shihnazar Anvarovich Oliy ta’lim, fan va innovatsiyalar vazirligi huzuridagi Kasbiy ta’lim agentligi direktori o‘rinbosari lavozimiga tayinlandi.

U bunga qadar Oliy ta’lim, fan va innovatsiyalar vazirligi Kasbiy ta’lim departamenti boshlig‘i edi;

➖ Abdullaxonov Avzalxon Azamatxon o‘g‘li Kasbiy ta’lim agentligi direktori o‘rinbosari lavozimiga tayinlandi.

U bunga qadar Kasbiy ta’lim agentligining Moliya-iqtisodiyot va moddiy-texnik bazani mustahkamlash boshqarmasi boshlig‘i edi.


👉 @xushnudbek 👈

🛢️Boysundagi “M-25” koni hududidan neft sizib chiqdi

Energetika vazirligining ma’lum qilishicha, neft suyuqligi tarqalishining oldini olish maqsadida hudud atrofida hamda soy o‘zani bo‘ylab qo‘shimcha himoya hovuzlari barpo etilgan.

Yig‘ib olingan neft suyuqligi uzluksiz ravishda maxsus maydonga olib chiqilmoqda. U yerda hajmi 5 ming kub metr bo‘lgan, maxsus izolyatsiyalangan 2 ta shlam hovuzi mavjud bo‘lib, u neft suyuqligini xavfsiz saqlash hamda keyinchalik undan samarali foydalanish imkonini beradi.

“Barcha ishlar amaldagi sanoat va ekologik xavfsizlik talablariga to‘liq rioya etilgan holda olib borilmoqda.

Neft suyuqligi namunasi bo‘yicha tahlil ishlari olib borilmoqda. Uning natijalariga asosan qayta ishlash imkoniyatlari o‘rganiladi, geologik tadqiqotlar esa davom etmoqda”, - deyiladi vazirlik xabarida.

Ta’kidlanishicha, hozirgi kunda holat doimiy monitoringda bo‘lib, neft suyuqligi jilovlangan. Dastlabki kunlarda kanalga oqqan neftni tozalash ishlari olib borilmoqda.


👉 @xushnudbek 👈

🚘 O’zbekistonda sun’iy intellekt bo’yicha tanlov o’tkazilib, g’olib maktablarga elektromobil beriladi

Bu bo’yicha Vazirlar Mahkamasining qarori qabul qilindi.

👨‍💻 Unga ko‘ra, “Bir million dasturchi” loyihasining mantiqiy davomi sifatida “Besh million sun’iy intellekt yetakchilari” loyihasi amalga oshiriladi.

✅ Har yili mazkur loyiha doirasida eng yuqori natijalarga erishgan ishtirokchilarni taqdirlash bo‘yicha milliy tanlov o‘tkazib boriladi.

🎁 Bunda tanlov g‘oliblari quyidagicha taqdirlanadi:

🔹 100 nafar o‘qituvchiga 1 ming AQSh dollari ekvivalentida pul mukofoti;
🔹 10 nafar o‘qituvchiga xorijiy sayohatga yo‘llanma;
🔹 500 nafar yoshlarga noutbuk;
🔹 500 nafar yoshlarga qimmatbaho sovg‘alar;
🔹 3 ta OTMga pul mukofoti;
🔹 2 ta umumta’lim maktabiga “Prezident sovg‘asi” – elektromobil.

📝 Shuningdek, “Muhammad al-Xorazmiy vorislari” loyihasi doirasida yoshlarga quyidagi imkoniyatlar yaratiladi:

🔸 raqamlashtirish sohasida zamonaviy kasblarga, jumladan, IT-loyiha boshqaruvchisi, startap loyihasi boshqaruvchisi hamda xorijiy tillarga bepul o‘qish;

🔸 xalqaro professional darajadagi IT-sertifikatlarni olish bo‘yicha o‘quv kurslarida bepul ta’lim olish.


👉 @xushnudbek 👈

🏆 Bugun “Zakovat” ko’rsatuvi 25 yillik yubiley mavsumining yil finali bo‘lib o‘tadi. Joriy yilgi mavsumda yangi tashkil qilingan Xudoberdi Ergashev jamoasi finalga chiqdi.

Finalda Zakovat tarixida ilk marta 🚙 avtomobil yutuqqa qo’yilgan. Agar bilimdonlar yutsa, eng yaxshi bilimdonga, agar teletomoshabinlar yutsa, eng yaxshi savol muallifiga elektromobil sovg’a qilinadi.

🥰 O‘yinni bugun “Milliy” telekanalida soat 22:22 dan boshlab tomosha qilishingiz mumkin.

Ko‘rsatuv homiysi - 🏦 “Agrobank” aksiyadorlik tijorat banki


👉 @xushnudbek 👈

🇺🇸🇻🇪 Donald Trampning ma’lum qilishicha, Venesuela yetakchisi Nikolas Maduro hamda uning rafiqasi qo’lga olinib, mamlakatdan olib chiqib ketilgan.

Shuningdek, AQSh Venesuelaga qarshi harbiy harakatlarni boshlagani haqida xabarlar tarqaldi.

Venesuelaning turli hududlari, jumladan, poytaxt Karakas, shuningdek, Miranda Aragua, La-Guayrada jami 7 ta portlash qayd etildi. Mamlakatda favqulodda holat e’lon qilindi.


👉 @xushnudbek 👈

👶 O’zbekistonda yangi yilning ilk kunida 1 ming 815 nafar chaqaloq dunyoga keldi 

2026-yil 1-yanvar kuni tug’ilgan go‘daklarning 894 nafarini qizlar, 921 nafarini esa o‘g‘il bolalar tashkil etdi.

Eng ko‘p chaqaloq Surxondaryo viloyatida (243 nafar) tug‘ildi. 

Qolgan hududlarda statistika quyidagicha:

🔹Farg‘ona — 216 nafar;
🔹Namangan — 194 nafar;
🔹Qashqadaryo — 191 nafar;
🔹Samarqand — 191 nafar;
🔹Andijon — 157 nafar;
🔹Toshkent shahri — 143 nafar; 
🔹Toshkent viloyati — 129 nafar;
🔹Buxoro — 85 nafar;
🔹Jizzax — 76 nafar;
🔹Xorazm — 65 nafar;
🔹Navoiy — 55 nafar;
🔹Qoraqalpog‘iston Respublikasi — 41 nafar;
🔹Sirdaryo — 29 nafar. 

Shu kuni dunyoga kelgan bolalar orasida 17 egizak (jami 37 nafar bola) bor, ya’ni 30 nafari ikki homilali, 3 nafari 3 homilali, 4 nafari esa 4 homilali egizak.  


👉 @xushnudbek 👈

Yangi yil munosabati bilan o’tkazilgan tanlov (giveaway) g’oliblari ro’yxati.

Barcha g’oliblarni tabriklaymiz va ular bilan bog’lanib, tez orada «Asaxiy Books yil bestsellerlari — 2025» to‘plamini (20 ta kitob) yetkazamiz. 6 oylik Telegram Premium g’oliblarga avtomatik yoqildi.

G’olib bo’lmaganlar esa xafa bo’lishmasin. Bu kabi tanlovlarni kanalimizda yana tez-tez o’tkazamiz, Xudo xohlasa. Salomat bo’ling.


👉 @xushnudbek 👈