Xushnudbek.uz

Turnir boshlanishidan oldin tashkilotchilar barcha ishtirokchilardan qisqa blits so’rov olgandi. Unda “Joriy yilda men…” degan kelajak rejalar haqidagi savol bor edi.

Ushbu savolga Javohir “dunyoning TOP-5 shaxmatchisidan biri bo’laman”, deya javob bergandi. O’sha paytda u reytingda 11-o’rinda edi.

FIDE Nomzodlar turnirining 5-turidan keyin Javohir Sindarov jonli onlayn reytingda dunyoning TOP-5 shaxmatchisidan biriga aylandi!

Erkak aytdi va bajardi, dermidi :)

P.S.: ayni daqiqalarda dunyoning TOP-5 shaxmatchisidan ikki nafari o’zbeklar!


👉 @xushnudbek 👈

Javohirning tarixiy natijalari ortidan yer ham qimirlab ketdi!

Tahrirlandi: episentr — Badaxshon, Afg’oniston.

O’zbekistonda sezilish kuchi 2-3 ball.


👉 @xushnudbek 👈

❗️KETMA-KET UCHINCHI G’ALABA!

Javohir Sindarov qora donalarda Hikaru Nakamurani taslim etdi.

Bu orqali u 4,5 ochko bilan yakka peshqadamlikni o’zida saqlab qoldi.


👉 @xushnudbek 👈

👨‍🎓 Oʻzbekistonda har yili 500 nafargacha iqtidorli chet el fuqarolariga grant ajratiladi

Shavkat Mirziyoyev bugun bu bo’yicha takliflar taqdimoti bilan tanishdi.

Unga ko’ra, quyidagilar ko’zda tutilgan:

➖ “U10 – Oʻzbekistonning global darajadagi ilgʻor universitetlari” dasturi amalga oshiriladi. Dastur doirasida tanlov asosida 10 ta oliygohga milliy tadqiqot universiteti maqomi berilib, ularda ilmiy klasterlar tashkil etiladi;

➖ Buning uchun Ilm-fanni moliyalashtirish va innovatsiyalarni qoʻllab-quvvatlash jamgʻarmasi hisobidan 150 mlrd soʻmgacha mablagʻ ajratiladi;

➖ 2027-yildan boshlab oliy taʼlim tashkilotlarini ularning milliy reytingdagi natijalariga koʻra moliyaviy ragʻbatlantirish tizimi yoʻlga qoʻyiladi;

➖ Davlat granti asosida taʼlim olayotgan talabalar uchun oliygohlarga ajratiladigan mablagʻlar miqdorini shakllantirishda endilikda taʼlim yoʻnalishining murakkabligi, mehnat bozori ehtiyojlari, universitet reytingi, hududiy omillar va professor-oʻqituvchilar mehnatini ragʻbatlantirish kabi koʻrsatkichlar inobatga olinadi.


👉@xushnudbek👈

🇺🇿Javohir Sindarovni jonli efirda qo‘llab-quvvatlang!

FIDE Nomzodlar turnirida yurtdoshimiz 4 turdan keyin 3,5 ochko bilan yakka peshqadam bo‘lib turibdi.

Bugun Javohir qora donalarda dunyoning 2-raqamli shaxmatchisi Hikaru Nakamura bilan bahs olib boradi.

Turnir bahslarini 15-aprelga qadar soat 17:45 da UzChess rasmiy YouTube kanalida jonli efirda tomosha qiling.

Siz ham shaxmatda kuchli bo’lishni istaysizmi?

UzChess mobil ilovasida Pro obunasini hozir 30% chegirma bilan olish mumkin! Buning uchun JAVOHIR promokodidan foydalaning.

Ta’lim granti doirasida ijtimoiy reklama.


👉 @xushnudbek 👈

❗️Qoidabuzarlik uchun jarima balini mashina egasiga emas, bevosita ruldagi odamga kelishini belgilovchi xizmat ishga tushdi

⬇️ Buning uchun haydovchi ma'lumotlarini quyidagi tartibda Yagona portal (my.gov.uz) orqali tizimga kiritishi zarur:

🔹 Avtotransport egasi: Yagona portalda mana bu xizmatni tanlashi kerak:
https://my.gov.uz/uz/service/1359

🔹 Nomidagi avtomobil ro’yxatda avtomatik chiqib keladi, agar bir nechta bo’lsa, keraklisi tanlanadi;

🔹Boshqaradigan shaxsning JShShIR, pasport seriyasi va raqamini kiritadi, hujjat turini tanlaydi (yaqin qarindosh/ishonchnoma);

🔹 Bunda agar yaqin qarindosh bo‘lsa, ishonchnoma shart emas;

❗️Eslatma: Bosh ishonchnoma bo‘lsa, u arizaga ilova qilinadi.

🔹 Haydovchi: o‘zining profilidagi “Xabarnomalar” bo‘limiga kirib, arizani ERI, Mobile-ID yoki Face-ID orqali tasdiqlaydi;

💰 Xizmat narxi BHMning 0.9 foizi (10% chegirma bilan 37 ming 80 so‘m). Ijtimoiy reyestrdagilar va I/II guruh nogironlari uchun 50% chegirma bor;

⏳ Jismoniy shaxslarning arizasi avtomatik onlayn ravishda (Bosh ishonchnoma bo‘lsa — 5 kun), yuridik shaxslarniki esa 5 ish kuni ichida ko’rib chiqiladi.

Yuridik shaxslar uchun tartib:

📤 Tashkilot rahbari har bir mashina uchun alohida ariza yuboradi va ishonchnoma, sug‘urta polisi yoki yo‘l varaqasini ilova qiladi.
Muhim: Davlat organlari va yo‘lovchi tashuvchilar uchun o‘z xodimlariga javobgarlikni rasmiylashtirish — BEPUL!

⚠️ Asosiy talablar:
Haydovchida haydovchilik guvohnomasi bo‘lishi shart.
Ishonchnoma mavjud bo‘lishi kerak.

⚠️ Sug‘urta (OSAGO): Agar sug‘urta cheklangan bo‘lsa, haydovchi ismi unda bo‘lishi shart.


👉@xushnudbek👈

❗22-apreldan boshlab mobil bank ilovalariga faqat o‘z nomidagi raqam bilan kirish mumkin

Bunda mobil bank ilovalaridan foydalanish uchun kiritilgan telefon raqami foydalanuvchining JShShIRiga mos bo‘lishi shart. Ya’ni ilovaga ulangan raqam o‘z nomida bo‘lishi lozim.

Agar raqam boshqa odam nomida bo‘lsa, ilovada ro‘yxatdan o‘tish va bank kartasini ulashga ruxsat berilmaydi.

Shu sababli boshqa birovning nomidagi raqam bilan bunday ilovalardan foydalanayotganlarga 22-aprelga qadar o‘sha raqamni o‘z nomiga o‘tkazib olish yoki ilovalarga o‘z nomidagi boshqa raqamni ulab qo‘yish tavsiya etilmoqda.


👉@xushnudbek👈

♟️Ayni hozirgi onlayn reytingda dunyoning eng TOP 6 nafar shaxmatchisidan ikki nafari o’zbeklar:

4. 🇺🇿Nodirbek Abdusattorov (2780)
6. 🇺🇿Javohir Sindarov (2759)

Yana bir qiziq ma’lumot: shu paytgacha FIDE Nomzodlar turnirida hech qaysi shaxmatchi dastlabki 4 ta partiyaning 3 tasida g’alaba qozonmagan ekan, Javohir birinchisi bo’libdi.

Eslatib o’tamiz, ertaga 5-turda Javohir qora donalarda Hikaru Nakamura bilan kuch sinashadi.


👉 @xushnudbek 👈

⚽️ LEGO'dan katta sensatsiya: Ronaldu, Messi, Mbappe va Vinisius bitta reklama roligida suratga tushdi

Ko‘pchilik bu videoni navbatdagi sun’iy intellekt (AI) mahsuli deb o‘ylashi tabiiy. Lekin reklama roligini futbolchilar ham o‘zining rasmiy Instagram sahifalarida ulashdi.

LEGO kompaniyasi JCh-2026 oldidan katta loyiha boshladi. Unga ko‘ra, mashhur futbolchilarning milliy terma jamoa libosida ishlangan maxsus konstruktorlar to‘plami sotuvga chiqadi.

Ushbu loyiha haqida xabar beruvchi reklama roligida to‘rt nafar futbol yulduzi bir stol atrofida yig‘ilib, LEGO‘dan Jahon chempionati kubogini yig‘adi va eng tepasiga hammasi o‘z haykalchasini qo‘yishga urinadi. Ya’ni men chempion bo‘laman, demoqchi. Ammo har safar ular bir-biriga xalaqit beradi. Yakunda esa kichkina bola kelib neytral haykalchani o‘rnatadi.

"LEGO Editions" kolleksiyasi 1-maydan sotuvga chiqishi kutilmoqda.

Qiziq ma’lumot: Instagramda Lego kompaniyasi bilan birga Ronaldu, Mbappe, Vinisius hamda FIFAning JCh uchun rasmiy sahifasi kollaboratsiya qilgan. Ammo negadir Messi ushbu kollaboratsiyaga qo‘shilmagan va u videoni bir o‘zi alohida e’lon qilgan. Lekin Messining videosi hozircha beshala profilda chiqqan videodan ko‘proq tomosha qilingan va ko‘proq layk yiqqan.

👉@xushnudbek👈

🚗 Buxoro viloyati Kogon tumanida elektr va gibrid avtomobillar ishlab chiqarish yo‘lga qo‘yiladi

Bu haqda bugun Shavkat Mirziyoyev tomonidan o‘tkazilgan yig‘ilishda ma'lum qilindi.

Unga ko‘ra, mazkur loyihaning qiymati 350 mln dollarni tashkil etib, 500 ta ish oʻrni yaratiladi. Korxonada yiliga 80 mingta elektr va gibrid avtomobil ishlab chiqariladi.

Shuningdek:

➖ Buxoro tumanida pirolizni qayta ishlash orqali benzol, toluol, ksilol, pentan, geksan, bitum va kalsiy xlorid ishlab chiqarish boʻyicha 220 mln dollarlik loyihani amalga oshirish;

➖ Qorovulbozor tumanida 85 mln dollarlik loyiha asosida AI-91 va AI-92 benzin ishlab chiqarishni kengaytirish;

➖ Kogon tumanida qogʻoz va karton mahsulotlari tayyorlashni yoʻlga qoʻyish koʻzda tutilgan;

➖ Bugun, bundan tashqari, Qorovulbozor tumanida yiliga 100 ming tonna mineral oʻgʻit, Kogon tumanida esa gipsokarton ishlab chiqarishni kengaytirish rejalari ham muhokama qilindi.


👉@xushnudbek👈