Advertising on the Telegram channel «⛪ ቃል ኣምላክ ..tube»

ናሁ ናሁ ተፈጸመ  ናሁ ተፈጸመ ተፈጸመ🌹🥀 እኸ ማኅሌተ ጽጌ[፪] ማኅሌተ ጽጌ[፪] ተፈጸመ🌹🥀 https://t.me/wengiel81

በስመ ኣብ ወወልድ ወመንፈስቅዱስ              ኣሃዱ ኣምላክ ኣሜን. ......................ንስሓ ........................ ካብ እግዚኣብሄር ኣቦናን ካብ ጐይታና የሱስ ክርስቶስን ጸጋን ሰላምን ምሳኻትኩም ይኹን። ‘’ብስሙ ኸኣ ንስሓን ሕድገት ሓጢኣትን ካብ ኢየሩሳሌም ጀሚሩ ኣብ ኩሎም ኣሕዛብ ክስበኽ ጽሑፍ እዩ።’’ (ሉቃ 24፡47)። ሓጢኣት ግዙፍ ጥራይ ኣይኮነን እንተላይ ረቂቅ እዩ። ናይ ሳይንስ ምርምር ኮነ ናይ ስነ ልቦና ዓውዲ፡ መንነት ናይ ሓጢኣት ከብርህ ኣይክእልን። ብትኽክል መንነት ናይ ሓጢኣት ከብርሃልና ዝኽእል ቃል እግዚኣብሄር እዩ። ሓጢኣት ኣብ መጽሓፍ ቅዱስ ብብዙሕ መልክዕ ተገሊጹ ኢና እንረኽቦ። ገለ ካብኡ ድማ፡ ንድሕሪት ምምላስ፡ ሕማም፡ ርስሓት፡ ብምባል ተገሊጹ ኣሎ (ኢሳ 1፡2-15)። ሓጢኣት ካብቲ ቕኑዕ መገዲ ንድሕሪት ምምላስ ክኸውን ከሎ፡ ንስሓ ድማ ንሓጢኣት ድሕሬኻ ሂብካ ናብ እግዚኣብሄር ምምላስ እዩ። ሓጢኣት ሕማም ተባሂሉ ኣሎ። ሕማም ንኽፍወስ መድሃኒት ከም ዘድሊ፡ ሓጢኣት ንኽፍወስ ድማ ንስሓ የድሊ። ርስሓት ብማይ ከም ዝጸሪ፡ ንስሓ ኸኣ ካብ ናይ ሓጢኣት ርስሓት እዩ ዘንጽህ። ንስሓ ማለት ጣዕሳ ማለት እዩ። ሰብ፡ ብንስሓ እዩ ሰብ ክኸውን ዝኽእል። ንስሓ እግዚኣብሄር ንሰብ ዝህቦ ዕድል እዩ። ሰብ ካብ ሓጢኣት፡ ብናይ ንስሓ ኣፍ ደገ ኣቢሉ እዩ ናብ እግዚኣብሄር ዝቐርብ። እዚ ኣፍ ደገዚ ድማ ጾር ንምርጋፍ መዓልቲ ኾነ ለይቲ ኩሉ ግዜ እዩ ክፉት። ሓጢኣት ብሰለስተ መገዲ፡ ብተግባር፡ ብቓል፡ ብሓሳብ እዩ ዝፍጸም፡ ካብ ኩሉ ነጻ ዝኾነ ሰብ ድማ ዋላ ሓደ የለን። ንስሓ ኔርና ኔርና ክንፍጽሞ ዘሎና ዘይኮነስ ኩሉ ግዜ እዩ ዘድልየና። እግዚኣብሄር ነቲ ክፉእ ተግባር ጸሊእና ብልብና ምስ ተጠዓስና እዩ፡ ይቕረ ዝብለልና። ብተግባር ንዝተፈጸመ ሓጢኣት ኣብ ኣበ ነፍሲ ኬድካ ምንዛዝ ዘድሊ፡ ካብ ኑዛዜ እንቕበሎ በረኸት ስለ ዘሎ እዩ። ካብቲ ኣገልጋሊ ናይ ጸሎት ደገፍን፡ ምጽንናዕን፡ ምኽርን ኢና እንረክብ። ብቓል ንዝተፈጸመ ሓጢኣት ኸኣ ነቲ ብቓልና ዝጐዳእናዮ፡ ብይቕሬታ ምፍዋስ የድሊ። ሰብ ብእግሩ እኳ መገዲ እንተ ዘይተጋገየ ብልቡ ግና ብዙሕ ግዜ እዩ ዝጋገ፡ ነቲ ብሓሳብ እንጋገዮ ድማ ኣብ ጸሎትና ካብ እግዚኣብሄር ይቕሬታ ክንሓተሉ ኣሎና። ንስሓ ተግባር እዩ፡ ናይ ኩሉ ስነ ምግባር ድማ መሰረት እዩ። እግዚኣብሄር ቅድሚ ክንሰርሕ ምባልና ክሰርሓና፡ ቅድሚ ሰናይ ክንገብር ምባልና ስሬት ክንቅበል ይደልየና። ምኽንያቱ እግዚኣብሄር ቅድሚ ናትና፡ ንኣና እዩ ዝደሊ። ምስ ሓጢኣትካ ከሎኻ ሰናይ ምግባር ግና፡ ምስ ርስሓትካ ጨና ከም ምግባር እዩ። እግዚኣብሄር ካብ እንጸልኦ እምበር፡ ካብ እንፈትዎ ሓጢኣት ኣየናግፈናን። ክንጋገ ከሎና ጽቡቕ ዘይስመዓና እንተ ኾይኑ፡ ብህይወት ናይ ምህላውና ምልክት እዩ። ምኽንያቱ ካብ ብዝሒ በደል ዝተላዕለ ሕልና ይመውት እዩ። ሰብ ሕልናኡ ምስ ሞተ እዩ ብኽፉእ ዝሕጐስ። እቲ ዝሞተ ሕልና ህያው ዝኸውን ግና ብጣዕሳ እዩ። ንስሓ ቆጸራ ሒዝና ኣብ ዝኾነ ግዜ ክንፍጽሞ እንኽእል ኣይኮነን። ንምንሳሕ ናይ ንስሓ መንፈስ የድሊ። ሰሚዕና እንተ ተኣዘዝና ንባረኽ፡ ሰሚዕና እንተ ዘይተኣዘዝና ግና ምስቲ ቓል ዝመጸ ሓይሊ ከይዱ፡ ትእዛዝ ጥራይ እዩ ኣባና ዝተርፍ።  ሓጢኣት ገዛኢ ስለ ዝኾነ ንሰብ ካብዚ ዝሓይሽ የለን ምስዚ ተሰማሚዕካ ንበር እዩ ዝብሎ፡ ዝሓይሽ ግና ኣሎ። በደለይ ብዙሕ እዩ፡ ከመይ ገይረ ናብ ኣምላኽ ክቐርብ ዝብል ይህሉ ይኸውን፡ በደል ክንዲ ዝኾነ ይኹን ካብ ምሕረት እግዚኣብሄር ክዓቢ ኣይክእልን። ንበደልና ከም እንኣምኖ፡ ንምሕረት እግዚኣብሄር ድማ ምእማን የድልየና። ዘይመሊሰ ክረስሕ እየ ኢልና ምሕጻብ ከም ዘይንገድፎ፡ መሊሰ እንተ ተጋገኹኸ ብምባል ድማ ካብ ንስሓ ንድሕሪት ክንብል የብልናን። ክስን ወቐሳን ዝተፈላለየ እዩ። ክሲ ካብ ሰይጣን ክኸውን ከሎ፡ ወቐሳ ግና ካብ ዝወደቕናዮ መታን ክንትንስእ መንፈስ ቅዱስ እዩ ዝወቕሰና። ሰይጣን ንሰብ ቅድሚ ሓጢኣት ምፍጻሙ፡ ንሓጢኣት ኣወቂቡ ብምርኣይ ንምፍጻሙ ይደፋፍኦ፡ ምስ ወደቐ ኸኣ ከምዚ ጌርካ ከመይ ጌርካ ናብ ኣምላኽ ክምለስ ትብል ብምባል ክሲ ይጅምር። ‘’ከሳሲ ተኸሳሲ’’ ከም ዝበሃል፡ ሰይጣን ንባዕሉ ክሱስ ክነሱ እዩ ዝኸስስ። ዕላማ ክሱ ድማ ሰብ ብንስሓ ናብ ኣምላኽ ንኸይምለስ መሰናኽል ንምቕማጥ እዩ። ንእግዚኣብሄር ግና ካብ በደልና ንላዕሊ፡ ናብኡ ዘይምምላስና እዩ ዘሕዝኖ። ብዝተነሳሕናሉ ሓጢኣት ሕልናና ክኸሰና ይኽእል እዩ፡ ምሕረት እግዚኣብሄር ግና ልዕሊ ሕልናና ምዃኑ ምእማን የድሊ። እቲ ማእከላዊ ትምህርቲ ቤተ ክርስትያን፡ ንስሓን ሕድገት ሓጢኣትን እዩ። ‘’ካብ ሰብ በደል፡ ካብ እግዚኣብሄር ምሕረት ኣይሰኣንን እዩ’’ ከም ዝበሃል፡ ንስሓ ሰብ ፍቓዱ ንፍቓድ ኣምላኽ ዘግዝኣሉ ክኸውን ከሎ፡ ሕድገት ሓጢኣት ድማ ካብ እግዚኣብሄር እዩ። ‘’ብስሙ ኸኣ ንስሓን ሕድገት ሓጢኣትን ካብ ኢየሩሳሌም ጀሚሩ ኣብ ኩሎም ኣሕዛብ ክስበኽ ጽሑፍ እዩ።’’ ይብለና (ሉቃ 24፡47)። ‘’ብስሙ’’ ዝብል ቓል፡ ብስም ጐይታና መድሓኒናን ኢየሱስ ክርስቶስ ማለት እዩ። ብስሙ ምባሉ ድማ፡ ሰብ ምስ እግዚኣብሄር፡ ሰብ ምስ ሰብ፡ ሰብ ምስ ገዛእ ርእሱ ክዕረቕ ዝኸኣለ፡ በቲ ኣብ ቀራንዮ ዝቐረበ መስዋእቲ ስለ ዝኾነ እዩ። ምስጋና ነቲ ዘለኣለማዊ ስሙ ይኹን! https://t.me/wengiel81

🎁 ውህብቶ  'ዶ  ወይስ መማረፂ..🤔             ኣብዚ ዘለናዮ ጊዜ ናይ ፍቕሪ ፣ ናይ ሓዳር ፣ ከምኡ 'ውን ናይ ዕርክነት ትርጉም  ዝጠፍአና ክሳብ ዝመስል ፥ ካብ ጊዜ ናብ ጊዜ እናተጎዳዳእና ፣ እናተከሓሓድና ኢና ዘለና። • ንምንታይ..? ኢለ ክሐትት ደለኹ ..ብዙሕ ሰብ ንፍቕሪን ንሐዳርን ዝህቦ ቦታ ቅልል ዝበለ እዩ... "ሰብ ተኸደ ሰብ ይመፅእ" ዝብል ከም ዝበዝሕ ኣስተውዓልኩ ። • ብዚ ምኽንያት እውን ሓደ ታሪኽ ከካፍለኩም ፈተኹ... ሓደ ጊዜ ኣብ ናይ ሰብ ሓዳር ናይ ትምህርቲ ክፍለ ጊዜ ፤ ሓደ ናይ ሳይኮሎጂ መምህር ናፍቲ ክፍሊ ይኣቱ።  • መምህር - "ሎምዓንቲ ሓደ ፀዋታ ኢና ክንፃወት" በሎም። • ተምሃሮ - እንታይ ዓይነት ፀዋታ ? • መምህር - መልሲ እንከይሃበ " ሓደ ፈቃደኛ ወዲ ይህሉ ዶ..?" በሎም ሓደ መናሰይ ኢዱ ኣውፂኡ ፍቓደኝነቱ ይገልፅ። • እቲ መምህር ድማ ነቲ ተምሃሪ ኣብ ሂወቱ ዓብዪ ቦታ ዝህቦም ናይ 30 ሰባት ሽም ኣብ ሰሊዳ ንክፅሕፍ ይእዝዞ። እቲ መንእሰይ ውን ካብ ስድርኡ ጀሚሩ ናይ ኣዕርኽቱ ከምኡ ውን ናይ ጎረባብቱ ኣስማት ፀሓፈ። • እቲ መምህር ድማ ብጣዕሚ ጠቓሚ ዘይኮኑ ናይ 10ተ ሰብ ሽም ደምስስ በሎ። ንሱ ውን ናይ ጎረባብቱ ስም ሰረዘ። ሐዚ ውን 10 ሽም ሰርዝ ኢሉ ኣዘዞ። እቲ ተምሃሪ ድማ ናይ ኣዝማዱ ስማት ሰረዘ። • በዚ ኣገባብ ድሕሪ ምቕፃል ናይ 4ተ ሰባት ስም ጥራሕ ( ኣቡኡ ፣ ኣዲኡ ፣ ሰበይቱን ፣ ሓንቲ ጓሉን) ክሳብ ዝተርፍዎ ብዙሓት ሽማት ሰረዘ። • ምሉእ ክፍሊ እቲ ፀዋታ ነቲ ተምሃሪ ጥራሕ ከምዘይኮነ ተረዲእዎም ብተመስጦ እናተኸታተሉ እዮም።  ...ሕዚ ውን እቶም መምህር ካብ ዞም ዝተረፉ 4ተ ስማት ክልተ ንክስርዝ ኣዘዝዎ።  እቲ ተምሃሪ ብጣዕሚ ኸበዶ። ከም ዝሓዘነ ብዘፍልጥ መልክዑ ሰጋእ እናበለ ናይ ወለዱ ስም ሰረዘ። ••• እቲ መምህር በዚ ኣየቋረፀን ፤ ሐዚ 'ውን ኣብ መወዳእታ ካብ ዝተረፋ 2ተ ስማት ሓንቲ ንክስርዝ ኣዘዞ። ••• እቲ ተምሃሪ ምሉእ ብምሉእ ኣእምሮኡ ተረበሸ። ንብዓቱ እናተቖፃፀረ ፡ ብዝንቅጥቀጣ ኣፃብዕቱ ብዝሓዛ ፓርከር ጌሩ ፡ ናይ ጓሉ ሽም ሰሪዙ ናብ ቦትኡ ተመሊሱ ተቐመጠ። ••• ድሕሪ እዚ እቲ መምህር "ንምንታይ ንሰበይትኻ ገዲፍካያ" በሎ። " ቤተሰብካ ንዓኻ ብሕታዎት እዮም።  ጓልካ ውን ንዓኻ ብሕታዊት እያ። ሰበይቲ ግን ካሊእ ከተእቱ ትኽእል ኢኻ። ንምንታይ ንዓኣ መሪፅካ በሎ. 🤷‍♂ ኩሎም ተምሃሮ መልሲ ንምስማዕ ተሃንጠው። እቲ ተምሃሪ ድማ ብዝሰኸነ መንፈስ ከምዚ ክብል መለሰ። • ወለደይ ካብ ዕለታት ሓደ መዓልቲ ቀዲሞምኒ ክሓልፉ እዮም። ጓለይ ውን እንተኾነት ምስ ዓበየት ብስራሕ ወይ ብሓዳር ገዲፋትኒ ክትኸይድ እያ። ~ ሙሉእ ህይወተይ ሓቢራትኒ ምሳይ እትኸውን ብሕታዊት ሰብ በዓልቲ ገዛይ { ሰበይተይ }  እያ ብምባል ፡ ንኹሉ ሰብ ዘስደመም መልሲ መለሰ። • ኩሉ ተምሃሪ ትኽክለኛ ናይ ሂወት ገፅታ ስለ ዘካፈለ ካብ መቐመጢኡ ተልዒሉ ኣጣቐዐሉ ይበሃል። ክሳብ መጨረሽታ ሓቢሮም ዝፀንሑ ፡ ፈጣሪ ዘጣመሮም ሰብኣይን ሰበይትን እዮም። ስለዚ ፍትወይ ናይ ሕይወት መፃምርተይ ኢያ ንእትብላ ካብ ምንም ብላዕሊ ኣኽብራ። ቅድሚያ ሃባ። ንስኺ ውን ከምኡ..! ሰበይቲ ውህብቶ እምበር መማረፂት ከምዘይኮነት ልቢ በል። • ሰበይቲ ምእታው ትዝ ዝብለካ ክመሲ ኸሎ እንተኾይኑ ፡ ሓዳር ከይኮነስ መተሓድርቲ ኢኻ ደሊኻ። • ሰበይቲ ምእታው ትዝ ዝብለካ ገዛኻን ፣ ኣቕሑትካን እንትረስሕ ተኾይኑ ፡ ሰበይቲ እንከይኮነትስ ሰራሕተኛ ኢያ ተድሌካ። • ሰበይቲ ምእታው ትዝ ዝብለካ ቆልዑ ክትርኢ ከለኻ እንተኾይኑ ፡ ሰበይቲ ንስርዓተ-ምርባሕ ክትጥቀመላ ኢኻ ትሓስብ። • ሰበይቲ ምእታው ትዝ ዝብለካ ደቂስካ እንትቖረካ ተኾይኑ ፡ ንስኻ ሰበይቲ እንተይኮነትስ ረጒይድ ኮቦርታ እዩ ዘድሌካ። .ናይ ሓዳር ዕላማ እንከይሃለወኩም ብኾን'ደኾን ኣይትጀምሩ ፤ ዓላማ ተሃሊኩም ድማ ብቐሊሉ ኣይተፍርሱ። ቅዱስ ዝኾነ ስጋኹምን ፣ ነፍስኹምን ከምኡ 'ውን ኣእሙሮኹም ኣይተርክሱ። ንስኻትኩም ናይ እግዚኣብሄር መሕደሪ ምዃንኩም ኣስተውዕሉ። https://t.me/wengiel81

ዝዓበየ ድኽነት ዝዓበየ ድኽነት ናይ ንብረት ዘይኮነስ፡ ናይ ኣተሓሳስባ ስንፈት እዩ። እዛ ዓለም እዚኣ ብቀረባት ዝተመልአት እያ። ነፍስ-ወከፍ ሰብ ኣብ ውሽጡ ክቡር ሓሳብ ኣለዎ። እናሃለዎ ከም ዘይብሉ ዝነብር፣ ንምንባር ዘይኰነስ ንከነባብር ዝተፈጥረ ዝመስሎ ግን ብዙሕ እዩ። እግዚኣብሄር ንነፍሲ-ወከፍ ሰብ ናብዚ ዓለም እዚኣ ክመጽእ ከሎ ከበርክቶ ዝክእል ሓደ ነገር ኣዕጢቕዎ እዩ። ንህላወ ምንባሩ ምሉእ ዝገብሮ ነዚ ተልእኮ ኣምላኽ ብትክክ ከብጽሖ እንተ ኽኢሉ እዩ። ሰብ ኣብ ሜዳ ውግእ ዘይኮነስ ኣብ ሕልና እዩ ዝሰዓር። እቲ ኲናት ኣብ ሕሊና ኪኸውን እንከሎ፡ እቲ ሜዳ ኸኣ መኣከቢ ምሩኻት እዩ። ኲናት ኣብ ሕልና ተወዲኡ መዝሙር ዓወት ተዘሚሩ ክጅመር ኣለዎ። ኣይክእልን ምባል ትሕትና ኣይኮነን። ትሕትና መበገሲ ፍርሃት ወይ መግለጺ ድኻም ኣይኮነን። ትሕትና ክኢሉ፡ ነቲ ኣኻእሎ ዝሃበና ጐይታ ኽብሪ ምሃብ እዩ።  እወ ጌጋታትና፦ 1. ድኻ እየ ኢልካ ምሕሳብ፦ ድኽነት ምስኣን ጥራይ ዘይኮነስ ነቲ ዘለና ዘይምፍላጥ እውን እዩ። ንምንታይ ከም ዝነብሩ ዘይምርዳእ ዓቢይ ድኽነት እዩ። ጥርሑ (ዘይብሉ) ሰብ የለን፡ ዘይከስብ ሰብ የለን። ነብሱ ዘይክእል፡ ንካልኦት ኣስተዋጽኦ ዘይብሉ ሰብ የለን። ዘለና ምፍላጥ ንጉዕዞና ሓይሊ እዩ። ዘለና ምፍላጥ ነቲ ዘይብልና ንኽንፈልጥ ይገብረና። 2. ከመይ ከም እንጠቅም ዘይምፋላጥ፦ ከመይ ከም እንጥቀም ብዘይምፍላጥ ንብዙሓት ሰባት፣ ብዙሕ በረኸትን፣ ጸጋታትናን ኣድፊእና። ድሕሪ ከም ዘለና ምፍላጥና ናይ ኣጠቓቕማ ብቕዓት ከነጥሪ ይግብኣና። https://t.me/wengiel81

ብፀጋና ንንበር 😇 ✥ "ዝተፈላለየ ውህብቶ(ፀጋ) ኣሎ፤ መንፈስ ቅዱስ ግና፥ ሓደ ንሱ እዩ። ዝተፈላለየ ኣገልግሎት ኣሎ፤ ጐይታ ግና፥ ሓደ ንሱ እዩ።..." (1ቆሮ. 12÷4-11) ✥ ፀጋ "ካሪስ" ንዝብል ናይ ግሪክ ቃል ዝትርጒም ኮይኑ፤ ሰለስተ ሓሳብ ቃላት እብራይስጥ ይትሕዝ፤ ንሳቶም ድማ፦ ሞገስ፣ ፍቕሪን ምሕረትን ብዝበሃሉ ናይ ትግርኛ ቃላት ይትርጐሙ። ✨ወዲ ሰብ ዝተውሃቦ ፀጋ ዓብዪን ብዙሕን እዩ። ኮይኑ ግና ፀጋና ፈሊና ዘይንፈልጥን ብፀጋና ዘይንነብርን ሰባት ውሑዳት ኣይኮንናን። ሓደ ሓደ ሰባት ሰብ ፀጋ ዝኾኑ ሰባት ብዘጋጠሙና ቑፅሪ እቲ ፀጋ ንሱ ኣብቶም ሰባት ርኢና ኣባና ክንስእኖ ከለና ንባዕልና ፀጋ ከም ዘይብልና ገይርና ኢና ንሓስብ። እቲ ሓቂ ግና ፀጋ እግዚኣብሄር ዘይተዓደሎ ሰብ የለን። እወ! ትዕድልቲ ፀጋታትና ዝተፈላለየ እኳ እንተኾነ፥ ዝተዓደልናሉ ዕላማ ግና ሓደ እዩ። ንሱ 'ውን መንግስቲ እግዚኣብሄር ኣብ ምድሪ ንምስፍሕፋሕ እዩ። "እምበኣርከስ ዝተፈላለየ ውህብቶ(ፀጋ) ኣሎ፤ መንፈስ ቅዱስ ግና፥ ሓደ ንሱ እዩ። ዝተፈላለየ ኣገልግሎት ኣሎ፤ ጐይታ ግና፥ ሓደ ንሱ እዩ።..." (1ቆሮ. 12÷4-11) ፀጋ በዲበ ፀጋ ኣሎ እዩ፤ ግን ብዘይ ፀጋ ዝተፈጠረ የለን። ውህብቶና ፈሊጥና ፍረ ንክነፍርየሉ ድማ ክርስተያናዊ ግዴታና እዩ። ንምንታይ ናይ ባዕልና ፀጋ ፈሊጥና ንካልኦት እውን ፀግኦም ንክፈልጡን ብፀግኦም ንክነብሩን ምምራሕ ናከኣልናስ ስንፍና ከም ፀጋና ጌርና ንነብር? እቲ ዝፈጠረካ ኣምላክኻን ኣቦኻን ፀጋ ዓዲሉካ ከሎ ስንፍና ድኣ ካብ ዓዲ መን ኣምፃእኻዮ? "Success has many fathers, while failure is an orphan" ይብሉ (ሩስያውያን) ውድቀት(ስንፍና) ቤተሰብ የብሉን፤ ንውድቀት እውን ፃዕሪ ኣየድልዮን። ስለዚ ፀጋኻ ፈሊኻ ምፍላጥን ፈሊጥኻ ምንባርን ዓብዮ ፀጋ እዩ'ሞ ብፀጋና ንንበር። https://t.me/wengiel81

ፍቅሪ እዚ እዩ።ፍቅሪ ዝልካዕ ኣብ ልብና ብዝሓደጎ ቁስሊ ልክዕ እዩ።ብጣዕሚ ንፈትዎም ሰባት ኣሕሚሞና/በዲሎምና/ ክኾኑ ይኽእሉ እዮም።ንሕና እውን ብጣዕሚ ንዝፈትዉና ሰባት በዲልናዮም ክንኸውን ንኽእል ኢና።ምክንያቱ ፍቅሪ ዝረኣ ኣብቲ ዝተዓገስናዮ ቁስሊ ውሽጢ እዩ።ፍቅሪ ዝረኣ ኣብቶም ዝተለዋወጥናዮም ሕድሕድ ቃላት ዘይኮነስ ብንዕገሶ ቁስሊ፡ብዝስመዓና ናይ ውሽጢ ሕማም፡ብዝኸፈልናዮ መስዋእትን ብዝረኸብናዮ ብርሃንን እዩ።ድሕሪ ትንሳኤ ኣብ ቅድሚ ሓዋርያት ዝተገለፀ ክርስቶስ ንሱ ዝፈትውዎ ጎይታ ከምዝኾነ ንኸረድኦም ናይ ትንሳኤ ብስራት መለከት ዘይኮነስ፡ናይ ፍቅሩ መርትዖ ቁስሉ እዩ ነይሩ።"ናባይ ንዑ ቁስለይ እውን ዳህስሱ፡የእዳውኩም እውን ስለኹም ፍቅሩ ኣብ ዝቆሰልኩዎ ቁስሊ የዕልቡ" እዩ ዝበሎም።ኣይዘከርኩምንን?ኣይፈለጥኩምንን? ክሳብ ሞት ጫፍ ዝፈቶኹኩም ኣነ እየ።ንፍቅረይ መረጋገፂ ክኾነኩም ድማ ናብ ቁስለይ ተመልከቱ።እዩ ዝበሎም። ፍቅሪ ቁስሊ እዩ።ኣብ ናይ እግዚኣብሔር መንግስቲ ክብርን ምስጋናን እንረክብ፡ኣብ ምድሪ ብዝነበሩና ስጋዊ ዓወታት ብዝረኸብናዮም ውፅኢታት ዘይኮነስ ብዝተዓገስናዮም መከራታትን ብዝተሳቀናዮም ሕማማት ልክዕ እዩ።ነዚ እውን እዩ ኣብ ናይ ኣበው መፅሓፍ ሓደ ቅዱስ ኣቦ ንነዊሕ ዓመት ኣብ ስጋኣ ብዝነበረ ቁስሊ ንትሰቃይ ዝነበረት ሓንቲ ጓል ኣንስተይቲ ክሓትዋ ኣብ ዝኸድሉ፡ረኣይዎ! ቁስለይ ድንን ኢሎም እንተዝሪእዎ የዕፅምተይ ምተርኣዮም፡በለቶም፡ ንሶም ድማ ድንን ኢሎም ንቡዙሕ ዓመታት ኣብ ዝተዓገስክዮ ቁስልኪ ዝረኣየኒ ዘሎ ዓፅሚ ዘይኮነስ ገነት እዩ፡በልዋ። ፍቅሪ ማለት ኣብ ቀራንዮ መስቀል  ዝሓመመ ክርስቶስ እዩ።ፍቅሪ ማለት ዕዳ ደቂ ሰባት ክድምስስ  ናብ መቃብር ዝወረደ እዩ።ፍቅሪ ማለት ብትንሳኤ ንሞት ረቲዑ ቁስሉ ሒዙ ዝተንሰኣ ክርስቶስ እዩ ። https://t.me/wengiel81

" ሓዱሽ ልቢ ክህበኩም እየ ፡ሓዱሽ መንፈስ 'ውን ኣብ ውሽጥኹም ከሕድር እየ ፤ እቲ ናይ እምኒ ልቢ (ድንዱን) ካባኹም ኣውፂኤ ፡ ናይ ስጋ ልቢ (ትሑት) ክህበኩም እየ.."     [ ት.ሕዝ- 36፥26 ] https://t.me/wengiel81