Advertising on the Telegram channel «Business»

‎MANNEEN NYAATAA FI DHUGAATIIF: TEMPLATE HOJII KEESSAN SALPHISU
‎
‎Template kana manneen nyaataa fi dhugaatii xixiqqaa fi giddu-galeessaaf qopheesseera.
‎
‎Baayyee salphaadha, garuu hojii bal’aa hojjeta. Wantoota hedduu ofumaan siif shallaga.
‎
‎Namni fedhe kan ofii isaatiif taasisee itti fayyadamuu danda’a.
‎
‎
‎1. Gurgurtaa guyyaa guyyaa ni galmeessa.
‎
‎Guyyaa guyyaatti hamma gurgurame, gatii (price) fi baayyina (quantity) ni galmeessita.
‎
‎Erga galchitee booda, galii guyyaa sana argame ofumaan ni shallaga.
‎
‎Kun dogoggora ni hir’isa.
‎
‎
‎2. Baasii
‎
‎Baasii guyyaa fi ji’aa sirnaan ni too’ata.
‎Abbaan dhaabbatichaa maallaqni isaa eessatti akka bahe ifatti arguu danda’a.
‎
‎
‎3. Bu’aa
‎Guyyaa guyyaatti bu’aa waliigalaa (gross profit) ofumaan ni baasa.
‎Akkasumas % dhaan bu’aa (profit margin) ni agarsiisa.
‎
‎Kanaaf abbaan dhaabbatichaa salphaatti bu’aa isaa ni beeka.
‎
‎
‎4. Kuusaa (Inventory)
‎
‎Kuusaa alkoolii fi lallaafaa sirnaan ni hordofa:
‎
‎Har’a meeqatu kuusaa ture?
‎Meeqatu irratti dabalamee bitame?
‎Meeqatu gurgurame?
‎Amma meeqatu kuusaatti hafe?
‎
‎..kunis hanqina fi dogoggora kuusaa ni hir’isa.
‎
‎5. Gabaasa ji’aa
‎
‎Gurgurtaa waliigalaa ji’atti ni gabaasa
‎Baasii ji’aa ni gabaasa
‎Bu’aa waliigalaa fi % dhaan ni agarsiisa
‎Ji’a sana keessatti kamtu baayyee gurgurame, kamtu xiqqaa gurgurame ni ibsa
‎
‎Kuni abbaa dhaabbatichaa murtee sirrii akka fudhatuuf ni gargaara.
‎
‎Dhumarratti immoo wantoota kana hunda chaartiidhaan (Dashboard) ifatti akka ilaaltu si taasisa.
‎
‎Template kana namoonni barbaaddan na qunnamaa:
‎
‎📞 0977794722 (WhatsApp, Telegram)
‎
‎Akkamitti akka itti fayyadamtan leenjii isiniif kenna.
‎
‎Namoonni daldala gosa biraatiifis template barbaaddan na qunnamuu dandeessu.
‎

‎MANNEEN NYAATAA FI DHUGAATIIF: TEMPLATE HOJII KEESSAN SALPHISU 👇

‌‎INCOME STATEMENT keessatti: Revenue vs. Profit
‎
‎REVENUE jechuun galii hojii idilee dhaabbatichaa irraa argamuudha (gurgurtaa irraa ykn tajaajila irraa kan argamu).
‎
‎PROFIT jechuun immoo bu’aadha. Jechuun, baasiin hundi erga hir’ifamee booda kan hafe.
‎
‎PROFIT kuni bakka sadiitti qoodama:
‎
‎- Gross Profit
‎- Operating Profit
‎- Net Profit
‎
‎Garaagarummaa isaanii hubachuuf fakkeenya salphaa kana ilaali:
‎
‎Bara darbe, dhaabbanni daldalaa tokko gurgurtaa irraa qarshii 2,000,000 argate.
‎
‎Baasii dhaabbatichaa:
‎
‎• Wantoota gurguraman oomishuuf (COGS) = 400,000
‎• Kiraa manaatiif = 200,000
‎• Mindaa hojjettootaaf = 300,000
‎• Ibsaa, bishaan fi Intarneetiif = 100,000
‎• Hir'ina meeshaalee (Depreciation) = 60,000
‎• Dhala liqii bankii (Interest) = 40,000
‎
‎
‎1. Gross Profit
‎
‎REVENUE irraa yoo baasii oomishaa (COGS) hir’ifame, Gross Profit arganna. Jechuun:
‎
‎Gross Profit = Revenue − COGS
‎= 2,000,000 − 400,000
‎= 1,600,000
‎
‎...kanarraa akka hubatamutti,
‎
‎Gross Profit jechuun bu’aa baasiin oomishaa qofti erga hir’ifameen booda hafuudha.
‎

‎2. Operating Profit
‎
‎Gross Profit irraa yoo baasiiwwan hojii (Operating Expenses) hundi hir’ifaman, Operating Profit arganna.
‎
‎Operating Expenses = 200,000 + 300,000 + 100,000 + 60,000
‎= 660,000
‎
‎Operating Profit = Gross Profit − Operating Expenses
‎
‎= 1,600,000 − 660,000
‎= 940,000
‎
‎Operating Profit jechuun bu’aa hojii idilee dhaabbatichaa irraa argamuudha.
‎
‎3. Net Profit
‎
‎Bu’aa xumuraa argachuuf, Operating Profit irraa Interest fi Tax hir’ifama.
‎
‎Interest = 40,000
‎
‎Profit Before Tax = 940,000 − 40,000
‎Profit Before Tax = 900,000
‎
‎Gibira (Tax) 30% yoo shallagame:
‎
‎Tax = 900,000 × 30%
‎Tax = 270,000
‎
‎Net Profit = Profit Before Tax − Tax
‎= 900,000 − 270,000
‎= 630,000
‎
‎Net Profit ykn bu’aa qulqulluu dhaabbatichaa qarshii 630,000 ta’a jechuudha.
‎
‎Kanaaf garaagarummaan isaanii ifadha:
‎
‎REVENUE = galii gurgurtaa irraa argamu (baasii dura).
‎
‎PROFIT = bu’aa baasiin hundi erga hir’ifamee booda hafuudha.
‎
‎Revenue jalqabaadha.
‎Profit xumuraadha.



Excel isaa POST kanaa olitti ni argatta. Yookaan asii argattu 👉https://t.me/financelibrary2

Ibsa isaa armaan gadiitti isiniif qooda:

‎Waraanni Ameerikaa–Isiraa’el fi Iraan jidduu jiru nurraa fagoo fakkaata.
‎
Garuu wanti naannoo sanatti ta'u, nu biratti dhiibbaa guddaa fida.
‎
‎Inni jalqabaa boba’aadha.
‎
‎Naannoon suni karaa boba’aan darbu. Yoo jeequmsi itti fufe, dhiyeessiin boba'aa ni hir’ata. Yoo dhiyeessiin hir’ate, gatiinsaa olka’a. Ifa.
‎
‎Itoophiyaan boba’aa %100 waan alaa galchituuf, gatiin isaa dabaluun geejjiba irratti dhiibbaa uuma. Gatiin geejjibaa yoo dabale, gatiin midhaanii fi meeshaalee ni qaala’a. 😥
‎
‎
‎Kan biraa, daldala galaanaati.
‎
‎Lolli akkanaa karaa galaanaa, keessattuu naannoo Hormuz fi Galaana Diimaa ni jeeqa. Kunimmoo daldala addunyaa ni gufachiisa.
‎
‎Meeshaaleen alaa galan karaatti hafu ykn ni turu. Kunis gatiin isaanii akka dabalu ni taasisa.
‎
‎Dabalataan, maallaqa alaa argachuun rakkisaa ta'a.
‎
‎Biyyoonni guddatan humna isaanii nageenya isaanii irratti oolchuu jalqabu.
‎
‎Gargaarsi alaa illee ni hir’ata.
‎
‎
‎Furmaanni keenya maali?
‎
‎Itiyoophiyaan waa lama qofa gochuu dandeessi:
‎
‎1. Oomisha biyya keessaa irratti xiyyeeffachuu
‎2. Waraana keessoo dhaabuu
‎
‎... yoo kana hin goone, rasaasaan miti, beelatu nu fixa.

Jaallewwankoo:

‎Yourstech Academy,
‎dandeettiiwwan yeroo ammaa barbaachisan...
‎Afaan Oromootiin isiniif dhiyeesseera.
‎
‎• Computer Basics
‎• React Native App Development
‎• AI Fundamentals with Python
‎• Full-Stack Web Development
‎• Digital Marketing
‎• English for Beginners
‎
‎...kanneen keessaa tokko filadhu baradhu.
‎
‎Har’uma jalqabi.
‎Boruu kee jijjiiri.
‎
‎Galmaa’uuf 👇
‎
‎https://yourstech.academy/?ref=xDX55FZYTVR1Yj1WmjE620Nug1HfnnkZ
‎
‎Dabalataan,
‎
‎Yoo Computer Basics,
‎AI Fundamentals with Python,
‎yookaan Digital Marketing filatte,
‎
‎yeroo barattu wanti si rakkisu yoo jiraate,
‎na qunnami.
‎
‎Si gargaaruuf qophiidha (yoo linkii kanaan galmoofte qofa).

Xiqqoo isin barsiise.
‎Hedduun isinirraa baradhe.
‎
‎Amma erga barreessuu eegalee waggaa tokko ta'e.
‎
‎Waggaa kana keessatti waan hedduu baradhe.
‎
‎Kanaaf immoo isintu riqicha naaf ta'e.
‎
‎Yeroon barreessu,
‎jechoonni koo hunda keessaniif ifa akka ta'uuf yaalera.
‎
‎...asirraa baradheera.
‎
‎Fakkeenya ani fudhadhu,
‎waan naannoo keenya keessatti beekaman akka taʼaniif hamma dandaʼemetti carraaqeera.
‎
‎...kunimmoo waanin barreessu anaafuu sirriitti akka naaf galu na godheera.
‎
‎%100 sirrii akka taʼuuf, madda odeeffannoo adda addaa itti dubbiseera.
‎
‎...kunis na barsiiseera.
‎
‎Waanin barreessu ergaa guutuu akka dabarsu mirkaneeffachuuf,
‎odoo hin maxxansin irra deddeebiʼee nan dubbisa.
‎
‎...kanarraa hubannoo cimaa argadheera.
‎
‎Jechootan fayyadamu nan madaala.
‎
‎Fayyummaa yaaʼinsa jechoota koo of duuba deebiʼeen ilaala.
‎
‎Yoo natti hin tolin nan jijjiira.
‎Hamman itti amanutti nan fooyyeessa.
‎
‎... kuni ammoo akkan sirna barreeffama Afaan Oromoo fooyyessuuf na gargaare.
‎
‎Isin maxxansa koo yeroo tokko qofa dubbistu taʼa.
‎
‎Ani garuu yeroo baayʼee dubbisa.
‎
‎Isin qofatu barachaa jira miti,
‎anis barachaa jira.
‎
‎Kanaaf, galanni isiniif qabu guddaadha.
‎
‎Galatoomaa🙏
‎
‎Tamiru Maka

‎Liqii dhalarraa bilisa jechuun qarshii 100 liqeeffattee 100 qofa deebista jechuu miti.
‎
‎Lakkii, akkasii miti!
‎
‎Maloota BAANKIIN DHALARRAA BILISAA (Islamic Bank) ittiin maallaqa liqeessu duraan barreeseera... isa dubbisuu dandeessa: https://t.me/tmaka4/247
‎
‎…amma yoo gabaabsinee ilaallu:
‎
‎Baankiin kunneen yeroo baay’ee maallaqa callaa (cash) harkatti siif hin liqeessan.
‎
‎Garuu:
‎
‎• Meeshaa ati barbaaddu siif bitanii, bu’a irratti dabalanii sitti gurguru. Ati immoo ji’a ji’aan yookiin akka waliigaltee keessaniitti kaffalta.

yookaan:
‎
‎• Meeshaa ati barbaaddu siif bitanii sitti kireessu… ji’aan ykn akka walii galtee keessanitti bifa kiraatiin kaffalta.

yookaan:
‎
‎• Isaan maallaqa dhiyeessu, ati ammoo ogummaa keetiin hojjattee bu’aa argamu irratti waliin qooddattu.
‎
‎Maloonni birootis ni jiru...bu'ura fedhii keetitiin!
‎
‎Malee, hammuma liqeeffatte qofa deebista jechuu miti.
‎
‎Garaagarummaan isaa, dhalli %dhaan sirratti dabalaa hin deemu...

Stock Jechuun Maali?
‎
‎Stock fi Share yeroo baay'ee hiikaa walfakkaataa qabu jedhamee yaadama.
‎
‎Garuu,
‎xiqqoo garaagarummaa qabu.
‎
‎Fakkeenya biyya keenyatti ta'e kana ilaali:
‎
‎Bara 2024 keessa, Ethio Telecom qooda isaa keessaa 10% uummanni akka bitatuuf banaa godhee ture. Ni yaadatta, mitii?
‎
‎Ulaagaan isaa,
namni bitachuu barbaade:
‎
‎• Gatiin Share tokko Qarshii 300 ture.
‎
‎• Yoo xiqqaate nama Share 33 bitachuu danda’u ta’uu qaba.
‎(Qarshii 9,900 jechuudha).
‎
‎• Yoo baay’ate immoo Share 3,333 bitachuu danda’a.
‎(Qarshii 999,900 jechuudha)
‎
‎Kanarra dhaabannee garaagarummaa isaanii yoo haasofne:
‎
‎1. Dhaabbatichi qooda isaa keessaa gurgurtaaf kan dhiheesse suni walumaagalatti Stock jedhama.
‎
‎2. Stock kana bakka walqixa ta’etti adda kukkutanii dhiheessan, ...tokkoon tokkoon ishee Share jedhamti.
‎
‎Fakkeenyaaf:
‎
‎• Kan Share 33 bitate = Qarshii 9,900 kaffala.
‎• Kan Share 100 bitate = Qarshii 30,000 kaffala.
‎
‎Erga bite booda, dhaabbaticha keessaa qooda murtaa’e qofa qabda. Qoodni kee kunis "Stock" jedhama.
‎
‎
‎Dubbii keenya yoo guduunfinu,
‎
‎Stock = Qooda kee hunda ati dhaabbaticha keessaa qabduudha.
‎
‎Share = Safartuu ykn yuunitii qooda kee sanaati.
‎
‎
‎
‎Stock bakka lamatti qoodama:
‎
‎1. Common Stock (Ordinary Shares)
‎2. Preferred Stock

‎
‎Garaagarummaa COMMON fi PREFERRED STOCK
‎
‎Yoo Share ati dhaabbaticharraa qabdu Common Stock ta'e:
‎
‎• Ati abbaa qabeenyaa dhaabbatichaa keessaa taata.
‎• Yoo dhaabbatichi guddate, gatiin share keetiis ni guddata.
‎• Filannoo hoogganaa dhaabbatichaa irratti sagalee kennuuf mirga qabda.

Garuu,

‎• Dhaabbatichi yoo kisaare, kaffaltii bu'aa dhabuu dandeessa.
‎
‎

‎Preferred Stock hoo?
‎
...warri kun dursa qabu:
‎
‎• Bu'aa dhaabbatichi argate keessaa dursa isaaniif qoodama. Erga isaanirraa hafe boodadha kan warra Common Stock ta'aniif kan qoodamu.
‎• Dhaabbatichi yoo kisaare, kaffaltii kanaan dura isaaniif murtaa'e argachuuf dursa qabu.
‎
‎Garuu,
‎
‎• Mirga sagalee hin qaban. Akkasumas, dhaabbatichi hamma fedhe yoo guddateyyuu, kaffaltii isaanii hammuma dura murtaa’e qofa fudhatu
‎

Join: https://t.me/financelibrary2