Advertising on the Telegram channel «Gold Trader Mo 🤴🏽(new)»

ዛሬም ከሁለት ሰዓት ጀሞሮ ተዘጋጁ የኔታ ይገባሉ ኑ አብነት ት/ት እንማር😊🙏

የዘመናችን የአርሲ ኦርቶዶክሳዊያን ሰማዕታት! በአርሲ ምድር የፈሰሰው የክርስቲያኖች ደም እንደ አቤል ደም የእግዚአብሔርን ፍርድ የሚጠራ ብቻ ሳይሆን ለቀሪው ምእመን የጽናት ስንቅ ነው። አባቶች የሰማዕታት ደም አይደርቅም ይላሉ፤ ይህም ማለት ታሪካቸውና የሠሩት ገድል በትውልድ ቅብብሎሽ ውስጥ ሁልጊዜ ሕያው ሆኖ ይኖራል ማለት ነው። ቤተክርስቲያን ስለ ልጆቿ ብታዝንም በልጆቿ ጽናት ግን ትመካለች። በአርሲ የታየው ሰማዕትነት ቤተክርስቲያን በማንኛውም ዘመን በመከራ ውስጥ የምታልፍ እንጂ መከራ የሚያጠፋት እንዳልሆነች ዳግም ያረጋገጠ ክስተት ነው። ቤተክርስቲያን ሰማዕትነትን የምታየው እንደ ሽንፈት ሳይሆን እንደ ታላቅ ድል ነው። በጥንቱ ዘመን በነገሥታት ፊት ቀርበው እንደሚገደሉት ሁሉ በዘመናችንም በእምነታቸው ምክንያት የሚገደሉ ክርስቲያኖች የዘመኑ ሰማዕታት ናቸው። ዓለም በሥጋ ቢለያቸውም በሰማይ ግን ታላቅ ክብርና አክሊል ይጠብቃቸዋል። ጌታችን በማቴዎስ 10፥28፦ “ሥጋን የሚገድሉትን ነፍስን ግን መግደል የማይቻላቸውን አትፍሩ፤ ይልቅስ ነፍስንም ሥጋንም በገሃነም ሊያጠፋ የሚቻለውን ፍሩ” እንዳለ። ክርስቶስ ዓለምን ያሸነፈው በጦር መሣሪያ ሳይሆን በፍቅርና በሞቱ ነው። እነዚህ ክርስቲያኖችም አክራሪዎች በጥላቻ ሲገድሏቸው፣ እነርሱ ግን በእምነትና በትዕግሥት በመሞታቸው ከጌታቸው ከኢየሱስ ክርስቶስ ጋር ይመሳሰላሉ።“ባሪያ ከጌታው አይበልጥም... እኔን አሳደውኝ እንደ ሆነ እናንተንም ደግሞ ያሳድዷችኋል።” [ዮሐ15፥20] “ሰማዕትነት ማለት የሞት ፍጻሜ ሳይሆን የሞት መሸነፍ ነው። ሰማዕቱ በሞቱ ሞትን ይረግጠዋል። ገዳዮቹ ሥጋውን ሲቆርጡት፣ እርሱ ግን ወደ ሰማያዊው ክብር እየተጠጋ ይሄዳል። ሰማዕትነት የቤተክርስቲያን ጌጥና የክርስቶስ ምስክርነት ማኅተም ነው።” እንዳለ ቅዱስ ዮሐንስ አፈወርቅ፤ ክርስቲያኖች ሲገደሉ ቤተክርስቲያን አታዝንም፤ ይልቁንም አዲስ ድል እንደተገኘ ትቆጥራለች። ክርስቲያን ሁለት ዓይነት አክሊል አለው አንደኛው 'ነጭ አክሊል' [በንጽሕናና በጽድቅ መኖር] ሲሆን ሁለተኛው 'ቀይ አክሊል' [ስለ ክርስቶስ ደምን ማፍሰስ] ነው። ስለዚህ በዘመናችን በአክራሪዎች የሚገደሉ ክርስቲያኖች ቀይ አክሊልን የተቀዳጁ ከቅዱስ ጊዮርጊስና ከቅዱስ እስጢፋኖስ ጋር በአንድ ማዕድ የሚቀመጡ ታላላቅ ቅዱሳን ናቸው። በረከታችሁ ትደርብን፤ ጸልዩልን ! https://t.me/orthodox_chrstianity

🤩ቅዱስ ዮሐንስ አፈወርቅ ስለ እውነተኛ ጾም፤ የሰውን ሥጋ ከመብላት በላይ ክፉ ስለ ኾነው ሐሜት በተናገረበት ድርሳኑ እንዲህ አለ፦

👉ወዳጄ ሆይ! ሰው አስፈራርቶሃልን? በሰማያት ወዳለው ጌታ ተፋጠን፤ ምንም ክፉ ነገርም አይደርስብህም፡፡ እንዲህ በማድረጋቸው የቀደሙ ሰዎች ከመከራቸው ሊድኑ ችለዋል፤ ወንዶች ብቻ አይደሉም፤ ሴቶችም ጭምር እንጂ፡፡ አስቴር የምትባል አንዲት ዕብራዊት ሴት ነበረች፡፡ ይህቺ አስቴርሊጠፉ ሲሉ በዚሁ ዘዴ መላው እስራኤላውያንን ታድጋቸዋለች፡፡ የፋርስ ንጉሥ ኹሉም እስራኤላውያን በአስቸኳይ እንዲገደሉ ትእዛዝ ባስተላለፈና በቊጣው ፊት ሊቆም የሚችል ማንም ባልነበረበት ጊዜ+ ይህቺ ሴት የደስታ ልብሷን አውልቃ የኀዘን ልብሷን ስትለብስ፣ በራሷ ላይ ዐመድና ትቢያ ስትነሰንስ፣ ወደ ንጉሡ ስትኼድ ጊዜ ቸሩ እግዚአብሔር ከእርሷ ጋር እንዲኾን ስትማጸን፤ ጸሎቷንም ስታቀርብ የተናገረቻቸው ቃላት እነዚህ ነበሩ “ጌታ ሆይ! ቃሎቼ በአንተ ዘንድ የተወደዱ ይኹኑ፣ በአንደበቴም በጎ ነገርን አድርግ" (አስቴ.📖4፡17)፡፡ ስለ መምህራችን ወደ እግዚአብሔር የምናቀርበው የእኛ ጸሎትም ይህ ሊኾን ይገባል፡፡ አንዲት ሴት ስለ እስራኤላውያን ስለ ጸለየች የአረማውያንን ንጉሥ ቊጣ ካበረደችው ከዚህ ታላቅ ቤተ ክርስቲያን ጋር ኾኖ ስለ ታላቂቱ ከተማ የሚለምነው መምህራችንም ከዚህ በበለጠ መልኩ ትሑቱንና ርኅሩኁን ንጉሥ ማሳመን ይችላል፡፡

🤩እግዚአብሔርን በመበደል የተሠሩትን ኃጢአቶች የመፍታት ሥልጣን ካለው ሰውን [ንጉሡን] የበደሉትን ደግሞ ይበልጥ ሊፈታቸውና ከቊጣው ሊስውራቸው ይቻሏል፡፡ እርሱ ራሱም ገዢ ነው! ገዢነቱም ከሌላው [ኹሉ] የከበረ ነው፡፡ ምክንያቱም በንጉሡ ላይ ተፈጻሚ የሚኾኑ ቅዱሳት ሕጎችም ቢኾኑ ተፈጻሚ የሚኾኑት በእርሱ ነውና፡፡ ከላይ ከአርያም በጎ ነገርን ሲፈልግ ንጉሡ ወደ ካህኑ ይኼድ ዘንድ አለው፤ ካህኑ ግን ይህን ፈልጎ ወደ ንጉሡ አይኼድም፡፡ [እንዴት ያልከኝ እንደ ኾነም እንዲህ ብዬ እመልስልሃለሁ] እርሱም ጥሩር አለውና ይኸውም የጽድቅ ጥሩር ነው፡፡ መታጠቂያ [ቀበቶ] አለው፤ እርሱም የእውነት መታጠቂያ ነው፡፡ እጅግ የተከበረ ጫማ አለው፤ እርሱም የሰላም ወንጌል ነው፡፡ ሰይፍ አለው፤ ከብረት የተሠራ ግን አይደለም፤ ከመንፈስ እንጂ፡፡ ዳግመኛም በራሱ ላይ ቁር አለው፡፡ ይህ የትጥቅ ልብስ እጅግ ግርማ ሞገስ ያለው ነው፡፡ የጦር ዕቃዎቹ እጅግ ውብ ናቸው (ኤፌ📖.6፡11-17)። የንግግር ችሎታው ታላቅ እንደዚሁም ኃይልን lots የተሞላ ነው፡፡ ስለዚህ ከሥልጣኑ ከፍተኛነት፣ ከሰውነቱ ታላቅነት፣ ከኹሉም በላይ ደግሞ በእግዚአብሔር ባለው ተስፋ ንጉሡን በነጻነትና በማስተዋል ያናግሯል፡፡

 ስለዚህ እንጸልይ፤ ልመናችንን እናቅርብ፤ እንማጸን፤ ወደ ሰማያዊው ንጉሥም ብዙ ዕንባን የተመላ መልእክተኛችንን እንላክ እንጂ ስለ ደኅንነታችን አንሥጋ! ይህን በጎ ምልጃ በምናደርግበት ጊዜ እንደ ወዳጅና ረዳት ኾኖ የሚደግፈንም ይህ ጾም አለልን፡፡

ክረምት አልፎ በጋ ሲመጣ ነጋዴው መርከቡን ወደ ባሕሩ ያስገባል፣ ወታደር የጦር መሣሪያውን ይሰነግላል የውጊያ ፈረሱንም ለጦርነቱ ያዘጋጃል! ገበሬው ማጭዱን ይስላል መንገደኛው በድፍረት ረጅም መንገድን ይጓዛል፤ አርበኛው (wrestler) ልብሱን አወላልቆ ለትግሉ ይዘጋጃል፡፡ እኛም ልክ እንደዚሁ ጾም ሲመጣ መንፈሳዊ በጋ እንደ ገባ በማሰብ እንደ ወታደሩ የጦር ዕቃ መሣሪያዎቻችንን እንሰንግላቸው፤ እንደ ገበሬው ማጭዳችንን እንሳል! እንደ ነጋዴዎቹ አሳቦቻችን ከልክ በላይ በኾኑ የፍላጎቶቻችን ሞገዶች ላይ እንዘዛቸው፤ እንደ መንገድ ተጓዦቹ ወደ መንግሥተ ሰማያት የምትወስደውን መንገድ እንጀምር፣ እንደ አርበኛውም ለተጋድሎው እንዘጋጅ፡፡ ክርስቲያን በአንድ ጊዜ ገበሬም፣ ነጋዴም፣ ወታደርም፣ አርበኛም ተጓዥም ነውና፡፡ እንዲህም ስለ ኾነ ቅዱስ ጳውሎስ እንዲህ አለ፡- "መጋደላችን ከሥጋና ከደም ጋር አይደለምና ከአለቆችና ከሥልጣናት ጋር ነው እንጂ፡፡ ስለዚህ የእግዚአብሔርዕቃ ጦር ኹሉ ልበሱ" (ኤፌ.📖6፡12)፡፡ አርበኛ ሰው አይተሃልን? ወታደርስ ተመለክተሃልን? እንኪያስ አንተም አርበኛ ከኾንክ ለትግሉ ተዘጋጅተህ ዕራቁትህን ልትኾን ያስፈልግሃል፡፡ ወታደር ከኾንክም ኹለንተናህን ታጥቀህ በውጊያው መስመር ላይ ልትሰለፍ ይገባ'ሃል፡፡ “እነዚህ ኹለቱ ነገሮችስ ማለትም ዕራቁት መኾንም ትጥቅ መልበስም በአንድ ጊዜ እንዴት ሊኾኑ ይችላሉ?" የሚል ጥያቄ በአእምሮህ ይመላለስ ይኾናል፤ ግድ የለም እኔ እነግርሃለሁ፡:

ከዚህ ዓለም አሳብ ራስህን አውጣ፤ ያን ጊዜ አርበኛ ትኾናለህ፡፡ መንፈሳዊዉን የጦር ዕቃ ልበስ፤ ያን ጊዜም ወታደር ትኾናለህ፡፡ ወቅቱ አርበኛ ኾነህ የምትታገልበት ወቅት ነውና የዚህ ዓለም ፍላጎቶችህን አውልቀህ ጣል፡፡ ከአጋንንት ጋር የምናደርገው ጽነ ፍልሚያም አለንና መንፈሳዊ ትጥቅህን ልበስ፡፡ ስለዚህ ዲያብሎስ ከእኛ ጋር ትግል በሚገጥምበት ጊዜ የሚይዘውን እንዲያጣ ዕራቁት መኾን አስፈላጊ ነው፤ ድል የሚያደርግበትን ምት እንዳይመታንም በኹሉም አቅጣጫ በደንብ መታጠቅ ይኖርብናል፡፡

ሰውነትህን ኮትኩተው፡፡ እሾኾቹን መንጥራቸው፡፡ የመልካምነት ዘር ቃልም ዝራበት፡፡ እውነተኞቹን መንፈሳውያን ጥበባትን በታላቅ ጥንቃቄ ኾነህ አፍላቸው፤ ተንከባከባቸውም፤ ይህን ያደረግህ እንደኾነም እውነተኛ ገበሬ ትኾናለህ፡፡ ይህን ስታደርግም ተወዳጅ ጳውሎስ እንዲህ ይልሃል፡-“የሚደክመው ገበሬ ፍሬውን ከሚበሉት መጀመሪያ እንዲኾን ይገባዋል" (2ኛ ጢሞ📖.2፡6)፡፡ እርሱ ራሱ ይህን ዘዴ ይጠቀምበት ነበር፡፡ በመኾኑም ለቆሮንቶስ ክርስቲያኖች ሲጽፍላቸው እንዲህ አለ፡- “እኔ ተከልሁ፤ አጵሎስም አጠጣ፤ ነገር ግን እግዚአብሔር ያሳድግ ነበር" (1ኛ ቆሮ.📖3፡6)፡፡

በሆዳምነትህ የደነዘው ማጭድህን በጾም ሳለው፡፡ ወደ መንግሥተ ሰማያት የምትወስደውን መንገድ ተመልከታት፡፡ ውጣ ውረድ ያለባት፣ ጠባብና መከራ የበዛባት መኾኗን አስተውለህ በእርሷ ኺድ፡፡ እነዚህን ነገሮችስ እንዴት አድርገህ ልታደርጋቸው ትችላለህ? ሰውነትህን በመግዛትና [በጾም] በመቆንጠጥ! መንገዱ ጠባብ ስለኾነ ከሆዳምነቱ የተነሣ የወፈረ ሊያልፍባት አይቻለውምና፡፡

ገደብ የለሽ የፍላጎቶችህ ሞገዶችን ቀንሳቸው፡፡ የክፉ አሳቦች ፈተናን ከአንተ አርቅ፡፡ የንግድ መርከብህን ጠብቃት፤ ጥንቃቄ የተሞላበት ክኅሎትህን ተጠቀም፤ ያን ጊዜም የመርከብ አለቃ ትባላለህ፡፡ በእነዚህ ኹሉም ነገሮች ላይ ግን እንደ መሠረትና እንደ መሪ ጾምን ልንይዝ ግድ ይላል፡፡

ይቀጥላል...

(ትምህርት በእንተ ምክንያተ ሐውልታት፣ በቅዱስ ዮሐንስ አፈወርቅ፣ ገጽ 79-96 ገብረ እግዚአብሔር ኪደ የተረጎመው)

😇😇😇 😇😇😇 😇😇😇ቅዱስ ዮሐንስ አፈወርቅ🗡 😇😇😇 🤍ለወዳጆ ሼር ያድርጉ⚡️ ╭══✧•|❀:✧๑♡๑✧❀|: ✧══╮   @Kidus_Michaelabate_12 ╰══✧•ೋ•✧๑♡๑✧• ✧══╯         ✝️#share🔵🦋       

አንቀጸ ብፁዓን ምዕራፍ ስድስት ልበ ንጹሐን ብፁዓን ናቸው እግዚአብሔርን ያዩታልና ማቴ.5፥8 ክፍል 4 7. ከቅዱሳት ምሥጢራት መሳተፍ፦ ልበ ንጹሕነት ራስን ከቅዱስ ምሥጢር ማሳተፍ ነው። ፍጹም የኃጢአት ስርየትና ለቅድስና መታተም የሚገኘው በእርሱ ነውና። ወደዚህ ምሥጢር ከመቅረባችን በፊት ግን ልባችንን በንስሐ ልናነጻው ይገባናል። ሐዋርያው ቅዱስ ጳውሎስ

እንደዚሁም ከእራት በኋላ ጽዋውን ደግሞ አንሥቶ። ይህ ጽዋ በደሜ የሚሆን አዲስ ኪዳን ነው በጠጣችሁት ጊዜ ሁሉ ይህን ለመታሰቢያዬ አድርጉት አለ። ይህን እንጀራ በበላችሁ ጊዜ ሁሉ ይህንም ጽዋ በጠጣችሁ ጊዜ ሁሉ ጌታ እስኪመጣ ድረስ ሞቱን ትናገራላችሁና። ስለዚህ ሳይገባው ይህን እንጀራ የበላ ወይም የጌታን ጽዋ የጠጣ ሁሉ የጌታ ሥጋና ደም ዕዳ አለበት። ሰው ግን ራሱን ይፈትን እንዲሁም ከእንጀራው ይብላ ከጽዋውም ይጠጣ፤ ሳይገባው የሚበላና የሚጠጣ የጌታን ሥጋ ስለማይለይ ለራሱ ፍርድ ይበላልና፥ ይጠጣልምና

1ኛቆሮ.11፥25-29 በማለት ልባችንን ንጹሕ በማድረግ ከዚህ ምሥጢር እንድንሳተፍ አስተምሮናል። እንዲሁም፦

ከአጋንንትም ጋር ማኅበረተኞች እንድትሆኑ አልወድም የጌታን ጽዋና የአጋንንትን ጽዋ ልትጠጡ አትችሉም ከጌታ ማዕድና ከአጋንንት ማዕድ ልትካፈሉ አትችሉም

1ኛቆሮ.10፥19-21 በማለት ወደ ቅዱስ ምሥጢር ስንቀርብ በንጽሕና መሆን እንዳለበት አስገንዝቦናል። በቅዳሴውም ካህኑ

ንጹሕ የሆነ ከቁርባኑ ይቀበል፣ ንጹሕ ያልሆነ ግን አይቀበል

በማለት የሚያውጀው ይህንን አብነት በማድረግ ነው። ከዚህ ቅዱስ ምስጢር ስንሳተፍ ፍጹምና ዘላላማዊ የሆነ የልብ ንጽሕናን እናገኛለን። ✍️እግዚአብሔርን ያዩታልና፦ እግዚአብሔርን የምናየው እንዴት ነው? ሐዋርያው ቅዱስ ጳውሎስ

እርሱ ብቻ የማይሞት ነው ማንም ሊቀርበው በማይችል ብርሃን ይኖራል አንድ ሰው እንኳ አላየውም ሊያይም አይቻለውም

1ኛጢሞ.6፥16 እንዳለው እግዚአብሔርን በመለኮቱ በዓይን ያየው የለም፣ ሊያየውም የሚችል የለም በሥጋ ዓይናችን እንኳን እግዚአብሔርን ይቅርና የፀሐይንም ክበብ ሙሉ በሙሉ ማየት አይቻለንም ረቂቅ የሆኑ ፍጥረታትንም ማየት አይቻለንም። ጌታችን በተራራው ስብከቱ

ልበ ንጹሖች ብፁዓን ናቸው እግዚአብሔርን ያዩታልና

በማለት ያስተማረው እግዚአብሔር የሚታየው በሥጋ ዓይን ሳይሆን በንጹሕ ልብ ስለሆነ ነው። በዮሐንስ ወንጌልም

የማያዩ እንዲያዩ የሚያዩም እንዳያዩ እኔ ወደዚህ ዓለም ለፍርድ መጣሁ

 ዮሐ.9፥39 በማለት ያስተማረው ስለ መንፈሳዊው እይታ (ዓይነ ልቡና) ነው። ሁሉም በሥጋ ዓይናቸው ቢያዩትም፣ ድምፁንም በጆሮአቸው ቢሰሙትም እናውቃለን ብለው የሚታበዩት ፈሪሳውያን እርሱን ባለማመናቸው ሲፈረድባቸው ልባቸውን ክፍተው የሰሙትና ያመኑት ትሁታን ሐዋርያት ግን ከራሳቸውም አልፈው ለዓለም ብርሃን ሆነዋል። ቅዱስ ዮሐንስ አፈወርቅ እንዳስተማረው በምድር ላይ ያሉ ነገሮችን የምናየው በሥጋ ዓይናችን እንደሆነ ሁሉ እግዚአብሔርን የምናየው በልባችን (በዓይነ ልቡናችን) ነው። ነገሮችን አጥርተን ለማየት የሥጋ ዓይናችን ጤነኛ (ንጹሕ) መሆን እንደሚያስፈልገው ሁሉ እግዚአብሔርንም ለማየት ልባችን ከኃጢአት ንጹሕ መሆን ይኖርበታል። በዓይን ውስጥ ያለ ጉድፍ እይታችንን እንደሚከልለው ሁሉ በልባችን ውስጥ ያለ ኃጢአትም እግዚአብሔርን እንዳናይ የልባችንን ብርሃን ይከልላል። ልበ ንጹሐን የጽድቅን ሥራ በመሥራት ልባቸውን የእግዚአብሔር ቤተ መቅደስ ያደርጉታል፣ በልባቸውም ይቀድሱታል። በዚህም ዕለት ዕለት በጸሎታቸው ያነጋግሩታል፣ በልባቸው አድሮም ጽድቅን ሲያሠራቸው ያዩታል። እኛም ክርስቲያኖች እግዚአብሔርን በልባችን ያየነውና የምናየው በሚከተሉት መንገዶች ነው። ✍️በኢየሱስ ክርስቶስ፦ ቅዱስ ዮሐንስ ወንጌላዊ

መቼም ቢሆን እግዚአብሔርን ያየው አንድ ስንኳ የለም በአባቱ እቅፍ ያለ አንድ ልጁ እርሱ ተረከው

ዮሐ.1፥18 በማለት እንደጻፈው እግዚአብሔርን ያየው የለም። እግዚአብሔርን ያየነው በኢየሱስ ክርስቶስ ነው። ✍️ከሐዋርያት አንዱ የሆነው ፊልጶስ

ጌታ ሆይ አብን አሳየንና ይበቃናል

ባለ ጊዜ ጌታችን

አንተ ፊልጶስ ይህን ያህል ዘመን ከእናንተ ጋር ስኖር አታውቀኝምን? እኔን ያየ አብን አይቶአል እንዴትስ አንተ። አብን አሳየን ትላለህ? እኔ በአብ እንዳለሁ አብም በእኔ እንዳለ አታምንምን? እኔ የምነግራችሁን ቃል ከራሴ አልናገረውም፤ ነገር ግን በእኔ የሚኖረው አብ እርሱ ሥራውን ይሠራል።  እኔ በአብ እንዳለሁ አብም በእኔ እንዳለ እመኑኝ ባይሆንስ ስለ ራሱ ስለ ሥራው እመኑኝ

ዮሐ.14፥8-11 በማለት አንድነቱን አረጋግጦልናል ስለዚህም ነው እግዚአብሔርን አይተነዋል የምንለው። ኢየሱስ ክርስቶስ የእግዚአብሔር የባሕርይ ልጅ፣ እግዚአብሔር ነውና። ሐዋርያው ቅዱስ ጳውሎስም በመልእክቱ

እርሱም የማይታይ አምላክ ምሳሌ ነው። የሚታዩትና የማይታዩትም ዙፋናት ቢሆኑ ወይም ጌትነት ወይም አለቅነት ወይም ሥልጣናት በሰማይና በምድር ያሉት ሁሉ በእርሱ ተፈጥረዋልና ከፍጥረት ሁሉ በፊት በኵር ነው። ሁሉ በእርሱና ለእርሱ ተፈጥሮአል

ቆላ.1፥15 ያለው እግዚአብሔርን ያየነው በኢየሱስ ክርስቶስ ስለሆነ ነው። ሐዋርያው ቅዱስ ጴጥሮስም

“ይኸውም ለሕዝብ ሁሉ አይደለም ነገር ግን በእግዚአብሔር አስቀድሞ የተመረጡ ምስክሮች ለሆንን ለእኛ ነው እንጂ፤ ከሙታንም ከተነሣ በኋላ ከእርሱ ጋር የበላን የጠጣንም እኛ ነን።

ሐዋ.10፥41 በማለት መስክሯል። በዘመኑ የነበሩት በዓይናቸው አይተውታል፣ በእግራቸውም በግብራቸውም ተከትለውታል፣ በጆሮአቸውም ሰምተውታል፣ የሰሙትንም በልባቸውም አኑረውታል፣ አብረውትም በልተዋል። እኛ ደግሞ ይህንን አምነን፣ ቅዱስ ሥጋውን እና ክቡር ደሙን ተቀብለን እንደ እነርሱ እንሆናለን። ✍️በሕይወታችን ባደረገልን ነገር፦ እግዚአብሔርን በሕይወታችን ባደረገልን ነገሮች ውስጥ በልባችን እናየዋለን። የተደረጉልን ነገሮች በራሳቸው የሆኑ ሳይሆኑ በእግዚአብሔር የተደረጉልን መሆናቸውን ስናስተውልና ስናምን እግዚአብሔርን በልባችን እናየዋለን። ልበ አምላክ ክቡር ዳዊት

እግዚአብሔር ቸር እንደ ሆነ ቅመሱ እዩም በእርሱ የሚታመን ሰው ምስጉን ነው።

መዝ.34፥8 በማለት የዘመረው ይህንን ቸርነቱን በማሰብ ነው። ጠቢቡ ሰሎሞንም

በፍጹም ልብህ በእግዚአብሔር ታመን በራስህም ማስተዋል አትደገፍ፤ በመንገድህ ሁሉ እርሱን እወቅ እርሱም ጎዳናህን ያቀናልሃል

ምሳሌ.3፥5-6 እንዳለው ሕይወታችንን የሚያቀናልን እግዚአብሔር ነው። በነቢዩ ኢሳይያስም

እኔ ከአንተ ጋር ነኝና አትፍራ፤ እኔ አምላክህ ነኝና አትደንግጥ አበረታሃለሁ እረዳህማለሁ በጽድቄም ቀኝ ደግፌ እይዝሃለሁ

ኢሳ.41፥10 እንዳለው በሕይወታችን የሚረዳን እርሱ ነው። በነቢዩ ኤርምያስም

ለእናንተ የማስባትን አሳብ እኔ አውቃለሁ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም

ኤር.29፥11 እንዳለው እርሱ የሚያስብልን የሰላም ሀሳብ ነው። ሐዋርያው ቅዱስ ጳውሎስም

የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ

ሮሜ.12፥2 በማለት ይህንን የእግዚአብሔር በጎ ፈቃድ ፈትነን እንድናውቅ አስተምሯል። የእርሱን ፈቃድ ስናውቅ ያደረገልንንም ስናስተውል እግዚአብሔርን በልባችን እናየዋለን። በመንፈሳዊ መገለጥ(መረዳት)፦ ይቀጥላል (ክፍል 5)

አሜን የኔ ጌታ ስለሆነው ሁሉ ደግሞም በሚሆነው/2 ስራህ ትክክል ነው አሜን እላለሁ/2/

አዝ

እግዚአብሔር በቀባው በዳዊት ጦማር ፊት የሞት ቀለም ቢጻፍ እንዲያልፍ የኔ ሕይወት ከኦርዮን ግንባር አእላፋት ቢወድቁ ያልከው የሚሆነው ያንተ እኮ ነው ጽድቁ አሜን የኔ ጌታ ያንተ ፈቃድ ይሁን አትሻም መካሪ ስትሰራ ስትከውን

አዝ

ከእልፍ በረከት ከብርሀን ጀርባ ጽልመት ሰልጥኖብኝ ሊጥለኝ ቢያደባ ቀን ሳለ ጌታዬ ባንተ አቆጣጠር ያም ያልፋል እያልኩኝ ኖራለሁ ስዘምር አሜን የኔ ጌታ ያንተ ፈቃድ ይሁን አትሻም መካሪ ስትሰራ ስትከውን

አዝ

ዛሬም የማየውን የበልዓምን ክፋት አውቃለሁ ጌታዬ ያልፋል ባንተ ምሕረት ሟርት በእስራኤል ላይ የታለ ጉልበቱ ሆኗል ለበረከት የጠላት አስማቱ አሜን የኔ ጌታ ያንተ ፈቃድ ይሁን አትሻም መካሪ ስትሰራ ስትከውን

አዝ

ማጣትን አውቃለሁ አሜን ይሁን ብዬ ማግኘትም ባንተ ነው በፍቅርህ ጌታዬ ማነስም መብዛቱ ሁሉን የሚያስችለው ቀን ዐይቶ ማይከዳው ያንተ መዳፍህ ነው አሜን የኔ ጌታ ያንተ ፈቃድ ይሁን አትሻም መካሪ ስትሰራ ስትከውን

አዝ

እግዚአብሔር በቀባው  በዳዊት ጦማር ፊት የሞት ቀለም ቢጻፍ እንዲያልፍ የኔ ሕይወት ከኦርዮን ግንባር አእላፋት ቢወድቁ ያልከው የሚሆነው ያንተ እኮ ነው ጽድቁ አሜን የኔ ጌታ ያንተ ፈቃድ ይሁን አትሻም መካሪ ስትሰራ ስትከውን ዘማሪ አቤል መክብብ 💚 @ortodoxmezmur 💚 💛 @ortodoxmezmur 💛 ❤️ @ortodoxmezmur ❤️

የካቲት ፳፬ /24/

በዚች ቀን የከበረ አባት ኤጲስቆጶስ አጋቢጦስ አረፈ። ይህም አባት በከሀድያን ነገሥታት በዲዮቅልጥያኖስና በመክስምያኖስ ዘመን ነበር። ወላጆቹም ደጎች ምእመናን ነበሩ የቤተ ክርስቲያንን ትምህርት አስተምረውት ዲቁና ተሾመ። ከዚህም በኋላ እናትና አባቱን ትቶ ወደ አንድ ገዳም ሔዶ በዚያም በጾም በጸሎት እየተጋደለ የሸመገሉ መነኰሳትን አገለገለ። የተጋድሎውና የኃይሉ ጽናት ወሬው በተሰማ ጊዜ ስሙ ሉክያኖስ የሚባል መኰንን ወደርሱ ልኮ አስመጥቶ ያለ ውዴታው በግድ የጭፍራ አለቃ አድርጎ ሾመው። ንጉሥ ቈስጠንጢኖስ እጅግ የሚወደው መልከ መልካም የሆነ ወጣት ብላቴና ነበር ክፉ ጋኔንም ያሰቃየው ነበር። ከዚህ ከአስጨናቂ ደዌ ያድነኝ ዘንድ የወታደሩ አለቃ አጋቢጦስን ፈጥናችሁ አምጡልኝ አለ። ቅዱሱም በእግዚአብሔር ኃይል አዳነው በመጨረሻም ንጉሡን ከወታደርነት ውስጥ አሰናብተኝ አለውና አሰናበተው አስቀድሞ ወደ ነበረባትም ቦታው ተመለሰ ብዙ ዘመናትም እጅግ እየተጋደለ ኖረ። በዚያችም አገር በኤጲስቆጶስነት ተሹሞ በዙ ተአምራትን እያደረገ የክርስቶስን መንጋዎች በበጎ አጠባበቅ ጠበቃቸው። ለእግዚአብሔር ምስጋና ይሁን እኛንም በከበሩ ቅዱሳኑ ጸሎት ይማረን በረከታቸውም ከእኛ ጋር ትኑር ለዘለዓለም አሜን። ወስብሐት ለእግዚአብሔር ምንጭ፦ መጽሐፈ ስንክሳር 💚 @ortodoxmezmur 💚 💛 @ortodoxmezmur 💛 ❤️ @ortodoxmezmur ❤️

“ወዳጄ ሆይ! የትዕቢት መርዝ ተጠራቅሞ አብጦብኻልን? እንኪያስ ወደ ቅዱስ ሥጋዉና ክቡር ደሙ ቅረብ፤ ስለ ወዳጆቹ ሲል አርአያ ገብርን የነሣ ትሑቱ ጌታም ትሕትናን ያስተምርኻል፡፡ የስግብግብነት ትኩሳት አስቸግሮኻልን? ወደ ቅዱስ ሥጋዉና ክቡር ደሙ ቅረብ፤ ደግነትንም ትማራለኽ፡፡ የምቀኝነት ብርድ አስቸግሮኻልን? እንኪያስ ወደ ሰማያዊው መዓድ ቅረብ፤ ምኅረት ማድረግንም ገንዘብ ታደርጋለኽ፡፡ ትዕግሥትን የማጣት እከክ ይዞኻልን? እንኪያስ ወደ ቅዱስ ሥጋዉና ክቡር ደሙ ቅረብ፤ ራስን መግዛትንም ገንዘብ ታደርጋለኽ፡፡ በመንፈሳዊ ሕይወትኽ ልል ዘሊል ብትኾን ይኽን መንፈሳዊ መዓድ ተመገብና ብርቱ ትኾናለኽ፡፡ ቆሽሸኻልን? እንኪያስ ወደዚኹ መብልና መጠጥ ቅረብ ብዬ እመክርኻለኹ፤ ንጽሕናንም ገንዘብ ታደርጋለኽ፡፡”

ቅዱስ ቄርሎስ ዘእስክንድርያ

መልካም ቀን❤

ብወድቅ እንኳ ወድቄ አልቀርም፤ እየተሳብኩም ቢሆን ወደ ጌታዬ ሥጋና ደም ለመቅረብ እሮጣለው[በንስሐ]። ምክንያቱም ኃጢአትን ለማሸነፍ የሚያስችለኝን ኃይል የማገኘው ከራሱ ከጌታዬ ሥጋና ደም ነው። ወደ ሆስፒታል የምሄደው ጤነኛ ስለሆንኩ ሳይሆን ታምሜ ለመፈወስ እንደሆነ ሁሉ፣ ወደ ቅዱስ ቁርባንም የምቀርበው በኃጢአት የቆሰለ ማንነቴ እንዲፈወስ ነው። በኃጢአት እየተጎተትኩም ከቁርባን ከራቅኩ፣ በበሽታው እየተሰቃየው "መድኃኒቱን አልወስድም" እንደሚል በሽተኛ እሆናለው። እርሱ "ወደ እኔ የሚመጣውን ከቶ ወደ ውጭ አላወጣውም" (ዮሐ 6:37) ብሎ የተስፋ ቃልኪዳን ሰጥቶኛል፤ ጌታዬን አምነዋለው። ከቁርባን መራቅ ማለት ከቅርንጫፉ ተቆርጦ እንደወደቀ ቅጠል መሆን ነው። የደረቀ ቅጠል ህይወት እንደሌለው ሁሉ ሳትቆርቡ ምትኖሩት ህይወት ጌታ የሌለበት የበድን ህይወት ነው።[አስቡበት] https://t.me/orthodox_chrstianity