Advertising on the Telegram channel «Oolmaa Guyyaa ⌛️»

Ministeerri Fayyaa ogeeyyiin fayyaa hojii lagatan hojiitti akka deebi’an akeekkachiise, obsi mootummaa ‘daangaa qaba’ jedheera

Ministeerri Fayyaa #Itoophiyaa “lagannaan damee fayyaa keessatti raawwatamu seeraan dhorkaa” ta’uu eeruun, ogeeyyii fayyaa mormii hojii dhaabuu gartokkee irratti hirmaataniif akeekkachiisa cimaa kenneera. Ogeessoonni “hojiitti deebi’uu didan” seeraan kan isaan gaafachiisu ta’uus ibseera.

“Dameen fayyaa tajaajila hawaasummaa haala kamiinuu gonkumaa addaan cituu hin qabne keessaa isa tokko” ta’uu cimsee kan ibse ministeerichi, ogeessonni fayyaa “iddoo hojii isaanitti argamuu, hojii idilee isaanii raawwachuu, fi dhimma isaanii qaama dhimmi ilaallatuuf dhiheessuun akka irraa eegamu” hubachiise.

Gama biraatiin, Amnastii Intarnaashinaal fi Kongireesii Federaalawaa Oromoo (#KFO) lagannaa hojii kanaan walqabatee ogeeyyiin fayyaa kutaalee biyyattii adda addaa keessatti hidhaman hatattamaan akka gadhiifaman gaafataniiru.


@Oolmaaguyyaa

#Lagannaa hojii ogeyyiin fayyaa gaggeessaa jiraniin ogeeyyootni fayyaa hedduun hidhamuu maddeen adda ddaa BBC'tti himaniiru.

Magaalaa Finfinnee hospitaalota Paawuloosii, hospitaala Xuqur Ambassaa fi Naannoo Amaaraa Walloo Kibbaa hospitaala waliigalaa Akistaatti hakimonni hidhaman akka jiran BBC'n odeeffateera.

Naannoo Amaaraa Walloo Kibbaa hospitaala waliigalaa Akistaatti hakimonni waliigalaa afur hidhamuun lama boodarra gadhiifaman jedhan maddeen BBC.

Hospitaala waliigalaa Booruu Meedaattis hakimoota waliigalaa lama, Bahaardaar hospitaala Addisaalamii ogeeyyii fayyaa afur, Giddugala Gojjaam, Hospitaala sadarkaa jalqabaa Dalgiitti ogeeyyii fayyaa lama, Bahirdaar hospitaala Falagegiwoonittis akkasuma ogeeyyiin fayyaa humnoota mootummaatiin hidhamuu BBC'n maddeen maatii fi waahillan hojii irraa odeeffateera.

Hakimoonni hidhaman muraasni waldhaansa kutaa hatattamaarra bulanii otoo bahuuf jedhanii akka ta'es ogeeyyiin fayyaa BBC'tti himaniiru

@Oolmaaguyyaa

#Lagannaa hojii ogeyyiin fayyaa gaggeessaa jiraniin ogeeyyootni fayyaa hedduun hidhamuu maddeen adda ddaa BBC'tti himaniiru.

Magaalaa Finfinnee hospitaalota Paawuloosii, hospitaala Xuqur Ambassaa fi Naannoo Amaaraa Walloo Kibbaa hospitaala waliigalaa Akistaatti hakimonni hidhaman akka jiran BBC'n odeeffateera.

Naannoo Amaaraa Walloo Kibbaa hospitaala waliigalaa Akistaatti hakimonni waliigalaa afur hidhamuun lama boodarra gadhiifaman jedhan maddeen BBC.

Hospitaala waliigalaa Booruu Meedaattis hakimoota waliigalaa lama, Bahaardaar hospitaala Addisaalamii ogeeyyii fayyaa afur, Giddugala Gojjaam, Hospitaala sadarkaa jalqabaa Dalgiitti ogeeyyii fayyaa lama, Bahirdaar hospitaala Falagegiwoonittis akkasuma ogeeyyiin fayyaa humnoota mootummaatiin hidhamuu BBC'n maddeen maatii fi waahillan hojii irraa odeeffateera.

Hakimoonni hidhaman muraasni waldhaansa kutaa hatattamaarra bulanii otoo bahuuf jedhanii akka ta'es ogeeyyiin fayyaa BBC'tti himaniiru

@Oolmaaguyyaa

Boordiin Filannoo Biyyaalessaa #ABUT paartii siyaasaa keessaa haqamuu ibse

Boordiin Filannoo Biyyaalessaa #Itoophiyaa Caamsaa 13, 2025 irraa kaasee beekamtii seera qabeessummaa Addi Bilisummaa Uummata Tigraay (ABUT) haquu beeksise. Boordichi murtoo kanaaf akka sababaatti kan eere paartichi yeroo ji’oota sadii kennameef keessatti “tarkaanfiiwwan sirreeffamaa” fudhachuu dhabuun akka ta’e ibseera.

Akka boordichi jedhutti ABUT ulaagaalee Labsii lakk 1332/2016 kan paartilee siyaasaa “haala addaan” galmaa’anii fi waraana keessa hirmaatan yeroodhaaf akka galmaa’an hayyamu jalatti eeraman “raawwachuu dhabuu” ibseera

@Oolmaaguyyaa

Ogeessonni fayyaa Hospitaala #Xuquur_Ambassaa kaffaltii, faayidaa fi haala hojii fooyya’aan akka guutamuuf hiriiraan gaafatan

Ogeessonni fayyaa Hospitaala Ispeeshaalaayizdii Xuquur Ambassaa keessa hojjetan lagannaa hojii hojjettoota fayyaa guutuu biyyattiitti argamaniin Kibxata Caamsaa 13 eegalee gaggeessuuf karoorfameen dura har’a Wiixata ganama hiriira nagaa gaggeessaniiru.

Hiriirri mooraa hospitaalichaa keessatti gaggeeffame kanarratti ogeessonni fayyaa barreeffamoota “Lammiileen Fayyaa Qaban Diinagdee Cimaa Ijaaru!”, “Lubbuu Baraarra Garuu Kiraa Manaa Kaffaluu Hin Dandeenyu,” fi “Hojjetoota Fayyaa Hiraarsuun Haa Dhaabbatu. Eegumsi Nuuf Mala,” jedhan qabatanii argaman.

Ogeessi fayyaa sochii kana keessatti dammaqinaan hirmaachaa jiru tokko Addis Standard waliin turtii taasiseen lagannaa hojii karoorfame kun “hojii dhaabuu gartokkee tajaajiloota kutaalee balaa tasaa (emergency), dahumsaa fi ICU hin xuqne” akka ta’u yaadamuu ibseera.

@Oolmaaguyyaa

#Beenishaangul_Gumuzitti manneen barnootaa miidhaman iddootti deebisuuf birrii biiliyoona 3.6 ol akka gaafatu ibsame

Naannoo Beenishaangul Gumuzitti bara 2010 ALI irraa eegalee sababa garagaraan manneen barnootaa miidhaman iddootti deebisuuf baasii qarshii biiliyoona 3.6 ol akka gaafatu Biiroon Banrnoota Naannoo Beenishaangul Gumuz beeksise.

Naannichatti waliigalaan manneen barnoota 380 irratti miidhaan qaqqabuunis ibsameera.

Hogganaa Ittaanaa Biiroo Barnoota Naannoo Beenishaangul Gumuz Obbo Mahaammad Usmaan maneen barnoota naannicha keessa argaman waggoota torba darban keessatti miidhaan irra qaqqabe iddootti deebisuuf hojiin eegalamuu Gaazexaa Bariisaaf ibsaniiru.

Sababoota miidhaa manneen barnoota kanaa ifatti ibsuu baataniis, naannichi waggoota darbaniif itti fufiinsaan walitti bu’iinsa keessummeessaa turuu ni yaadatama

@Oolmaaguyyaa

Callisni gara dallansuutti osoo hin jijjiiramiin dura mootummaan gaaffii ogeeyyii fayyaaf xiyyeeffannoo laachuu qaba

#Itoophiyaan qarqara gaaga’ama fayyaa irra dhaabbattee jirti. Kunis sababa weerara ykn dhukkuba haaraa mul’ateen osoo hin taane, dhimmi ogeeyyii fayyaa biyyattii xiyyeeffannoo dhabuu isaarra madda.

Hiriirri nagaa guutuu biyyattiitti hojjettoota fayyaatiin geggeeffamaa jiru jalqaba fincilaa osoo hin taane, iyyannoo dhumaa ogeessa waan hunda qabu kennuus deebii isaatin homaa hin arganne taasisaa jirudha. Mootummaan gaaffii ogeessota fayyaa waggaa dheeraa fi seera qabeessa ta’e hanga Caamsaa 11tti deebii kennuu yoo dadhabe, guutuu biyyattiitti ogeeyyoonni hojii dhaabuu danda’u.

Yeroo dheeraaf hakiimonni, narsoonni, teeknishaanonni, fi hojjettoonni eegumsa fayyaa biroo Itoophiyaa keessa jiran wantoota ulfaatoo hin danda’amne dandamataniiru. Hiraarsa, hidhaa, doorsisa fi du’a isaan mudateera. Mindaan argatan garuu baay’ee xiqqaa waan ta’eef hedduun isaanii maatii irratti hirkataa ta’anii hafu. Muraasni isaanii wal’aansa dhabuun du’aniiru ykn baasii wal’aansa isaanii guutuuf ummata duratti yeroo kadhatan mul’ateera.

Rakkoon kun kan hakiimotaa fi narsoota qofa miti. Lammiilee Itoophiyaa sirna fayyaa biyyattii dadhaboo ta’e kanarratti hirkate hundaaf rakkoodha. Biyya baay’inni hojjettoota eegumsa fayyaa namoota 1,000 keessaa 1 ta’e keessatti, hojii dhaabuu yeroo hin murtoofneef godhamu mitii guyyaa tokkoof illee hospitaalota keessatti ogeeyyiin fayyaa dhabamuun ulfaataadha.

Addis Standard akka gulaaletti !

@Oolmaaguyyaa

Abbaan Taayitaa Gabaa Kaappitaalaa #Itoophiyaa abbaa qabeenyaa Ermiyaas Amalgaa fi dhaabbata ‘Janasiis Invastimant Sarviis’ jedhamu dabalatee namoota dhuunfaa fi dhaabbilee biroo irratti qorannoo gaggeessaa jiraachuu beeksise.

Abbaan taayitichaa namoota dhuunfaa fi dhaabbilee kanneen irratti qorannoo eegaluu isaa kan ibse, "seeraan ala aksiyoonota ummatatti gurguruun maallaqa walitti qabaa turan" jedhamuun komii dhiyaate irratti hundaa’uun akka ta’e ibseera.

Qorannoon kan gaggeeffamu akkaataa qajeelfama "mirga dhaga'amuu" jedhu Heera Mootummaa irratti caqasameen yoo ta’u, mirgoonni fi eegumsi Heera Mootummaa fi seerotni birootin kennaman hundi ni kabajamu jedheera.

@Oolmaaguyyaa

Oduu: Televijiinii #EBS fi Birtukaan Tamasgen dabalatee namoota 16 irratti himannaan sadii baname

Televijiinii EBS fi dhaabbata abbaa qabeenyummaan isaa kan EBS waliin tokko ta’e kan biraa haasawa jibbiinsaa fi odeeffannoo sobaa tamsaasuun yoo himataman, Ma’azaa Mohaammad fi Birtukaan Tamasgen dabalatee shakkamtoonni 6 himata shororkeessummaa irratti banameera.

Himannaan kun kan dhiyaate dokumantarii sagantaa televijiinii EBS “Boqonnaa Haaraa” jedhamu irratti Bitooteessa 14, 2017 ALI tamsa’ee fi hawaasa biratti dheekkamsa kaase hordofeeti.

Himatamtoonni “barattoota Oromoo yuunivarsiiti naannoo #Amaaraa adda addaatti baratan irratti haleellaan akka raawwatamu, dabaree isaatiinis dhaltoonni Amaaraa naannoo #Oromiyaa keessa jiraatan irrattis miidhaan akka gahu gochuun biyyattii keessatti jeequmsa guddaa uumuuf shira xaxuu” himatni kun agarsiisa.

@Oolmaaguyyaa

Waldaan Ogeeyyii Fayyaa #Itoophiyaa duula hojii dhaabuu hojiirra ooluun dura mootummaa gaaffii ogeeyyii fayyaa hatattamaan akka deebisu hubachiise

Ogeeyyiin fayyaa guutuu Itoophiyaa keessatti argaman daballii mindaa fi faayidaa fooyya’aa akka hojiirra ooluuf sochiiwwan hojii dhaabuun dura gaggeeffaman eegalu isaanii hordofee mootummaan gaaffilee ogeeyyii fayyaaf hatattamaan deebii akka argatu Waldaan Ogeessota Fayyaa Itoophiyaa gaafate. Sochiin ogeeyyii fayyaa kun "haala biyyaa fi hawaasa hin miineen" gaggeeffamuu akka qabus cimsee hubachiiseera.

Waldichi ibsa har'a Caamsaa 07, 2025 baaseen, "gaaffileen ogeessonni fayyaa kaasan seera qabeessa waan ta’aniif mootummaan furmaata hatattamaa kennuu qaba," jedhe. Waldichi gaaffilee kana irra deddeebiin qaamolee mootummaa dhimmi ilaallatuu fi waajjiraalee mootummaa ol’aanoof karaa seera qabeessaa ta’een dhiyaachuu eeruun, ta’us "ogeeyyiin fayyaa gaaffiin isaan kaasan hatattamaa fi karaa sirrii ta'een deebii waan hin arganneef karaa adda addaatiin mirga isaanii gaafachaa jiru" jechuun ibseera.

@Oolmaaguyyaa ... join gochuu hin dagatinaa