OROMIA TIMES™°°°!!

Bubbee S1E3

Siitkoomiin haaraa mata dureen Bubbee jedhu eegaleera.

https://youtu.be/VjjtwzGkZv8?si=4KVXpJnyfMLGpQkx

Follow me on instagram

https://www.instagram.com/kaachuu_yw?igsh=MThqOHZuOG14bXB0dQ%3D%3D&utm_source=qr

Caaseffamni haaraan mootummaan naannoo Somaalee lafa Oromiyaarratti dabarse karoora mootummaa federaalaa ta’uu hayyoonni OMN irratti mari’atan himan.

Asiin dura murtoo caaseffama haaraa naannichaa kan hunda dursee Oduu himes miidiyaa biyyaalessaa EBC ta’uu kan yaadachiisan hayyoonni kunneen ammas murtoo kanaaf deggarsi Imbaasiin Itoophiyaa Keeniyaa jiru agarsiise weerarri Oromiyaarratti godhamu fedha mootummaa Bilxiginnaa ta’uu agarsiisa jedhan.

Gaheen Ministeera dhimma alaa biyyattii karaa Imbaasii isaa daangaa naannoleee sararuu ta’uu akka hin taane kan yaadachiisan hayyoonni kunneen, gochaan Imbaasichaa kun karoorri dachii Oromoo saamsisuu harka mootummaa federaalaatiin akka raawwatamaa jiru ifatti kan agarsiise jedhan.

Mootummichi amala uummata gooluu qaba. Kana gochuuf immoo tasgabbii fi nagaa keessatti gaaffii uummataa deebisuu waan hin dandeenyef unkura uumuun yeroo bitachuun dirqama waan itti ta’eefi jedhu.

Itoophiyaan ijaarama isheerraa amala jeequmsaan uummata bakka tokko tiksuu qabdi, amaluma Impaayerummaa kanatu itti fufe jedhu hayyoonni kunneen.

Amalli gooliidhaan uummata cafaqanii bakka tokkotti tiksuu kun kan jijjiiramu guyyaa uummanni sagalee kennee mootummaa ofii filatee fi hiree ofii ofiin murteeffate dha jedhan.

Yeroo akkanaatti qaamni Mootummaa Naannoo Oromoo callisuu filateera, bulchoonni godinaalee, Harargee, Baalee fi Booranaas callisanii jiru. Kun mootummaan naannoo Oromiyaas lafa naannichaa weerarsiisuun fedha isaanii akka ta’e mul’isa jedhu.

Qumaarri siyaasaa isaan taphatan uummata Oromoo gatii kaffalchiisaa akka jiru beekuu qaban ture jedhan hirmaattonni marii kanaa.

Uummanni Oromoo hanga mootummaa uummataa ofii filate hundeeffatutti gamtaa isaa jabeeffatee dhiibbaa jalaa bahuu akka qabu hayyoonni kunneen dhaaman.

Fiilmii warreen jaalattan jirtuu? Fiilmota kanneen keessaa kamfaa ilaaltaniittu?

https://vm.tiktok.com/ZMAfcwBvn/

Fiilmii guyyaa tokko qofa keessatti galii doolaara Miiliyoona 157 ol argate

https://vm.tiktok.com/ZMAAaADE1/

Kaappiteen Aster Ayyaanaa Likkaasaa jedhamti. Koongoo keessatti lubbuu loltoota Ameerikaa dhumaatii irraa oolchuu isheen Humna Galaanarraa US, Humna Lafoo US, Humna Qilleensaa fi Nageenya Biyya Keessaa Ameerikaa irraa badhaasa addaa argateetti.

Bara 1950'moota keessa ammoo loltoota Itoophiyaa nagaa kabachiisuuf UN jalatti gara Kooriyaatti ergaman keessaa Aster Ayyaanaa tokko turte.

Tajaajila fayyaa Kooriyaa fi Jaappaanitti kenniteen gahumsa guddaa agarsiifteef mootummaa Kooriyaa irraa badhaasa addaa argateetti.

Gahumsa ergama nagaa kabachiisaa Kooriyaa fi Koongootti gumaachiteefi gootummaa agarsiifteefis Aster Ayyaanaa UN irraa beekkamtii fi badhaasa addaa argateetti.

Bara 1950 fi 1960 keessa yeroo barnoonni ammayyaa hedduu biyyoota Afrikaa keessatti hin babal'annetti dubartoonni Itoophiyaa muraasni waltajjii addunyaa irratti guca tahanii bahanii turan.

Dubartoota kanneen keessaa kan akka Ayyalech Mashashaa, Raabiyaa Abdulkadir, Meerii Taaddasaa fi Yoodit Immiruu fa'aa paarlaamaa, bulchiinsa biyyaafi dippolomaasii keessatti sadarkaa olaanaatti hirmaachuun kanneen fakkeenya guddaa tahanidha.

Kanaaf ammoo manni Barumsaa Imperes Manan magaala Finfinneetti argamu shoora olaanaa bahachuu Ahimed Hasan Omar, Yuunvarsiitii Finfinnee irraa waraqaa qorannoo seenaa Aster Ayyaanaa jedhuun bareessee keessatti eereera.

Odeessa kanan har'a kan isiniif dhiyeessinu ammoo waa'ee dubartii Itoophiyaa irra darbitee sadarkaa idil-addunyaatti hojii gootummaa hojjettee waa'ee Aster Ayyaanaati.

Aster Ayyaanaa, Wallagga Bahaa naannoo magaala Naqamtee ganda Tinfaa jedhamutti dhalattee guddatte.

Abbaanshee bulchaa naannoo sanaa tahuu qofa osoo hin taane yeroo Xaaliyaaniin Itoophiyaa weeraruun hanga Lixa biyyattiitti galte Raas Immiruu fa'aa waliin hanga Iluu Abbaa Booraa magaala Goreetti imaluun loluun lolchiisaa akka turan eeru qorataa Ahimed Hasan.

Bara 1953 leenjii loltummaa torban sadiif Jaan Meedaatti fudhachuun gulantaan Itti Aanaa Leetinaanti jedhu kennamuufiin ergamichatti makaman jedha ragaaleen arganne.

Aster Ayyaanaa loltoota ishee waliin ramadaman waliin Finfinnee irraa ka'uun Dirree Dhawaa dhaqabde. Achii ammoo baaburaan yeroo sana faransaayiin qabamtee kan turte buufata Jibuutii dhaqaban.

Jibuutii yeroo dhaqaban doonii waraanaa Ameerikaa Jeneeraal Bilaachfoordi jedhamu yaabuun gara Kooriyaatti imalan jedhan Ahimed Hasan seenaa barreessan keessatti.

Hundi isaanii dargaggoota jalqaba waggaa 20 keessa jiraniidha. Imala ji'a sadii booda Kooriyaa gahuun UN jalatti tajaajila isaanii jalqaban.

Aster Ayyaanaa Kooriyaatti tajaajila fayyaa loltoota ergamicha keessatti ramadamaniif kennuun gahumsa guddaa agarsiifteen dinqisiifamaa turte jedha barreeffamoonni waa'ee isheerratti kuusaa UN fi kaan irraa arganne.

Aster Ayyaanaa erga biyyatti deebitee hospitaala Minilik I keessa hojjechaa turte.

Intala Ayyaanaa Likkaasaa isa faashistii Xaaliyaaniin lolaa turee kan taate Aster Ayyaanaa, nagaa kabachiisa Kooriyaatii hanga Koongootti gahumsa ajaa'ibaa agarsiisuun maqaashee fi biyya ishee dubartii sadarkaa addunyaatti beeksiftedha.

Aster ilma maqaansaa Yaafeet jedhamu fi amma Ameerikaa jiraatu tokko akka qabdu kan himan Luba Fiqaaduu Beenyaa, dubartii seenaa guddaa hojjettee garuu seenaan ishee dhalootatti hin himamnedha jechuun ibsan.

Dhiimmoota Fiilmiin wal qabatan Yuutuubii kana irraa argattu.

https://youtu.be/71a97weD8FA?si=xZIYelaIA3n52vDA