Advertising on the Telegram channel «KH Report | ព័ត៌មាន»

👉 ចុចដើម្បីអាន:មន្ត្រី​នគរបាល​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន​នគរបាល​ខេត្ត​ព្រះ​សីហ​នុ បាន​ឲ្យ​ដឹង​ថា នៅ​វេលា​ម៉ោង​៣​និង​៤៩​នាទី​រសៀល ថ្ងៃ​ទី​១២ ខែមករា ឆ្នាំ​២០២៦ មាន​ករណី​គ្រោះថ្នាក់​ចរាចរណ៍​ដ៏​រន្ធត់​មួយ បង្ក​ឡើង​ដោយ​រថយន្ត​ដឹក​ស៊ីទែន​សុ​ី​ម៉​ង់​ត៍​មួយ​គ្រឿង បាន​បើក​បុក​រះ​អ្នក​អង្គុយ​កំពុង​លក់ដូរ និង​ធ្វើ​ដំណើរ​ប្រប​ឆ្នេរសមុទ្រ រួច​ក្រឡាប់ បណ្តាល​ឲ្យ​មាន​មនុស្ស​ស្លាប់​ចំនួន​២​នាក់​ភ្លាម​ៗ​នៅ​កន្លែង​កើតហេតុ និង​៤​នាក់​ផ្សេង​ទៀត រង​របួសធ្ងន់ និង​ស្រាល ព្រមទាំង​ខូចខាត​យានយន្ត​ជា​ច្រើន​គ្រឿង នៅ​ចំណុច​ផ្លូវ​ចុង​ឆ្នេរ​អូរ​ត្រេះ ។
ប្រភព​ព័ត៌មាន​ពី​មន្ត្រី​នគរបាល​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន​នគរបាល​ខេត្ត​ព្រះ​សីហ​នុ បាន​ឲ្យ​ដឹង​ទៀត​ថា រថយន្ត​បង្កហេតុ​ម៉ាក​FUSO ពណ៌​ស ពាក់​ផ្លា​ក​លេខ ភ្នំពេញ ៣E០៧០៨ សណ្តោង​សឺ​មី​រ៉ឺ​ម៉ក​លេខ ភ្នំពេញ ៤A២៥៧៨ បើកបរ​ដោយ​ឈ្មោះ សំ ច​ន្ថុ​ល ភេទ​ប្រុស អាយុ​៤៣​ឆ្នាំ មាន​ទីលំនៅ​ភូមិ​តា​តឹ​ម ឃុំ​ជាងទង ស្រុក​ត្រាំកក់ ខេត្តតាកែវ ត្រូវ​បាន​សមត្ថកិច្ច​ឃាត់ខ្លួន​ភ្លាម​ៗ​នៅ​កន្លែង​កើតហេតុ ។ ប្រភព​ខាងលើ​បាន​បន្ត​ឲ្យ​ដឹង​បន្ថែម​ទៀត​ថា ជន​រង​គ្រោះ​ដែល​ស្លាប់​បាត់បង់​ជីវិត​មាន ៖

១-​ឈ្មោះ គង់ តុលា អាយុ​១៨​ឆ្នាំ ភេទ​ប្រុស ស្រុក​កំណើត​ឃុំ​អូរ​ឧកញ៉ា​ហេង ស្រុក​ព្រៃ​នប់ ខេត្ត​ព្រះ​សីហ​នុ និង​ម្នាក់​ទៀត​ភេទ​ប្រុស មិន​ទាន់​ស្គាល់​អត្តសញ្ញាណ ។ សព​ទាំង​២​ត្រូវ​បាន​យក​មក​តម្កល់​ទុក​នៅ​មន្ទីរពេទ្យ ដើម្បី​ស្វែងរក​សាច់ញាតិ​មក​ទទួលយក​ទៅ​ចាត់ចែង​ធ្វើបុណ្យ​តាម​ប្រពៃណី ។

ដោយឡែក​អ្នក​រង​របួស ១​ឈ្មោះ ជឿន ហៀ​ត ភេទ​ស្រី អាយុ​៣៧​ឆ្នាំ មុខរបរ​លក់ដូរ មាន​ទីលំនៅ​ភូមិ​៦ សង្កាត់​លេខ​៤ ក្រុងព្រះសីហនុ រង​របួសធ្ងន់ ។
២-​ឈ្មោះ គង់ ច​ន្ធា ភេទ​ស្រី អាយុ​៣៨​ឆ្នាំ មុខរបរ​លក់ដូរ មាន​ទីលំនៅ​ភូមិ​៦ សង្កាត់​លេខ​៤ ក្រុងព្រះសីហនុ ។
៣-​ឈ្នោះ ប៉ាន់ សុខ ភេទ​ប្រុស អាយុ​៦៧​ឆ្នាំ មាន​ទីលំនៅ​ភូមិ​៦ សង្កាត់​លេខ​៤ ក្រុងព្រះសីហនុ របួសធ្ងន់ ។
៤-​ឈ្មោះ ពួក សារ​ត្ន័ ភេទ​ស្រី អាយុ​៤០​ឆ្នាំ មាន​ទីលំនៅ​ភូមិ​៦ សង្កាត់​លេខ​៤ ក្រុងព្រះសីហនុ​រង​របួសស្រាល ។

ក្រោយ​កើតហេតុ​ភ្លាម​ៗ សមត្ថកិច្ច​បាន​ដឹក​យក​ទៅ​សង្គ្រោះ​នៅ​មន្ទីរពេទ្យ ហើយ​ករណី​នេះ​សមត្ថកិច្ច​បាន​អន្តរាគមន៍​នៅ​កន្លែង​កើតហេតុ និង​បាន​ឃាត់ខ្លួន​អ្នកបើកបរ​រថយន្ត​បង្ក ព្រមទាំង​បាន​ធ្វើតេស្ត​រក​ឃើញ​វិជ្ជមាន​សារធាតុ​ញៀន និង​បាន​កសាង​សំណុំរឿង​តាម​នីតិវិធី ។ រថយន្ត​បង្ក និង​វត្ថុ​តាង ត្រូវ​បាន​សមត្ថកិច្ច​នគរបាល​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន​នគរបាល​ខេត្ត​ព្រះ​សីហ​នុ យក​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវគោក រង់ចាំ​ការ​ដោះស្រាយ​ទៅ​តាម​នីតិវិធី ៕ ប្រភពដើមកោះសន្តិភាព

រូបចម្លាក់នៅរង្វង់មូល​ខេត្ត​ឧត្តរមានជ័យ មិន​មែន​រូបព្រះវិស្ណុ គឺ​ជា​រូបព្រះពោធិសត្វលោកេស្វរៈ
មន្ទីរ​វប្បធម៌​និង​វិចិត្រសិល្បៈ​ខេត្ត​ឧត្តរ​មានជ័យ បកស្រាយ​ការ​យល់​ច្រឡំ​រ​បស់​អ្នក​ប្រើប្រាស់​បណ្ដាញ​សង្គម​ដែល​យល់​ថា រដ្ឋបាល​ខេត្ត​ឧត្តរ​មាន​ជ័យ​សាងសង់​ចម្លាក់​ព្រះវិស្ណុ​ដោយ​មាន​រូប​ព្រះពុទ្ធ​នៅ​លើ​ជើង ដែល​តាមពិត​គឺ​ជា​រូប​ចម្លាក់​ព្រះពោធិសត្វលោកេស្វរៈ។

ភ្នំពេញ ៖ លោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានថ្លែងថា ក្នុងឆ្នាំ២០២៥ ទើបតែកន្លងផុតទៅ កម្ពុជាបានបណ្ដេញ ជនបរទេសជាង ១៣,០០០នាក់ ចេញពីប្រទេសបន្ទាប់ពីរកឃើញប្រព្រឹត្ត អំពើល្មើសច្បាប់ផ្សេងៗ។

ក្នុងសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅបន្ដរបស់អគ្គនាយកដ្ឋាន អន្ដោប្រវេសន៍ នៅព្រឹកថ្ងៃទី១២ ខែមករា ឧត្តមសេនីយ៍ឯក សុខ វាសនា បានលើកឡើងថា ឆ្នាំ២០២៥ រាជរដ្ឋាភិបាលកម្ពុជា បានសម្រេចបណ្ដេញជនបរទេសចំនួន១៣,៥៥៧នាក់ ស្មើ៦៦សញ្ជាតិ បើប្រៀបធៀបរយៈពេលដូចគ្នាក្នុងឆ្នាំ២០២៤ មានការកើនឡើង ៧,៧០៥នាក់ ស្មើនឹង ៥៦,៨៣% ។

បើតាមលោក សុខ វាសនា អគ្គនាយកដ្ឋានអន្តោប្រវេសន៍ ដែលជាសេនាធិការជូនក្រសួងមហាផ្ទៃ លើការងារគ្រប់គ្រងអន្តោប្រវេសន៍ បានចូលរួមចំណែកយ៉ាងសកម្ម ដល់ការធានា សន្តិសុខ និងសុវត្ថិភាពសង្គម តាមរយៈកិច្ចខិតខំបំពេញ តួនាទីភារកិច្ច របស់ខ្លួនដោយស្មារតី ទទួលខុសត្រូវខ្ពស់ ពិសេសលើការត្រួតពិនិត្យដំណើរចេញ-ចូលប្រទេស , ការគ្រប់គ្រងវត្តមានជនបរទេសនៅផ្ទៃក្នុងប្រទេស , ការងារគ្រប់គ្រងពលករបរទេស , ការគ្រប់គ្រងជនបរទេសអន្តោប្រវេសន្ត និងជនភៀសខ្លួននោះ បានចាត់វិធានការយ៉ាងម៉ឺងម៉ាត់ ក្នុងការស្រាវជ្រាវស៊ើបអង្កេត ស្វែងរកឧក្រិដ្ឋជនបរទេសដែលចូលមកសំងំលាក់ខ្លួន និងជនបរទេស ដែលបានលួចចូលស្នាក់នៅ និងធ្វើការខុសច្បាប់ក្នុងកម្ពុជាយ៉ាងមានប្រសិទ្ធភាព ៕ ប្រភព: DAPNEWS