Advertising on the Telegram channel «ግጥም»

#ጌታዬ_አቅቶኛል !

ፍቅርና ምህረትህ አልፎብኝ ከልኬ
መሸከም አቃተኝ ከበደኝ አምላኬ!
በየቱ ስራዬ በየቱ ትህትና
ችዬ ልሸከመው ደካማ ነኝና
አንተ ሁሌም ስትምር እኔ ሁሌም በዳይ
ጌታዬ አቅቶኛል ፍቅርህ ከብዶኝ ከላይ።
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ስንታየሁ ሀብታሙ

ለመላው የክርስትና እምነት ተከታዮች እንኳን ለእየሱስ ክርስቶስ የስቅለት በዓል በሰላም አደረሳችሁ

#በፀሀይ_ቅጠሪኝ

በዝናብ ስነግርሽ በርትቶብኝ ፍቅሬ
ሳይገባሽ ብታልፊ ዘንግተሽኝ ዛሬ
ብርሀን ሲፈካ ሲፈነጥቅ ጮራ
ጭጋጉ ሲበተን ዝናቡ ሲያባራ
ይሰማሽ ይሆናል እንባዬ ሲያወራ።
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#እጠብቅሻለሁ!!

ሰኞ ለት ቀጥረሺኝ የምን ቀን ነው ብለሽ
ቀረሽ ሳትመጪ
ማክሰኞ ቀጥረሺኝ ታምሚያለሁ ብለሽ ከቤት ሳትወጪ

በረቡዕ ተስማምተን በጊዜ ወጥቼ
ስጠብቅሽ ቆሜ
ደውለሽ ይቅርታ ፆም ነው ለካ ዛሬ በፍስግ ይሻላል ሃሙስ
ወይ ቅዳሜ

ያልሺኝን አመኜ ሃሙስን መርጬ
አንቺን ለማማለል ብወጣም ዘንጬ
ወይ በረሽ አልመጣሽ ወይ ስልክሽ አይሰራ
ምን አገኛት እያልኩ እያሰላሰልኩኝ
ለብቻ ሳወራ
ድንገት ስልኬ ጠራ

"መቼም አታምነኝም ያጎቴ ልጅ ሞቶ
ለቅሶ ቤት ሄጄ ነው
እንዳትቀየመኝ ምንም ይሁን ምንም ነገ ግን ግድ ነው"
ብለሽ አምኛለሁ

ግን ግን ግዴለሽም !
አርብን እንዝለለው ላንቺም ይሻልሻል
በአፍቃሪ እይታ መጠራጠር የለም ሁሉም ይታመናል
ወይ ፆሙን አስታከሽ ወይ በልጁ ቀብር አትመጪም ይሆናል

ስለዚህ ቅዳሜ በተወደደው ቀን
ውጪ ዘንጪና
እኔም ልጠብቅሽ በጊዜ ወጥቼ አይንሽን ለማየት ጓጉቻለሁና

ቅዳሜንስ ለኔ ማነው የፈቀደው
ለመታመን ያህል በትመጪ ተስፋ ከመንገድ ቆሚያለሁ

ይኸው ቀኑም መሸ
የናፈቀው አይኔ ሳያይሽ ሟሸሸ
ካሁን በኋላ ግን እየወጡ መግባት እየገቡ መውጣት ስልችት ስላለኝ
እሁድን እዚያው ነኝ
ሰኞና ማክሰኞ እረቡም አለሁኝ
ሀሙስና አርብን ቅዳሜም አታጪኝ
ጎዳና አጎሳቁሎኝ ገፅታዬ ጠፍቶሽ
አይተሽ ካላለፍሺኝ።
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ዳዊት ተ/ማርያም

#ሕልሜን_አደራ

ባይመረመሬ ጥበብ ተሽቀርቅሮ
ከወርቃማ ብርሃን፤ ከብርማ ፀዳል
የተሰራ ሸማ፥ ማግኘት ብችል ኖሮ
ከውብ እግሮችሽ ስር፥  እዘረጋው ነበር
ግና ምንም የለኝ፥ ከህልሞቼ በቀር ፡፡
የኔ ውድ እንግዲህ
ሕልሜን እግሮችሽ ስር፥ ከዘረጋሁ ወዲህ፥
ቀስ ብለሽ ርገጪ፥ ዝግ ብለሽ ሂጂ
ህልሜ ላይ ነውና የምትራመጂ፡፡
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ በዕውቀቱ ስዩም

【DPK-AI ትሬዲንግ】 አውቶማቲክ መጠናዊ ስርዓቱ ዝቅተኛውን የዲጂታል ገንዘቦች መሸጫ ዋጋ እንደ BTC፣ ETH፣ USDT ወዘተ በዋና ልውውጦች ላይ መፈለግ እና በሰከንዶች ውስጥ በፍጥነት መግዛት ይችላል።

1.DPKAI-quantitative, ፈንዶች ተቀማጭ እና ማውጣት በራስ-ሰር ወደ መለያው ገቢ ይደረጋል.

2. VIP1-VIP11፣ መጠናዊ ተመላሾች 20% -35%.

3. ከ 25% ወደ 40% በመጨመር ብዙ ምንዛሬዎችን እና ብልጥ የኢንቨስትመንት ገቢን ይደግፉ.

4. መጠኗ በየ24 ሰዓቱ እንደገና ይጀመራል፣ እና እያንዳንዱ ሰው በቀን አንድ ጊዜ በመጠን የገቢ ንግድ ውስጥ መሳተፍ ይችላል።

5. የሶስተኛ ደረጃ ወኪል ግብዣ ሽልማቶችን ጠቁም። ብዙ ግብዣዎች ባደረጉ ቁጥር፣ የበለጠ ሽልማቶችን ያገኛሉ። ምንም ከፍተኛ ገደብ የለም [አንድ ሽልማት 10%, B ሽልማት 5%, C ሽልማት 3% = 18% ሽልማት]. እንደ ቲክቶክ፣ ፌስቡክ፣ ትዊተር፣ ዩቲዩብ፣ ኢንስታግራም፣ የዋትስአፕ ቡድን፣ የቴሌግራም ቡድን፣ ወዘተ ባሉ ማህበራዊ ሶፍትዌሮችዎ ላይ ለማጋራት የግብዣ ሊንኩን ይላኩ።

【DPK-AI ትሬዲንግ】 የምዝገባ አገናኝ፡ https://dpk-ai.com/#/register?ref= 778149
49653
【DPK-AI ትሬዲንግ】 የመስመር ላይ የደንበኞች አገልግሎት፡ https://chat.ssrchat.com/service/gomw2j

#እኔ_አንተን_ከማጣ

...እኔ አንተን ከማጣ....
ደመናው ይቆጣ ያዝንብ ፡ ሚስማር ከላይ
ሲፈልግ ደጎራ ፡ ሲያሻው ጥርብ ድንጋይ
ፀሃይ ብርሃን ታቁም ፡ ስትፈልግ ትበተን
ምድር ዱቄት ትሁን ፡ ሲያሻት ከስላ ትብነን
ጨረቃም ትሠወር ፡ አትውጣ እድሜ ልኳን ።
እኔ አንተን ከማጣ...
ስትፈልግ የሎጥ ሚስት ፡ ጎጃምኛ ትምታ
የፈርኦን ሠራዊት ፡ እስራኤልን ይቅጣ
የኤርትራም ባህር ፡ ይኑር በከፍታ ።
እኔ አንተን ከማጣ...
እፅዋት ይድረቁ ፡ እንስሳት ይለቁ
ፕላኔቶች ሁሉ : ምድር ላይ ይውደቁ ።
እኔ አንተን ከማጣ...
ዳይኖሠር ተነስቶ ፡ በምድር እሣት ይትፋ
ምፃት ነገ ይሁን : አለም ካለም ትጥፋ ።
እኔ አንተን ከማጣ...
ምድረበዳው ያዝንብ : ኤርታሌም ይወርዛ
ኢህአዴግ አስር ሺህ ፡ አመታትን ይግዛ
ሲፈልግ ተሻግሮ ፡ አለማትን ይንዳ ።
እኔ አንተን ከማጣ...
ማወቅ ድብን ይበል : ባፍ ጢሙ ይደፋ
ክፉወች ወፍረው : መልካም አንገት ይድፋ ።
እኔ አንተን ከማጣ....
ፈጣሪ አሲድ ይርጭ : ምድሪቱን ያጉርፋት
ቁጣውን ያበርታ : አይዳኑ ፍጥረታት ።
እኔ አንተን ከማጣ.....
ማንም ምንም ይምጣ ።
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#ዕድሌ_ነው....

በሚስት ልወሰን እኔ ትዳር ሲያምረኝ
ሳታገባ ምትቆይ አንድም ሴት አትገኝ

እኔ ዲግሪ ስይዝ ዲግሪ ዋጋ ያጣል
ገንዘብ ያለው ሁሉ ዶክትሬት ያመጣል

እኔ መድረክ ስይዝ  ይፈታል ጉባኤ፤
እኔ መጾም ሲያምረኝ  ይሆናል ትንሣኤ

በቁርባን ለመኖር ንሰሐ ስገባ
አቁራቢው ፖትልኮ ቤተመንግሥት ገባ

እኔ ኳስ ስገዛ ሜዳው ይታረሳል
እኔ ቤት ሲኖረኝ ሰፈሬ ይፈርሳል

ለተሾመ ሁሉ እንዳልኖርሁ ስለፋ
እኔ አለቃ ስሆን የሚታዘዝ ጠፋ

ዕድሌ ነውና...
ከዕለታት አንድ ቀን መንገሤ ባይቀርም
እኔ ንጉስ ስሆን  ሀገሪቶ  አትኖርም፡፡
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#ሰውና_ምላሱ

አምሮብኝ አጊጬ፥
ቢያዩኝ ተለውጬ፥
ሀብት ንብረት ኖሮኝ ከማጣት አምልጬ፥
..........ቀን ከሌት ብለፋ፥
..........ኑሮዬን ላፋፋ፥
ጥርሴ ሲስቅ ሲያዩኝ ጭንቀቴ ሲጠፋ፥
ሰርቼ በበላሁ ፀዳል ፊቴ ፈክቶ፥
ለፍቼ ባገኘሁ ቤት ማጀቴ ሞልቶ፥
ብኖር ሁለን ችዬ ከሰው ተስማምቼ፥
የግር እሳት ሆነ ይህ ለጠላቶቼ።
"እሷማ ሰላቢ ሌባ ናት ሟርተኛ፥
ሳትሰራ የምታገኝ ጠንቋይ መተተኛ፥
ገንዘብና ንብረት፥
ሰው አቀራት ውበት ፥
ሁሉን ከኛ ሰልባ ክብሯን ሾመችበት።"
.........ስትሉኝ ሰምቼ
..........በጣም ተከፍቼ
ሀብትና ውበቴን ሁሉን ነገር ትቼ፥
ለናንተው አድልቼ ከሰዎች ሸሽቼ፥
ብኖር ሁሉን ጥዬ በሬን ዘጋግቼ፥
በዚህስ መች ተዉኝ
"ጭራሽ ይባስ ብላ ንብረቷን አምክና፥
ገንዘቧን ለሰዎች ለወንዶች በትና፥
ይኸው ባዶ እጆቿን ቀረች በጎዳና፥"
ስትሉኝ ስማሁኝ ወይ የኔ ፈተና።
ቦርጭ አውጥቶ ሆዴ ቢወፍር አካሌ፥
አረገዘች አሉኝ አወየው እድሌ።
እሱንም ሰምቼ
በጣም ተከፍቼ
አካሌን ባከሳ ፍዳዬን በልቼ፥
አስወረደች ሲሉኝ ሰማሁ በጆሮቼ።
አረዲያ እስከመቼ.....
ኤጭ አሁንስ በቃኝ አስጠላኝ መኖሩ፥
ሰለቸኝ እናንተን ማለት እሹሩሩ።
የምላሳችሁ መርዝ ወደማይደርስበት፥
ከሀሜት አምልጬ እፎይይይ የምልበት፥
እናንተም አርፋችሁ እኔም ልረፍበት፥
..........አሁን እኳን ተዉኝ..........
ሞታቹን አልነካሁ ሞቴን ልሙትበት።
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

【Daldala DPK-AI】Sirni baay’ina ofumaan ofumaan gatii gurgurtaa maallaqa dijitaalaa gadi aanaa kan akka BTC, ETH, USDT, fi kkf jijjiirraa gurguddoo irratti barbaaduu danda’a, fi dafee sekondii keessatti bitachuu danda’a.

1.DPKAI-quantification, kuufamni fi baafame ofumaan ni galfama.

2. VIP1-VIP11, galii baay’inaan 20% -35% galii.

3. Maallaqa hedduu, galii invastimantii ismaartii %25 hanga galii %40 deeggaru.

4. Quantification sa’aatii 24 keessatti reset kan godhamu yoo ta’u, namni tokkoon tokkoon galii daldala baay’inaan argamu irratti guyyaatti al tokko hirmaachuu danda’a.

【Daldala DPK-AI】Hidhaa galmee: https://dpk-ai.com/#/register?ref=948351

【Daldala DPK-AI】Tajaajila maamiltootaa toora interneetii: https://chat.ssrcat.com/service/gomw2j

#ረስተሽ_ካልሆነ

ነግሬሽ ነበረ ነገሬ በዝቶብሽ ረሳሽው እንጂ
አንቺም ነግረሽኛል ዛሬ ብረሳውም ረስተሽኝ ስትሄጂ
ስላንቺ የፃፍኩት ያሰብኩት በሞላ
የተኮረጀ ነው ካለም የተቀዳ ገና ያልተብላላ

ረስተሸ ካልሆነ አዝማሪ ወዳለሁ
በማሲንቆ ቅኝት ነፍሴን አደምጣለሁ
አናልሽ በቀደም አዝማሪ ቤት ሆኜ
የጠጁን ብርሌ አፌ ላይ ደቅኜ
ከኔ ባርጩማ ጎን አንድ ድንክ ቁጭ ብሏል
መላጣውን ሲያዩት ዲያስፖራ ይመስላል
አዝማሪው ይዘፍናል ለድንኩ ሰውየ
አዲስ ዜማ ፈጥሮ ከባቲ ዋሆየ
‹‹የጎፈሬህ ጫካ መሸፈት ያሰኛል››
‹‹መለሎው ቁመትህ አክሱምን ያስንቃል››
ድንኩ ወዳጃችን በጎፈሬው ፋንታ መላጣው ያበራል
በርጩማ ላይ ቆሞ አዝማሪው ግምባር ላይ መቶ ብር ይመርጋል

ከኔ አለፍ ብለው ኣናረጅም ያሉ ሁለት አሮጊቶች
ይፍለቀለቃሉ ባዝማሪው ቃላቶች
‹‹ጡትሽ ማለት ሎሚ አንገትሽ ብርሌ››
‹‹ስከተልሽ ልኑር አርጊኝና ሎሌ››
ነገርና ብቅል ናላውን ያዞረው
አንዱ ስክር ያለ ላዝማሪው ጠየቀው
‹‹ጡትሽ ማለት ሎሚ ብለህ የገጠምከው››
‹ጡትሽ ሀምሳ ሎሚ ልትል ፈልገህ ነው?››

ሁለቱ አሮጊቶች ሁለት ነገር ሰሩ
ሰካራሙን ጠጪ ከቤት አስባረሩ
አዝማሪው ግምባር ላይ ረብጣ ጋገሩ
ህይወትን ስንፈታው መንታ ትርም አዝሏል
እውነትን መናገር ከደጃፍ ያስጥላል
በውሸት ማሞገስ ሽልማት ያዘንባል

‹‹ አንቺ ማለት ለኔ የምስራቅ ፀሀይ ነሽ ››
‹‹ንጋት እና ምሽት ቀን የምቆጥርብሽ››
ብየ የጻፍኩልሽ ያንድ ቀኑ ግጥም
እርሽው አታስታውሽው ለኔም አልገባኝም
አንቺ ማለት ለኔ በቃ አንቺ ማለት ነሽ
በልቤ ጎዳና ወክ አድርገሽ ያለፍሽ
የሆነ ቀን መጣሽ በሆነ ምሽት ሄድሽ
ስትመጪ ግቢ አልኩሽ ስትሄጂ ረሳሁሽ

መርሳት በሽታየ መርሳት መዳኒቴ
በመርሳት ታምሜ ዳንኩኝ በመርሳቴ
አንድ ሰው ነበረ እንደኔ ሚረሳ
ሲተኛ ይፅፋል እቃዎቹን ሁሉ የት እንዳኖራቸው
‹‹ጫማየ ቴብል ስር ካልሲዎቼ ደግሞ ጫማ ውስጥ ናቸው››
‹‹ሸሚዜ ሻንጣ ውስጥ ሱሪየ ወንበር ላይ››
‹‹ሞባይሌ መሬት እኔ ደሞ አልጋ ላይ ››
በጠዋት ይነሳና ደብተሩን ይገልጣል
ሱሪና ሸሚዙን ሞባይል ሰአቱን ካሉበት ያነሳል
አንድ ነገር ብቻ ከፃፈበት ያጣል
አልጋው ባዶ ሆኗል

እናም እንዳልረሳሽ ልፅፍሽ ስሞክር
አንቺን ከሌላዋ ለይቼ ማሰፍረው አጣሁ ልዩ ነገር
ተመሳሳይ ሀሳብ ባዲስ ገፅ መፃፍ
ደብተር መጨረስ ነው ብእርን ማንጠፍጠፍ
ይህ የፃፍኩት ግጥም ሀሳብና ቋንቋው ለዛና ፍሰቱ እንዳይሆን የሆነው
ላንቺ መታሰቢያ አንቺን እንዲመስል የሳልኩት ስዕል ነው፡፡
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ዘላለም ምህረቱ