Ethio🇪🇹Muslim🇪🇹 Nashida - Menzuma 🎼

የጁሙዓህ ሶደቃችሁን ለህፃን ዘከሪያ‼ ======================= (ስቃዩ እንዳይረዝም ዛሬውኑ እንድረስለት) 🕌 || ✍️ አላህ በልጅ ከመፈተን ይጠብቃችሁ! ይህ የአንድ ጭንቀት የዋጠው፣ የልጁን መሟሟት በየቀኑ እያየ አቅም ያጣ አባት የልብ ጩኸት ነው! ውድ የዲን ወንድምና እህቶቼ... አልሐምዱሊላህ! እስካሁን ባደረግነው ርብርብ የዘከሪያን ህይወት ለመታደግ ከሚያስፈልገው አጠቃላይ ወጪ ውስጥ 3 ሚሊዮን ብር ተሰብስቧል። አላህ ያወጣችሁትን ሁሉ በእጥፍ ድርብ ይተካላችሁ! ነገር ግን... የዚህን ምስኪን ህፃን ስቃይ ለማሳጠር እና በአስቸኳይ ወደ ህንድ ልከን ለማሳከም ገና 3 ሚሊዮን ብር ይቀረናል። ዘከሪያ በየቀኑ በከፍተኛ ስቃይ ውስጥ ነው ያለው። ሰዓታት በሄዱ ቁጥር ህመሙ እየባሰበት ነው። ይህን ቀሪ 3 ሚሊዮን ብር ለመሸፈን ትልቅ ተዓምር አያስፈልገንም፤ 1,000 ሰዎች በነፍስ ወከፍ 3,000 ብር ብንሰድቅ ዛሬውኑ ታሪኩን እንቀይረዋለን! የዘከሪያ የየቀኑ ሰቆቃ (ዝምተኛው ገዳይ) ምን ይመስላል? የልጃችን ህመም ሴሊያክ (Celiac Disease) ይባላል። ስሙ ቀላል ቢመስልም፣ በልጅነቱ ላይ የተጋረጠ ዝምተኛ ገዳይ ነው። ዘከሪያ የሚበላው እያንዳንዱ የስንዴ፣ የገብስ ወይም የአጃ ምግብ ለሰውነቱ እንደ መርዝ ነው የሚቆጠረው። ምግቡን በበላ ቁጥር የገዛ ሰውነቱ (Immune system) የራሱን አንጀት ማጥቃት ይጀምራል። ምግብ እንዲመጥለት የሚረዱት ጥቃቅን የአንጀት ክፍሎች (Villi) ስለወደሙ፣ ዘከሪያ የፈለገውን ያህል ቢመገብም ሰውነቱ ምንም አይነት ንጥረ ነገር ማግኘት አይችልም። አስቡት... በጠገበ ሆድ በከፍተኛ የንጥረ ነገር እጥረት እየተራበና እየሟሟ ነው! ይህ ስቃይ ደግሞ የሰውነት እድገቱን ከመግታቱም በላይ ለከፍተኛ የጤና መቃወስ ዳርጎታል። ጊዜ የለንም! ዛሬ የተከበረው የጁሙዓ ቀን ነው። ነብዩ ﷺ "የወንድሙን ችግር የፈታ አላህ የቂያማ ቀን ከችግሮቹ አንዱን ይፈታለታል" ብለዋል። ሰደቃ በሽታን ይከላከላል፤ እድሜን ይጨምራል፤ የአላህንም ቁጣ ያበርዳል። ያቺ ዛሬ ለዘከሪያ የምትሰጧት 3,000 ብር (ወይም አቅማችሁ የፈቀደው) ነገ ቂያማ ዕለት የጀሀነም መከላከያ ጋሻ ትሆናችኋለች። የአንድን ሰው ህይወት ማትረፍ የሰውን ዘር ሁሉ እንደማዳን ነው! እባካችሁ ስቃዩን እናሳጥረው! የህይወት አድን ድጋፍ ለማድረግ፦ የአካውንት ስም፦ ሸምሰዲን አብዱ (Shemsedin Abdu) 🏦 የኢትዮጵያ ንግድ ባንክ (CBE): 1000380970582 🏦 ህብረት ባንክ: 3459111371313012 🏦 ዳሽን ባንክ: 2904914060011 📲 አደራ፦ ያወጣችሁበትን ደረሰኝ በውስጥ መስመር 👉 @Murad_Tadesse ላይ ላኩልኝ። እየደመርኩ የጎደለውን እናሳውቃችኋለን። ገንዘብ ማውጣት ያልቻላችሁ ይህንን ፖስት ቢያንስ Share በማድረግ የህይወት አድን ዘመቻው አካል ሁኑ። አላህ በምትሰጡት ላይ በረካውን ያውርድላችሁ! ልጆቻችሁን ከክፉ ህመም ይጠብቅላችሁ! 🤲

☪️ የረሱል  ﷺ የህይወት ታሪክ  ☪️           🔰   ክፍል- ⓺⓸ 🔰 ♻️ ሙሐጅሮችን ማስጠንቀቃቸው ♻️    ======== ===========    🔴 ቁረይሾች ከዚህም የከፋ ነገር በማሰብ፤ ሙስሊሞችን ለማጥፋት በተለይም ነቢዩን ራሳቸው ለመግደል፣ አስበው ነበር። ይህ ግምት ሳይሆን በእርግጥ የሆነ ነው" የአላህ መልእክተኛ ይህ የቁረይሾች ሴራ በእርግጠኝነት ስለደረሳቸው ያለ እንቅልፍ ወይም በሶሐቦች ጠንካራ ጥበቃ ስር እንጅ አያድሩም ነበር። ሙስሊም እንደዘገቡት አኢሻ እንዲህ ሲሉ አስተላልፈዋል፡ ማታ ያለ እንቅልፍ አመሹ። ከባልንጀሮቼ መካከል አንዱ ዛሬ ሌሊት ጥበቃ ቢያደርግልኝ እወድ ነበር።» አሉም፡፡ ወዲያውም የመሣሪያ ኳኳታ ሰማን። «ማን ነው?» ሲሉ ጠየቁ። ሰእድ ቢን አቢ ወቃስ የሚል ምላሽ | ሰሙ። የአላህ መልእክተኛም፡ ምን አመጣህ? አሉት። በርስዎ ላይ አንዳች አደጋ እንዳይደርስ ስለፈራሁ ጥበቃ ላደርግልዎ መጣሁ።» _ አለ። የአላህ መልእክተኛም ዱዓ አደረጉለትና ተኙ።"    🔅 ይህ ጥበቃ በተወሰኑ ሌሊቶች ብቻ ሳይሆን ዘወትር የሚደረግ ነበር። አኢሻ እንዲህ ሲሉ ማውጋታቸው ተላልፏል፤ የአላህ መልእክተኛ አላህ ከሰዎች (ክፋት) ይጠብቅሐል» የሚለው የቁርአን መልእክት እስኪወርድላቸው ድረስ ጥበቃ ይደረግላቸው ነበር። ይህ መልእክት በወረደላቸው ጊዜ ግን ራሳቸውን ወደ ውጭ አወጡና

«ሰዎች ሆይ፤ አላህ ስለጠበቀኝ ካጠገቤ መሄድ ትችላላችሁ።» አሉ።

  🔹 አደጋው በመልእክተኛው ﷺ ላይ ብቻ የተወሰነ ሳይሆን ሁሉንም ሙስሊሞች ያካተተ ነበር። ኡበይ ቢን ከእብ እንዲህ ብሏል፡

«የአላህ መልእክተኛ እና ባልደረቦቻቸው ወደ መዲና መጥተው አንሷሮች ባስጠጓቸው ጊዜ አረቦች በሙሉ ስላደሙባቸው ያለመሳሪያ ውለው አያድሩም ነበር።»

🔹 የውጊያ ፈቃድ        ====  ====   🔅 መዲና ውስጥ የሚኖሩ ሙስሊሞች ሕልውና አደጋ ላይ በወደቀበት ቁረይሾች ከተንኮል እና ከአመጽ ድርጊት እንደማይታረሙ በተረጋገጠበት በዚህ ፈታኝ ወቅት አላህ ለሙስሊሞች (ራሳቸውን ለመከላከል) መዋጋትን ፈቀደላቸው" ግና ግዴታ አላደረገባቸውም ነበር። { أُذِنَ لِلَّذِینَ یُقَـٰتَلُونَ بِأَنَّهُمۡ ظُلِمُوا۟ۚ وَإِنَّ ٱللَّهَ عَلَىٰ نَصۡرِهِمۡ لَقَدِیرٌ } [Surah Al-Ḥajj: 39] «እነዚያ (በክሓዲያን) ጦርነት የታወጀባቸው ግፍ ተፈጽሞባቸዋልና እንዲዋጉ ተፈቅዶላቸዋል። አላህም እነርሱን ለመርዳት (ከማንም በላይ) ቻይ ነው፡፡» (አል ሐጅ 39)   🔴 ይህ ፈቃድ የተሰጠው ክፋትን ለማስወገድና የአላህን ትእዛዝ ለመተግበር አላማ እንደሆነ የሚያብራራ አንቀጽ አያይዞ አወረደ { ٱلَّذِینَ إِن مَّكَّنَّـٰهُمۡ فِی ٱلۡأَرۡضِ أَقَامُوا۟ ٱلصَّلَوٰةَ وَءَاتَوُا۟ ٱلزَّكَوٰةَ وَأَمَرُوا۟ بِٱلۡمَعۡرُوفِ وَنَهَوۡا۟ عَنِ ٱلۡمُنكَرِۗ وَلِلَّهِ عَـٰقِبَةُ ٱلۡأُمُورِ } [Surah Al-Ḥajj: 41] (እነርሱም) እነዚያ ምድር ላይ የበላይነትን ባጐናፀፍናቸው ጊዜ ሶላትን ደንቡን ጠብቀው የሚሰግዱ፣ ዘካን የሚሰጡ፣ በመልካም የሚያዙና ከመጥፎ የሚከለክሉ ናቸው። የነገሮች ሁሉ መጨረሻም ከአላህ ዘንድ ነው።» (አል ሐጅ 41)   🔹ይህ ፈቃድ የተሰጠው በመካ ውስጥ እንዳልሆነ፣ ከሂጅራ በኋላ መዲና ውስጥ መሆኑ ጥርጥር የለውም። የወረደበትን ጊዜ በቁርጥ ለመናገር የሚያስችል በቂ መረጃ ግን የለንም።አዎ ፣ የውጊያ ፈቃድ ተሰጠ።   ♻️ ይሁንና በቁረይሾች ተንኮልና አመጽ ምክንያት በተፈጠረው በዚሀ ተጨባጭ ሁኔታ ውስጥ ሙስሊሞች የቁረይሾችን ከመካ ወደ ሻም የተዘረጋ የንግድ መስመር መቆጣጠራቸው ብልህ እርምጃ ነበር። የአላህ መልእክተኛ  ይህን መስመር ለመቆጣጠር ሁለት እቅዶችን ነደፉ፡   🔴 አንደኛ ይህን የንግድ መስመር ከተጎራበቱ _ ወይም በርሱና በመዲና መካከል ከሚኖሩ ጎሳዎች ጋር የትብብር ወይም በጦርነት ያለመፈላለግ ስምምነት መፈጸም። የአላህ መልአክተኛ ወታደራዊ እንቅስቃሴ ከመጀመራቸው በፊት ከጁሐይናህ ጎሳ ጋር ስምምነት አደረጉ። ይህ ጎሳ ይኖር የነበረው ከመዲና ሦስት ቀናት ከሚያስኬድ ርቀት ላይ ነበር። ወታደራዊ እንቅስቃሴ ከጀመሩ በኋላ ደግሞ ከሌሎች ጎሳዎች ጋር ውል ፈጽመዋል። ወደፊት እናወሳዋለን፡፡ ሁለተኛ፡ ወደዚህ የንግድ መስመር ቃኝዎችን በተከታታይ መላክ፡ @Aymen_Muhammed01

ዛሬ ታሪኩን ፅፌ ስላልቸረስኩ አላህ ካለ ነጌ እለቃለሁ ¡¡¡😷

☪️ የረሱል  ﷺ የህይወት ታሪክ  ☪️           🔰   ክፍል- ⓺⓷ 🔰 🔹 የትጥቅ ትግል 🔹           ===== ====      🔴 የቁረይሾች ትንኮሳና ከአብደላህ ቢን ዑበይ ጋር መገናኘታቸው የመካ ካህድያን መካ ውስጥ በሙስሊሞች ላይ ያደርሱት የነበረውን እንግልትና ስቃይ፣በስደት ወቅት የፈጸሙትን ወንጀል፣ የንብረት ዘረፋና ግድያ ከአሁን ቀደም አይተናል። ከስደት በኋላም ከእኩይ ድርጊታቸው ሊመለሱ፣ የጠላትነት ተግባራቸውን ሊተው አልቻሉም። ሙስሊሞች ከእጃቸው አምልጠው መዲና ውስጥ ሰላማዊ ማረፊያ በማግኘታቸው ቁጭት የበለጠ ስላንገበገባቸው ለአብደላህ ቢን ዑበይ ቢን ሰሉል ደብዳቤ ጻፉለት። አብደላህ ከስደት በፊት የአንሷሮች መሪ ሲሆን ነቢዩ ወደ መዲና ባይሰደዱና አንሷሮች በርሳቸው ባያምኑ ኖሮ እርሱን ንጉሳቸው ሊያደርጉት ተስማምተው እንደነበር ይታወቃል።    🔅 ቁረይሾች ለርሱና ለጣኦታውያን ባልንጀሮቹ በጻፉት ደብዳቤ እንዲህ ሲሉ አስጠነቀቁት፡

«ወገናችንን አስጠግታችኋል። በአላህ እንምላለን፣ ፈጥናችሁ ተዋጉት። ወይም ከአገር አባሩት። ካለበለዚያ ግን ሁላችንም ተባብረን በመዝመት ነዋሪዎቻችሁን እንገድላለን። ሴቶቻችሁን እንማርካለን።»

   🔅 አብደላህ ቢን ዑበይ ይህ መልእክት እንደደረሰው የመካውያን መሰሎቹን ትእዛዝ ለመተግበር ፈጥኖ እንቅስቃሴ ጀመረ። ነቢዩን ንግስናውን እንደቀሙት ስለሚቆጥር እጅግ ይጠላቸው ነበር። አብዱረህማን ቢን ከእብ እንዲህ ሲል አውግቷል፤ አብደላህ ቢን ዑበይና ከርሱ ጋር የነበሩ ጣኦታውያን መልእክቱ እንደደረሳቸው የአላህን መልእክተኛ (ሰዐወ) ለመዋጋት ተሰባሰቡ። ነቢዩ ይህን ሲሰሙ ፈጥነው አገኟቸውና እንዲህ አሏቸው፡

«የቁረይሾች ዛቻ እንዳስደነገጣችሁ ተረድቻለሁ። እናንተ በራሳችሁ ላይ ልታደርሱት ካሰባችሁት ጥፋት የበለጠ እነርሱ _ ሊያደርሱባችሁ አይችሉም። ልጆቻችሁንና ወንድሞቻችሁን ለመዋጋት እየተዘጋጃችሁ ነው።»

   ♻️ ይህን ንግግር ከነቢዩ  ﷺ ሲሰሙ ተበታተኑ። አብደላህ ቢን ዑበይ የባልንጀሮቹን የስሜት መቀዝቀዝ ሲመለከት የጦርነት ሐሳቡን ሰረዘው። ቢሆንም ግን ቁረይሾችን ከመርዳት አልተቆጠበም። ባገኛት አጋጣሚ ሁሉ በሙስሊሞችና በጣኦታውያን መካከል ጥል እንዲነሳ ከመሞከር ታቅቦ አያውቅም" አይሁዶችም ሙሉ እገዛ ያደርጉለታል። ይሁንና ነቢዩ ﷺ  ከጠላቶቻቸው በየጊዜው የሚነሳውን የክፋት እሳት በጥበብ ያጠፉት ነበር። አማኞችን ከተከበረው መስጊድ ለማገድ ማሰባቸው  ======= ===== ===== =======    🔹 ሰአድ ቢን ሙዓዝ የተባለው አማኝ የየስሪብ ሰው ዑምራ ለማድረግ ወደ መካ ሄደ። ከኡመያህ ቢን ኸለፍ ዘንድም አረፈ። የአላህን ቤት እጎበኝ ዘንድ ነጻ ሰአት ፈልግልኝ» አለውም። እኩለ ቀን ሲደርስ አብረው ወጡ። አቡ ጀህል አገኛቸውና፡

«አቡ ሶፍዋን ሆይ፣ ይህ አብሮህ ያለው ሰው ማን ነው» ሲል ጠየቀው።

«ሰእድ ነው አለ። አቡ ጀህልም፡ «አፈንጋጮችን በጉያችሁ ይዛችሁ፣ ልትደግፏቸው ወስናችሁ እያለ ካእባን በነጻነት ጦዋፍ ታደርጋለህን? በአላህ እምላለሁ፤ ከአቡ ሶፍዋን ጋር ባትሆን ኖሮ ወደ ቤተሰቦችህ በሰላም አትመለስም ነበር።» አለ።

   🔹 ሰእድም ድምጹን ከፍ አድርጎ «በአላህ እምላለሁ ይህን ብትከለክለኝ ከዚህ የከፋ ነገር እከለክልሐለሁ። በመዲና እንዳታልፍ አቅብሐለሁ።» አለው።” @Aymen_Muhammed01

☪️ የረሱል  ﷺ የህይወት ታሪክ  ☪️           🔰   ክፍል- ⓺⓶ 🔰 ♻️ ከአይሁዶች ጋር የተደረገ ስምምነት♻️       ======= == ===== =======    🔅ነቢዩ ﷺ በሙስሊሞች መካከል የእምነት' የፖለቲካ፣ የኢኮኖሚና የስርዓት ትስስር በመፍጠር የአዲሱን ኢስላማዊ ሕብረተሰብ መሠረት ካጠናከሩ በኋላ ሙስሊም ካልሆኑ ወገኖች ጋር ያላቸውን ግንኙነት ስርዓት ለማስያዝ | መንቀሳቀስ ጀመሩ፡፡ የዚህ እንቅስቃሴ ዓላማ ሃገርን በጋራ ስርዓት ስር ከማስተዳደር በተጓዳኝ ለሰው ልጆች ባጠቃላይ ደስታና ሰላም ማስገኘት ነበር" _ ለዚህም ተግባር | ሲባል በጭፍን ወገንተኝነት የተሞላችው አለም አይታው የማታውቀውን የመቻቻልና የአብሮነት ሕግ ደነገጉ።   🔰 ያኔ ለመዲና ቀረብ የሚሉት ሙስሊም ያልሆኑ ወገኖች አይሁዶች ነበሩ። አይሁዶች ሙስሊሞችን አጥብቀው የሚጠሉ ቢሆንም ይሆን ጥላቻቸውን ይፋ በማድረግ ወደ ግልጽ ተቃውሞና ጦርነት አላመሩም ነበር። በመሆኑም የአላህ መልእክተኛ ﷺ የነርሱን በሰላም የመኖር፤ የእምነት እና የሐብት ነጻነት ያረጋገጠ ስምምነት ከአይሁዶች ጋር ተፈራረሙ። የዚህ ስምምነት አበይት ነጥቦች ቀጥሎ ተጠቅሰዋል፡

የስምምነቱ ነጥቦች

⓵ የበኒ አውፍ አይሁዶች የአማኞች ማሕበረሰብ አካላት ናቸው። አይሁዶችና በስሮቻቸው ያሉ ቤተሰቦቻቸው የራሳቸውን እምነት፣ ሙስሊሞችና በስሮቻቸው ያሉ ቤተሰቦቻቸውም የራሳቸውን እምነት በነጻነት ማራመድ ይችላሉ። ከበኒ አውፍ ውጭ ያሉ አይሁዶችም እንደዚሁ ማድረግ ይችላሉ። ⓶ አይሁዶችም ሆኑ ሙስሊሞች የየራሳቸውን የገንዘብ ወጭዎች ይችላሉ። ⓷ ይህን ስምምነት (ሰሂፋህ) ከፈረሙ ወገኖች መካከል አንደኛውን ወገን የሚወጋን ጠላት በጋራ የመከላከል ግዴታ አለባቸው፡፡ ⓸ ስምምነቱን የፈረሙ ወገኖች በታማኝነት መመካከር፣ በበጎ ነገር መረዳዳትና መተባበር ይጠበቅባቸዋል" ⓹ የስምምነቱ ፈራሚዎች የየወዳጆቻቸውን ወንጀል ወይም ጥፋት አይሸከሙም። ⓺ የተበደለን መርዳት ግዴታ ነው። ⓻ አይሁዶች የጦርነት መዋጮዎችን ከአማኞች ጋር በመሆን የመሸፈን ግዴታ አለባቸው" ⓼ የስሪብ በዚህ ስምምነት መሠረት የተከበረችና የታፈረች (የጋራ) ከተማ ናት። ስምምነቱን የፈረሙ ወገኖች ጸጥታውን በማደፍረስና ሰላሟን በማወክ ተግባር ላይ መሳተፍ የለባቸውም። ⓽ ስምምነቱን በፈረሙ ወገኖች መካከል የሚከሰቱ አለመግባባቶች በአላህና በነቢዩ መሐመድ ﷺ ብይን ይፈታሉ" ⓾ ለቁረይሾችና ለአጋሮቻቸው ጥበቃና ከለላ መስጠት ክልክል ነው" ⓵⓵ የስሪብን ለማጥቃት የመጣን ጠላት በጋራ መከላከል ግዴታ ነው። ⓵⓶ ይህ ስምምነት ወንጀለኞችን ከቅጣት አይታደግም፡፡    🔹 በዚህ ስምምነት አማካይነት መዲናና በዙሪያዋ የሚገኙ ቀዬዎችን ያካተተ የአንድነት መንግስት ተፈጠረ። የዚህ መንግስት ዋና ከተማ የስሪብ ስትሆን፤ ርእሰ ብሔሯ ደግሞ የአላህ መልእክተኛ ሆኑ። በዚህ መንግስት ውስጥ የተሻለ የመወስንና የአስፈጻሚነት ተጽእኖ ያላቸው ሙስሊሞች ነበሩ። በዚህ አኳኋን መዲና የኢስላም እውነተኛ መናገሻ ሆነች።   🔴 የሰላሙን ቀጠና ለማስፋት ነቢዩ ﷺ ሌሎች የአካባቢው ጎሳዎችን እንደየ አስፈላጊነቱ በስምምነቱ _ ውስጥ _ ለማካተት እንቅስቃሴ ማድረጋቸው ተስተውሏል። ወደፊት በተወሰነ ደረጃ እንመለከተዋለን። @Aymen_Muhammed01

⭕️

✍ቁም ነገር አዘል ንግግሮችን 📜የተለያዩ መሳጭ ታሪኮችን ✍አዝናኝ ፖስቶችን 👐አነቃቂ የሆኑ ንግግሮችን የምታገኙበት ምርጥ እና ተወዳጅ ቻናል✨ 👇👇