Ethio🇪🇹Muslim🇪🇹 Nashida - Menzuma 🎼

☪️ የረሱል  ﷺ የህይወት ታሪክ☪️                    ◎ክፍል -48

.....ከአቡበክርና ከአሊ፣ እንዲሁም ጣኦታውያን ካስቀሩት ሰው ውጭ ከሙስሊሞች አንዳቸውም ሳይቀሩ ሁሉም ተሰደዱ። አቡበከርና አሊ የዘገዩት በመልእክተኛው ትእዛዝ ነበር። የአላህ መልእክተኛ ዝግጅታቸውን አጠናቀው የስደት ትእዛዝ ይጠባበቁ ነበር። አቡበክርም ዝግጅታቸውን አጠናቀው ይጠባበቁ ጀመር። ቡኻሪ እንደዘገቡት አኢሻ የሚከተለውን አስተላልፈዋል የአላህ መልእክተኛ ለሙስሊሞች

«የስደታችሁ ሐገር በሁለት ጥቋቁር ድንጋዮች መካከል ያለች ቦታ ሆና አይቻታለሁ።» ሲሉ ተናገሩ።

.. ከፊሎቹ ወደ መዲና አቅጣጫ ተሰደዱ። ወደ ሐበሻ የተሰደዱትም ተመልሰው ወደ መዲና አቀኑ። አቡበክር ወደ መዲና ለመሰደድ ሲዘጋጁ የአላህ መልእክተኛ ፡ ቆይ። ስደት እንደሚፈቀድልኝ ተስፋ አደርጋለሁ።» አሏቸው። አቡበክርም «ይህን ተስፋ ታደርጋለህን?» አሏቸው" «አዎ» አሉ። ከነቢዩ " ጋር ለመስደድ ወደ ኋላ ቀሩ። ለጉዞው የሚሆኑ ሁለት ግመሎቻቸውን አራት ወር ቀለቡ ።   ♨️ የቁረይሾች ፖርላማ በዳረነድዋ ውስጥ የአላህ መልእክተኛ ﷺ ባልደረቦች ጓዛቸውን ጠቅልለው፤ ሐብት ንብረታቸውን ይዘው ! ቤተሰቦቻቸውን አስከትለው ወደ አውስና ኸዝረጅ መሰደዳቸውን ጣኦታውያን ሲያዩ በሽብርና በቁጭት ይናጡ ጀመር። ከዚያ በፊት አግኝቷቸው የማያውቅ ጥልቅ ሐዘን ተሰማቸው" ሐይማኖታዊና ኢኮኖሚያዊ ማንነታቸውን አደጋ ላይ የሚጥል ትልቅ አደጋ ከፊት ለፊታቸው መጋረጡን ተረዱ፡፡ ምክንያቱም የነብዩ ሙሐመድን በቀላሉ የሚስብና ተጽእኖ የሚያሳድር ጠንካራ ስብእና፣ የአመራር ችሎታቸውን፣ የባልንጀሮቻቸውን የዓላማ ጽናት እና የመስዋእትነት ስሜት ፣ የአውስና የኸዝረጅ ጎሳዎችን ጥንካሬ፤ የሁለቱ ጎሳዎች ጓሎች ለዘመናት በእርስ በርስ ጦርነት ሲታመሱ በመኖራቸው ለእርቅና ለሰላም የነበራቸውን ከፍተኛ ፍላጎት ያውቁ ነበር።   ♨️ እንደዚሁም መዲና የነበራትን ስትራቴጅያዊ ጠቀሜታም ይረዱ ነበር። በቀይ ባህር ከየመን ወደ ሻም የሚደረገው የንግድ ልውውጥ ቁልፍ መተላለፊያ መሆኗን ያውቁ ነበር" የጧኢፍና የሌሎች ከተሞች የንግድ ልውውጥ ሳይደመር የመካ ሰዎች ብቻ ከሻም ጋር የሚያደርጉት የንግድ ልውውጥ በአመት ሩብ ሚሊዮን የወርቅ ዲናር:ይገመታል። ይህ ሁሉ የንግድ እንቅስቃሴ ስኬታማ ሊሆን የሚችለው መተላለፊያ መንገዶቹ ሰላማዊ ሲሆኑ ብቻ ነው። ኢስላማዊው እንቅስቃሴ የስሪብ ውስጥ ማእከል ማግኘቱና የየስሪብ ስዎች የነርሱ ተቀናቃኝ ሆነው መገኘታቸው ምን ያህል አደጋ እንዳለው ጣኦታውያን በሚገባ ተረድተዋል።    ⭕️ ጣኦታውያን በሕልውናቸው ላይ የተቃጣውን ይህን አደጋ ለመከላከል ውጤታማ ስልት ማፈላለግ ጀመሩ። የዚህ አደጋ ዋና ምንጭ የእስልምናን ጥሪ አርማ የተሸከሙት ነቢዩ ሙሐመድ ﷺ ናቸው። በ14ኛው ዓመተ ነብይነት ሐሙስ ሶፈር 26 ቀን፣ ማለትም ሴፕቴምበር 12 ቀን 622 የታላቁ ዓቀባ ስምምነት ከተፈጸመ ከሁለት ወራት ከግማሽ አካባቢ መሆኑ ነው፤ የመካ ፖርላማ (ዳረነድዋ) በዚሁ እለት ጠዋት እጅግ ከባድና ታሪካዊ ጉባኤ አደረገ። በዚህ ጉባኤ ላይ የሁሉም የቁረይሽ ጎሳዎች ተወካዮች ተገኝተዋል። የጉባኤው አላማ በኢስላማዊው ዳእዋ ዋነኛ አራማጅ ላይ አፋጣኝ እና የማያዳግም እርምጃ በመውሰድ የእስልምናን ብርሃን ሙሉ በሙሉ ማክሰም ነበር። በዚህ ከባድ ጉባኤ ላይ የተለያዩ ጎሳዎችን በመወከል የተገኙ ዋናዋና ሰዎች የሚከተሉት ነበሩ፡ ሰ 1) አቡ ጀህል ቢን ሂሻም ከበኒ መኽዙም ጎሣ 2) ጁበይር ቢን ሙጥኢም- ከነውፈል ቢን አብድመናፍ ጎሳ 3) ጡአይመህ ቢን ዓድይ- ከነውፈል ቢን አብድመናፍ ጎሣ 4) ሐሪስ ቢን አሚር ከነውፈል ቢን አብድመናፍ ጎሣ 5) ሸይባህ ቢን ረቢአሀ- ከበኒ አብድ ሸምስ ቢን አብድ መናፍ ጎሣ 6) ዑትባህ ቢን ረቢአህ- ከበኒ አብድሸምስ ቢን አብድ መናፍ ጎሣ 7) አቡ ሱፍያን ቢን ሐርብ- ከበኒ አብድ ሸምስ ቢን አብድ መናፍ ጎሣ 8) ነድር ቢን አልሐሪስ- ከበኒ አብድዳር ጎሣ 9) አቡልበኸተሪ ቢን ሂሻም - ከበኒ አሰድ ቢን አብድል ኡዛ ጎሣ 10) ዘምዓህ ቢን አስወድ - ከበኒ አሰድ ቢን አብድል ኡዛ ጎሣ 11) ሐኪም ቢን ሒዛም ከበኒ አሰድ ቢን አብድል ኡዛ ጎሣ 12) ነቢህ ቢን አልሐጃጅ - ከበኒ ሰህም ጎሣ 13)ሙነበህ ቢን አልሐጃጅ - ከበኒ ሰህም ጎሣ 14) ኡመያሀ ቢን ኸለፍ - ከበኒ ጀመህ ጎሣ    ⚜️ ጉባኤተኞቹ በቀጠሯቸው መሠረት ከዳረነድዋ ሲደርሱ ሸይጣን በአዛውንት ተመስሎ ከቦታው ደረሰ። ከበሩ አጠገብም ቆመ።

«ይህ ሽማግሌ ማን ነው?»

በማለት ሲጠይቁ፡   ♻️ የነጅድ ሰው ነኝ" ይህን ጉባኤ ሰምቼ የምትሉትን ለመስማት ነው የመጣሁት። ጠቃሚ ሐሳብ እና ምክርም አለኝ።» አለ። እንግዲያውስ ግባ» ሲሉ ፈቀዱለት ገባ። ⏩ ፖርላማዊ ውይይትና ነቢዩን ﷺ ለመግደል የተላለፈ ጨካኝ ውሳኔ   🔹 ጉባኤተኞቹ ከተሟሉ በኋላ ጉባኤው ተጀመረ። የመፍትሄ ሐሳብ  ይሰነዘሩ ጀመር። ረዥም ውይይት ተደረገ፡ አበል አስወድም፣ ከአገራችን እናስወጣው። … ከዚያ በኋላ የትም ቢሄድ፣ ምንም ነገር ቢደርስበት እኛን አይመለከተንም። ጉዳያችን ይስተካከላል። ግንኙነታችንም እንደቀድሞው ይመለሳል።» አለ፡፡   ⭕️ ከነጅድ የመጣው አዛውንት ግን ይህ ጥሩ ሐሳብ አይደለም። ንግግሩ ምን ያህል እንደሚስብ፣ ሐሳቡ ምን ያህል እንደሚማርክ፣ የሰዎችን ልቦና በመልእክቱ በቀላሉ እንዴት እንደሚቆጣጠር አላያችሁምን? በአላህ እምላለሁ፣ ይህን ብታደርጉ ከአንድ የዓረብ ቀዬ ያርፍና እነርሱን አሳምኖና አስተባብሮ ከአገራችሁ ያስወጣችኋል። ከዚያ በኋላ ያሻውን ያደርጋችኋል። ስለዚህ ሌላ ሐሳብ አምጡ" አላቸው።   ⭕️ አበል በኸተር፡ በብረት ሰንስለት እሰሩት። በርም ቆልፉበት። ከዚያ በኋላ ከርሱ በፊት የነበሩ ባለቅኔዎች ዙሐይርና ናቢዓ የገጠማቸው የሞት እጣ እስኪገጥመው ተጠባበቁ።» አለ። የነጅዱ አዛውንት ይህንንም ሐሳብ እንዲህ ሲል ውድቅ አደረገው፤ በአላህ እምላለሁ! ይህም ጥሩ ሐሳብ አይደለም። እንደምትሉት ብታስሩት ወሬው ተደብቆ አይቀርም። ባልንጀሮቹ መታሰሩን ይሰሙና ያጠቋችኋል" ከእጃችሁም ይነጥቁታል። በርሱ አማካይነት ቁጥራቸውን አብዝተውም ያሸንፏችኋል" ሌላ ሐሳብ ካላችሁ አምጡ።»   ⚜️ ፖርላማው እነዚህን ሁለት ሐሳቦች ውድቅ ካደረገ በኋላ ሁሉም የተስማሙበት አንድ ሰይጣናዊ ሐሳብ ቀረበ። ሐሳቡን ያመነጨው የመካ ወንጀለኞች አለቃ የሆነው አብ ጀህል ቢን ሂሻም ነው። እንዲህ አለ «በአላህ እምላለሁ! እስካሁን ያላነሳችሁት አንድ ሐሳብ አለኝ።» «አበል ሐከም ሆይ፣ እርሱ ምንድን ነው?» ሲሉ ጠየቁት። ከእያንዳንዱ ጎሳ ጠንካራ ሰዎችን እንምረጥ።   ♨️ ለሁሉም _ የሰሉ ሰይፎች እንስጣቸው። ወደርሱ : ይሂዱና በአንድነት በመምታት ይግደሉት። ይህ ሲሆን ከርሱ እንገላገላለን። ደሙ በሁሉም ጎሳዎች ላይ ይሆናል። በኒ አብድ መናፎችም ሁሉንም ዓረቦች ለመዋጋት አቅም አይኖራቸውም። እናም የደም ካሳ ይጠይቁናል። እንሰጣቸዋለን።»አለ።   ♻️ የነጅዱ ሽማግሌም፡ ትክክለኛው ሐሳብ ይህ ነው" መሆን ያለበትም እርሱ ነው፡፡ አለ። የመካ ፖርላማ በዚህ እኩይ ሐሳብ ያለ አንድ ተቃውሞ ተስማማ። ጉባኤተኞቹ ሐሳቡን በፍጥነት ለመተግበር ቁርጥ ውሳኔ አድርገው ወደየቤታቸው ተመለሱ። @Aymen_Muhammed01

☪️ የረሱል  ﷺ የህይወት ታሪክ☪️                    ◎ክፍል -47◎

🔹ቁረይሾች ወሬውን ማረጋገጣቸውና ቃል ኪዳን የተጋቡትን ሰዎች ማሳደዳቸው   ◈ የመካ መሪዎች ወሬው ሐሰተኛ እንደሆነ ከሞላ ጎደል እርግጠኛ ሆነው ተመለሱ፡ ማነፍነፋቸውን ግን አላቆሙም። በመጨረሻም ድርጊቱ በእርግጥ መፈጸሙን ደረሱበት። ይህ የሆነው ሐጃጆች ወደየመጡበት ከተመለሱ በኋላ ነበር። እናም የየስሪብ ሰዎችን ለማሳደድ ጋላቢዎቻቸውን አሰማሩ። ጊዜው ካለፈ በኋላ ሆነና እድል አልቀናቸውም። ይሁንና ሰእድ ቢን ዑባዳህንና ሙንዚር ቢን አምርን ማየት በመቻላቸው አሳደዷቸው። ሙንዚር አመለጠ። ሰእድን ግን አሳደው ያዙት፡፡ በግመሉ ማሰሪያ ጠፈሩት። እየመቱና እየጎተቱ፣ እንደዚሁም ጸጉሩን እየሳቡና እያሰቃዩ ወደ መካ ይዘውት ሄዱ። ሙጥኢም ቢን አድይና ሐሪስ ቢን ሐርብ ቢን ኡመያህ መጥተው አስለቀቁት። ምክንያቱም በመዲና ለሚያልፍ ቅፍለታቸው የጥበቃ አገልግሎት ይሰጥ ስለነበር" አንሷሮች ስእድን ሲያጡት ሊመለሱ ወስነው ነበር። ግና ወዲያው ብቅ አለ። ሁሉም መዲና በሰላም ገብ።   Ⓞ ሁለተኛው የዓቀባ ቃል ኪዳን ይህን ይመስላል። «በይዓተል ዓቀበተል ኩብራ» (ታላቁ የዓቀባ ቃልኪዳን) በመባል ይታወቃል። በአማኞች መካከል በተፈጠረ እጅግ አስደናቂ የፍቅር፤ የመተሳሰብና የመረዳዳት ድባብ፣ ፍጹም ግሩም በሆነ መተማመን፣ ጀግንነትና መስዋእትነት የተፈጸመ ስምምነት ነበር። የየስሪብ አማኝ መካ ውስጥ ላለ ደካማ ወንድሙ ማሰቡና መጨነቁ በጉልህ የታየበት፡ ለርሱ ያለውን ወገንተኝነት በመግለጽ ለበደሉ የተቆጨበትና በነዚህ ስሜቶቹ ውስጥ ለአላህ ሲል በሩቅ ለወደደው ለዚህ ወንድሙ ያለው የፍቅር ስሜት ፍጹም የታደሰበት ድንቅ ስምምነት ነበር።   🔹 ይህ የፍቅር ስሜት በጥቂት ቀናት ውስጥ የሚከስም ግልብ አልነበረም። ምንጩ በአላህ፤ በመልእክተኛውና በመጽሐፉ ማመን ነው" ለየትኛውም የግፍና የተንኮል ሐይል የማይፈታ ጽኑ እምነት። ውስጥን የሚያጸናና ወደ ስራ የሚያመላክት አንጸባራቂ እምነት" ሙስሊሞች በዚህ ዓይነቱ እምነት አማካይነት እስካሁን አቻ ያልተገኘላቸውንና ወደፊትም የማይገኝላቸውን ድንቃድንቅ ተግባራትና አሻራዎች በታሪክ መዝገብ ውስጥ ለማስፈር ታድለዋል።              ♨️ ስደት ♨️   ♻️ ሁለተኛው የዓቀባ ስምምነት ተፈጽሞ እስልምና በክህደትና በመሐይምነት በተሞላ በረሐ ውስጥ ሐገር ለመመስረት የሚያስችለውን ስኬት ከተጎናጸፈ : በኋላ : የአላህ መልእክተኛ ለሙስሊሞች ወደዚህ የእስልምና ሐገር እንዲሰደዱ ፈቀዱላቸው። ኢስላም በዚህ ስምምነት ያገኘው ስኬት እንቅስቃሴውን ከጀመረበት እለት አንስቶ ካስመዘገባቸው ስኬቶች ሁሉ የላቀ ነው። ስደት ማለት ዓለማዊ ጥቅምን ትቶ ሐብት ንብረትን ሰውቶ ሕይወትን ብቻ ማትረፍ ማለት ነው" ሕይወትም ቢሆን ለአደጋ የተጋለጠ ነው። በጉዞ ላይ እያሉ መገደል ወይም መሞት ይኖራል። ፍጻሜውን ወደማያውቀው፤ ሐዘንና ሰቆቃ የቋጠረ ሊሆን ወደሚችል ሂደት ውስጥ መግባት ማለት ነው።   🚸 ሙስሊሞች ይህን ሁሉ እያወቁ ስደት ጀመሩ። ጣኦታውያኑም አደጋውን ስለተረዱ ስደቱን ለማጨናገፍ የሚችሉትን ሁሉ አደረጉ። በዚህ ረገድ ጥቂት የስደት ታሪኮችን እንመልከት፡ 1) ከመጀመሪያዎቹ ስደተኞች መካከል  አቡሰለማህ ይጠቀሳል። ኢብን ኢስሐቅ እንደዘገቡት ከታላቁ የዓቀባ ስምምነት አንድ አመት ቀደም ብሎ ነው የተሰደደው። ለስደት ሲዘጋጅ : አማቾቹ «አንተስ አሻፈረኝ ብለሃል። ይህችን ባለቤትህን ግን አገር ላገር ይዘሐት እንድትንከራተት አንፈቅድልህም።» በማለት ባለቤቱን አስቀሩበት። የርሱ ወገኖች በአማቾቹ ድርጊት ተቆጡ።   ⏩ ባለቤቱን ካስቀራችሁበት ልጁን አንሰጣችሁም» በማለት ለመውሰድ ተጋበዙ። ሁለቱ ወገኖች ልጁን ይዘው ሲጓተቱ የልጁ እጅ ወለቀ። በመጨረሻ ኣሸን ይዞት ሄደ። አቡስለማህ ብቻውን ወደ መዲና ተጓዘ። ኡም ሰለማም ባሏ ከተሰደደና  ልጇም ከተወሰደ በኋላ ጠዋት ጠዋት ወደ ሜዳ እየወጣች እስኪመሽ ማልቀስ የዘወትር ድርጊቷ ሆነ።   ♨️  በዚህ ሁኔታ አንድ አመት አለፈ። ከዘመዶቿ አንዱ በሁኔታዋ በማዘን፡ _ «ይህችን ሚስኪን ከጭንቅ አትገላግሏትምን? ከባሏና ከልጇ ነጥላችሁ አስቀራችኋት» አለ። ከፈለግሽ ወደባልሽ ሂጅ» ሲሉ ፈቀዱላት። ልጇን ከባሏ ዘመዶች አስመልሳ ወደ መዲና ስደት ጀመረች። ከመካ እስከ መዲና ድረስ ያለውን 500 ኪሎ ሜትር ርቀት አንድም ሰው አብሯት ሳይኖር ብቻዋን ተጓዘች፡ ተንዓም ከተባለ ቦታ ስትደርስ ኡስማን ቢን ጦልሐ ቢን አቢ ጦልሐ አገኛት። ሁኔታዋን ከተረዳ በኋላ እስከ መዲና ድረስ ሸኛት። ቁባእ የተባለውን ቦታ ሲመለከት «ባልሽ ከዚህች ቀዬ ውስጥ ነው። «በአላህ በረከት ግቢ» አላትና ወደ መካ ተመለሰ።” 2) ሱሐይብ ቢን ኪናን አልሩሚ የተሰደደው ከአላህ መልእክተኛ መስደድ በኋላ ነው፡፡ ስደት ሲያስብ የቁረይሽ ከሀድያን «ወደ ሐገራችን ስትገባ ደሐ ነበርክ። ሐብት ንብረት ያፈራኸው እና ከከፍተኛ ደረጃ ላይ የደረስከው ከኛ ዘንድ ሆኖ እያለ ንብረትህን ይዘህ መውጣት ትችላለህን? በአላሀ እንምላለን ፤ ይህንንስ አንፈቅድልህም።» አሉት።:ሱሐይብም፡ ንብረቴን ብተውላችሁ እንድሄድ ትፈቅዱልኛላችሁን?» አላቸው። «አዎ» አሉት። ገንዘቤን ትቼላችኋለሁ።» አላቸው" የአላህ መልእክተኛ ድርጊቱን ሲሰሙ፡ «ሱሐይብ አተረፈ፣ ሱሐይብ አተረፈ» በማለት አበሰሩት።”* 3) ዑመር ቢን አልኸጧብ፣ አያሽ ቢን አቢ ረባአህና ሂሻም ቢን አስ ቢን ዋኢል በጠዋት ተገናኝተው ወደ መዲና ለመሰደድ ተቀጣጠሩ። ዑመርና : አያሽ ከቀጠሮው ቦታ ሲደርሱ ሂሻም ወደኋላ ቀረ። መዲና ደርሰው ቁባእ ላይ እንደሰፈሩ አቡ ጀህልና ወንድሙ ሐሪስ ከአያሽ ዘንድ መጡ። የሦስቱም እናት አንድ ነበረች፡፡ እናትህ አንተን ካላየች ጸጉሯን ላታበጥር እና ከጸሐይ ላትጠለል ምላለች» አሉት" አዘነላት። ዑመር ግን አያሽ ሆይ፣ በአላህ እምላለሁ! ወገኖችህ ፍላጎታቸው ከሐይማኖትህ ሊፈትኑህ (ሊያንገላቱህ) · ነው። እምላለሁ፣ እናትህን ቅማል ካስቸገራት ታበጥራለች። የመካ ጸሐይ ከበረታባትም ትጠለላለች።» አሉት። ዓያሽ ግን የእናቱን መሐላ ለመሙላት ሲል አሻፈረኝ በማለት ከነርሱ ጋር ለመሄድ ወሰነ። ዑመርም፡ «ለመሄድ ከወሰንክ ይህን የኔን ግመል ያዝ። ታዛዥና ብርቱ ነው። ከወገኖችህ አንዳች ዓይነት የተንኮል ጥርጣሬ ከተሰማህ እርሱን ጋልበህ ራስህን አድን።» አሉት።   ♨️  አያሽ ከሁለቱ ወንድሞቹ ጋር ወደ መካ ጉዞ ጀመረ። መንገድ ላይ አቡጀህል የወንድሜ ልጅ ሆይ! በአላህ እምላለሁ፡ ይህ ግመሌ ስለደከመብኝ ከአንተ ግመል ልፈናጠጥ» ሲል ጠየቀው። አያሽ ፈቃደኛ ሆነ። ግመሉን አቁሞ ሲያንበረክክ ያዙትና አስረው ወደ መካ በቀን ይዘውት ገቡ። የመካ ሰዎች ሆይ፣ እኛ በዚህ ቂላችን ላይ የፈጸምነውን እናንተም በቂሎቻችሁ ላይ ፈጽሙ» አሉም።”

ሂሻምና አያሽ በከሀድያን ታስረው መልእክተኛው እስኪሰደዱ ድረስ ቆይተዋል። አንድ ቀን መልእክተኛው ለ «ሂሻምንና አያሽን የሚያመጣልኝ ማን ነው?» በማለት ጠየቁ። ካሊድ ቢን ወሊድ የአላህ መልእክተኛ ሆይ እኔ አመጣቸዋለሁ።» አለና ወደ መካ ተደብቆ አመራ፡ ለነርሱ ምግብ የምታደርስ አንዲት ሴትም አገኘ። ተከተላትና ያሉበትን ቦታ አወቀ። ጣሪያ | ከሌለው ቤት ውስጥ ነበር የታሰሩት" ሲመሽ አጥር ዘሎ _ በመግባት እስራቸውን ፈታላቸው። በግመሉ ላይ አሳፍሮም ወደ መዲና ወሰዳቸው"

@Aymen_Muhammed01

☪️ የረሱል  ﷺ የህይወት ታሪክ☪️                    ◎ክፍል -46◎

⭕️ አስራ ሁለት አለቆች ⭕️    🔹 የቃልኪዳኑ ስርዓት ከተጠናቀቀ በኋላ ለወገኖቻቸው መሪ በመሆን የስምምነቱን አፈጻጸም የሚከታተሉ | አስራ ሁለት አለቆች እንዲመረጡ የአላህ መልእክተኛ ሐሳብ አቀረቡ፡፡ «ወገኖቻችሁን የሚመሩ አስራ ሁለት ሰዎች ምረጡልኝ» ሲሉ ጠየቁ። እነዚህ ሰዎች ወዲያው ተመረጡ። ዘጠኙ ከኸዝረጅ፣ ሦስቱ ደግሞ ከአውስ ጎሳ ነበሩ። ስማቸው ከዚህ በታች ተዘርዝሯል፡

ኢብን ኢስሐቅ እንደጻፉት በኑ አብድል አሽሐሎች መጀመሪያ ቃል ኪዳን የተጋባው አቡል ሐይሰም ቢን ተይሃን ነው ይላሉ። ከአብ ቢን ማሊክ በበኩሉ በራእ ቢን መእሩር ነው ብሏል።

ከኸዝረጅ ጎሳ የተመረጡ አለቆች፦

1) አስዓድ ቢን ዙራራህ ቢን ዓደስ 2) ሰእድ ቢን ረቢአ ቢን አምር 3) አብደላህ ቢን ረዋሃህ ቢን ሰእለባህ 4) ራፊእ ቢን ማሊክ ቢን ዓጅላን 5) በራእ ቢን መእሩር ቢን ሶኽር 6) አብደላህ ቢን ዓምር ቢን ሐራም 7) ዑባደት ቢን ሷሚት ቢን ቀይስ 8) ሰእድ ቢን ዑባደት ቢን ደሊም 9) አልሙንዚር ቢን ኣምር ቢን ኸኒስ ከአውስ ጎሣ የተመረጡ አለቆች 1) ኡሰይድ ቢን ሁደይር ቢን ሰማክ 2) ሰእድ ቢን ኸይሰማህ ቢን አልሐሪስ 3) ሪፋኣህ ቢን አብድል ሙንዚር ቢን ዙበይር።”   ◈ እነዚህ አለቆች ከተመረጡ በኋላ የወገኖቻቸው መሪዎች ከመሆናቸው አኳያ የአላህ መልእክተኛ (ሰዐወ) ተጨማሪ ቃል ኪዳን ከነርሱ ያዙ። እንዲህ አሏቸው የኢሳ ሐዋሪያቶች ለኢሳ ወኪሎች እንደነበሩ ሁሉ እናንተም ለወገኖቻችሁ ወኪሎች ናችሁ። እኔም ለወገኖቼ (ለሙስሊሞች) ወኪል ነኝ።» እነርሱም ‹‹እሺ» ሲሉ መረዳታቸውን ገለጹ። ሰይጣን ስምምነቱን ማጋለጡ ስምምነቱ ተፈጽሞ ስብሰባው ሊበተን ሲቃረብ ከሰይጣናት መካከል አንዱ ደረሰበት"ሚስጥሩን የደረሰበት በመጨረሻ በመሆኑና ሰዎቹ ሳይበተኑ የቁረይሾች መሪዎች ይደርሱባቸው ዘንድ ለማሳሰብ በቂ ጊዜ ስለሌለው ከከፍታ ቦታ ላይ ወጣና በከፍተኛ ድምጽ ‹‹በየቤቱ ያላችሁ ሆይ፤ ሙሐመድና ሌሎቹ አፈንጋጮች ምን እያደረጉ እንደሆኑ ታውቃላችሁን? እናንተን ለመዋጋት ተባብረዋል" ሲል ጮኸ" የአላህ መልእክተኛም ፡ «ይህ የዓቀባህ እርኩስ ነው። የአላህ ጠላት ሆይ' በአላህ እምላለሁ' የአንተን ጉዳይ የተለየ ጊዜ ሰጥቼ አወጣዋለሁ» _ አሉ። ተሰብሳቢዎችም ወደ የማረፊያቸው እንዲበተኑ አዘዙ"   🔹 አንሷሮች ቁረይሾችን ለማጥቃት መዘጋጀታቸው የዚህ ሰይጣን ድምጽ በተሰማ ጊዜ አባስ ቢን ዑባዳህ ቢን ነድለሀ

«በእውነት በላከህ አምላክ እምላለሁ፤ ከፈለግክ በሚና ሰዎች ላይ ሰይፎቻችንን ነገውኑ እንመዛለን፡፡» አለ። የ

  ⭕️ አላህ መልእክተኛም እንዲህ እንድናደርግ አልታዘዝንም። አሁን ወደየማረፊያችሁ ተመለሱ።» አሉ። ተመልሰው እስኪነጋ ድረስ ተኙ።” ቁረይሾች ለየስሪብ ሰዎች ስሞታ ስለማቅረባቸው ቁረይሾች ይህን ወሬ እንደሰሙ ከፍተኛ መረበሽና ሐዘን ተፈጠረ። ምክንያቱም እንዲህ ዓይነት ስምምነት በሕይወታቸውና በንብረታቸው ላይ ሊያስከትል የሚችለውን አደጋ ጠንቅቀው ያውቁ ነበር። ሲነጋ ከመካ ባላባቶችና እውቅ ወንጀለኞች የተዋቀረ:አንድ ልዑክ ወደ የስሪብ ሰዎች ማረፊያ በመሄድ በዚህ ስምምነት ላይ ያለውን ተቃውሞ እንዲህ ሲል አሰማ «የኸዝረጅ ሰዎች ሆይ፣ ይህን ባልንጀራችንን (ሙሐመድን) ከመሐከላችን ነጥላችሁ ለመውሰድ እንደመጣችሁና እኛን ለመውጋትም ቃልኪዳን እንደተጋባችሁት ደርሰንበታል። በአላህ እንምላለን፤ ከየትኛውም የዓረብ ጎሣ ይልቅ ከናንተ ጋር መዋጋትን አጥብቀን እንጠላለን።, ቃልኪዳኑ በከፍተኛ ሚስጥርና በሌሉበት በመፈጸሙ የኸዝረጅ ጣኦታውያን ምንም ዓይነት መረጃ ስላልነበራቸው የተፈጸመ ምንም ነገር የለም። የምናውቀውም ነገር የለም።» ሲሉ በመሐላ አስረግጠው ተናገሩ።   🔹 ከአብደላህ ቢን ስሉል ዘንድ በመሄድም ጠየቁት። እርሱም፡ «ፍጹም ስህተት ነው" መሆን አይችልም። ወገኖቼ ያለኔ ይሁንታ እንዲህ ዓይነት ነገር : አያደርጉም» አለ። ሙስሊሞች በበኩላቸው እርስ በርስ ተያይተው ዝምታን መረጡ። ደግፎ ወይም አስተባብሎ የተናገረ ከመሐከላቸው አልነበረም። የቁረይሽ መሪዎች የኸዝረጅ ጣኦታውያንን ቃል በማመን አፍረው ተመለሱ። @Aymen_Muhammed01

ለመላው የክርስትና እምነት ተከታይ    ወገኖቻችን በሙሉ ወደተፈጠራችሁበት እስልምና ኑ

አፋልጉን‼ ======= እህታችን ስለጠፋችብን ለአላህ ብላችሁ አፋልጉን። ስሟ አመተረሕማን ዐብደ-ል'ሏህ ትባላለች። ረቡዕ ጠዋት ትምህርት ቤት ብላ እንደወጣች አልተመለሠችም። እድሜዋ 14 ነው። የምትኖረው ከእናቷ ጋር ነው። ፖሊስ ጣቢያም ጠይቀን ምንም ፍንጭ አላገኘንም። ሐሙስ ጠዋት ትምህርት ቤት ሄዳ አልመጣችም። እናቷ ሌላ የሚረዳት ሠው የለም። በጣም በጭንቀት ነው ያለችው!! ፈላጊ እናትዋ ፎዚያ አላምረው ስልክ 0927818268

☪️ የረሱል  ﷺ የህይወት ታሪክ☪️                    ◎ክፍል -45◎

  ⭕️ የስምምነቱ ይዘት ⭕️    ⭕️ ኢማም አሀመድ ጃቢርን ዋቢ በማድረግ የስምምነቱን ዝርዝር ይዘት ዘግበዋል። ጃቢር እንዲህ ሲል አውግቷል የአላህ መልእክተኛ ሆይ፣ ቃል የምንገባልህን ነገ ንገረን» አልናቸው። እንዲህ ሲሉ ዘረዘሩ፡ 1) በሁሉም ሁኔታዎች ውስጥ ለመስማትና ለመታዘዝ 2) በችግርም በድሎትም ወቅት ለመመጽወት 3) በመልካም ለማዘዝና ከመጥፎ ለመከልከል 4) የሰዎች አሉባልታና ትችት ሳያስፈራችሁ የአላህን ትእዛዝ ልትፈጽሙ 5) ወደናንተ ስመጣ ከጎኔ በመቆም ልትረዱኝ፣ ለራሳችሁ፣ ለሚስቶቻችሁና ለልጆቻችሁ የምታደርጉትን ጥበቃ ለኔም ልታደርጉልኝ ቃል እንድትገቡልኝ እሻለሁ። ይህን ከፈጸማችሁ ጀነትን ታገኛላችሁ።,   🔹 ኢብን ኢስሐቅ ባሰፈሩት የከእብ ዘገባ እንደተወሳው የአላህ መልእክተኛ ﷽ ተናገሩ። ቁርአን አነበቡ። ወደ አላህ ዱዓ አደረጉ። ወደ ኢስላም ጋበዙ። ከዚያም እንዲህ አሉ ለልጆቻችሁ የምታደርጉትን ጥበቃ ለኔም ልታደርጉ ቃል ለሴቶቻችሁና እጋባችኋለሁ።»   ◈ በራእ ቢን · መእሩር እጃቸውን ያዘና «አዎ! በእውነት በላከህ ጌታ እምላለሁ፣ ለራሳችንና ለቤተሰቦቻችን የምናደርገውን ጥበቃ ላንተም እናደርጋለን። የአላህ መልእክተኛ ሆይ፣ በኛ ተማመን። በአላህ እምላለሁ። እኛ ከአያት ቅድመ አያቶቻችን የጦር አዋቂነትንና ጀግንነትን ወርሰናል።» አለ።   ◈ በራእ እየተናገረ እያለ አበል ሐይሰም ቢን ቲሐን ጣልቃ በመግባት «የአላህ መልእክተኛ ሆይ፤ በኛና በአይሁዶች መካከል የነበረውን ግንኙነት ልንቆርጥ እየወሰንን ነው። እኛ ይህን ካደረግን በኋላ አላህ ድልን ከለገስህ እኛን ትተህ ወደ ወገኖችህ ትመለሳለህን?» በማለት ጠየቀ። የአላህ መልእክተኛ : ፈገግ አሉና፡ «ይህ በፍጹም አይደረግም። እኔና እናንተ በደም ተሳስረናል። ላንለያይ ተቆራኝተናል። እስከ ሕይወቴ ፍጻሜ ድረስ እኔ የናንተ ወገን፣ እናንተም የኔ ወገን ናችሁ፡፡ የተዋጋችሁትን እዋጋለሁ። የታረቃችሁትን አታረቃለሁ አሉ።   🔹 የስምምነቱን ክብደት ስለማጽናት 🔹 በስምምነቱ ይዘትና ባህሪ ዙሪያ በቂ ውይይት ተደርጎ ቃል ኪዳኑን ለመፈጸም ሲዘጋጁ በ11ኛውና በ12ኛው ዓመተ ነብይነት የሐጅ ወቅት የሰለሙ ሁለት ሰዎች ተራ በተራ በመቆም ለወገኖቻቸው የስምምነቱን ክብደትና የሚጠይቀውን ግዙፍ መስዋእትነት በግልጽ ተረድተው ቃልኪዳኑን ይፈጽሙ ዘንድ በአጽንኦት አስታወሱ፡፡ ኢብን ኢስሐቅ እንደዘገቡት ቃል ኪዳኑን ለመፈጸም በተሰበሰቡ ጊዜ አባስ ቢን ዑባዳህ ቢን ነድለህ፡ «ከዚህ ሰው ጋር የምትጋቡትን ቃል ኪዳን ክብደት ተረድታችኋልን?» አላቸው። «አዎ» አሉት። ሰዎችን ሁሉ ቀይ ከጥቁር ሳትለዪ ለመዋጋት ቃል እየገባችሁ ነው። ንብረቶቻችሁ ሲወድሙ፣ ታላላቆቻችሁ ሲገደሉ አሳልፋችሁ የምትሰጡት ከሆነ ከአሁኑ ብትተውት ይሻላል። በአላህ እምላለሁ፤ አሳልፋችሁ ከሰጣችሁት በዚህችም ሆነ በመጭው ዓለም ውርደትን ትከናነባላችሁ። ንብረቶቻችሁ ቢወድሙ፣ ታላላቆቻችሁ ቢገደሉም የምትጠብቁት ከሆነ ውሰዱት። እርሱ፣ በአላህ እምላለሁ፣ ለዚህችም ሆነ ለመጭው ዓለም በላጭ ተግባር ነው።»አላቸው። ንብረቶቻችን ቢወድሙ፣ ታላላቆቻችን ቢገደሉም እንጠብቀዋለን።   🔹 የአላህ መልእክተኛ ሆይ ! ቃላችንን ከሞላን ምን እናገኛለን?» ሲሉ _ ጠየቁ። «ጀነትን ታገኛላችሁ» አሏቸው።«እንግዲያውስ እጅህን ዘርጋ» አሏቸው" ዘረጉ።ቃልኪዳኑንም ፈጸሙ፡ ጃቢር ባስተላለፉት ዘገባ እንዲህ ቃል ኪዳኑን ለመፈጸም ስንነሳ _ አስዓድ ቢን ዙራራህ ከሰባዎቻችን በእድሜ አነስተኛው እርሱ ነው. እጃቸውን ያዘና፡ የየስሪብ ሰዎች ሆይ፣ ረጋ በሉ" ወደርሱ የመጣነው የአላህ መልእክተኛ መሆኑን ስላወቅንና ስላመንን ነው። እርሱን ማስጠጋት ማለት ከአረቦች በሙሉ መነጠል ማለት ነው። ይህ ሲሆን ምርጦቻችሁ ይገደላሉ! ሰይፎች ይረባረቡባችኋል ማለት ነው። ይህን ሁሉ ነገር እንታገሳለን ካላችሁ ውሰዱት። ምንዳችሁን ከአላህ ዘንድ ታገኛላችሁ። ለነፍሶቻችሁ የምትፈሩ ከሆነ ግን ተውት። አሳልፋችሁ ከምትሰጡት ይህ ከአላህ ዘንድ የተሻለ ነው፡፡   ⭕️ የቃልኪዳኑ መፈጸም ⭕️ 🔹የስምምነቱ ዝርዝር ከተቀመጠና ክብደቱን በተመለከተ አጽንኦት ከተሰጠ በኋላ የመልእክተኛውን እጅ በመጨበጥ ቃልኪዳኑን ፈጸሙ። ጃቢር እንዳስተላለፉት የአስዓድ ቢን ዙራራህ ንግግር ከተሰማ በኋላ «አሰዓድ ሆይ፣ እጅህን አስወግድልን። በአላህ እንምላለን። ይህን ቃል ኪዳን ዛሬ ከመፈጸም ወደ ኋላ አናዘገየውም።» አሉት። በዚህ ጊዜ ወገኖቹ አስፈላጊውን መስዋእትነት ለመክፈል ዝግጁ መሆናቸውን አስዓድ ተገነዘበ። አንልም። አሰዓድ ከሙስአብ ቢን ዑመይር ጋር በመሆን የኢስላምን ጥሪ ያሰራጨ ስው ነው። ለዚህ ቃልኪዳንም ቀዳሚው ሆነ። ኢብን ኢስሐቅ እንደዘገቡት መጀመሪያ የነቢዩን እጅ በመጨበጥ ቃልኪዳን የገባው አስዓድ ቢን ዙራራህ እንደሆነ በኑ ነጃሮች ይገልጻሉ።”    ⭕️ ከዚህ በኋላ ቃል ኪዳን የመፈጸሙ ስርዓት ተጀመረ። ጃቢር እንዲህ ብለዋል፤ አንድ በአንድ እየተነሳን ቃል ኪዳን ተጋባናቸው። እርሳቸውም የገባነውን ቃል ኪዳን ከተወጣን ጀነትን እንደምንወርስ ቃል ገቡልን» ከቦታው የተገኙ ሁለት እንስቶች ቃልኪዳኑን የፈጸሙት በቃል ብቻ ነበር። የአላህ መልእክተኛ የባእድ እንስትን እጅ ጨብጠው አያውቁም።                    ፨፨፨፨፨፨፨፨፨ @Aymen_Muhammed01

የአክሱም ጽንፈኝነት ይለያል‼ ===================== (ከሒጃብ ክልከላ እስከ ቁርኣን መቅደድ፣ ከመቃብር እጦት እስከ ደም መፋሰስ!) || ✍️ዛሬ ጁሙዓህ (ሚያዝያ 2 ቀን 2018 E.C.) በአክሱም ሙስሊሞች ላይ የተፈጸመው አሰቃቂ ጥቃት፣ በሀገራችን የኃይማኖት እኩልነትና አብሮ መኖር የሚባለው አፈታሪክ ላይ የተፃፈ ሌላ ጥቁር ጠባሳ ነው። ድርጊቱ ድንገተኛ ግጭት አይደለም፤ ይልቁንም በአክሱም ከተማ በሙስሊሙ ማህበረሰብ ላይ ለዘመናት ሲፈጸም የቆየው መዋቅራዊ እና ስር የሰደደ ጭቆና መገለጫ እንጂ! ሙስሊሙ “እንዳቦዋ” በተባለው ስፍራ ተከራይተው ጁሙዓን ለመስገድ ዝግጅት እያደረጉ ባለበት ወቅት፣ ህግን ማስከበርና የዜጎችን ደህንነት መጠበቅ የነበረበት የከተማዋ የፀጥታ ኃላፊ (አቶ ቴዎድሮስ በየነ) የመራው ፅንፈኛ ቡድን በፈጸመው ወረራ:- ☑ ለሶላት መስገጃ የሚውሉ ሸራዎችና የድምፅ ማጉያዎች በኃይል ተነጥቀዋል፣ ☑ ወደ መስገጃ ስፍራው በጫማ ዘልቆ በመግባት የሙስሊሙ ህይወት የሆነው ቅዱስ ቁርኣን ተቀዳዷል፣ ☑ ኢማሞችና ሙስሊሞች በዱላና በድንጋይ ተደብድበው ደማቸው ፈሷል (ጉዳታቸው የጠናባቸውም በሆስፒታል ይገኛሉ)፣ ☑ ከዚህ ሁሉ ግፍ በኋላ በከተማዋ በተደረገ አሰሳ የተበደለው ሙስሊም በጅምላ ታፍሶ ለእስር ተዳርጓል። 🤩 አንዳንዶች የግጭቱን መነሻ "የድምፅ ማጉያ ጩኸት ቀንሱ አንቀንስም" ከሚል የመነጨ ነው በማለት ወንጀሉን ለማቃለል ይሞክራሉ። ነገር ግን ሎጂካዊ እንሁን፤ ድምፅ ማጉያ ለመቀነስ በጫማ መስገጃ ላይ መረማመድ ያስፈልጋል? ድምፅ ማጉያ ለማስቀነስ ቁርኣን መቅደድ እና ኢማምን በድንጋይ መፈንከት ግድ ይላል? ይህ የሚያሳየው ጥያቄው የድምፅ ማጉያ ሳይሆን የህልውና፣ "ለምን እዚህ ትሰግዳላችሁ?" የሚል ስር የሰደደ ሙስሊም ጠልነት መሆኑን ነው። የበለጠ ልብን የሚያደማው ደግሞ፣ የትግራይ ክልል እስልምና ጉዳዮች ከፍተኛ ምክር ቤት ይህንን የቁርኣን መቅደድ፣ የደም መፍሰስ እና የጅምላ እስር የታጀበበትን ግፍ "መጠነኛ የኃይማኖት ግጭት" ብሎ ለማለባበስ መሞከሩ ነው። ቁርኣን ሲቀደድና መስገጃ ሲነጠቅ "መጠነኛ" ከሆነ፣ ትልቁና ከባዱ ጥቃት ምን ሊሆን ነው? ይህ ሁሉ ሲሆን ዛሬ አልተጀመረም፤ ግፉ በደረጃ ሲያድግ ዝምታው በማየሉ የመጣ ውጤት ነው! የመስጂድና የመቃብር ቦታ ሲከለክሉ ዝም ተባሉ፣ ሙስሊም ሴት ተማሪዎችን ሒጃብ ለብሶ መማርን ሲከለክሉ ዝም ተባሉ፣ እነሆ ዛሬ ደግሞ የገዛ ሀገራቸውና መሬታቸው ጠቧቸው መንገድ ላይ ሸራ ዘርግተው ጁሙዓህ ሲሰግዱ ከለከሏቸው፣ ሸራቸውንም ወሰዱት። ነገ እምነታቸውን በጉልበት እስኪያስቀይሯቸው እየተጠበቀ ይሆን⁉️ የአክሱም ጽንፈኝነት ይለያል‼ ይህ ጉዳይ የጥቂት የአክሱም ሙስሊሞች ጉዳይ ብቻ ሳይሆን፣ የሁሉም ኢትዮጵያዊ ሙስሊም እና የሰብዓዊ መብት ተሟጋቾች ሁሉ ህመም ነው። መንግስት፣ የኃይማኖት ተቋማት እና መላው ህዝበ ሙስሊም ይህንን ፅንፈኝነት በዝምታ ሊያልፈው አይገባም! በአክሱም ሙስሊሞች ላይ የሚደርሰው መዋቅራዊ ጭቆና በአስቸኳይ ይቁም! ቁርኣን የቀደዱና ደም ያፈሰሱ ፅንፈኞች ለህግ ይቅረቡ! #ፍትሕ_ለአክሱም_ሙስሊሞች! #JusticeForAksumMuslims || t.me/MuradTadesse

ዛሬ ታሪኩን ፅፌ ስላልቸረስኩ አላህ ካለ ነጌ እለቃለሁ ¡¡¡😷