Dasturlash hayoti️️ ️

🖥 JavaScript bilimlarimizni sinab ko'ramiz!

Rasmda ko'rib turgan kodingizda qisqa tutashuv (short-circuit) mantiqiy amallari yashiringan.

Qani, kim birinchi bo'lib to'g'ri javobni sababi bilan izohda yozib bera olar ekan? Kutamiz! 👇

(Kanal adminidan maslahat: kodni copy-paste qilmasdan, miyada hisoblab ko'ring 😉)

💻 @dasturlash_hayoti — dasturchilar hayoti va IT memlari aralash kanal 😉

⚙️ Haqiqiy Senior PHP dasturchilar har kuni ishlatadigan TOP-10 funksiya

PHP'da yillab tajribaga ega backend dasturchilar kodni iloji boricha qisqa, xavfsiz va tez ishlaydigan qilishga harakat qilishadi. Buning uchun ular PHP'ning kuchli funksiyalaridan foydalanishadi.

Mana o'sha TOP-10 "qutqaruvchi" funksiyalar:

1️⃣ array_map() va array_filter()
Uzundan-uzoq foreach tsikllaridan qutulish yo'li. Massivdagi ma'lumotlarni tezkor qayta ishlash va kerakmaslarini toza filtrlash uchun eng yaxshi yechim.

2️⃣ json_encode() va json_decode()
Backend va Frontend o'rtasidagi asosiy "ko'prik". API orqali kelayotgan va ketayotgan JSON ma'lumotlarni PHP massivlariga (yoki obyektlarga) o'girish uchun har kuni, har soatda ishlatiladi.

3️⃣ array_column()
Ma'lumotlar bazasidan (DB) olingan ko'p o'lchamli massiv ichidan faqat bitta kerakli ustunni (masalan, faqat foydalanuvchilarning ID larini) sug'urib olish uchun super funksiya.

4️⃣ password_hash() va password_verify()
Xavfsizlik birinchi o'rinda! Hech qanday eski MD5 emas, aynan shu funksiyalar orqali parollar zamonaviy va ishonchli usulda shifrlanadi va tekshiriladi.

5️⃣ isset() va empty()
Xatoliklarning (Warning va Notice) oldini olish bo'yicha chempionlar. O'zgaruvchi umuman mavjudmi yoki qiymati bo'shmi — shuni eng xavfsiz usulda tekshirib beradi.

6️⃣ explode() va implode()
Matnlarni qismlarga bo'lish (masalan, vergul yoki bo'shliq orqali massivga ajratish) va teskarisi — massivdagi so'zlarni bitta yaxlit matn qilib yig'ish uchun.

7️⃣ sprintf()
Matnlarni (string) juda toza va chiroyli formatlash uchun. Matn ichiga o'zgaruvchilarni tartibsiz qo'shib yozish o'rniga, shablon asosida xatosiz joylashtirishni ta'minlaydi.

8️⃣ file_get_contents()
Nafaqat fayllarni o'qish, balki uchinchi tomon API'lariga tezkor (sodda) GET so'rovlarni jo'natish va javob olishning eng oson usuli.

9️⃣ preg_match()
Doimiy ifodalar (Regex) ustasi. Matn ichidan raqam, email yoki murakkab shartli so'zlarni qidirib topish va tekshirish uchun ishlatiladi.

🔟 array_reduce()
Massivning barcha elementlarini ketma-ket aylanib chiqib, bitta yakuniy natijaga (masalan, savatchadagi barcha tovarlarning umumiy summasini hisoblashga) yig'ish imkonini beradi.

#foydali #php #backend #dasturlash #top10

Siz ushbu ro'yxatga yana qaysi funksiyani qo'shgan bo'lardingiz? Izohlarda yozib qoldiring!

💻 @dasturlash_hayoti — dasturchilar hayoti va IT memlari aralash kanal 😉

Tailwind CSS yordamida saytlarni tez va oson yasaymiz!

Windframe — bu Tailwind CSS yordamida veb-saytlar yaratish va ularning prototipini chizishni sezilarli darajada tezlashtiradigan ajoyib vosita.

Asosiy qulayliklari:
🔹 Saytni mutlaqo noldan boshlab yig'ish imkoniyati;
🔹 Tayyor shablonlar (shablonlar) yordamida ishingizni bir necha barobar tezlashtirish;
🔹 Front-end dasturchilar uchun vaqtni tejaydigan qulay muhit.

➡️ Vositadan foydalanish (Windframe)

#foydali #tailwind #css #frontend #dasturlash

💻 @dasturlash_hayoti — dasturchilar hayoti va IT memlari aralash kanal 😉

📱 Git o'rganish uchun ajoyib sayt

Git’ni o'rganishni zerikarli deb o‘ylaysizmi? Bu sayt orqali siz Git’ni o'yin shaklida, oson va qiziqarli tarzda o'rganishingiz mumkin.

Unda siz kundalik ishlarda eng ko'p ishlatiladigan asosiy Git komandalarini amaliy tarzda o'zlashtirasiz.

➡️ Saytga o'tish

#foydali

💻 @dasturlash_hayoti — dasturchilar hayoti va IT memlari aralash kanal 😉

Dasturchining qisqacha hayoti: Kutish vs Reallik 😅

🧑‍💻 Kutish (Expectation):

Mijozdan daxshat chotki, hamma narsasi dona-dona qilib tushuntirilgan TZ (texnik topshiriq) keladi. Kofeni damlab, kompyuterni ochasan. Vue.js da chotki qilib frontni yig'ib tashlaysan. Backend bilan ulasang, hamma narsa birinchi urunishdayoq silliq ishlaydi. Soat 18:00 da noutbokni yopib, maza qilib ko'chaga aylangani chiqib ketasan.

🤦‍♂️ Reallik (Reality):

Kodni yozasan — ishlamaydi. Nega ishlamayotganini soatlab qidirasan. Oxiri qayerdadir bitta oddiy vergul (,) qolib ketganini ko'rib, asabing o'ynaydi. To'g'rilaysan. Endi ishlaydi... lekin nega ishlayotganini o'zing ham bilmaysan! 🤯

U yog'dan Vuex state'lari o'zicha aylanib ketadi, backend'dan umuman boshqa ma'lumot kelishni boshlaydi. Soat tungi 03:00. Ko'zlar qizargan, asablar "crash" bo'lgan. Ertalab turib qarasang, kechasi maza qilib ishlab turgan kod o'z-o'zidan ishlashdan bosh tortadi. Sabab? Uni hech kim bilmaydi!

Xulosa: Dasturlash — bu kompyuterga nima qilishni o'rgatish emas, balki "Iltimos, ishla endi jigar" deb yalinish san'atidir. 😂

IT-shnik do'stlarga yuborib qo'yamiz.

💻 @dasturlash_hayoti — dasturchilar hayoti va IT memlari aralash kanal 😉

Dasturchilar uchun haqiqiy xazina: Bepul instrumentlar to'plami!

Bitta saytning ichida dasturlash va dizayn uchun yuzlab kerakli vositalar (tools) jamlanganini ko'rganmisiz?

Bu platformada CSS uchun tayyor generatorlar, animatsiyalar, kodni formatlash va boshqa ko'plab qulayliklar bor. Eng qizig'i — bu saytdagi bor kontentning juda kichik bir qismi xolos. Veb-dasturchilar (ayniqsa frontenderlar) uchun ishni ancha osonlashtiradi va vaqtni tejaydi!

➡️ Saytga o'tish: 10015.io

(Eslatma: Saytga kirishda VPN talab qilinishi mumkin 🛡)

🔥 — Shunaqa foydali topilmalar ko'payib tursin desangiz, reaksiya bosib qo'yamiz!

#foydali #frontend #css #dasturlash

💻 @dasturlash_hayoti — dasturchilar hayoti va IT memlari aralash kanal 😉

Olimpiada darajasidagi dasturlash va matematika vazifalari bilan oʻzingizni sinab koʻring.

Eng kuchli ishtirokchilar Yandex'dan imkoniyatlarga ega boʻladi.

Yandex Coding and Math Contest endi Oʻzbekistondagi 18 yoshdan katta oliy o‘quv yurtlari talabalari, dasturchilar, muhandislar va IT-mutaxassislari uchun ochiq.

Agar siz algoritmlar, matematika va zamonaviy dasturlash tillarida oʻzingizga ishonsangiz, 2026-yil 25-aprelgacha ariza topshiring.

CMC nima?
Yandex tomonidan yaratilgan va Yandex School of Data Analysis tomonidan qoʻllab-quvvatlangan dasturlash va matematika tanlovi. Bu oʻzingizni sinab koʻrish, kuchli ishtirokchilar bilan tanishish va ajralib turish imkoniyati.

Sizni nimalar kutmoqda:
• Ishtirok etish bepul
• Ikki bosqichda: hamma uchun onlayn, eng kuchli ishtirokchilar uchun oflayn final
• Har bir bosqichda 8–10 ta algoritmik va matematik vazifalar
• Tanlov tili: ingliz tili

Gʻoliblar Yandex ML School Uzbekistan'ga Fast track, Yandex Uzbekistan'da amaliyot uchun suhbat imkoniyati va Yandex'dan boshqa sovrinlarni qoʻlga kiritadi.

Batafsil maʼlumot va ariza topshirish

Yandex “Yandex Coding and Math Contest” loyihasi doirasida ta’lim xizmatlarini ko‘rsatmaydi.
Reklama kontenti

Formalarni qo'lda to'ldirib asabi buziladigan dasturchi va testerlar uchun super topilma!

Sayt yasagandan keyin uni test qilish jarayonida ism, email, raqam, parol va boshqa qatorlarni qayta-qayta o'zingiz to'ldirishga vaqt sarflab charchadingizmi?

Unda Fake Filler nomli Chrome kengaytmasi (plagini) ayni siz qidirgan narsa! U bitta klik bilan har qanday veb-shakllarni tasodifiy (random) ma'lumotlar bilan avtomatik to'ldirib tashlaydi. Bu esa xatoliklarni qidirish va test jarayonini ancha tezlashtirib, asabingizni asraydi. 🚀

➡️ Kengaytmani o'rnatish: Havola orqali o'ting (Chrome Web Store)

Do'stlar va tanish testerlarga yuborib qo'yamiz, vaqtlarini tejashsin!

#foydali #dasturlash #tester

💻 @dasturlash_hayoti — dasturchilar hayoti va IT memlari aralash kanal 😉