Advertising in the Telegram channel «🇺🇿Bankxabar» from 270.96

Channel info
Full statistics

Recent Channel Posts

⚡️2026 йил 1 июлдан ёшларни давлат ташкилотларига қабул қилишда саволлар олдиндан эълон қилинади, ички танловлар бекор қилинади ва стаж талаблари енгиллаштирилади

Ўзбекистон Республикаси Президентининг 2026 йил 20 апрелдаги ПҚ-148-сон қарори билан “Янги Ўзбекистон ёшлари–2030” стратегиясини 2026–2027 йилларда амалга ошириш ҳамда ёшлар бандлигини таъминлаш бўйича қўшимча чора-тадбирлар белгиланди.

☑️ Қарорга кўра, 2026 йил 1 июлдан бошлаб давлат хизматига қабул қилишда ягона ёндашув жорий этилади. Энг муҳим ўзгаришлардан бири — сухбат босқичида бериладиган саволлар давлат органларининг расмий веб-сайтларида камида бир ой олдин эълон қилинади, яъни номзодлар олдиндан тайёргарлик кўриш имконига эга бўлади, шу билан бирга бир ой олдин эълон қилинмаган саволларни бериш тақиқланади.

☑️ Шунингдек, қарор билан ички танловлар тўлиқ бекор қилинади, яъни энди фақат муайян ташкилот ичидаги номзодлар учун алоҳида танлов ўтказиш амалиётига чек қўйилади ва барча учун очиқ рақобат муҳити яратилади.

☑️ Яна бир муҳим жиҳат — айрим лавозимлар учун умуман иш стажи талаб қилинмайдиган лавозимлар рўйхати шакллантирилади, бу ёшлар учун давлат хизматига киришни анча осонлаштиради, айрим лавозимлар бўйича эса кўпи билан 2 йиллик иш стажи талаб қилинади, ортиқча талаблар чекланади.

👍Каналга уланиш👉🏻 @Bankxabar

20900

12:14

25.04.2026

play_circleVideo preview is unavailable

3 кун ичида туман банкирлари AI бўйича ўқитилади, банкларда эса янги лойиҳалар генерацияси бошланади

Кечаги видеоселектор йиғилишида банк соҳасини рақамли трансформация қилишга қаратилган аниқ ва қатъий топшириқлар берилди.

☑️ Хусусан, соҳа масъулларига 3 кун ичида туманлардаги банкирларни махсус режа-график асосида сунъий интеллект бўйича ўқитишни бошлаш вазифаси юклатилди.

☑️ Энг муҳими, энди кичик бизнес орқали янги иш ўринлари яратиш масаласи бевосита Марказий банк раиси Тимур Ишметов ҳамда тижорат банклари раҳбарларидан сўралади.

☑️ Шу билан бирга, Жамшид Қўчқоров ва Тимур Ишметовга бир ой ичида банкларда “сунъий интеллект маслаҳатчиси” платформасини ишга тушириб, лойиҳалар генерациясини бошлаш топширилди.

Бу платформа орқали тадбиркорлар ўз бизнес ғояларини сунъий интеллект ёрдамида таҳлил қилиб, лойиҳа параметрлари, рисклари ва бозордаги талаб бўйича тайёр ечимлар олиш имкониятига эга бўлади.

👍Каналга уланиш👉🏻 @Bankxabar

17300

08:43

25.04.2026

⚡️28 апрель соат 10:00 да Chevrolet Cobalt'нинг барча комплектациялари учун шартнома очилади

UzAuto Motors маълум қилишича, Chevrolet Cobalt автомобиллари учун шартнома бериш қайта бошланади ва бу сафар барча комплектациялар учун шартномалар очилади.

Маълумотларга кўра, 2026 йил 28 апрель куни соат 10:00 дан бошлаб барча мижозлар учун онлайн шартнома қилиш имконияти очилади.

Шартномани uzavtosavdo.uz сайти орқали онлайн тарзда амалга ошириш мумкин, шу билан бирга хоҳловчилар учун Chevrolet расмий дилерлик марказларига мурожаат қилиш имконияти ҳам сақланиб қолади.

Шунингдек, мижозлар учун қулайлик сифатида Telegram-бот ҳамда UzAvtoSavdo мобил иловаси (iOS / Android) орқали навбатни кузатиш ва мавжуд автомобиллар ҳақида тезкор маълумот олиш имконияти яратилган.

☝️Эътиборли жиҳати шундаки, тузилган шартномалар бўйича тўловни 7 календар кун ичида амалга ошириш талаб этилади, акс ҳолда шартнома бекор қилиниши мумкин.

☝️Шу билан бирга, компания мижозларни огоҳлантирмоқда: ҳар бир шартномада махсус QR-код бўлиши шарт ва айнан шу код орқали ҳужжатнинг ҳақиқийлиги текширилади, QR-кодсиз шартномалар расмий ҳисобланмайди ва уларга компания ҳамда дилерлар жавобгар эмас.

Қўшимча саволлар бўйича мижозлар Call-марказга +998 (78) 141-77-77 рақами орқали мурожаат қилишлари мумкин, шунингдек қўшимча маълумотлар chevrolet.uz сайти орқали ҳам тақдим этилади.

👍Каналга уланиш👉🏻 @Bankxabar

26500

05:33

25.04.2026

❗️Кредит тўлови картадан ечилганда энди камида 1 236 000 сўм қолдирилади, барча пул ечиб олинмайди

🏦 Асакабанкни маълум қилишича, кредит тўловларини картадан автоматик ечиб олиш тартибига ўзгариш киритилди ва энди банк маблағни ечиб олганда картада камида 3 БҲМ (1 236 000 сўм) миқдорида қолдиқ қолдирилади, яъни аввалгидек барча пулни тўлиқ ечиб олмайди.

Бу ўзгариш 2026 йил 15 апрелдан Uzcard, 20 апрелдан эса Humo карталари учун амалга киритилган бўлиб, амалда шундай ишлайдики, агар картада маблағ бўлса ҳам, ушбу белгиланган миқдор сақланиб қолади ва тўлов фақат ортиқча қисми ҳисобидан амалга оширилади.

Натижада айрим ҳолатларда картада пул етарлидек кўринса-да, тўлов тўлиқ ечилмаслиги ёки қисман амалга ошиши мумкин, шу сабаб мижозларга тўловларни олдиндан назорат қилиш ва зарур ҳолларда ўзлари тўловни амалга ошириш тавсия этилади.

☝️Аҳамиятли жиҳати шундаки, бу тартиб фақат Асакабанкда эмас, балки барча тижорат банклари томонидан ҳам шу ой давомида жорий этилиши кутилмоқда, яъни кредит тўловларини картадан ечишда ягона ёндашув шаклланяпти.

👍Каналга уланиш👉🏻 @Bankxabar

24200