🇺🇿Банкир кундалиги

БАНКЛАР ТАНҚИДГА УЧРАДИ

Бугунги йиғилишда, Президентимиз кимда-ким «Биринчи чорак кўрсаткичи яхши бўлди, йил якунигача ҳам шундай давом этади», деб хотиржамликка берилса, хато қилишини қайд этди.

“Такрор айтяпман: глобал зиддиятлар, қарама-қаршиликлар, етакчилик учун кураш авж олаётган ҳозирги шароитда дунё олдингидек «сокин» бўлмайди. Бундай вазиятда барча раҳбарлар ўзи одатланиб қолган иш услуби, ёндашуви, керак бўлса, дунёқарашини мутлақо ўзгартириши зарур”, – деди Президентимиз.

Бу йил банклар орқали кичик ва ўрта бизнесни ривожлантиришга 140 триллион сўм берилмоқда. Масалан, кичик бизнесга берилган ҳар 1 миллиард сўм кредит ҳисобига Ширин шаҳрида 20 та, Учқудуқда 17 та, Хонобод ва Сўхда 14 тадан, Томди туманида 13 та доимий иш ўрни яратилган.

Бироқ Учкўприк, Пискент, Бўстонлиқ, Кармана, Қўрғонтепа туманларида 1 миллиард сўмлик кредитга ўртача 3 та иш ўрни тўғри келмоқда.

Агар ҳамма туман банклари кредитларни энг самарали лойиҳаларга йўналтирганида, қўшимча 36 минг янги иш ўрни яратилган бўларди, норасмий ишлаётган яна 60 минг одамнинг даромади «соя»дан чиқарди.

Шунинг учун лойиҳа танлашда, кредит ресурсларини ишлатишда сунъий интеллект керак. Лекин вилоят, туман банкирларини сунъий интеллектга ўқитиб, кредит ресурсини туманга энг катта самара берадиган лойиҳаларга йўналтиришни ўргатиш ишлари сустлиги танқид қилинди.

Соҳа масъулларига туман банкирларини сунъий интеллектга ўқитишни бошлаш, банкларда «Сунъий интеллект маслаҳатчиси» платформасини ишга тушириш топширилди. Бу платформа тадбиркорларга кредит олиш учун лойиҳанинг параметри, рисклари, бозордаги талабни сунъий интеллект ёрдамида таҳлил қилиб, тайёр ечимларни бериши кераклиги кўрсатиб ўтилди.

АЙРИМЛАР ҲОКИМЛАРНИНГ ЛАВОЗИМИГА ЛОЙИҚЛИГИ КЎРИБ ЧИҚИЛАДИ

Айрим раҳбарлар тадбиркорнинг масаласини ҳал қилиши ўрнига ўзини четга олаётгани, муаммо республика даражасига чиқса, айбини беркитиш учун ўзини оқлаб юргани танқид қилинди.

Масалан, Нурафшон шаҳар ҳокими бюрократия сабабли икки йилдан бери қурилишни бошлай олмаган тадбиркорга ёрдам бериш ўрнига қаердан бу маълумот Президент даражасигача етиб борганини қидириш билан овора.

Ёки Ғузор, Нарпай, Урганч, Янгийўл, Чиноз (Салихов) туманлари ҳокимлари тадбиркорлик инфратузилмаси учун берилган тайёр пулга ҳалигача лойиҳа бошламагани кўрсатиб ўтилди. Ваҳоланки, бизнес инфратузилмасини яхшилаш учун ушбу туманларга бу йил республикадан қўшимча 262 миллиард сўм берилган.

Тегишли вилоятлар ҳокимларига номи айтилган туман ҳокимлари «аравасини торта олмаётган бўлса», бугуннинг ўзида лавозимига лойиқлигини кўриб чиқиш топширилди.

👉 @bankirkundaligi 👈

ЭНГ ПАСТ ЁКИ ЭНГ ЮҚОРИ ФОИЗЛИ КРЕДИТЛАРНИ ҚАЙСИ БАНКЛАР ТАҚДИМ ЭТМОҚДА!

Марказий банк 2026 йил 20 апрел ҳолатига тижорат банклари аҳолига таклиф қилаётган жисмоний шахсларга микроқарз, автокредит, ипотека кредитлари ҳамда юридик шахсларга айланма маблағларни тўлдириш ва асосий воситалар сотиб олиш учун кредитлар бўйича ўртача фоиз ставкаларининг ўзгаришларни эълон қилди.

Бу орқали мижозлар турли банкларни солиштириб, энг мақбул шартларни танлаш имконига эга бўлади.

☑️Марказий банк навбатдаги маълумотларни (Охирги ўн иш куни сарҳисоб қилинган) тақдим этди.

▪️Микроқарзларнинг ўртача фоизи 29,1%ни ташкил этиб, энг паст фоизини Алоқабанк (24,1%), Миллий банк (24,2%) ва Инфинбанк (24,3%) тақдим этмоқда. Энг юқори фоизли микроқарзларни эса Тенге банк (42,7%), Анорбанк (40,4%) ва АВО банк (39,9%) тақдим этмоқда.

▪️Автокредитларнинг ўртача фоизи 22,7% ни ташкил этиб, энг паст фоизини Инфин банк (18,5%), Бизнесни ривожлантириш банки (18,7%) ва Давр банк (19,6%) тақдим этмоқда. Энг юқори фоизли автокредитларни эса Мадад инвест банк (27,9%), Зираат банк (26,0%) ва Трастбанк (25,6%) тақдим этмоқда.

▪️Ипотека кредитларнинг ўртача фоизи 23,5% ни ташкил этиб, энг паст фоизини Алоқа банк (18,0%), Ўзсаноатқурилишбанк (21,2%) ва Агро банк (21,3%) тақдим этмоқда. Энг юқори фоизли автокредитларни эса Универсалбанк (26,0%), Азия аллианс банк (26,0%) ва Трастбанк (26,0%) тақдим этмоқда.

▪️Айланма маблағларни тўлдириш учун кредитларнинг ўртача фоизи 25,4% ни ташкил этиб, энг паст фоизини Миллий банк (21,0%), КДБ банк (21,5%) ва Халқ банк (22,1%) тақдим этмоқда. Энг юқори фоизли автокредитларни эса ТБС банк (30,3%), Капиталбанк (29,8%) ва Пойтахтбанк (29,1%) тақдим этмоқда.

▪️Асосий воситалар хариди учун кредитларнинг ўртача фоизи 23,9% ни ташкил этиб, энг паст фоизини Бизнесни ривожлантириш банк (19,8%), Миллий банк (20,3%) ва Гарант банк (21,0%) тақдим этмоқда. Энг юқори фоизли автокредитларни эса Универсал банк (29,5%), Давр банк (25,7%) ва Hamkorbank (25,1%) тақдим этмоқда.

Эслатиб ўтамиз, жорий йил 13 феврал куни Президентимиз автокредитларни фоизини пастлатиш бўйича кўрсатма берган эди. Аммо, лекин, бироқ...

Автокредитлар шартларини кенгайтирилган тарзда 👉 мана бу ерда 👈 тўхталиб ўтганмиз.

👉 @bankirkundaligi 👈

⚡️Айтишларича, бугун Президентимиз Ш.Мирзиёев бошчилигида видеоселектор йиғилиши ўтказилиши кутилмоқда.

Кун тартиби: Ҳудудлар ва тармоқларда иқтисодий ўсишни таъминлаш бўйича биринчи чорак таҳлили ва йил якунларига қадар устувор вазифалар тўғрисида.

Йиғилишда ҳокимлар, уларнинг барча ўринбосарлари, маҳаллий кенгаш депутатлари, Прокурорлар, Ички ишлар, Солиқ, Божхона, ИЖҚК департаменти, Иқтисодиёт ва молия, инвестициялар, саноат ва савдо, Камбағалликни қисқартириш ва бандлик, Статистика, шунингдек, иқтисодиёт соҳасига алоқадор барча бошқарма ва ташкилот раҳбарлари, "Ислоҳотлар штаби" аъзолари, саноат зоналари раҳбарлари, Бизнес-омбудсман, Савдо-саноат палатаси ҳудудий вакиллари ва бошқа раҳбарлар билан бирга Марказий банк ҳамда барча тижорат банклари раҳбарлари иштирок этади.

👉 @bankirkundaligi 👈

АСАКАБАНККА ФАОЛИЯТИГА ТААЛЛУҚЛИ БЎЛМАГАН ФАОЛИЯТ ВА ВАЗИФАЛАР ЮКЛАТИЛМАЙДИ, ЮКЛАТИЛГАНЛАРИ ТЎХТАТИЛАДИ

Ўзбекистон Республикаси Президентининг “Асакабанк” акциядорлик жамиятини хусусийлаштиришни жадаллаштиришга оид қўшимча чора-тадбирлар тўғрисида”ги қарори (ПҚ–149-сон, 20.04.2026 й.) қабул қилинди.

Банкнинг 15 фоиз акцияларини ЕТТБ томонидан сотиб олиш бўйича келишув имзоланган.

☑️Қарорга кўра, барча банк амалиётлари бозор (тижорат) тамойиллари, замонавий банк амалиёти ва хатарларни бошқариш тизими талабларидан келиб чиққан ҳолда банкнинг ички сиёсати асосида амалга оширилади.

⚡️Банкнинг асосий фаолиятига тааллуқли бўлмаган ва қўшимча юкланган ҳар қандай фаолият тури ва вазифалар бажарилиши тўхтатилади.

▪️Активлар сифатини таҳлил қилиш натижаларини инобатга олган ҳолда банк акцияларининг номинал қийматини бозор қийматига мослаштиришда юзага келган тафовут унинг қўшилган капиталига киритилади.

▪️Бир ой муддатда муаммоли кредитлар бўйича келгусида юзага келадиган йўқотишлар давлат бюджети ҳисобидан қоплаш механизми ишлаб чиқилади.

☝🏻Ўзиям банкни аралашмаган соҳаси қолмаган эканда. Қишлоқ хўжалиги ёки фармацевтика дейсизми, Яшил энергия ёки инвестиция компания ё томорқа дейсизми ҳар соҳага аралашган.

Энди асосий фаолияти билан боғлиқ бўлмаган соҳалардан банк халос бўлади.

👉 @bankirkundaligi 👈

УЙ-ЖОЙГА МУҲТОЖ ЁШ ОИЛАЛАРГА ИПОТЕКА КРЕДИТЛАРИНИНГ АСОСИЙ СТАВКАДАН ОШГАН ҚИСМИ БЮДЖЕТДАН ҚОПЛАБ БЕРИЛАДИ.

“Янги Ўзбекистон ёшлари – 2030” стратегиясини тасдиқлаш ҳамда ёшларни ҳар томонлама қўллаб-қувватлаш чора-тадбирлари тўғрисида”ги Президент Фармони (ПФ–66-сон, 20.04.2026 й.) қабул қилинди.

☑️Фармонга кўра,

▪️2026 йил 1 июлгача нодавлат қўшимча таълим хизматлари кўрсатувчи субъектларнинг юқори натижаларга эришган ўқитувчилари хорижий илғор таълим марказларига стажировкага юборилади.

▪️Олис ва чекка ҳудудларда хорижий тилларга ўқитиш бўйича нодавлат қўшимча таълим хизматлари кўрсатишни ташкил этиш учун фоизсиз қарз (ссуда) ажратилган ва фаолиятини кенгайтирмоқчи бўлган субъектларга БҲМнинг 730 бараваригача миқдорда фоизсиз қарз (ссуда) ажратиб борилади.

☑️2027 йил 1 январдан уй-жойга муҳтож ёш оилаларга бирламчи бозордан квартира сотиб олиш учун қуйидаги тартибда ипотека кредитларини ажратиш йўлга қўйилади:

▪️Ипотека дастури доирасида ипотека кредитлари бўйича ҳисобланган фоиз тўловларининг Марказий банк асосий ставкасидан ошган қисми Давлат бюджетидан қоплаб берилади;

▪️қуйидаги асосий ижтимоий мезонларга мувофиқ келадиган ёш оилаларга ипотека кредити ажратилади:

▪️ ариза берувчи ҳамда унинг турмуш ўртоғи 30 ёшдан ошмаган бўлиши;

▪️ ариза берувчи ҳамда унинг турмуш ўртоғи номида сўнгги 3 йилда мулк ҳуқуқи асосида кўчмас мулк мавжуд эмаслиги.

Эслатиб ўтамиз, айни кунда Марказий банк томонидан асосий ставка 14% этиб белгиланган.

👉 @bankirkundaligi 👈

🏦Ҳали ҳам нақд пул олиш учун қоғоз чек тўлдиряпсизми? Бизнесни ривожлантириш банки тижорат банклари орасида биринчи бўлиб юридик мижозлар учун янги имкониятни тақдим этди — электрон нақд пул чеки!

Энди сиз:
— банкка келмасдан туриб;
— қоғоз ҳужжатларсиз;
— ортиқча кутишларсиз интернет-банкинг орқали сўров юбориб, банк кассасидан пулни тезда олишингиз мумкин.

❓ Қандай амалга оширилади?
“BRB Business” иловасида “Хизматлар, касса амалиётлари / Услуги, кассовые операции” бўлимини танланг ва керакли суммани киритинг. Сизга тасдиқ келиши билан банк филиалидан нақд пулингизни олиб кетишингиз мумкин.

➡️ Ҳозироқ синаб кўринг!
📞 Батафсил: 1254

👉 @bankirkundaligi 👈

АНДИЖОНДА БАНК МАНСАБДОРИ 40 МИНГ ДОЛЛАР ПОРА БИЛАН УШЛАНДИ

Республикамиздаги банклардан бирининг Андижон вилояти бош бошқармаси бошлиғи ўринбосари кредит таъминоти учун гаровга қўйилган мулкларни аукцион ва тўғридан-тўғри сотувга чиқариш ваколатига эга бўлгани ҳолда, хизмат мавқеидан фойдаланиб, шахсий бойлик орттиришни мақсад қилди.

У кредит таъминоти учун гаровга қўйилган, Асака туманида жойлашган, умумий баҳоси 16,8 млрд сўмлик хусусий даволаш марказининг 4 қаватли биноси аукцион савдо платформасида сотувдан қайтганлигидан фойдаланиб, унинг нархини 12 млрд сўмга туширган ҳолда, банк ташкилоти ҳисобига олиб, маҳаллий тадбиркорга аукцион савдоларисиз 7 йил муддатга фоизсиз кредит ҳисобидан олиб бериш эвазига 90 минг АҚШ доллари талаб қилган.

Давлат хавфсизлик хизмати ходимлари томонидан ўтказилган тезкор тадбирда ушбу мансабдор шахс 40 минг АҚШ доллари олган вақтида ашёвий далиллар билан ушланди.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.

Вилоят Бош бошқарма!

👉 @bankirkundaligi 👈

СОХТА ТАДБИРКОРЛИК ҚИЛАМАН ДЕБ КРЕДИТ ОЛГАНЛАРГА ЖАВОБГАРЛИК БЕЛГИЛАНГАН

Жиноят кодексининг 179-моддаси:
Сохта тадбиркорлик

Сохта тадбиркорлик, яъни тадбиркорлик фаолиятини амалга ошириш мақсадини кўзламасдан ссудалар, кредитлар олиш, фойдани (даромадни) солиқлардан озод қилиш (солиқларни камайтириш) ёки бошқача мулкий манфаат кўриш мақсадида тадбиркорлик субъектини ташкил этиш —

- базавий ҳисоблаш миқдорининг юз бараваридан икки юз бараваригача миқдорда жарима ёки уч йилгача ахлоқ тузатиш ишлари ёхуд муайян ҳуқуқдан маҳрум қилиб, бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

☝🏻Кредит олиш учун номига тадбиркорлик очишни ўйлаётган бўлсангиз, тўхтанг.

👉 @bankirkundaligi 👈

​​Ҳафталик дайжест.
Банк тизими ҳафталик (2026 йил 13 - 19 апрел) янгиликлари.

☑️Бизнесни ривожлантириш банки аёллар раҳбарлигидаги ёки таъсисчилари таркибида аёллар улуши камида 50%-ни ташкил этган тадбиркорлар учун имтиёзли шартларда кредит таклиф этди. Муддати84 ойгача, фоизи 20-21%. Батафсил. Тел: 1254.

☑️МКБанк Chevrolet Tracker va Onix автомобиллари учун 0% ставкада автокредит таклиф этди. Муддати 60 ойгача, бошланғич тўлов 30%. Тел.: 1285.

☑️Асакабанк микроқарз шартларини янгилаб, кўпроқ имкониятлар қўшганини маълум қилди. Миқдори 100 млн сўмгача, фоизи 25-32% гача, муддати 60 ойгача. Тел.: 1152.

☑️Ориент финанс банк "Талаба" таълим кредитини таклиф этди. Миқдори тўлов контракт шартномаси бўйича, муддати ўқиш даври + 90 ой (7,5 йил), фоизи хотин-қизлар учун йиллик 0%, эркаклар учун ЎзР МБнинг асосий ставкасида. Тел.: 4004.

☑️Анорбанк Global Gender-Smart Fund (GGSF) билан 10 млн долларлик кредит шартномасини имзолагани маълум қилинди. Батафсил. Тел.: 1290.

☑️Трастбанк ахборот хизмати банкнинг энг яхши ходимлари ҳақида эътироф этиб боришни йўлга қўйганини маълум қилди. Жорий йил март ойида "Энг яхши кассир" дея Гулноза Ахмедова эътироф этилди. Тел.: 1287.

☑️Ўзсаноатқурилишбанк ISO 50001 халқаро ва миллик сертификатга эга бўлганини маълум қилди. Тел.: 1180.

☑️Гарант банк юкланган товар ёки кўрсатилган хизматнинг 90% гача факторинг таклиф этди. Тел.: 1326.

☑️Туронбанк гаровсиз "Осон" кредитини таклиф этди. Айланма маблағлар учун 300 млн сўмгача, 18 ойгача муддатга, асосий воситалар ва бошқа мақсадлар учун 500 млн сўмгача 36 ойгача муддатга ажратилади. Шунингдек, банк очиқлик индексида банклар орасида 1-ринни эгаллади. Батафсил. Тел.: 1220.

☑️Агробанк эскроу тизимини "Agrobank Mobile" иловасида йўлга қўйганини маълум қилди. Тел.: 1216.

☑️АВО банк гаров ва кафилларсиз 100 млн сўмгача онлайн микроқарз таклиф этди.

☑️Ипак йўли банк аёллар учун "Ҳамроҳ" имтиёзли кредитини таклиф этди. Муддати 7 йилгача, фоизи 19% дан бошлаб, миқдори БҲМнинг 4000 бараваригача.

☑️Зираат банк Ўзбекистон бирламчи ва иккиламчи бозор учун 900 млн сўмгача автокредит таклиф этди. Тел.: 1293.

☑️Алоқабанк "Ферз" карталарини таклиф этди. Ушбу карта орқали пойтахт бўйлаб бизнес-класс такфида бепул трансфердан фойдаланиш мумкин. Ферз - бу шахмат ўйинидаги кучли сипоҳ.

☑️Универсалбанк Onix, Tracker, Damas ва Labo автомобиллари учун фоизсиз автокредит таклиф этди. Бошланғич тўлов 25% дан, муддати 55 ойгача. Тел.: 1355.

☑️Тенге банк ЯТТ учун 50 млн сўм онлайн кредит олган мижозлари учун Chevrolet Labo ютиб олиш мумкин бўлган акция давом этаётганини маълум қилди. Тел.: 1245.

☑️Узум банк картани унутиб қолдирганда смартфон орқали тўловларни амалга ошириш мумкинлигини маълум қилди.

☑️Опенбанк комиссиясиз ўтказмалар 600 млн сўмгача белгиланганини маълум қилди. Ойига 600 млн сўм, кунига 200 млн сўмгача. Тел.: 1377.

☑️Давр банк 300 млн сўмгача микрокредит таклиф этди. Муддати 60 ойгача, фоизи 28% дан 28,99% гача, атомобил гарови асосида расмийлаштирилади. Тел.: 1284.

☑️Азия аллианс банк тадбиркорликни кенгайтириш учун кредит таклиф этди. Муддати 60 ойгача, фоизи миллий валютада 26,5% дан, хорижий валютада 13,5% дан бошланади. Тел.: 1270.

☑️Инфин банк тошкентлик ҳунарманд Мадина Касимбаеванинг сўзана галерея-музейидаги кўргазмасининг бош ҳомийси сифатида иштирок этганини маълум қилди.

☑️Пойтахт банк KIA, Chery, Haval ва Changan автомобиллари учун 0% дан автокредит таклиф этди. Тел.: 71-2142000.

☑️Октобанк “Renessans School” хусусий мактаби ўқувчилари учун илҳомлантирувчи учрашув ташкил этди.

☑️Қуйидаги банклар ишга таклиф этди:
▪️Даврбанк;
▪️Анор банк;
▪️Капиталбанк.

☑️Ҳафта давомида энг кўп ўқилган пост.

☑️Қуёш панеллари учун кредитлар шартларини 👉мана бу ерда👈 автокредитлар шартини 👉мана бу ерда👈 эълон қилдик. Микроқарзларни, ипотека кредитлари ва таълим кредитларини ҳам рўйҳатини эълон қилдик.

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банк саҳифалари ёки колл-марказидан олишингиз мумкин.

👉 @bankirkundaligi 👈

⚡️Бугун, 2026 йил 20 апрел куни банкларда тўловлар 21:00 гача узайтирилди.

Тўловларни ўтказишга улгуриб олинг.

Нима бўлди ўзи!

👉 @bankirkundaligi 👈