Advertising on the Telegram channel «Ayeyarwaddy Times»

ဟူသီအဖွဲ့က အစ္စရေးကို ဒုံးကျည်နဲ့တိုက်ခိုက်ရာ လူ ၆ ဉီး ဒဏ်ရာရ

ဧရာဝတီတိုင်းမ်
မေ ၅ ရက်

ယီမင်နိုင်ငံတွင်းမှ ပစ်ခတ်လိုက်တဲ့ ဒုံးကျည်တစ်စင်း ဘင်ဂူရီယွန်လေဆိပ်အနီး ကျရောက်ခဲ့ရာ လူ ၆ ဉီး ဒဏ်ရာရရှိခဲ့တယ်လို့ အစ္စရေးစစ်တပ်က တနင်္ဂနွေနေ့မှာ ပြောပါတယ်။

ဒုံးကျည်တိုက်ခိုက်မှုကို လုပ်ဆောင်ခဲ့တယ်လို့ ယီမင်နိုင်ငံရှိ အီရန်ကျောထောက်နောက်ခံပြု ဟူ သီသူပုန်တွေက ပြောပါတယ်။

ဒုံးကျည်ကို ကြားဖြတ်ဟန့်တားဖို့ ကြိုးပမ်းခဲ့ပေမယ့် တဲလ်အဗစ်မြို့တော်အနီးရှိ အပြည်ပြည် ဆိုင်ရာလေဆိပ်ဝန်းကျင်မှာ ကျရောက်သွားခဲ့တယ်လို့ အစ္စရေးစစ်တပ်က ဆိုပါတယ်။

လေဆိပ်မှာ လေယာဉ်တွေ ပျံတက်တာ၊ ဆင်းသက်တာတွေကို ခဏတာ ရပ်ဆိုင်းခဲ့တယ်လို့ ဒေ သန္တရမီဒီယာတွေက ဖော်ပြပါတယ်။

အစ္စရေးတပ်ဖွဲ့က ဂါဇာကမ်းမြောင်ဒေသမှာ ဟားမာစ်အဖွဲ့ကို တိုက်ခိုက်မှုတွေ ဆက်လက်ပြု လုပ်စဉ် ယခုလို ဒုံးကျည်တိုက်ခိုက်မှု ဖြစ်လာခဲ့တာပါ။

ဟူသီအဖွဲ့က ဟားမာစ်အဖွဲ့နဲ့ တစ်သားတည်းရှိကြောင်း ထုတ်ဖော်ပြောဆိုခဲ့ပြီး မကြာခဏဆို သလို အစ္စရေးနိုင်ငံအား ဒုံးကျည်နဲ့ တိုက်ခိုက်ခဲ့ပါတယ်။

ဟူသီအဖွဲ့က ကြေညာချက်တစ်ရပ် ထုတ်ပြန်ကာ အစ္စရေးလေဆိပ်ကို အသုံးပြုတာ ရပ်တန့်ဖို့ လေကြောင်းလိုင်းအားလုံးကို သတိပေးခဲ့ပါတယ်။

“ကျွန်တော်တို့ကို အန္တရာယ်ပေးသူတိုင်းမှာ ခုနှစ်ဆ ထိခိုက်နစ်နာမှာဖြစ်ပါတယ်” လို့ အစ္စရေး ကာကွယ်ရေးဝန်ကြီး အစ္စရေးကတ်ဇ်က ပြောကြားခဲ့လို့ ဒေသတွင်း တင်းမာမှုတွေ ထပ်မံမြင့်တက်လာ မှာကို စိုးရိမ်မှုတွေ ဖြစ်စေခဲ့ပါတယ်။

ကိုးကား - NHK
Ref; Houthi missile lands near Israel's Ben Gurion Airport, 6 reportedly injured

#Ayeyarwaddy_Times

မော်စကို ရင်ပြင်နီအောင်ပွဲ တက်ရောက်မယ့် ပြည်ပခေါင်းဆောင်တွေရဲ့လုံခြုံရေး တာဝန်မယူဟု ယူကရိန်း ပြော

ဧရာဝတီတိုင်းမ်
မေ ၅ ရက်

လာမယ့် သောကြာနေ့မှာကျင်းပမယ့် ဒုတိယကမ္ဘာပြီးဆုံးမှု နှစ် ၈၀ ပြည့် စစ်အောင်ပွဲနေ့ အခမ်း အနားကို တက်ရောက်မယ့် ပြည်ပကိုယ်စားလှယ်အဖွဲ့တွေရဲ့ လုံခြုံရေးကို ယူကရိန်းအစိုးရက အာမမခံ ဘူးလို့ သမ္မတ ဇီလန်စကီးက ပြောကြားလိုက်ပါတယ်။

“မေလ ၉ ရက်မှာ ရုရှားသို့သွားရောက်မယ့် တိုင်းပြည်အားလုံးအတွက် ကျွန်တော်တို့ရဲ့ ရပ်တည် ချက်က ရှင်းပါတယ်။ ရုရှားပိုင်နက်အတွင်းမှာ ဖြစ်ပျက်တာတွေအတွက် ကျွန်တော်တို့ တာဝန်မယူပါ ဘူး” လို့ သူက သတင်းထောက်တွေကို ပြောပါတယ်။

မီးရှို့မှုနဲ့ ဗုံးကြဲမှုတွေ အပါအဝင် ရုရှားနိုင်ငံက ရန်စမှုတွေကို ယူကရိန်းနိုင်ငံအပေါ် အပြစ်ဖို့ချနိုင် တယ်လို့ ၎င်းက သတိပေးပါတယ်။

မော်စကိုမြို့တော်မှာ မေလ ၉ ရက်မှာပြုလုပ်မယ့် ဆိုဗီယက်ပြည်ထောင်စုနဲ့ မဟာမိတ်တွေက နာဇီဂျာမနီအပေါ် အောင်ပွဲရအခမ်းအနားကို တရုတ်သမ္မတ ရှီကျင့်ဖျင်နဲ့ ဘရာဇီးသမ္မတ လူးဝစ်လူလာ ဒါဆေးလ်ဗားတို့လည်း တက်ရောက်မယ်လို့ သိရပါတယ်။

ဇီလန်စကီးရဲ့ပြောကြားချက်ဟာ စကားလုံးရန်စမှုလို့ ရုရှားလုံခြုံရေးကောင်စီ ဒုတိယဉက္ကဌနဲ့ သမ္မတဟောင်း ဒီမီထရီမတ်ဗီဒတ်ဗ်က လူမှုကွန်ရက် တယ်လီဂရမ်မှာ ရေးသားခဲ့ပါတယ်။

ရင်ပြင်နီအောင်ပွဲမတိုင်မီ မေလ ၈ ရက်မှစတင်ကာ တစ်ဖက်သတ် ၃ ရက်ကြာ အပစ်အခတ်ရပ် စဲကြောင်း ရုရှားသမ္မတ ဗလာဒီမာပူတင်က ကြေညာခဲ့ပါတယ်။

ပူတင်ရဲ့ကြေညာချက်ကို ယူကရိန်းနိုင်ငံက ပယ်ချခဲ့ပြီး ရက် ၃၀ အပစ်အခတ်ရပ်စဲဖို့ တောင်းဆို လိုက်ပါတယ်။

ကိုးကား - Reuters
Ref; Kyiv can’t guarantee safety of foreign leaders on May 9 in Moscow, Zelenskyy says

#Ayeyarwaddy_Times

လားရှိုးမြို့ပေါ်တွင် စစ်ကောင်စီကိုးကွယ်သည့် မန်ဆူရှမ်းကျောင်းဆရာတော်ဦးဆောင်ပြီး ပရိတ်ရွတ်ရန် စီစဉ်

ဧရာဝတီတိုင်းမ်
မေ ၄ ရက်

လားရှိုးမြို့ပေါ် ၁၂ ရပ်ကွက်နှင့် နေရာအချို့ကို ဝင်ရောက်လာသည့် စစ်ကောင်စီက ၎င်းတို့နေရာထိုင်ရာ ပတ်ဝန်းကျင်တွင် အန္တရာယ်ကင်းပရိတ်ရွတ်ရန် စီစဉ်နေကြောင်း သိရသည်။

ယနေ့ မေ ၄ ရက်နေ့ ညနေ ၄ နာရီမှစတင်ကာ လားရှိုးမြို့ပေါ်ရပ်ကွက်များတွင် ပရိတ်ရွတ်ဖတ် သွားမည်ဖြစ်ကြောင်း ဒေသခံများထံမှ သိရသည်။

"သူတို့နေထိုင်မယ့် ရုံးဌာန သွားလာလို့ရတဲ့ နေရာလောက်ကိုပဲ နေရာကွက်ကွက်လောက်ကိုပဲ ပရိတ်ရွတ်မှာ။ မန်ဆူရှမ်းကျောင်းဆရာတော် ဦးဆောင်မယ်လို့ပြောတယ်" ဟု လားရှိုးဒေသခံက ဧရာဝတီတိုင်းမ်ကို ပြောသည်။

မန်ဆူကျောင်းဆရာတော်သည် လားရှိုးမြို့ကို ကိုးကန့် MNDAA တပ်များ သိမ်းပိုက်နိုင်မည်မဟုတ်ဘဲ စစ်ကောင်စီကသာ ထိန်းချုပ်နိုင်မည်ဖြစ်ကြောင်း ၁၀၂၇ တော်လှန်ရေးအစတွင် ဟောပြောခဲ့ပြီး လားရှိုးမြို့အသိမ်းခံရချိန်တွင် ထွက်ပြေးသွားခဲ့ကြောင်း သိရသည်။

ယခု တရုတ်၏ကြားဝင်စေ့စပ်မှုနှင့် လားရှိုးမြို့ပေါ် စစ်ကောင်စီ ပြန်လည်ဝင်ရောက်လာချိန်တွင် မန်ဆူကျောင်းဆရာတော်လည်း ပါလာပြီး ပရိတ်ရွတ်ရန်စီစဉ်နေကြခြင်းဖြစ်သည်။

စစ်ကောင်စီတပ်ဖွဲ့များ သေဆုံးထိခိုက်မှုများခဲ့သည့် အရှေ့မြောက်တိုင်းစစ်ဌာနချုပ်(ရမခ) စစ်ကောင်စီ တပ်ရင်းများ၊ လားရှိုးလေဆိပ်နှင့် စစ်ကောင်စီတပ်ဖွဲ့ဝင်များ ဝင်ရောက်တပ်စွဲနေထိုင်ခဲ့သည့် နေအိမ်အချို့တွင် စစ်ကောင်စီတပ်ဖွဲ့ဝင်တို့၏ အရိုးစုများ ဖယ်ရှားရခြင်းမရှိသေးဘဲ သရဲခြောက်သည် ဆိုသည့် သတင်းများပျံ့ နှံ့နေကြောင်း ဒေသခံများထံမှ သိရပြီး အဆိုပါနေရာများကို အဓိကထားပြီး ပရိတ်ရွတ်ဖတ်သွားမည်ဖြစ်ကြောင်းသိရသည်။

ပြီးခဲ့သည့် ၂၀၂၄ ခုနှစ်၊ ဩဂုတ်လဆန်းပိုင်းတွင် MNDAA တပ်များ လားရှိုးမြို့ကို သိမ်းပိုက် ထိန်းချုပ်ပြီးနောက် ယခု ဧပြီ ၁၇ ရက်နေ့တွင် တရုတ်နိုင်ငံ၏ ဖိအားပေးမှုကြောင့် စစ်ကောင်စီတပ်များ လားရှိုးမြို့တွင်း ပြန်လည်ဝင်ရောက်လာခြင်းဖြစ်သည်။

ဗေဒင်ယတြာကို အထူးယုံကြည်သည့် စစ်ကောင်စီက လားရှိုးမြို့ကို အန္တရာယ်ကင်းပရိတ်ရွတ် ဖတ်ပြီးနောက် ယတြာချေခြင်းလုပ်ငန်းများပါ ဆက်လက်လုပ်ဆောင်သွားမည်ဖြစ်ကြောင်း တပ်သတင်းရင်း မြစ်က ပြောသည်။

လတ်တလောတွင် လားရှိုးမြို့၌ စစ်ကောင်စီ၏ အုပ် ချုပ်ရေးယန္တယား လည်ပတ်နိုင်ခြင်းမရှိသေးသော် လည်း လားရှိုးဆေးရုံနှင့် ဌာနဆိုင်ရာအချို့ကို ဖွင့်လှစ်ရန် Non CDM ဝန်ထမ်းများ မြို့တွင်း ပြန်လည်ဝင်ရောက်လာကြောင်း သိရသည်။

ရှမ်းမြောက်တွင် စစ်ဆင်ရေးဆင်နွှဲစဉ်တွင် စစ်ကောင် စီက ဗေဒင်ယတြာများ အထူးအသုံးပြုပြီး လက်ဖွဲ့နှင့် အဆောင်များကိုသုံးကာ ရှမ်းမြောက်တွင် ခံစစ်ဆင်တိုက်ပွဲဝင်ခဲ့ခြင်းဖြစ်သည်။

ပုံစာ- ၂၀၂၃ နိုဝင်ဘာအတွင်းက မန်ဆူဆရာတော်ကို အလှူငွေများ လာရောက်လှူဒါန်းနေသည်ိ့ စစ်ခေါင်းဆောင်

#ရှမ်းမြောက် #လားရှိုး #စစ်ကောင်စီ #မန်ဆူ #ရှမ်းကျောင်းဆရာတော် #ပရိတ်ရွတ်စီစဉ် #Ayeyarwaddy_Times

ဟားခါးမှာ အရပ်သားဟန်ဆောင် သတင်းထောက်လှမ်းနေသူ ရဲတပ်ဖွဲ့နှစ်ဦး ဖမ်းဆီးရမိ

ဧရာဝတီတိုင်းမ်
မေ ၄ ရက်

ချင်းပြည်ဝန်ကြီးအိမ်ရာမှာ တပ်စွဲထားတဲ့ စစ်ကောင်စီ ရဲတပ်ဖွဲ့ဝင်နှစ်ဦးဟာ အရပ်သားဟန်ဆောင်ကာ ဟားခါးမြို့မှာ သတင်းထောက်လှမ်းနေစဥ် မေလ ၁ ရက်နေ့မှာ CDF-Hakha မှ ဖမ်းဆီးရမိခဲ့တယ်လို့ သိရပါတယ်။

တည်းဖြတ်/ထုတ်လုပ် - ဧရာဝတီတိုင်းမ်
#Ayeyarwddy_Times

အိန္ဒိယနဲ့ တင်းမာမှုတွေဖြစ်ပွားနေစဉ် မိုင် ၂၈၀ နီးပါးအထိ ရောက်ရှိတဲ့ ဒုံးခွင်းစနစ် ပါကစ္စတန် စမ်းသပ်

ဧရာဝတီတိုင်းမ်
မေ ၄ ရက်

ပါကစ္စတန်စစ်တပ်ဟာ စနေနေ့က မြေပြင်-မြေပြင်ခွင်းဒုံးခွင်းစနစ် စမ်းသပ်ခဲ့ရာ အိန္ဒိယနိုင်ငံနဲ့ တင်းမာမှုတွေ မြင့်တက်စေခဲ့ပါတယ်။

အိန္ဒိယထိန်းချုပ် ကက်ရှ်မီးယားဒေသမှာ ပြီးခဲ့တဲ့လက ကမ္ဘာလှည့်ခရီးသွားတွေအပေါ် တိုက် ခိုက်မှုမှာ ပါကစ္စတန်နိုင်ငံ ပါဝင်ခဲ့တယ်လို့ အိန္ဒိယနိုင်ငံက စွပ်စွဲခဲ့ရာ နျူကလီးယားလက်နက်ပိုင် အိမ်နီး ချင်းနှစ်နိုင်ငံကြား တင်းမာမှုတွေ ဖြစ်စေခဲ့ပါတယ်။

၂၇၉ မိုင်အထိ ရောက်ရှိနိုင်တဲ့ မြေပြင်-မြေပြင်ခွင်းဒုံး Abdali Weapon System ကို အောင်မြင် စွာ စမ်းသပ်ခဲ့တယ်လို့ ပါကစ္စတန်စစ်တပ်က ပြောကြားခဲ့ပါတယ်။

“ဒုံးကျည်စမ်းသပ်မှုဟာ တပ်ဖွဲ့တွေ စစ်ဆင်ရေးဆောင်ရွက်ရေး အသင့်ဖြစ်မှုဖြစ်ဖို့ ရည်ရွယ်ပါ တယ်” လို့ ပါကစ္စတန်စစ်တပ်က ထုတ်ပြန်ချက်တစ်ခုအတွင်း ပြောကြားခဲ့ပါတယ်။

လူ ၂၆ ဉီး သေဆုံးခဲ့တဲ့ အိန္ဒိယထိန်းချုပ် ကက်ရှ်မီးယားဒေသ တိုက်ခိုက်မှုကို လက်တုံ့ပြန်ရေး စစ်တပ်ကို စစ်ဆင်ရေး အပြည့်အဝ ဆောင်ရွက်ခွင့်ပြုထားတယ်လို့ အိန္ဒိယဝန်ကြီးချုပ် နာရင်ဒရာမိုဒီက ပြောကြားပြီးနောက် ပါကစ္စတန်စစ်တပ်က ဒုံးကျည်စမ်းသပ်မှု ပြုလုပ်ခဲ့တာပါ။

ပါကစ္စတန်နိုင်ငံက တိုက်ခိုက်မှုမှာ မပါဝင်ဟု ငြင်းဆန်ခဲ့ပြီး လွတ်လပ်သော စုံစမ်းစစ်ဆေးမှုတစ် ရပ်ပြုလုပ်ဖို့ တောင်းဆိုခဲ့ပါတယ်။

အိန္ဒိယနိုင်ငံက လေကြောင်းတိုက်ခိုက်မှု လုပ်ဆောင်လာနိုင်တယ်လို့ ပါကစ္စတန်နိုင်ငံက ဒီသီ တင်းပတ်အတွင်း သတိပေးခဲ့ပြီး အိန္ဒိယရဲ့ ဘယ်လိုကျူးကျော်မှုမျိုးကိုမဆို လက်တုံ့ပြန်မယ်လို့ ပြောပါ တယ်။

နိုင်ငံတကာကလည်း တင်းမာမှုတွေ လျှော့ချဖို့ အိန္ဒိယနဲ့ ပါကစ္စတန်ကို ပြောကြားခဲ့ပြီး စိတ်ရှည် သည်းခံဖို့ တရုတ်နိုင်ငံက တိုက်တွန်းကာ အခြေအနေက စိုးရိမ်စရာလို့ ဉရောပသမဂ္ဂက သတိပေးခဲ့ပါ တယ်။

ဒေသတွင်း ပဋိပက္ခမဖြစ်စေတဲ့နည်းလမ်းနဲ့ တိုက်ခိုက်မှုကို လက်တုံ့ပြန်ဖို့ အမေရိကန်ဒုတိယ သမ္မတ ဂျေဒီဗန့်က အိန္ဒိယနိုင်ငံကို တောင်းဆိုခဲ့ပါတယ်။

ပိုင်နက်နယ်မြေမှာ တစ်ခါတစ်ရံ လှုပ်ရှားတဲ့ အကြမ်းဖက်သမားတွေကို ပိုက်စိတ်တိုက်ရှာဖွေဖို့ လည်း ၎င်းက ပါကစ္စတန်နိုင်ငံကို တိုက်တွန်းခဲ့ပါတယ်။

ကိုးကား - AFP
Ref; Pakistan tests missile weapons system amid India standoff

#Ayeyarwaddy_Times

မြန်မာသို့ စာနာမှုအကူအညီ အကန့်အသတ်မရှိ ပေးအပ်နိုင်ဖို့ မလေးရှားနဲ့ဖိလစ်ပိုင် တိုက်တွန်း

ဧရာဝတီတိုင်းမ်
မေ ၄ ရက်

မလေးရှားနဲ့ ဖိလစ်ပိုင်နိုင်ငံတိုဟာ မြန်မာနိုင်ငံသို့ လူသားချင်းစာနာမှု အကူအညီပေးအပ်မှုဟာ ခွဲခြားဆက်ဆံမှု သို့မဟုတ် ကန့်သတ်ချက်တွေ မရှိရဘူးဆိုတဲ့ ရပ်တည်ချက်ရှိတယ်လို့ မလေးရှားဝန် ကြီးချုပ် အန်ဝါအီဘရာဟင်က ပြောပါတယ်။

မနေ့က ဖိလစ်ပိုင်သမ္မတ မာဒီနန်မားကို့စ်ဂျူနီယာနဲ့ ဖုန်းပြောဆိုမှုအတွင်း ထိုအချက်ကို သ ဘောတူခဲ့တယ်လို့ ၎င်းက ဆက်ပြောပါတယ်။

ငလျင်ဘေးသင့် ပြည်သူတွေထံ လူသားချင်းစာနာမှု အကူအညီတွေ ပေးအပ်နိုင်ရေး အပစ်အ ခတ်ရပ်စဲရေး သက်တမ်းတိုးဖို့ မလေးရှားနိုင်ငံက တောင်းဆိုတယ်လို့ ၎င်းက ဆက်ပြောပါတယ်။

“အာဆီယံ၊ ကမ္ဘာလုံးဆိုင်ရာကိစ္စရပ်တွေနဲ့ပတ်သက်တဲ့ နောက်ဆုံးအခြေအနေတွေကို ဆွေးနွေး ဖို့ ဒီနေ့လည်ပိုင်းမှာ ကျွန်တော် မားကို့စ်ဂျူနီယာနဲ့ ဖုန်းပြောဆိုခဲ့ပါတယ်” လို့ အန်ဝါက လူမှုကွန်ရက် Facebook မှာ ရေးသားခဲ့ပါတယ်။

ကမ္ဘာလုံးဆိုင်ရာ စည်းကြပ်ခွန် စေ့စပ်ညှိနှိုင်းမှုမှာ အမေရိကန်နိုင်ငံအတွက် အရေးပါမှုကို ထုတ် ဖော်ပြသဖို့ မလေးရှားနိုင်ငံက အာဆီယံအဖွဲ့ရဲ့ရပ်တည်ချက်ကို ဖော်ထုတ်ခဲ့တယ်လို့ ဘဏ္ဍာရေးဝန်ကြီး လည်းဖြစ်တဲ့ ၎င်းက ပြောပါတယ်။

“စည်းကြပ်ခွန်ကောက်ခံဖို့ ရက် ၉၀ ကြာ ရွှေ့ဆိုင်းဖို့ အမေရိကန်နိုင်ငံရဲ့ ဆုံးဖြတ်ချက်က အခြား ကိစ္စရပ်တွေ ဆွေးနွေးဖို့ သက်သာရာရစေပါတယ်” လို့ သူက ဆိုပါတယ်။

မေလ ၁၂ ရက် ဖိလစ်ပိုင် အထွေထွေရွေးကောက်ပွဲမှာ မားကို့စ်ဂျူနီယာ အခြေအနေကောင်းပါ စေကြောင်း ဆန္ဒပြုတယ်လို့ အန်ဝါက ဆိုပြီး ကွာလာလမ်ပူမြို့တော်မှာ မကြာမီကျင်းပမယ့် အာဆီယံ ထိပ်သီးဆွေးနွေးပွဲမှာ ၎င်းနဲ့ တွေ့ဆုံခွင့်ရဖို့ မျှော်လင့်တယ်လို့ ပြောပါတယ်။

ကိုးကား - Bernama
Ref; Anwar and Marcos back unrestricted aid for Myanmar, urge ceasefire extension amid Asean efforts

#Ayeyarwaddy_Times

ငလျင်ကြောင့် အက်ကွဲနေတဲ့ အိမ်ရာတွေမှာ ပြန်နေခိုင်း၍ ဝန်ထမ်းများ ထိတ်လန့်

ဧရာဝတီတိုင်းမ်
မေ ၃ ရက်

စစ်ကောင်စီရုံးစိုက်ရာ နေပြည်တော်ကောင်စီနယ်မြေမှာ ဝန်ထမ်းအိမ်ရာ ‌၄၀၀၀ ကျော်ရှိတဲ့အနက် အင်အားပြင်းငလျင်ကြောင့် ထက်ဝက်ခန့်ပျက်စီးသွားပြီး ကျန်အဆောက်အဦများမှာလည်း လူနေထိုင်ရန် အန္တရာယ်ရှိတဲ့ အခြေအနေရှိနေတယ်လို့ သိရပါတယ်။

တည်းဖြတ်/ထုတ်လုပ် - ဧရာဝတီတိုင်းမ်
#Ayeyarwaddy_Times