Advertising on the Telegram channel «Ayeyarwaddy Times»

မြန်မာစစ်ကောင်စီနဲ့ အတိုက်အခံတွေကြား ငြိမ်းချမ်းရေးဆွေးနွေးဖို့ ဖြစ်နိုင်ချေရှိဟု ထိုင်းဝန်ကြီးချုပ်ဟောင်း သက်ဆင် ပြော

ဧရာဝတီတိုင်းမ်
ဧပြီ ၁၄ ရက်

မြန်မာစစ်ကောင်စီနဲ့ တော်လှန်ရေးအဖွဲ့တွေကြား ငြိမ်းချမ်းရေး ဆွေးနွေဖို့ အခွင့်အရေးတွေ များပြားတယ်လို့ ထိုင်းဝန်ကြီးချုပ်ဟောင်း သက်ဆင်ရှင်နာဝပ်က ပြောပါတယ်။

မကြာသေးမီက ဗန်ကောက်မြို့မှာကျင်းပတဲ့ ထိပ်သီးဆွေးနွေးပွဲမှာ အဆိုပါစိတ်ကူးကို စစ်ခေါင်း ဆောင် ဗိုလ်ချုပ်မှူးကြီး မင်းအောင်လှိုင်က အပြုသဘောဆောင်စွာ တုံ့ပြန်ခဲ့တယ်လို့ သိရပါတယ်။

၆ ကြိမ်မြောက် ဘင်းစတက်ခ် ထိပ်သီးဆွေးနွေးပွဲ ဘေးပန်းအဖြစ် မင်းအောင်လှိုင်နဲ့ ဆွေးနွေးခဲ့ တယ်လို့ အာဆီယံဉက္ကဌ မလေးရှားဝန်ကြီးချုပ် အန်ဝါအီဘရာဟင်ရဲ့ အကြံပေးဖြစ်သူ သက်ဆင်က ဆို ပါတယ်။

“မြန်မာစစ်ကောင်စီက တွေ့ဆုံဆွေးနွေးရေး သဘောတူဖို့များပြီး ကျွန်တော်တို့ ဆွေးနွေးမှု အ ဆင်ပြေချောမွေ့စေဖို့ ဆန္ဒရှိပါတယ်။ ဗိုလ်ချုပ်မှူးကြီး မင်းအောင်လှိုင်က ကျွန်တော်တို့စကား နား ထောင်ခဲ့ပြီး ဆွေးနွေးမှုတွေ ထပ်မံ ပြုလုပ်သွားမှာပါ” လို့ သက်ဆင်က ဆိုပါတယ်။

မြန်မာနိုင်ငံမှာ ငြိမ်းချမ်းရေး ပြန်လည်ရရှိတာနဲ့ ထိုရည်မှန်းချက်အတွက် ပထမခြေလှမ်းဖြစ်တဲ့ ငြိမ်းချမ်းရေး ဆွေးနွေးမှုတွေ အရေးပါတာကို မင်းအောင်လှိုင်နဲ့ သူက ဆွေးနွေးခဲ့ပါတယ်။

“ကျွန်တော်တို့ ဘယ်ဘက်နဲ့မှ မပေါင်းပါဘူး။ ကျွန်တော်တို့ ဆွေးနွေးမှုတွေ စတင်မယ့် ဖိုရမ်တစ် ခု ဖန်တီးပေးချင်ယုံပါ” လို့ ၎င်းက ဆက်ပြောပါတယ်။

မြန်မာစစ်ကောင်စီနဲ့ တော်လှန်ရေးတပ်ဖွဲ့တွေကြား ငြိမ်းချမ်းရေးဆွေးနွေးမှုနဲ့ နိုင်ငံရေးအကျဉ်း သားတွေ အရင်ဆုံး မလွှတ်ပေးသရွေ့ မြန်မာနိုင်ငံမှာ ရွေးကောက်ပွဲတစ်ရပ် ကျင်းပနိုင်မှာမဟုတ်ဖူးလို့ သက်ဆင်က ယုံကြည်တာကြောင့် အဆိုပါကိစ္စကို မဆွေးနွေးခဲ့ပါဘူး။

ကိုးကား - Bangkok Post
Ref; Thaksin says Myanmar peace a possibility

#Ayeyarwaddy_Times

မြေငလျင်ဘေးသင့် ပြည်သူတွေအတွက် မြန်မာနိုင်ငံမှာ ယာယီဆေးရုံတည်ဆောက်ဖို့ မလေးရှား ကတိပြု

ဧရာဝတီတိုင်းမ်
ဧပြီ ၁၃ ရက်

မြေငလျင်ဘေးသင့် မြန်မာနိုင်ငံမှာ လူသားချင်းစာနာမှု အကူအညီတွေ ဆက်ပေးနိုင်ရေး ယာယီ ဆေးရုံတစ်ရုံ တည်ဆောက်ဖို့ မလေးရှားအစိုးရက မူအားဖြင့် သဘောတူလိုက်ပါတယ်။

ဝန်ကြီးချုပ် အန်ဝါအီဘရာဟင်က အဆိုပါကိစ္စကို ပြီးခဲ့တဲ့အပတ် အစိုးရအဖွဲ့အစည်းအဝေးမှာ သဘောတူခဲ့တာလို့ နိုင်ငံခြားရေးဝန်ကြီး မိုဟာမက်ဟတ်ဆန်က ပြောပါတယ်။

“မြန်မာနိုင်ငံမျာ စုစုပေါင်း ဆေးရုံ ၄ ခု ပြိုကျခဲ့ပြီး အထူးကုတွေကုသပေးတဲ့ ရွေ့လျားအခန်းတွေ လိုအပ်နေပါတယ်။ လိုအပ်တဲ့ ဆေးဘက်ဆိုင်ရာကိရိယာတွေ ပို့ဆောင်နိုင်ရေး မလေးရှားစစ်တပ်၊ ကျန်း မာရေးဝန်ကြီးဌာနတို့ကို ကျွန်တော်တို့ မေးမြန်းထားပါတယ်” လို့ သူက ဆိုပါတယ်။

မြန်မာနိုင်ငံဟာ ဆေးဘက်ဆိုင်ရာ အကူအညီတွေအပြင် ရေသန့်စင်စနစ်တွေ၊ ရွက်ဖျင်တဲတွေ လိုအပ်နေတယ်လို့ ၎င်းက နိုင်ငံခြားရေးဝန်ကြီးဌာနမှာ သတင်းထောက်တွေကို ပြောပါတယ်။

ယာယီဆေးရုံကို ခွဲစိတ်ခန်းတွေ၊ X-ray စက်တွေ၊ ခုတင် ၃၀ ကျော် တပ်ဆင်သွားမယ်လို့ သူက ဆက်ပြောပါတယ်။

ဆေးဘက်ဆိုင်ရာဝန်ထမ်းတွေ၊ ဆေးဘက်ဆိုင်ရာကိရိယာတွေနဲ့ အကူအညီတွေရဲ့ လုံခြုံရေး ခြိမ်းခြောက်ခံရပါက ၎င်းတို့ကို ချက်ချင်း ပြန်ခေါ်မယ်လို့ မိုဟာမက်ဟတ်ဆန်က ပြောပါတယ်။

“မလေးရှား ကယ်ဆယ်ရေးသမားတွေ သို့မဟုတ် အာဆီယံနိုင်ငံတွေမှ ကယ်ဆယ်ရေးသမား တွေရဲ့ လုံခြုံရေး ခြိမ်းခြောက်ခံရရင် ကျွန်တော်တို့ သူတို့ကို ချက်ချင်း ပြန်ခေါ်မှာပါ။ ကျွန်တော်တို့ ကယ် ဆယ်ရေးသမားတွေ စေလွှတ်တာဟာ အန္တရာယ်တွေ ရင်ဆိုင်ရဖို့မဟုတ်ပဲ ငလျင်ဘေးသင့်ပြည်သူတွေ ကို ကူညီဖို့သာဖြစ်ပါတယ်” လို့ ၎င်းက ရှင်းပြပါတယ်။

မြန်မာနိုင်ငံမှာ အင်အားပြင်း မြေငလျင်လှုပ်ခတ်ပြီးနောက် လူသားချင်းစာနာမှုမစ်ရှင်ရဲ့ တစ် စိတ်တစ်ပိုင်းအဖြစ် မိုဟာမက်ဟတ်ဆန်က ဧပြီလ ၅ ရက်မှာ မြန်မာနိုင်ငံသို့ တစ်ရက်ကြာ သွားရောက်ခဲ့ ပါတယ်။

မလေးရှားအစိုးရဟာ မြေငလျင်ဘေးသင့် မြန်မာပြည်သူတွေကို ပံ့ပိုးကူညီမယ့် ကနဉီး လူသား ချင်းစာနာမှု အကူအညီအဖြစ် ရင်းဂစ် ၁၀ သန်း ထောက်ပံ့ဖို့ မတ်လ ၃၀ ရက်မှာ ကတိပြုခဲ့ပါတယ်။

ကိုးကား - Bernama
Ref; Malaysia to deploy field hospital in Myanmar for earthquake relief, says foreign minister

#Ayeyarwaddy_Times

အဆောက်အဦများပြိုကျသွား၍ နေပြည်တော်ရှိ ဝန်ကြီး ဌာနရုံးအချို့ ရန်ကုန်ကိုပြောင်းရွှေ့အခြေစိုက်မည်
============
စစ်ရုံးအတွင်းရှိ အရာရှိလိုင်းခန်းပြိုကျပျက်စီးသွား၍ သေဆုံးသူများပြား

ဧရာဝတီတိုင်းမ်
ဧပြီ ၁၃ ရက်

အင်အားပြင်းငလျင်ကြီးကြောင့် နေပြည်တော်ရှိ ဝန်ကြီး ဌာနရုံးများ ပြိုကျပျက်စီးကုန်သည့်အတွက် ရုံးတချို့ကို ရန်ကုန်တွင် ယာယီပြောင်းရွှေ့အခြေစိုက်မည်ဟု သတင်းများထွက်ပေါ်နေကြောင်း သိရသည်။

အလုံးစုံပျက်စီးသွားသည့် နိုင်ငံခြားရေးဝန်ကြီးဌာန၊ ဟို တယ်နှင့်ခရီးသွားလာရေးဌာနနှင့် လူဝင်မှုကြီး ကြပ်ရေးဝန်ကြီးဌာနတို့ကို ရန်ကုန်သို့ ခေတ္တပြောင်း ရွှေ့ ရုံးစိုက်မည်ဖြစ်ကြောင်း ဝန်ထမ်းအချို့ထံမှ သိရသည်။

"ရုံးသုံးခုကို နေရာရွှေ့မယ်ပြောတယ်။ အခုထိလိုင်းခန်းတွေမှာ ပိပြီးသေနေတဲ့အလောင်းတွေကို မထုတ်ရသေးလို့ အနံ့တွေလည်း ထွက်နေတယ်။ နေ့ခင်းဘက်ပါ သူခိုးတွေဝင်ခိုးလို့ ကိုယ့်လိုင်းခန်း ကိုယ်စောင့်ကြည့်နေရတယ်"ဟု လဝကဝန်ထမ်းတစ်ဦးက ဧရာဝတီတိုင်းမ်ကို ပြောသည်။

စစ်ကောင်စီ၏ စစ်ရုံးထဲတွင်လည်း အဆောက်အဦများ ပြိုကျပျက်စီးခဲ့ရာ ငုဝါဆောင် အရာရှိငယ်နေ အိမ်ရှစ်ခန်းတွဲနှစ်ထပ်လိုင်းခန်း အလုံးစုံပြိုကျပျက် စီးသွားပြီး စစ်ကောင်စီ၏ တပ်မိသားစုဝင်များ သေဆုံးဒဏ်ရာရရှိမှု များပြားကြောင်း ဗိုလ်ကြီးဇင်ယော်ထံမှ သိရသည်။

"နိုင်ငံခြားရေးနဲ့ ဟိုတယ်နှင့်ခရီးသွားလာရေးဌာနက ရုံးပစ္စည်းတွေ ပြောင်းရွှေ့ဖို့ပြင်ဆင်နေပြီလို့ သိရပါတယ်။ ရုံးနဲ့လူနေလိုင်းခန်းတွေ အတော်ပျက်စီးသွားတယ်လို့ သိရပါတယ်"ဟု CDM ဗိုလ်ကြီးဇင်ယော်က ဧရာဝတီတိုင်းမ်ကို ပြောသည်။

ပြီးခဲ့သည့် မတ် ၂၈ ရက်နေ့ လှုပ်ခတ်ခဲ့သည့် ၇ဒသမ၇ ရစ်ချ်တာစကေးရှိ အင်အားပြင်းငလျင်ကြောင့် နေပြည်တော်ရှိ ဝန်ထမ်းအိမ်ရာအများအပြား ပြိုကျပျက်စီးခဲ့ရာ ဝန်ထမ်းများ နေထိုင်စားသောက်ရေးအတွက် ခက်ခဲမှုများရှိနေကြောင်း နေပြည်တော် ဝန်ထမ်းတစ်ဦးက ဧရာဝတီတိုင်းမ်ကိုပြောသည်။

ရွာတော်တည်းခိုရေးစခန်းတွင် ရွှေသံလွင်ကုမ္ပဏီက နေပြည်တော်တပ်နယ်မြေအတွက် နေ့စဉ် လူအယောက် ၈၀၀၀ စာထမင်း၊ ဟင်းချက်ပြုတ်ပြီး ဝေငှနေရကြောင်း သိရသည်။

တစ်နေ့လျှင် လူ ၈၀၀၀ စာအတွက် နှစ်နပ်စာချက် ပြုတ်ပေးနေရခြင်းဖြစ်ပြီး လုပ်အားပေးမလုံလောက်သည့် အတွက် ချက်ပြုတ်မည့်သူကို ငွေကြေးပေး၍ ငှားရမ်းထားရကြောင်း သိရသည်။

Non CDM ဝန်ထမ်း ၈၀၀၀ ခန့်မှာ ထမင်းထုပ်များကို တည်းခိုရေးစခန်းများတွင် သွားရောက်ယူဆောင်နေရပြီး နေထိုင်စရာအတွက် အခက်အခဲများရှိနေကြောင်း သိရသည်။

#နေပြည်တော် #ဝန်ကြီးဌာန #ရန်ကုန် #ပြောင်းရွှေ့ #သတင်းထွက်ပေါ် #လိုင်းခန်းပြိုကျ #သေဆုံးများပြား
#Ayeyarwaddy_Times

ပုသိမ်မြို့သင်္ကြန်အကြိုနေ့ မြင်ကွင်း

ဧရာ၀တီတိုင်း၊ ပုသိမ်မြို့တွင် ဧပြီလ ၁၃ရက်နေ့ သင်္ကြန်အကြိုနေ့တွင်ရေကစားသူမရှိကြောင်း သိရသည်။

မြို့တော်ခန်းမရှေ့တွင် စစ်ကောင်စီမှ စတုဒီသာ ကျွေးမွေးရန်ပြင်ဆင်ထားပြီး ရဲနှင့်ပြည်သူ့စစ်များ အင်အားအများအပြားချထားကြောင်းတွေ့ရှိရသည်။

#ပုသိမ်မြို့ #သင်္ကြန်အကြိုနေ့ #Ayeyarwaddy_Times

AA ထိန်းချုပ်ထားသည့် ကျောက်တော်မြို့ကို စစ်ကောင်စီ ဗုံးကြဲတိုက်ခိုက်

ဧရာဝတီတိုင်းမ်
ဧပြီ ၁၃ ရက်

တိုက်ပွဲဖြစ်ပွားခြင်းမရှိသည့် ကျောက်တော်မြို့ကို စစ်ကောင်စီက ဂျက်ဖိုက်တာဖြင့် ဗုံးကြဲတိုက်ခိုက်ခဲ့ကြောင်း သိရသည်။

ယနေ့ ဧပြီ ၁၃ ရက် နံနက် ၉ နာရီ ၂၅ မိနစ်
ခန့်တွင် စစ်ကောင်စီက ကျောက်တော်မြို့၊ ရွှေကျောင်းဘုန်း ကြီးကျောင်းကို ဗုံးကြဲချတိုက်ခိုက်ခဲ့ခြင်းဖြစ်သည်။

"ဗုံးမကြဲခင် လေယာဉ်နဲ့ မြို့ပေါ်ကင်းထောက်ဝဲနေသေးတယ်။ ပြီးတော့မှ ဗုံးကြဲချတိုက်ခိုက်တာ"ဟု ကျောက်တော်ဒေသခံတစ်ဦးက ဧရာဝတီတိုင်းမ်ကိုပြောသည်။

ဗုံးကြဲချတိုက်ခိုက်မှုကြောင့် နေအိမ် ခြောက်လုံးခန့်ပျက်စီးသွားပြီး ဒေသခံ သုံးဦးထိခိုက်ဒဏ်ရာရရှိခဲ့ကြောင်း သိရသည်။

ရွှေကျောင်းဘုန်းကြီးကျောင်းတွင် ရှင်ပြုပွဲရှိနေပြီး ဗုံးသီးများမှာ ကျောင်းပတ်ဝန်းကျင်သို့ ကျရောက်ခဲ့၍ နေအိမ်များကို ထိမှန်ခဲ့ခြင်းဖြစ်ကြောင်း သိရသည်။

စစ်​ကောင်စီကြဲချခဲ့သည့် ဗုံးသီး နှစ်လုံးမှာ ​ကျောက်​တော်မြို့ ကတ ၁လမ်း၊ ရွာမ ​တောင်ဘက်စုတွင် ကျ​ရောက်​ပေါက်ကွဲခဲ့ကြောင်း သိရသည်။

စစ်ကောင်စီက ပြီးခဲ့သည့် ဧပြီ ၁၁ ရက်နေ့ကလည်း ပေါက်တောမြို့နယ်ရှိ အနောက်ရဲမူဆလင်ကျေးရွာကို ပေါင် ၅၀၀ ဗုံးသီးများဖြင့် ကြဲချတိုက်ခိုက်ခဲ့သည်။

စစ်ကောင်စီက အပစ်အခတ်ရပ်စဲသည်ဟု ထုတ်ပြန်ပြီးနောက်ပိုင်း AA ထိန်းချုပ်ထားသည့်‌နယ်မြေများကို တိုက်ပွဲဖြစ်ပွားခြင်းမရှိဘဲ ဗုံးကြဲချတိုက်ခိုက်မှုများပြု လုပ်ခဲ့သည်။

ဓါတ်ပုံ- AK Media live
ပုံစာ- ဗုံးကြဲခံရပြီး​နောက် ​ကျောက်​တော်မြို့မှ အပျက်အစီးများ

#ရခိုင် #ကျောက်တော် #စစ်ကောငီ #ဂျက်ဖိုက်တာ #ဗုံးကြဲ

#Ayeyarwaddy_Times