𝑽𝑶𝑰𝑪𝑬 𝑶𝑭 𝑯𝑼𝑴𝑨𝑵𝑰𝑻𝒀 ™

🌍 Oduu Gabaabaa

🇮🇷 Giddu-galli Raayyaa Ittisa Warraaqsa Iiraan weerara haaraa kamiyyuu ofirraa qolachuuf qophii ta'uu ibsuun, meeshaalee waraanaa diinaa hafan irratti tarkaanfii cimaa akka fudhatu dubbateera jechuun gabaafameera.

🇬🇧🇮🇷 Giddu-galli Hojii Daldala Galaana Yunaayitid Kingidom bishaan galaana Hormuuz keessatti markaba lammaffaa irratti dhukkasa banuu gabaaseera. Akka gabaasa Humna Galaana Biritaaniyaatti, markabni meeshaa fe'atte kun Iiraaniin gara kibbaatti itti dhukaafamuu fi amma galaana irra dhaabbachuu ishee ibseera.


🇺🇸🇮🇷 Pirezidaantiin Ameerikaa Doonaald Tiraamp mariin biyyoota lamaan gidduu jiru hamma itti fufetti waliigaltee dhukaasa dhaabuu akka dheeressan dubbatanis, qoqqobbii Ameerikaan buufatawwan Iiraan irratti keette itti fufeera. Gama biraatiin, Raayyaan Ittisa Warraaqsa Iiraan (IRGC) markaba fe'umsaa irratti dhukaasuu isaa gabaafameera.

🇮🇱🇱🇧 Waraanni Israa'eel kibba Libaanos keessatti naannoo jireenya namootaa irratti boombii darbateera. Magaalota Bint Jubeeyil, Khiyaam fi Haniin keessatti naannawa manneen jireenyaa irratti haleellaa boombii geessu isaa dhaga'ameera.

🇮🇷🇮🇱 Iiraan qondaala ittisa siivilii Israa'eeliif basaasuun shakkaman irratti adabbii du'aa raawwatteetti. Miidiyaan murtii biyyattii Mizan akka gabaasetti, qondaalli olaanaan kun dhaabbata basaasa Israa'eel (Mossad) waliin hojjechuun himatamanii erga itti muramee booda ajjeefamaniiru.

🇮🇷 Akka gabaasa ejensii oduu Iiraanitti, manneen barnootaa 1,300 waraanaan miidhaman keessaa walakkaa ol ykn 775 ol ta'an suphamaniiru. Ministeerri Barnootaa Iiraan Alireezaa Kaazeemii akka jedhanitti, manneen barnootaa 20 guutummaatti kan diigaman yoo ta'u, miidhaan hamaan Teeraan, Kermaanshaah, Isfahaan fi Hormozgaan keessatti qaqqabeera.

🇺🇸🇮🇱🇱🇧 Yunaayitid Isteets mariin Israa'eel fi Libaanos gidduu jiru Kamisa akka itti fufu beeksisteetti. Mootummaan Libaanos waraanni Israa'eel kibba Libaanos keessaa guutummaatti akka ba'u barbaada.

🇬🇧🇵🇸 Yuunivarsiitiiwwan Biriteeniyaa beekamoo ta'an 12 hiriira barattootaa kan Falasxiin deggeran hordofuuf, dhaabbata dhuunfaa nageenyaa qunnamtii basaasa waraanaa qabu qaxaruun isaanii dubbatame. Tarkaanfiin kun dhaabbata barnoota olaanoo biyyattii keessatti mirga bilisummaan dubbachuu irratti mormii uumeera.

🇮🇷🇺🇸Dhaabbata Mootummoota Gamtoomanitti Ambasaaddarri Iiraan Amiir Sa'iid Iraavaanii, Ameerikaan qoqqobbii yoo kaafte Teeraan mariidhaaf qophii ta'uu isaa dubbataniiru. Marii haaraa kamiyyuu dura Ameerikaan "waliigaltee dhukaasa dhaabuu cabsuu" dhaabuu qabdi jedhaniiru.

🇮🇷 Gorsaasoon Dubbi-himaa Paarlaamaa Iiraan dheerachuu waliigaltee dhukaasa dhaabuu ilaalchisee "hiika hin qabu" jedhaniiru. Tarkaanfiin kun "weerara dingataa raawwachuuf yeroo bitachuudha" jechuun ibsaniiru.

@VOH_NEWS
#VOH_NEWS
#𝗩𝗼𝗶𝗰𝗲_𝗼𝗳_𝗵𝘂𝗺𝗮𝗻𝗶𝘁𝘆_𝘀𝗮𝗴𝗮𝗹𝗲𝗲_𝗵𝗮𝗾𝗮_𝗾𝗮𝗯𝗲𝗲𝘀𝘀𝗮

Iraan dooniiwwan ulaa Hoormuz qaxxaamuran irraa "galii maallaqaa isa jalqabaa walitti qabadhe" jette

Finfinnee, Eebla 23, 2026: Akka ragaa qondaaltota ol’aanoo biyyattiitti, Iraan dooniiwwan karaa darba galaanaa Hormuuz kan daldala annisaa addunyaatiif murteessaa ta’e—irra darban irraa kaffaltii taarifaa jalqabaa sassaabuu ishee beeksiste.

Itti Aanaan Dubbi Himaa Mana Maree biyyattiitti Hamiderzaa Haajii Baabaayii akka jedhanitti, galiin jalqabaa kaffaltii darba dooniirraa argame herrega Baankii Giddugaleessaa biyyattiitti galii ta’eera. Yaadni isaanii kun dhaabbata oduu biyyattii Tasnim jedhamuun gabaasameera.
"Galiin jalqabaa kaffaltii darba Hormuuz irraa argame herrega Baankii Giddugaleessaatti galii ta'eera," jedhan qondaalichi.

Odeessa guutuuf dubbisaa
https://www.facebook.com/share/p/18h1ATdBJm/

@VOH_NEWS
#VOH_NEWS
#𝗩𝗼𝗶𝗰𝗲_𝗼𝗳_𝗵𝘂𝗺𝗮𝗻𝗶𝘁𝘆_𝘀𝗮𝗴𝗮𝗹𝗲𝗲_𝗵𝗮𝗾𝗮_𝗾𝗮𝗯𝗲𝗲𝘀𝘀𝗮

Tajaajilli Immigireeshinii fi Lammummaa Itoophiyaa dameewwan tajaajila paaspoortii 12 irraa gara 22'tti guddisuun tajaajila isaa babal’isuun beeksise

Tajaajilli Immigireeshinii fi Lammummaa Itoophiyaa dameewwan tajaajila paaspoortii 12 irraa gara 22'tti guddisuun tajaajila isaa babal’isuu daarektarri Ol'aanaan tajaajilichaa Salamyaat Daawwit ibsaniru.

Kunis raawwii hojii ji’oota sagal darbanii ilaalchisee miidiyaaleef ibsa kennaniin, dhaabbatichi karoora yeroo sanaaf kaa’e irratti bu’aa garii galmeessuu himaniiru.Akkasumas, tajaajilichi karaa Tajaajila Galmee Siivilii fi Maatii miiliyoona 4.8 ol galmeessuu isaa ibsee, sirna galmee ammayyeessuuf hojiiwwan garaagaraa hojjetamaa jiraachuus eeraniiru.

Odeessa dabalataafi asiin dubbisaa:https://www.facebook.com/share/p/1E8Ff1ir6T/

@VOH_NEWS
#VOH_NEWS
#𝗩𝗼𝗶𝗰𝗲_𝗼𝗳_𝗵𝘂𝗺𝗮𝗻𝗶𝘁𝘆_𝘀𝗮𝗴𝗮𝗹𝗲𝗲_𝗵𝗮𝗾𝗮_𝗾𝗮𝗯𝗲𝗲𝘀𝘀𝗮

Daandiin Qilleensa Itoophiyaa Xiyyaarota Haaraa 6 Ajaje!

Daandiin Qilleensa Itoophiyaa tajaajila isaa caalaatti babal'isuuf xiyyaarota ammayyaa Booyingii 787 Diiriimlaayinar ja'a (6) bituuf waliigaltee mallatteesseera.

Kunis waadaa bara 2023 seename gara hojii qabatamaatti kan jijjiiruudha.

Sararri Daandii Qilleensa Itoophiyaa xiyyaarota 787-9 kanneenitti fayyadamuun hidhata ardiiwwanifi Finfinnee irraa qabu babalisuufi dandeettii fe'umsa meeshaalee (kaargoo) dabaluuf kan itti fayyadamamu yoo ta'u, kunis fedhiin imala guddachaa dhufe waliin kan walisimuudha.

Xiyyaarotni 787 Diiriimlaayinar dandeettii dachaa qabaachuu isaafi qusannaa boba’aatiin kan beekaman yoo ta’u, kunis Daandiin Qilleensa Itoophiyaa imaltoota Afrikaa keessa bakka tokkoo gara bakka biraatti gahumsaan akka deddeebisu gargaara. Akkasumas, sararoota daldalaa fedhii guddaa qaban irratti meeshaalee fe'umsaa (kaargoo) garaa xiyyaarichaa keessatti baachun tajaajila akka kennu isa dandeessisa.

Itoophiyaan miseensa ‘ Istaar Aliyaansi(Star Alliance) yoo taatu, waggoota saddeet walitti aansuun dhaabbata SKYTRAX irraa badhaasa "Daandii Qilleensa Afrikaa Bareedaa" jedhamu injifateera. Akka daandii qilleensa guutuu Afrikaatti, Daandiin Qilleensa Itoophiyaa hidhata qilleensaa ardii keessaafi ardiiwwan gidduu baay’ee barbaachisaa ta’e uumuun, Afrikaafi addunyaa walitti hidheera.

@VOH_NEWS
#VOH_NEWS
#𝗩𝗼𝗶𝗰𝗲_𝗼𝗳_𝗵𝘂𝗺𝗮𝗻𝗶𝘁𝘆_𝘀𝗮𝗴𝗮𝗹𝗲𝗲_𝗵𝗮𝗾𝗮_𝗾𝗮𝗯𝗲𝗲𝘀𝘀𝗮