Advertising on the Telegram channel «Tigray-University(ሓበሬታ)»

#ደብረ_ዘይት (ሓምሻይ ሰንበት ናይ ዓቢይ ጾም)ብዛዕባ ምፅአተ ዓለም (መወዳእታ ዓለም) ዝተባህለ!

ሓምሻይ ሰንበት ናይ ዓቢይ ጾም "ደብረ ዘይት" ይበሃል። ጎይታ ኣብ እምባ ደብረ ዘይት ኮይኑ ብዛዕባ ዳግማይ ምጽኣቱ ዝመሃረሉ ዕለት ምዃኑ ይንገረሉ፡፡ ትርጉም ስሙ ድማ "እምባ ዘይት" ማለት እዩ፤ እቲ ስም ዝተዋህቦ ድማ ኣብቲ ቦታ ብዙሕ ኣእዋም ኣውሊዕ (ወይራ) ይበቅል ስለ ዝነበረ እዩ።

ንሱ ኣብ ደብረ ዘይት ተቐሚጡ ከሎ፡ ደቀ መዛሙርቱ በይኖም ናብኡ ቀሪቦም፡ "እዚ መዓስ ክኸውን እዩ? ምልክት ምጽኣትካን መወዳእታ ዓለምንኸ እንታይ እዩ? ንገረና" በልዎ። (ማቴ. 24፥3፣ ዘካ. 14፥5 ፤ ሐዋ. 1፥11 ፤ 1ይ ተሰ. 4፥16 ፤ ራዕ. 22፥7)

#ምጽኣቱኸ_ከመይ_እዩ?

ጎይታ ነዛ ዓለም ክሓልፋ፡ ንነፍሲ ወከፍ ድማ ከከም ግብሩ ክፈዲ ብግርማ መለኮቱን ብክበበ ትስብእቱን ክመጽእ እዩ። እቲ ግዜ ድማ ዘመነ ዮሃንስ፡ ወርሒ መጋቢት፡ ዕለተ ሰንበት ፡ ፍርቂ ለይቲ ምዃኑ ሊቃውንት ተዛሪቦም እዮም። "ዝፈልጦ የለን ደኣዝበሃል?"እንተተባህለ፤ ሓቂ እዩ ዝፈልጦ የለን፤ ብዙሕ ዘመነ ዮሃንስ፣ ብዙሕ ወርሒ መጋቢት፣ ብዙሕ መዓልቲ ሰንበት ስለ ዘሎ ነጺሩ ዝፈልጦ የለን። ሞት ንመን ይተርፍ እሞ ኩሉ ክመውት እዩ (ዘፍ. 3፥19)ከም ዝብል።

ኣብ መዓልቲ ምጽኣት ቅዱስ ገብርኤል ነቶም ሸሞንተ ናይ መዓት ንፋሳት ካብ መዛግብቶም ከውጽኦም እዩ። ኣእዋም ነቒሎም፣ እምኒ ፈንቂሎም ንምድሪ ከም ብራና ክዝርግሕዋ እዮም። ቅዱስ ሚካኤል መለኸት ክነፍሕ እዩ (1ይ መቃ. 9፥8)። ቅዱስ እግዚአብሔር "ዘያነቅሖሙ ለሙታን" (ንድቁሳት/ምዉታት ዘተንስእ) ምስ በለ፡ ኣብ በረኻ፣ ኣብ ገደል፣ ኣብ ባሕሪ፣ ኣብ ንቑጽ መሬት፣ ኣብ መቓብርን ኣብ ከብዲ ኣራዊትን ዘለዉ ኩሎም ክእከቡ እዮም። ኣብ ካልኣይ ንጋሪት (መለኸት) ምስ ተወቕዐ፡ ዓጽምን ስጋን ሓደ ኮይኖም ፍጹም ገምቢ (በድን) ክኾኑ እዮም። ሳልሳይ መለኸት ተወቒዑ (ቅዱስ እግዚአብሔር ቅዱስ ኃያል ቅዱስ ህያው ዘኢይመውት - ንቓሕ መዋቲ ዘትነውም) ምስ በለ፡ መቓብር ክፈቱለይ፣ መግነዝ ፍትሑለይ ከይበለ፡ እቲ ደግ ደግነቱ እቲ እኩይ ድማ እኩይነቱ ሒዙ ክትስእ እዩ።

ሰብኣይ ወዲ 30 ዓመት፡ ሰበይቲ ድማ ጓል 15 ዓመት ኮይኖም፡ ጻድቃን ብርሃን ተጎልቢቦም ካብ ጸሓይ 7 ዕጽፊ በርሂሆም ክትንስኡ እዮም (ማቴ.13፥43)። ሓጥኣን ድማ ጸልማት ተኸዲኖም ፍጹም ንድያብሎስ መሲሎም ክትንስኡ እዮም። ጻድቃን ብሰንኪ ዝገበርዎ ሰናይ ግብሪ "ንስኹም ናይ ኣቦይ ቡሩኻን ንዑ" ተባሂሎም መንግስተ ሰማያት ክወርሱ እዮም። ሓጥኣን ድማ ብሰንኪ እኩይ ግብሮም "ካባይ ርሓቁ" ተባሂሎም ናብ ገሃነም ክስደዱ እዮም። ጻድቃን ክሕጎሱ እዮም፤ ሓጥኣን ግን ክሓዝኑ፣ "ዋይ ዋይ" ክብሉ፣ ኣፍ ልቦም ክውቅዑን ንብዓቶም ከፍስሱን እዮም። ዘይጠቅም ብኽያትን ዘይጠቅም ሓዘንን ክኸውን እዩ፤ እቶም ሰቒሎም ዝቐተልዎ ኣይሁድ እውን ክብሩ ርእዮም ከይተጠቕሙ ክጣዓሱ እዮም።

#ምልክቱኸ_እንታይ_እዩ? ኢሎም ንጎይታ ምስ ሓተትዎ፦

"ኢየሱስ ድማ መሊሱ ከምዚ በሎም፦ ሓደ እኳ ከየስሕተኩም ተጠንቀቑ። ብዙሓት 'ኣነ ክርስቶስ እየ' እናበሉ ብስመይ ክመጹ እዮም እሞ፡ ንብዙሓት ክስሕቱ እዮም። ውግእን ወረ ውግእን ክትሰምዑ ኢኹም፤ እዚ ክኸውን ግድነት እዩ እሞ ተጠንቀቑ፡ ኣይትሸበሩ፡ ግናኸ መወዳእታ ገና እዩ። ህዝቢ ኣብ ልዕሊ ህዝቢ፡ መንግስቲ ድማ ኣብ ልዕሊ መንግስቲ ክትንስእ እዩ፤ ኣብ በቢቦታኡ ድማ ጥሜትን ፌራን ምንዋጽ መሬትን ክኸውን እዩ። እዚ ኩሉ መጀመርታ ናይ ቅልውላው እዩ። ሽዑ ንመከራ ኣሕሊፎም ክህቡኹምን ክቐትሉኹምን እዮም፤ ብሰንኪ ስመይ ድማ ኣብ ኩሎም ኣህዛብ ዝተጸላእኩም ክትኾኑ ኢኹም" በሎም። ኣብ ዳግማይ ምጽኣቱ ምስ ቅዱሳኑን ሰማእታቱን ክንቀውም የብቅዓና።

#መዝሙር_ናይ_ዕለተ_ሰንበት_ካብ_ጾመ_ድጓ

እንዘ ይነብር እግዚእነ ውስተ ደብረ ዘይት ወይቤሎሙ ለአርዳኢሁ ዑቁኬ ኢያስሕቱክሙ ወንበሩ ድልዋኒክሙ ብዙኃን ይመጽኡ በስምየ እንዘ ይብሉ አነ ውእቱ ክርስቶስ ወዘአዝለፈ ትዕግሥቶ ውእቱ ይድኅን ወአመ ምጽአቱሰ....
(ጎይታና ኣብ ደብረ ዘይት ተቐሚጡ ከሎ ንደቀ መዛሙርቱ፡ ሓደ እኳ ከየስሕተኩም ተጠንቀቑ፤ ተዳልዩኹም ድማ ንበሩ፤ ብዙሓት 'ኣነ ክርስቶስ እየ' እናበሉ ብስመይ ክመጹ እዮም፤ እቲ ክሳብ መወዳእታ ዝጸንዐ ግና ንሱ ክድሕን እዩ።....)

#ንባባት_ናይ_እዚ_ዕለት

1ይ ተሰሎንቄ 4፥13-መወዳእታ፦
2ይ ጴጥሮስ 3፥7-14፦
ግብሪ ሐዋርያት 24፥1-21፦
#ምስባክ_ናይ_እዚ_መዓልቲ (መዝ. 49፥2)
እግዚአብሔርሰ ገሃደ ይመጽእ
ወአምላክነሂ ኢያረምም
እሳት ይነድድ ቅድሜሁ፡፡

ትርጉም፦
እግዚአብሔር ብግልጺ ክመጽእ እዩ።
ኣምላኽና ድማ ስቕ ኣይክብልን እዩ፤
ኣብ ቅድሚኡ ሓዊ ይነድድ፡ ኣብ ዙርያኡ ድማ ብርቱዕ ህቦብላ ንፋስ ኣሎ።

#ወንጌል_ናይ_እዚ_ዕለት (ማቴ. 24፥1-25)ሙሉእ ክተንብቡ ንእትደልዩ ኣንብቡ !

ምንጪ፦
(ትርጓሜ ወንጌል ማቴዎስ 24፥1፣ መዝገበ ታሪክ ቍጽሪ 2፣ ግጻዌ)


@tigrayuniversity1

➥ ኣብ ህይወትና ዘጋጥሙና ነገራት ኩሎም ኣብ ክልተ ይምቀሉ፦

1️⃣ ክንቆጻጸሮም ንኽእል ነገራት፦ ሓሳብና፣ ርእይቶና፣ ውሳነና፣ ተግባርናን ግብረ-መልስናን። ብሓፈሽኡ ናይ ባዕልና መንነት።

2️⃣ ክንቆጻጸሮም ዘይንኽእል ነገራት፦ ናይ ካልኦት ሰባት ሓሳብን ተግባርን፣ ኩነታት ኣየር፣ ሕሉፍ ታሪክና ከምኡ እውን ሕማምን ሞትን።

መብዛሕትኡ ግዜ ጭንቀትናን ሕርቃንናን ዝምንጩ፣ ኣብቶም ክንቆጻጸሮም ዘይንኽእል ነገራት ሓይልና ክነፍስስ ከለና እዩ። ብናይ ካልእ ሰብ ዘረባ ክንሓርቕ ከለና፣ ብዘይኮነ ነገር ክንጥዓስ ከለና፣ ወይ ብዛዕባ መጻኢ ካብ መጠን ንላዕሊ ክንጭነቕ ከለና... ጉልበትና ክነባኽን ከለና።ኮታስ ንሕና ምንም ክንገብሮ ኣብዘይንክእል ነገር ክንጭነቅ ከለና።

ስለዚ ምሉእ ትኹረትኩምን ጉልበትኩምን ኣብቶም ክትቆጻጸርዎም እትኽእሉ ነገራት ጥራይ ትኩረት ግበሩ።

ንኹነታት እትህብዎ ግብረ-መልስን ሓሳብኩምን ከተዕርዩ እንተኪኢልኩም። ሽዑ እቲ ናይ ደገ ዓለም ዝኾነ ይኹን ማዕበል እንተኣምጸአ፣ ውሽጣዊ ሰላምኩም ኣይህወክን ።

ሰላምኩም ይብዘሓለይ! 🙌

@tigrayuniversity1

#SubmitYourComplaint

ኣብ ውፅኢት መውፅኢ ፈተናኹም (Exit Exam) ቅርታ እንተሃሊዩኩም ብኦንላይን ቅርታኹም ኣእትዉ።
ዝኾነ ዓይነት ቅርታ እንተሃሊዩኩም፡ ማለት እውን፦

➫ውፅኢትኩም እንተዘይተረኺቡ
➫ Disqualified ተባሂልኩም እንተኾይንኩም
➫ ፊርማ እንተፈረምኩም እውን NG ተባሂልኩም እንተኾይንኩም
➫ ዝተጋገየ ጾታ እንተመሪጽኩም
➫ ካልእ ቅርታ እንተሃሊዩኩም ክተቕርቡ ትኽእሉ ኢኹም።
ውፅኢት መውፅኢ ፈተና ዝረኣኹምሉ ሊንክ ( https://result.ethernet.edu.et/usernamepage ) ብምእታው Submit Complaint ዝብል ጠውቑ፣ Complaint Category ካብ ዝብል ዓይነት ጥርዓንኩም ምረጹ፣ Description ኣብ ዝብል ባዶ ቦታ ቅርታኹም ብሓጺሩ ግለጹ፣ ቁጽሪ ስልክኹም ኣእትዉ እሞ Submit Complaint ዝብል ብምጥዋቕ ወድኡ።

@tigrayuniversity1

#Exit_Exam
ዕላዊ ኮይኑ

ውፅኢት መውፅኢ ፈተና (Exit Exam) ካብ ለይቲ ኣትሒዙ ተለቒቑ ኣሎ።

ውፅኢትኩም ንምርኣይ 👇
https://result.ethernet.edu.et
ነቲ ሊንክ ምስ ፀቐጥኩም 'Exit Examination' ኣብ ዝብል 'View Results' ዝብል
ብምፅቃጥን Username ብምእታውን ውፅኢትኩም ርኣዩ።

@tigrayuniversity1

ምልክታ ፃዊዒት

ኣብ መቐለ ዩኒቨርሲቲ ብድሕረ-ምረቃ ዲፕሎማ ብኣማራጺ መምህርነት ስልጠና ፕሮግራም ንዝተመርጽኩም ኣመልከቲ

ብመሰረት ሚኒስቴር ትምህርቲ ብዘውፀኦ መምርሒ ፤ኣብ መቐለ ዩኒቨርሲቲ ን2018 ዓ.ም ብድሕረ-ምረቃ ዲፕሎማ ብኣማራጺ መምህርነት ስልጠና ፕሮግራም ንዝተመርጽኩም ናይ ኬሚስትሪ፣ ፊዚክስ፣ ሒሳብ፣ ባዮሎጂን እንግሊዝኛን ኣመልከቲ፤ ናብ ዩኒቨርሲቲ ሪፖርት እትገብሩሉ ግዘ ቀዳም መጋቢት 05/2018 ዓ.ም ምዃኑ ፈሊጥኩም ኣብ ዓይናለም (MIT) ካምፓስ ብኣካል ክትረኽቡ ነተሓሳስብ።

መተሓሳሰቢ፦

ናብ ዩኒቨርሲቲና ክትመጹ ከለኹም እዞም ዝስዕቡ ከተማልኡ ይግባእ፦

➥ናይ ቀዳማይ ዲግሪ ኦሪጅናል ሰርቲፊኬትን ትራንስክሪፕትን (ዋናኡን Scanned Softcopyን)

➥ናይ ውልቀ መሳርሒታት፣ ክዳን ለይቲ፣ ናይ መተርኣስ ጨርቅን ሰፈር መተርኣስን ምሓዝ።

➥ካብቲ ዝተጠቐሰ ናይ ምዝገባ ግዘ ቀዲሙ ወይ ደንጉዩ ንዝመጽእ ከምዘይንተኣናግድ ነተሓሳስብ።

ሬጅስትራርን ኣልሙናይ ዳይሬክቶሬትን መቐለ ዩኒቨርስቲ

@tigrayuniversity1

#NGAT_Result

ለካቲት 04/2018 ዓ.ም. ዝተወሃበ 2ይ ዙር ሃገራዊ ናይ ድሕረ-ምረቃ ፕሮግራማት መእተዊ ፈተና (NGAT) ውፅኢት ተለቒቑ ኣሎ።

ውፅኢትኩም ንምርኣይ 👇
https://result.ethernet.edu.et
ነቲ ሊንክ ምስ ፀቐጥኩም 'NGAT Results' ኣብ ዝብል 'View Results' ዝብል
ብምፅቃጥን Username ብምእታውን ውፅኢትኩም ርኣዩ።

@tigrayuniversity1

ናይ ሰላም ድምፂ ንሰምዓሉ ባሕቲ ይግበረልና !

ስኢኑ ነይሩ ረኪቡ፣
ተጨኒቁ ነይሩ ተሓጊሱ፣
ሓሚሙ ነይሩ ድሒኑ ንምባል የብቀዐና!

ፅቡቅ እምበር ሕማቅ ዘይንሰምዓሉ ወርሒ ይግበረልና!

ቡሩክ ባሕቲ!

@tigrayuniversity1

ብተወሳኪ ሓላፊ እቲ ቢሮ ዶ/ር ኪሮስ ጉዑሽ ኣብ ዝፀሓፎ The federal government’s withholding of Tigray’s constitutionally allocated budget contravenes the principles of constitutional equity and fiscal federalism, as well as the commitments outlined in the Pretoria Agreement (Cessation of Hostilities Agreement) aimed at postwar recovery and service delivery.

This action directly undermines children’s fundamental right to education, impedes progress toward the Sustainable Development Goals (particularly SDG 4 on quality education), erodes postwar recovery gains, and jeopardizes the long term stability of Tigray and the broader region.

We urgently call upon our international partners to provide emergency financial support to bridge this gap and to exert diplomatic advocacy ensuring the federal government immediately and fully releases Tigray’s allocated budget.

ፌዴራላዊ መንግስቲ ነቲ ብሕገ-መንግስቲ ንትግራይ ዝተመደበ ባጀት ምዕጋቱ፣ ሕገ-መንግስታዊ ማዕርነትን ፋይናንሳዊ ፌዴራሊዝምን ዝጻረር እዩ። ብተወሳኺ ድማ፣ ምስቲ ንዳግመ-ሕውየት ድሕሪ ኲናትን ቀረብ ኣገልግሎታትን ዝዓለመ ስምምዕ ፕሪቶርያ (ስምምዕ ደው ምባል ተጻብኦታት) ዝተኣተወ ቃል ዝገሃስ እዩ።

እዚ ስጉምቲ እዚ፣ ንመሰረታዊ መሰል ትምህርቲ ህጻናት ብቐጥታ ዝሃስይ፣ ነቲ ናብ ሸቶታት ቀጻሊ ልምዓት (ብፍላይ ሸቶ 4 - ጽሬት ዘለዎ ትምህርቲ) ዝግበር ስጉምቲ ዝዕንቅፍ፣ ነቲ ድሕሪ ኲናት ዝተረኸበ ዓወታት ዳግመ-ሕውየት ዘባኽን፣ ከምኡ’ውን ንናይ ነዊሕ እዋን ምርግጋእ ትግራይን መላእ እቲ ዞባን ኣብ ሓደጋ ዘውድቕ እዩ።

ኣህጉራውያን መሻርኽትና ነዚ ክፍተት እዚ ንምሽፋን ህጹጽ ናይ ፋይናንስ ሓገዝ ክገብሩልናን፣ ፌዴራላዊ መንግስቲ ነቲ ንትግራይ ዝተመደበ ባጀት ብቕጽበትን ብሙሉእን ንክፍንዎ ድማ ዲፕሎማስያዊ ጸቕጢ (Advocacy) ክገብሩ ብህጹጽ ንጽውዕ ኢሉ።

@tigrayuniversity1

#ሁፁፅ ፃዊዒት ካብ ቢሮ ትምህርቲ ትግራይ
ስርዓተ ትምህርቲ ትግራይ ንምፍራስ ዘስግእ ዘሎ ከቢድ ናይ ፋይናንስ ቅልውላው፦

ብዙሓት መምሃራን ትግራይ ኣብዚ ሕጂ እዋን መሃይኦም ክክፈሉ በዘይ ምክኣሎም ንስድራቤቶም ክምግቡ፣ ክራይ ገዛ ክኸፍሉ ወይ መሰረታዊ መድሃኒት ክገዝኡ ኣብ ዘይኽእሉሉ ደረጃ ብምብጽሖም፣ እዚ ኩነታት ኣብያተ ትምህርቲ ንክዕጸዋ የፈራርህ ኣሎ። ብምባል

ኣብዚ ወሳኒ እዋን፣ ነዚ ዝስዕብ ህጹጽ ሓገዝኩም ብኽብሪ ንሓትት፦

1,ውሳነ ሰብ-መዚ ንምልዕዓል (Advocacy)፦ ምስ ዝምልከቶም መሻርኽቲ፣ ፌዴራላዊ መንግስቲ ኢትዮጵያ ሓዊሱ፣ ዘለኩም ጽልዋ ተጠቒምኩም እቲ ንትግራይ ዝተመደበ ባጀት ብቕጽበትን ብሙሉእን ንክፍነወላ ጸቕጢ ንምግባር።

2. ህጹጽ ናይ ፋይናንስ ሓገዝ፦ ደመወዝ መማህራን፣ መሰረታዊ ስርሓት ኣብያተ ትምህርትን ኣገደስቲ ናውቲ ትምህርትን ንምሽፋን ዘኽእል ናይ መሳጋገሪ እዋን ባጀት (Bridging funds) ንምቕራብ። ከምዚ ዓይነት ሓገዝ ኣብያተ ትምህርቲ ንከይዕጸዋ ንምክልኻልን ኣብዚ ዘይተረጋገጸ እዋን ትምህርቲ ደቅና ንክቕጽል ንምግባርን ይሕግዝ።

ሙሉእ መልአክቲ እቲ ቢሮ ብእንግሊዘኛ ኣብ👆 ላዕሊ ኣታሓሒዝናዮ ኣለና።

@Tigrayuniversity1

ሚኒስቴር ትምህርቲ ኣብ ኣህጉራዊ ኣብያተ ትምህርቲ ንዝተዳለወ ሓድሽ መምርሒ ናይ ምስጋገር ግዜ ክህብ ምዃኑ ተሰሚዑ።

እቲ ሚኒስቴር ኣብ ኣህጉራዊ ኣብያተ ትምህርቲ ተግባራዊ ንምግባር ኣብ ዝሓሰቦ ሓድሽ መምርሒ ዙርያ ዝተፈጠረ ዘይምርዳእ ንምፍታሕ፡ ናይ ክልተን ሰለስተን ዓመታት ናይ ምስጋገር ግዜ ክህብ ከም ዝኽእል ምልክታት ሂቡ ኣሎ።

እቲ መምርሒ፡ ኣህጉራዊ ኣብያተ ትምህርቲ (International Schools) ሃገራዊ ስርዓተ ትምህርቲ (ካሪክለም) ማለት እውን ትምህርትታት ታሪክ፡ ቋንቋን ስነ-ዜጋን ከጠቓልሉ፡ ከምኡ’ውን ብዝሒ ተምሃሮኦም እንተወሓደ 30 ሚእታዊት ወጻእተኛታት ክኾኑ ዘገድድ እዩ።

ይኹን እምበር፡ እቶም ኣህጉራዊ ኣብያተ ትምህርቲ እቲ መምርሒ ብሓንሳብ ተግባራዊ ምዃኑ ኣብ ተምሃሮን ወለድን ምትእጉጓል ክፈጥር እዩ ብዝብል ጥርዓኖም ኣቕሪቦም ኔሮም።

ሚኒስተር ትምህርቲ ፕሮፌሰር ብርሃኑ ነጋ ምስ መዳርግቲ ኣካላት ኣብ ዝሓለፈ ሰሙን ኣብ ዝገበርዎ ዘተ፡ እቲ መምርሒ ዘይቅየር ምዃኑ ገሊጾም እዮም።
ብምዃኑ እውን እቶም ኣብያተ ትምህርቲ ባዕሎም ክዳለዉ ናይ ምስጋገር ግዜ ክፍቀድ ከም ዝኽእል ምዝራቦም፡ ጋዜጣ ካፒታል ንምንጭታቱ ብምጥቃስ ጸብጺቡ።

እቶም ኣብያተ ትምህርቲ ትሕዝቶኦም ምስ ሃገራዊ ስርዓተ ትምህርቲ እንተተዓረዩ እኳ፡ ቋንቋ መምሃሪኦም ግን ከም ቀደሙ ብእንግሊዝኛ ክቕጽል ከም ዝፍቀደሎም ጋዜጣ ካፒታል ካብቲ ሚኒስቴር ትምህርቲ ኣረጋጊጹ ኣሎ።

@tigrayuniversity1