Tigray-University(ሓበሬታ)

#COC ሃገራዊ ናይ መምህራንን መሪሕነት ኣብያተ ትምህርትን ናይ ሞያ ፍቓድ ብቕዓት መዘና (COC) ጸባሕ ሰኑይ ክወሃብ እዩ። እቲ ናይ ጽሑፍ መዘና ጽባሕ መጋቢት 28/2018 ዓ.ም ንጉሆ ሰዓት 2:00 ጀሚሩ ከምዝወሃብ ተገሊጹ ኣሎ። ንመምህራን ዝወሃብ መዘና፡ ኣብ ዘምህርዎ ዓይነት ትምህርትን ትሕዝቶ ደረጃ ክፍሎምን ተመርኲሱ ዝተዳለወ ኮይኑ ሜላታት ምምሃር (Pedagogy) እውን ዘጠቓለለ ምዃኑ ተሓቢሩ። ንመሪሕነት ኣብያተ ትምህርቲ ዝወሃብ መዘና ድማ ኣብ ፖሊሲታት ስርዓተ ትምህርቲ፣ ክእለት መሪሕነት ኣብያተ ትምህርቲ፣ ምምሕያሽ ኣብያተ ትምህርትን ተመሳሰልቲ ትሕዝቶታትን ዘተኮረ ምዃኑ ተገሊጹ። ተመዘንቲ/ተፈተንቲ ኣብ ዝተመደቡሉ መዘና ጣብያ፣ ማእከል ወይ ዩኒቨርሲቲ ናይ መእተዊ ካርድ (Admission Card) ን መንነቶም ዝገልጽ መታወቂያን ሒዞም ክርከቡ ይግባእ። @tigrayuniversity1

8ይ ሰንበት በዓለ_ሆሳዕና (ሆሼዕ-ናህ - Hosanna)✝ ➢እዛ ቅድስት ዕለት እዚኣ’ውን ከምተን ዝሓለፋ ሰናብቲ ብናይ ቤተክርስቲያን ሊቅ ቅዱስ ያሬድ "ሆሳዕና" ተብሂላ ዝተሰምየት ክትከውን ከላ፤ ብዛዕባ ምእታው ጎይታናን ኢየሱስ ክርስቶስ ካብ ቤተ ፋጌ ናብ ኢዮሩሳሌም ዝንገረሉ መዓልቲ እዩ። "ሆሳዕና" ዝብል ቃል "ሆሼዕ-ናህ" ካብ ዝብል ዕብራይስጥኛ ዝመፀ እንትኸውን "ኦሎሚ ኣድሕን/ሐዚኣድሕን" ከም ማለት እዩ። ሆሳዕና ካብቶም 9 ዓበይቲ ናይ ጎይታ በዓላት ሓደ እንትኸውን ብፍላይ ድማ ኣብ #ኣኽሱም_ጽዮን ብፍሉይ መልክዑ ይኽበር። "ሆሳዕና ብኣርያም! እቲ ብስም እግዚኣብሔር ዝመጽእ ብሩኽ እዩ። ማቴ 21:9ኣብቲ ንስቅለት ዘብጽሕ ናይ መወዳእታ ሰንበት ዓቢይ ጾም፡ ቅድስት ቤተ ክርስቲያንና በዓል ሆሳዕና ብኽብሪ ተኽብሮ። እዚ ዕለት እዚ ጐይታናን መድኃኒናን ኢየሱስ ክርስቶስ ትንቢት ነቢያት ንምፍጻም፡ ብትሕትና ኣብ ኣድጊ ተሰቂሉ ብምስጋና ሕጻናትን ኣዕሩግን ናብ ኢየሩሳሌም ዝኣተወሉ ዝኽሪ እዩ። ማቴ 21 ናብ ኢየሩሳሌም ምስ ቀረቡ ኣብ ጥቓ ደብረ ዘይቲ ናብ ዘላ ቤት-ፋጌ ምስ መጹ፡ ሽዑ ኢየሱስ ካብ ደቀ መዛሙርቱ ኽልተ ለኣኸ። 👉 ኣብቲ ቦታ እዚ ምስ በጽሐ ንኽልተ ደቂ መዛሙርቱ “ኣብ ቅድሜኹም ናብ ዘላ ዓዲ ኪዱ። ኣብኡ እስርቲ ኣድጊ ምስ ዒሉኣ ክትረኽቡ ኢኹም ፈቲሕኩም ከኣ ኣምጽኡለይ። ዝኾነ ሰብ ሓደ ነገር እንተ በለኩም «ጎይታ ይደልዮም ኣሎ ፀኒሑ ድማ ክሰዶም እዩ በልዎም» ኢሉ ለኣኾም! (ማቴ 21:3) ሐዋርያት ድማ ነታ ተኣሲራ ዝጸንሐት ኣድጊ ምስ ዒሉኣ ኣምጽእሉ። እታ ዓባይ ኣድጊ ናይ ኣዳም ምሳሌ ክትከውን ከላ እታ ዒሉ ከኣ ናይ ደቂ አዳም ምሳሌ እያ። "ፈቲሕኩም ኣምጽእለይ" ምባሉ ድማ እንሆ ኣዳምን ደቁን ካብ ማእሰርቲ ሓጥያት፣ ካብ ግዝኣት ዲያብሎስ ነጻ ዝወጽሉን ዝፍትሕሉን ጊዜ ከም ዝኣኸለ እንትገልፅ ፤ ነታ ኣድጊ ፈቲሖም ከም ዘምጽእዋ ድማ ሎሚ እውን ካህናት ኣቦታት ካብ ማእሰርቲ ሓጢኣትና ከምዝፈትሑና ምስጢራዊን ተምሳሌታውን ቃል እዩ። "ጎይትኦም ይደልዮም ኣሎ" ዝበሎ ድማ ፈጣሪ ስለዝኾነ ንኣድጊ ዝፈጠረ ኣምላኽ ‹እንታይን ናበይን ደሊኻየን?› ክብሎ ዝኽእል ከምዘየለን፣ ንዓና እውን ከምኡ ከዝምደልየና ንምግላጽ ዝተዛረቦ እዩ። 👉 ድሕሪ እዚ ነታ ኣድግን ነታ ዒሉኣን ኣምጽእሉ ክዳውንቶም ድማ ኣብ ዝባነን ጎዝጎዝሉ። ኢየሱስ ከዓ ደየበ። እቶም ህዝቢ ድማ ብምልኦም ክዳውንቶም ኣንጸፉ፣ ካልኦት እውን ካብ ኣእዋም ጨንፈር እናሰልዑ ኣብቲ መንገዲ ይንስንሱ ነበሩ። እቶም ቀቅድሚኡ ዝኸዱ ደድሕሪኡ ዝስዕቡ ህዝቢ ከዓ፣ «ሆሳዕና  ንወዲ ዳዊት እቲ ብስም እግዚኣብሔር ዝመጽእ ብሩኽ እዩ፣  ሆሳእና ኣብ ኣርያም» እና በሉ ይጭርሑ ነበሩ (ማቴ21፡1-9) እዚ ከኣ ኣቐዲሙ ነቢይ ዘካርያስ «ንጓል ጽዮን፥ እንሆ ንጉስኪ ለዋህ ኣብ ኣድግን ኣብ ገልገል ኣድግን ተፅዒኑ ናባኺ ይመጽእ ኣሎ በልዋ» (ዘካ9፡9) ህጻናት እውን ንጎይታ «ሆሳዕና» እናበሉ እንትዝምሩ ሪኦም ኣይሁድ ተናደዱ። ጎይታ ግና "ካብ ኣፍ ቈልዑን ዝጠብውን ምስጋና ኣዳለውኻ ዝብል (መዝ 8:2) ኣይንበበሎሙን ዶ?" ብምባል ምስጋና ዝግበኦ አምላክ ከም ዝኾነ አረጋገፀ። በዚ ሆሳዕና ናይ ዝማሬን ብፍላይ ድማ ናይ ሕፃናት በዓል ኾይኑ። ካብዚ በዓል እንታይ ንምሃር? ትሕትና፦እቲ ኣብ ልዕሊ ኪሩቤል ዝቕመጥ ኣምላኽ፣ ንዓና ሰላም ንምሃር ብትሕትና ኣብ ኣድጊ ተወጢሑ መጸ። ዘካ 9:9 ምፍታሕ እሱራት፦ከምቲ ጐይታ ነታ ዝተኣሰረት ኣድጊ ፈቲሖም ከምጽኡሉ ዝኣዘዘ፣ ሎሚውን ንሕና ካብ ማእሰርቲ ሓጢኣት ሓራ ክንወጽእ ይፅውዓና ኣሎ። ምስጋና፦ከምቶም ንጹሃን ህጻናት፣ ንሕናውን ብልቦናን ብግብርን ንኣምላኽና ነመስግኖ። ንንሕና’ውን ከምቲ ዝግባእ ንኣምላኽና እናመስገንና ክንነብር ቅዱስ ፍቓዱ ይኹነልና። ብተወሳኪ ሎሚ ዕለት መድኃኔዓለም ⓶❼ ናይ ዓመቱ በዓል እዩ። ብሓፈሻ ድርብ በዓል እዩ። እንኳዕ ብሰላም ኣብፀሐና! @tigrayuniversity1

#ExitExam ሚኒስቴር ትምህርቲ ናይ 2018 ዓ.ም ካልኣይ ዙር ሕጹያት ተመረቕቲ ቀዳማይ ዲግሪ መውጽኢ ፈተና (Exit Exam) ኣብ ወርሒ ሰነ ንምሃብ መዲቡ ኣሎ። ኣብቲ ብሓላፊ ደስክ ኣገልግሎት ናይ ግሊ ላዕለዎት ትካላት ትምህርቲ እቲ ሚኒስቴር ብዝኾኑ ዶ/ር እዮብ ኣየነው ተፈሪሙ፡ ብዕለት 24/07/18 ዓ.ም ናብ ኩሎም ናይ ግሊ ላዕለዎት ትካላት ትምህርቲ ኣብ እተላእከ ሰርኩላር (ዑደት-ደብዳቤ)፤ እቶም ትካላት ኣብ ወርሒ ሰነ 2018 ዓ.ም መውጽኢ ፈተና ዝወሃበሎም ፕሮግራማትን ሕጹያት ተመረቕትን ከምኡ’ውን ንፈለማ እዋን መውጽኢ ፈተና ዝወሃበሎም ፕሮግራማት ብምፍላይ፡ ብመሰረት እቲ ተተሓሒዙ ዘሎ ቅጥዒ ክሳብ ሚያዝያ 02/2018 ዓ.ም ብኢሜይል ኣድራሻ [email protected] ክሰዱ እቲ ሚኒስቴር ሓቲቱ ኣሎ። @tigrayuniversity1

#ፈተና_12ተ_ክፍሊ ምልክታ🔔 ኣገልግሎት ምዘናን ፈተናታትን ትምህርቲ፡ ኣብ 2018 ዓ.ም ዘበነ ትምህርቲ ዝወሃብ ሃገራዊ ፈተና 12 ክፍሊ፡ ዝዳለወሎም ዓይነት ትምህርትታትን ደረጃ ክፍልታትን ኣፍሊጡ ኣሎ። ብመሰረት እዚ፦ 1,ፈተና ዝወሃበሎም ዓይነት ትምህርትታት ኣብ  ተፈጥሮ (Natural Science)፤ እንግሊዝኛ፣ ሒሳብ፣ ስኮላስቲክ አፕቲትዩድ (Scholastic Aptitude)፣ ባዮሎጂ፣ ኬሚስትሪን ፊዚክስን ክኾኑ ከለዉ፤ ኣብ  ማሕበራዊ (Social Science) ድማ እንግሊዝኛ፣ ሒሳብ፣ ስኮላስቲክ አፕቲትዩድ፣ ታሪክ፣ ጂኦግራፊን ኢኮኖሚክስን እዮም። 2,እቲ ፈተና ኣብ ነፍሲ ወከፍ ዓይነት ትምህርቲ ካብ 9ይ ክፍሊ ክሳብ 12ተ ክፍሊ ዘለዉ ኩሎም ምዕራፋት ዝሽፍን ይኸውን። ኣቀራርባ እቲ ፈተና ን9ይ ክፍሊ ብዝምልከት፡ ኣብ ናይ ቀደምን ሓድሽን ስርዓተ ትምህርትታት ዘለዉ ናይ ሓባር ትሕዝቶታት (Common Contents) ዘተኮረ ክኸውን እዩ። ካብ 10ይ ክሳብ 12ይ ክፍሊ ዘሎ ትሕዝቶ ድማ ኣብቲ ሓዱሽ ስርዓተ ትምህርቲ ጥራይ ዝተመርኮሰ ይኸውን። ይኹን እምበር፡ ዓይነት ትምህርቲ ኢኮኖሚክስ ብመሰረት ሓዱሽ ስርዓተ ትምህርቲ ኮይኑ ካብ 10ይ ክሳብ 12ተ ክፍሊ ዘሎ ትሕዝቶ ጥራይ ዝሽፍን ይኸውን። ምቅዳሕን ስርቂ ፈተናን  ብሓባር ንከላኸል! ኣገልግሎት ምዘናን ፈተናታትን ትምህርቲ

እዚ ሓበሬታ 12ተ ክፍሊ ንዝፍተኑ ኣሕዋትኩሙን መሓዝትኩምን share ግበርሎም።

@tigrayuniversity1

For the fastest 24/7 updates and analysis on the Iran war, join @geopolitics_prime. በኢራን ጦርነት ላይ ፈጣን የ24/7 ዝማኔዎችን እና ትንታኔዎችን ለማግኘት @geopolitics_primeን ይቀላቀሉ።

#ETA በዓል መዚ ትምህርትን ስልጠናን፡ ነቲ ዝተመሓላለፈ ውሳነ ኣብ ግብሪ ዘየውዓሉን ኣብ ዓውዲ ላዕለዋይ ትምህርቲ ተዋፊሮም ዝርከቡን 52 ትካላት ስጉምቲ ንክውሰደሎም ሓቲቱ። እቲ በዓል መዚ ብዕለት 16/07/2016 ዓ.ም ንኹሎም ኣብያተ ጽሕፈት ርእሰ መምሕዳር ብሔራዊ ክልላዊ መንግስታት፣ ንቤት ጽሕፈት ከንቲባ ምምሕዳር ከተማ ኣዲስ ኣበባ፣ ንቤት ጽሕፈት ከንቲባ ምምሕዳር ከተማ ድሬዳዋ፣ ንኹሎም ቢሮታት ፍትሒ ብሔራዊ ክልላዊ መንግስታትን ምምሕዳር ከተማታትን፣ ንኹሎም ኣብያተ ጽሕፈት ኮሚሽን ፖሊስ ብሔራዊ ክልላዊ መንግስታትን ምምሕዳር ከተማታትን፣ ንኣብያተ ጽሕፈት ኮሚሽን ሲቪል ሰርቪስ ምምሕዳር ከተማታትን ከምኡ እውን ንኹሎም ቢሮታት ንግዲ ብሔራዊ ክልላዊ መንግስታትን ምምሕዳር ከተማታትን ብዝጸሓፎ ደብዳቤ ኣብቶም ትካላት ስጉምቲ ንክውሰድ ሓቲቱ ኣሎ። እቶም ናይ ላዕለዋት ትካላት ትምህርቲ ናብ ስርዓት ዳግመ ምዝገባ ብዘይምእታዎም ምኽንያት ካብ ዓውዲ ላዕለዋት ትካላት ትምህርቲ ንክወጹ ዝተኣዘዙ ምዃኖም ተገሊጹ። እቶም ትካላት ኣርባዕተ ግዜ ብተሌፎን ከምኡ እውን ሓደ ግዜ ብኣካል ቀሪቦም ንከረድኡ ጻውዒት ተገይሩሎም እኳ እንተነበረ፡ ዝድለ መስፈርትን ከይድን ብምምላእ ካብቲ ዓውዲ ትምህርቲ ዘይወጹ ምዃኖም እቲ ደብዳቤ የረድእ። ስለዚ፡ "እቶም ትካላት ነቲ ዝተመሓላለፈ ውሳነ ተግባራዊ ብዘይምግባሮም ሕጋዊነቶም ዝተቋረጸ ስለዝኾነ፡ ኣብ ዓውዲ ላዕለዋይ ትምህርቲ ተዋፊሮም ኣብ ዜጋታት ጉድኣት ንከየብጽሑ ኣገልግሎት ላዕለዋይ ትምህርቲ ምሃብ ንከቋርጹ ንክትገብሩ፡ ከምኡ እውን ክሳብ ሕጂ ዘብጽሕዎ ጉድኣት እንተሃልዩ ብምፍታሽ ኣድላዪ ሕጋዊ ስጉምቲ መአረምታ ንክውሰደሎም" ዝርዝር ኣስማት እቶም ትካላት ብምትሓዝ እቲ በዓል መዚ ሓቲቱ። (ምሉእ ሽም ዝርዝር 👆ኣሎ) @tigrayunivetsity1

⚠️  ተጠቀሙሉ 🌈 ንኩላኩም ናይ University ተምሃሮ!  ብጣዕሚ ክሕግዘኩም እዩ ➱ መዓልታዊ post ዝግበር እንተተከታቲልኩም ብቀሊሉ ቋንቋ ክትለምድሉ እትክእሉ  Channel እዩ ።    ➔ ኣብቲ Channel ብ ዝተፈለየ መንገዲ ዝቀርብ  ⁻   ናይ ፈተና ሕቶታት ( Quiz ) ፣  Idiom (ፈሊጣዊ ኣዘራርባ)  ፣  Dialogue (መዓልታዊ ዝርርብ) ፣ Phrasal Verbs (ሓረጋዊ ግሲ)    ፦  ብቀሊሉ ክትመሃርሉ እትክእሉ   ➱ ብተወሳኪ ከዓ Listening (ምድማፅ)   እና   Speaking (ምዝራብ)  Test   ኩላኩም እትሳተፋሉ Channel እዩ ።   ➱ ብርግፀኝነት ነዚ Channel እንተተከታቲልኩም ብቀሊሉ English Grammar ፣ ምዝራብ ፣ ምድማፅ  ብቀሊሉ ክተማዕብሉ ኢኩም ።   📒 ሕዚ ኣቲኩም Post ዝተገበራ (Quiz) English  ኣለዋ ሞክርወን።👇         https://t.me/AZenglish_Ethio55/95

#Adigrat_university ዩኒቨርስቲ ዓዲግራት 167 ተምሃሮ በዚ ዕለት ኣመሪቑ ! ዩኒቨርስቲ ዓዲግራት ብዝተፈላለዩ ሞያታት ከሰልጥኖም ዝፀንሐ 167 ተምሃሮ በዚ ዕለት ኣመሪቑ ። ካብ መንጎ ተመረቕቲ 16 ዶኳትር ሕክምና እዮም ። ኣብቲ ስነ ስርዓት ምረቓ ዘረባ ዘስምዑ ፕረዚደንት ዩኒቨርስቲ ዓዲግራት ዶክተር ገብረሚኪኤል ወልደገብርኤል ከም ዝበልዎ ፣ ካብ ዝምስረት 14 ዓመታት ኣቑፂሩ ዘሎ እቲ ዩኒቨርስቲ በዚ ዕለት ንዝምረቑ ዘለው ተምሃሮ ሓዊሱ ኣብ ዝተፈላለየ ግዜ ልዕሊ 27,000 ተምሃሮ ኣምሂሩ ከም ዘመረቐ ኣረዲኦም ። ዩኒቨርስቲ ዓዲግራት ኣብ ትግራይ ብዘጋጠመ ጀኖሳይዳዊ ኵናት ከቢድ ጉድኣት ካብ መንጎ ዝበፅሖም ላዕለዋይ ትካል ትምህርቲ ሓደ እዩ ዝበሉ ዶክተር ገብረሚኪኤል ፣ ኮይኑ ግና እቲ ዩንቨርስቲ ንዘጋጠሞ ዕንወትን ጉሕለትን ኢዱ እንከይሃበ ብቐፃልነት ውሽጣዊ ዓቕሙ እናሕወየ ምምሃርን ምምራቕን ኣጠናኺሩ ከም ዝቕፅለሉ ተዛሪቦም ።ክብል ድወት ፅብፂቡ። @tigrayuniversity1