Advertising on the Telegram channel «ከፍልስፍና ዓለም™»

በእሥልምና ሀይማኖትና በmiddle east ፖለቲካ ዙርያ የሚያጠነጥን መጽሐፍ

ይህ ድንቅ መጽሐፍ በመካከለኛው ምስራቅ ያለውን Islamic based politics ምሁራዊ በሆነ መልኩ የሚመዝን ምርጥ ጥናታዊ ጽሑፍ ነው። ጸሐፊዋ ፕሮፌሰር ሰውላ ኢስማኢል፥ ለዘብተኛ ሙስሊም የፖለቲካ ልሂቅ ስትሆን እሥላማዊ የፖለቲካ ርዕዮቶችን በዘመናዊው ዓለም(western) ምልከታ ታስቃኘናለች። አንብባችሁት wow! It deserved my time and my focus እንደምትሉ አልጠራጠርም።

አንብቡት ግብዣዬ ነው።

የራስል ሙግቶች

By:- Anonymous participant!
[አርትዖት:- Ab]


በርትራንድ ራስል ሀይማኖትን ላይ የሚያቀርባቸው ሙግቶች በተወሰነ መልኩ እውነታ ቢኖራቸውም ግልጽ የሆኑ እውነቶችን ጥሰው የሚያልፉ ሀሰተኛ ክሶች ይበዙታል ማለት ይቻላል። ከላይ የተነሱት ነጥቦችን አንድ በአንድ ለማየት እንሞክር:- ይህ የማዋቅረው ሙግት በስሜት ላይ የተመሰረተ ሳይሆን በምክንያት ላይ የተመሠረተ እንደሆነ ለማሳሰብ እወዳለሁ።

​በላይኛው ጽሑፍ የቀረበው ​አንደኛው (የራስል) ሙግት፦

ሃይማኖት ዶግማዎችን በማስረፅ የሳይንስን እድገት አግቷል በሚል የጋሊልዮ የቁም እንደ አብነት ያነሳል። እዚህ ጋር ግን ሳይንስ የበቀለው በሃይማኖት አፈር ላይ መሆኑን ማስመር ያስፈልጋል። ዘመናዊ ሳይንስ በአውሮፓ የበለፀገው "አጽናፈ ዓለም በምክንያታዊ አምላክ የተፈጠረ ስለሆነ፣ የሚገዛበት ቋሚ ሕግ አለው" በሚል እምነት ውስጥ ነው። ኒውተን፣ ኮፐርኒከስ እና ኬፕለር እንዲሁም ሌሎች ብዙ የሳይንስ ፈር ቀዳጅ ሰዎች ሳይንቲስት የሆኑት የእግዚአብሔርን ጥበብ በፍጥረት ውስጥ ለመፈለግ በመነሳታቸው ነው። ለምሳሌ በጽሑፉ የተነሳው ጋሊሊዮን እንውሰድ። የጋሊልዮ ክርክር የሳይንስና የሃይማኖት ፀብ ሳይሆን፣ በወቅቱ በነበረው ሳይንሳዊ ማህበረሰብ (Aristotelian science) እና በቤተክርስቲያን ፖለቲካ መካከል የነበረ ግጭት ነው። ራስል አንድን አጋጣሚ ለይቶ በማውጣት (Cherry-picking) ሙሉውን ታሪክ ጋርዶት የእራሱን አቋም ይዟል።

በሥነ-ምግባር (Morality) ዙርያ የተነሳው ሁለተኛው ​የራስል ሙግት

ራስል:- ሃይማኖታዊ ሞራል ከፍርሃት የሚመነጭ ነው፤ በምትኩ ዓለማዊ ሰብአዊነት (Secular Humanism) የተሻለ ነው ይላል። ያለ መለኮታዊ መሠረት "ሰው መከበር አለበት" የሚለው ሕግ ከየት መጣ? በሳይንሳዊ ዝግመተ-ለውጥ (Evolution) እይታ ጠንካራው ደካማውን መብላቱ "ተፈጥሯዊ" ነው። ደካሞችን የመርዳት ሞራል የመጣው "ሰው በአምላክ አምሳል የተፈጠረ ክቡር ፍጡር ነው" ከሚለው ሃይማኖታዊ መነሻ ነው። ራስል "ምክንያታዊነት" ብቻውን ሞራልን ያቆማል ብሎ ይሞግታል። ነገር ግን ታሪክ እንዳሳየው "ምክንያታዊነት" ብቻውን ለብዙ ኢ-ሰብአዊ ድርጊቶች (ለምሳሌ፦ Eugenics ወይም የዘር ማጥፋት ሳይንስ) ሽፋን ሊሆን ይችላል።

​በማኅበራዊ ፍትሕ ላይ ስላለው ሚና ዙርያ ያነሳው ሶስተኛው [የራስል] ሙግት

​የራስል ሙግት፦ ሃይማኖት የሥልጣን ተዋረድንና ኢ-ፍትሐዊነትን ያጸናል ይላል። ​ነገር ግን በታሪክ ታላላቅ የነጻነት እንቅስቃሴዎችን የመሩት ሃይማኖተኛ ሰዎች ናቸው። ​ዊልያም ዊልበርፎርስ፦ የባርነት ንግድን በእንግሊዝ ያስቆመው በክርስትና እምነቱ ተገፋፍቶ ነው። ​ማርቲን ሉተር ኪንግ፦ የአሜሪካ የጥቁሮች መብት ትግልን የመራው ከወንጌላውያን አስተምህሮ በመነሳት ነው። ​እነዚህ ሰዎች ሃይማኖትን የተጠቀሙት ሥልጣንን ለማጽናት ሳይሆን፣ ሥልጣን ድሆችንና የተገፉትን ከሌላው እኩል እንዲያገለግል ለማድረግ ነው።

​ስለ ጦርነትና ጥፋት ​ያነሳው አራተኛው [የራስል] ሙግት፦

ሃይማኖት ለጦርነትና ለሰዎች መሰደድ ዋነኛ ምክንያት ነው ይላል።​ ራስል ይህን በጻፈበት ዘመን የታዩት ታላላቅ ጥፋቶች (ናዚዝም እና ስታሊኒዝም) የመጡት ከሃይማኖት ሳይሆን፣ ሃይማኖትን ካገለሉ ርዕዮተ-ዓለሞች ነው። እነዚህ "ዓለማዊ" ሥርዓቶች በግማሽ ክፍለ ዘመን ውስጥ ከማንኛውም የሃይማኖት ጦርነት በላይ በሚሊዮኖች የሚቆጠሩ ሰዎችን ጨርሰዋል። ​ይህ የሚያሳየው ጥፋቱ ያለው በሃይማኖት ውስጥ ሳይሆን፣ በሰው ልጅ የሥልጣን ጥማትና በጭካኔ ውስጥ መሆኑን ነው።

​ስለ ሥነ-ልቦናዊ ጥቅም ያነሳው አምስተኛው [የራስል] ሙግት:-

​የራስል ሙግት፦ ሃይማኖት ተስፋና ፅናትን ቢሰጥም፣ ይህ ግን ከእውነት ይልቅ በፍላጎት ላይ የተመሠረተ (Wishful thinking) ነው ይላል።​ የተግባር ውጤትን ባማከለ ፍልስፍና (Pragmatism) አንድ ነገር "ተስፋና ፅናት" የሚሰጥ ከሆነና በሚሊዮኖች ሕይወት ላይ አዎንታዊ ለውጥ ካመጣ፣ ያ እሴት "ጠቃሚ" (Useful) ነው ማለት ነው። ራስል "ሃይማኖት ጠቃሚ አስተዋጽኦ አድርጓል?" ብሎ ላቀረበው ጥያቄ «የሰጠው ምላሽ አሉታዊ የሆነው፣ ጠቃሚነቱን ከእውነተኝነቱ» ጋር ስላደባለቀው ነው። አንድ ነገር እውነት መሆኑን ለመቀበል ውጤቱን ማየት አንዱ መንገድ ነው።
​
መውጫ:-

ይህ ​የራስል ሙግት ሃይማኖት "ጥቅም የለውም" የሚል ሳይሆን:- "ከጥቅሙ ጉዳቱ ያመዝናል" የሚል ነው። ነገር ግን "ጥቅሙ መሠረታዊ (Foundational) ሲሆን፣ ጉዳቱ ግን በሰው ልጅ ድክመት የመጣ (Abuse) ነው"።
​

የ 20ኛዉ ክፍለዘመን ፈላስፋ እና የስነ ቀመር ሊቅ በርትራንድ ረስል በፃፈዉ እና በ 1927 ለንባብ በበቃዉ መፅሀፉ Has religion made useful contribution to civilization? ሃይማኖት በታሪክ ዉስጥ ለሰዉ ልጆች ሁለንተናዊ መሻሻል ያረጋቸዉን አበርክቶዎች እና ጥፋቶች አያይዞ የሚዳስስ ግሩም መፅሀፍ ነዉ።

በዚህ ፅሁፉ ሃይማኖት ለሰዉ ልጆች ስልጣኔ ቱንቡ የሆነ አወንታዊ አበርክቶ አርጓል የሚለዉን የተለምዶ እሳቤ የሚሞግት ሲሆን የተለያዩ ነጥቦችን በማንሳትም ለማሳየት ይሞክራል።
ሙግቱም ታሪካዊ ዳራዎችን የሞራል ፍልስፍናዎችን ፣ ማህበራዊ ሁኔታ እና ክንዋኔዎችን በሰፊዉ የሚዳስስ ነዉ።

ራስል ሃይማኖት በታሪክ ዉስጥ ለተለያዩ የስነ ጥበብ ዉጤቶች መነሳሳትን እንደፈጠረ በማስፈር የሚጀምር ሲሆን፤ አንድ አንድ ጥንታዊ እዉቀቶች እና ማህበረሰባዊ እሴቶችን በማቆየት ዘንድም የተጫወተዉን ሚና ይገልፃል። ከዛዉ በመቀጠል ግን እነዚህ አበርክቶዎቹ በፈጠራቸዉ እልፍ አእላፍ ጥፋቶች እንደሚዋጡ ማስረዳት ይጀምራል።

ራስል እንደሚለዉም ከሆነ ሃይማኖት የሰዉ ልጆችን የማሰላሰል አቅም እና የሞራል እሴት መሻሻል ዶግማዎችን በማስረፅ፣ሳይንሳዊ ሂደቶችን በማስተጓጎል እና ማህበራዊ ኢፍትሃዊነትን በማስተባበል ወደ ኋላ ጎትቶታል ይለናል። ለዚህም እንደ ምሳሌ የጋሊልዮን እስራት፣የመስቀል ጦርነቶች እና የሃይማኖት መሪዎች ከ ምክንያታዊነት ጋር የነበራቸዉን የከረረ ፀብ ያሳያል።

ዋናዉ የ ራስል ሙግትም ከ ሃይማኖት ሞራላዊ አቋም የሚነሳ ሲሆን ፤ የጥንት ሃይማኖታዊ የሞራል እሳቤዎች ከ ፍርሃት የሚመነጩ እንጂ ከምክንያታዊ የስነምግባር መርሆች የሚመነጩ እንዳልሆኑ አበክሮ ይገልፃል።

ሃይማኖታዊ ዶክትሪኖችም የግለሰብን ንቃተ ህሊና ከማጎልበት ይልቅ የሚያስተምሩት ለ በላይ አካል መታዘዝ እና መገበርን ነዉ ሲል ይገልፃል፤ አክሎም ሃይማኖቶች የሚያስተምሩት በጎ ተግባር ለምሳሌ መረዳዳትን እና አዘኔታን የመሰሉ እሴቶች ከ secular humanistic አቋሞች ላይም ሊነሱ የሚችሉ የስነምግባር ዉጤቶች እንደሆኑ ይገልፃል። ራስልም ምክንያት እና አዘኔታ ላይ የተመሰረቱ የሞራል እሴቶች  ተራማጅ፣ቀጣይነት ያላቸዉ እና ለሰዉ ልጆች ፍላጎት እና ችግር ግብረመልስ የሚሰጡ በመሆናቸዉ ከ መለኮታዊ አካል ተላኩ ከተባሉ ወጥ ትህዛዞች የተሻለ ዉጤት አላቸዉ ሲልም ይገልፃል ።

ራስል ሃይማኖት በማህበረሰቡ ላይ ካስከተለዉ አሉታዊ ተፅህኖ እንደ አንዱ የሚያነሳዉ የሚዛናዊ አስተሳሰብ ዘይቤን ማዛባቱ እና የስልጣን ተዋረዶችን በፍፁምነት ተቀባይነት እንዲኖራቸዉ ማረጉን ነዉ።በዚህም ሃይማኖቶች ጦርነቶችን፣ማህበራዊ ኢፍትሃዊነትን እና የተለዩ እሳቤ ያላቸዉንም አካላት ለማሳደድ እና ለማስወገድ ጥቅም ላይ የዋሉበትን ስፍር ቁጥር የሌለዉ ጊዜያቶችን ያቀርባል። ሃይማኖት አንድ አንዴ ሰዎችን አንድ ለማረግ አስተዋፅኦ አርጎ ቢሆንም ግን ተፅዕኖዎቹ እንዳለ ወግ አጥባቂ፣ለዉጥ ጠል እና የሰዉን ልጆች ህይወትን ሊያሻሽሉ የሚችሉ እሳቤዎችን ገፊ ነበር ሲል ይገልፃል።

ራስል በዛም አላበቃም ሃይማኖት ከሰጣቸው ጥቅምዎች ዉስጥ ሲጠቅስ አንዱ የስነ ልቦናዊ አበርክቶዉ መሆኑን ይደነግጋል እሱም የህይወት ትርጉምን እና በአስቸጋሪ ወቅትም ፅናትን እና ተሰፋን የሚያድሉ ትምህርቶችን ሰጧል ሲል ይገልፃል።በመቀጠል ራስል ስልጣኔም ከሃይማኖታዊ ጎታች ባህሪ በተሻለ ሁኔታ እንዲበለፅግ ገለልተኛ የሞራል እሴቶች(secular morals)፣ሳይንሳዊ አስተምህሮቶች እና ከሃይማኖት ገለልተኛ የሆኑ የስነምግባር መዋቅሮችን ማስፋፋት ይገባል ሲል ያገልፃል።



"Religion has been the principal enemy of moral progress in the world"- Bertrand Russell

«ስለፍቅር ሲባል የተደረገ [ነገር] ከሞራል መመዘኛዎች በላይ ነው! »

Beyond good and evil, Frederick Nietzsche, page 153

#Theosis_mystic@wisdom_wisdom

Art work ; The Ladder of Divine Ascent

Theosis
Orthodox mysticism


"እግዚብሔር ሕይወት ነው ማንም እራሱን ከአምላክ የለየ ራሱን ከሕይወት ይለያል!"
theosis fathers

ቲዮሲስ አንድ አማኝ ከእግዚአብሔር ጋር በክርስቶስ በኩል የሚፈፅመው ውህደት ነው። ይሄ መሰረታዊ ኃሳብ በምስራቃዊው ኦርቶዶክስ ክፍል ጎልቶ የሚነሳ ጥምረት ቢሆንም አነሰም በዛም በብዙ ኃይማኖት ዓምዶች ስር የሚንፀባረቅ አመለካከት ነው። ቲዮሲስ ሁለት የግሪክ ጥምር ቃል ውጤት ነው ፥ Theo (Θεός) → “እግዚአብሔር/አምላክ” ማለት ሲሆን osis (–οσις) →  "ለውጥ ፡ ደረጃ ፡ እድገት" በሚል ይተነተናል። ቲዮሲስ ዋና የመጨረሻ የሕይወት ግብ ከምዕሉ ዘላለማዊ ማንነት ጋር መዋሃድ ነው። ሰው በአምላክ አምላክ በሰው ውስጥ የሚኖርበትን ጎጆ የመስራት ኃይማኖታዊ ልምምድ ነው። አካልና አእምሮን በማንፃት ወደ ቀደመ አዳማዊ ማንነት የመመለስ በዚያ ውስጥ ለመኖር መወሰን ነው ቲዮሲስ! እንደምስራቅ ኦርቶዶክስና ካቶሊክ እምነት መምህራን " በዚች ሕይወት ሰው ትርጉም ተረድቶ ሊኖር የተገባው ቢሆን የሕይወት ፍልስፍናና ይሄ ነው!" እያሉ በተደጋጋሚ ይገልፁታል ፤ ሰው በስተመጨረሻው የሕይወትን ገድል ብቻውን አሸንፎ በእርካት ሊቆም ይፈራልና አንድ የሚጠጋው የድሉ ብስራት የሆነውን አምላክ በስራውና ተግባሩ ጥምረት ማቀፉ ግድ ነው የሚል ኃሳብን ያነሳል። የቲዮሲስ ኃይማኖታዊ ፍልስፍና ምንጭ የቢዛንታይን ስነመለኮታዊ (Byzantine theology - early Christians) እንዲሁም ሚስቲካል ትምህርት 'ውህድ ውጤቶች' ነው የሚሉ መጽሐፍ አሉ። በቢዛንታይን ነገረ መለኮታዊ ትምህርት ስር የሰፈረ አንድ መሪ ዓረፍተነገር አለ " ማንም ከ'እግዚአብሔር ጋር የመዋሃድ' መንገድ ያልተጎዘ የነገረ መለኮት መምህር መሆን አይቻለውም" የሚል ፤ ይሄም እንግዲህ ከቲዮሲስ ፍልስፍና በፊት በቀደሙ የክርስቲያን ሚስቲካል ኃሳቦች ላይ መሰረት እንደነበረው የሚያሳየን ነው። "የእግዚአብሔር ልጅ የሆነው የሰው ልጅ ሆነ፡ ሰው በእርግጥም የእግዚአብሔር ልጅ ሊሆን ይቻለዋልና"
ሊዮንስ ከኢራኒየስ - Against Heresies



Suffering - the transformative Gift

ማንም በዚች ዓለም ሳለ የማይሰቃይበትና ለመከራ የማይታጭበት የሕይወት መድረክ የለም። ሁሉም በተሰፈረለት መጠንና ልክ ከእሳት መካከል ሆኖ ይፈተናል ፤ በቲዮሲስ ፍልስፍና መሰረት ይሄ የስቃይ ደረጃ ሰው ከእግዜር ጋር በመንፈስ እንዲፀና የሚሰጠው የአንድነት ማዕረግ እንጂ ወድቆ እንዲቀር የሚፈረድበት የቅጣት ባሕር መሆኑ አብቅቷል። ሰው እንደማንኛውም ፍጡር በስጋ ፈቃድ ይመራል ነገርግን ግን በእግዚአብሔር "የፀጋ አምላክነት" በክብር በአብ ቀኝ እንዲቀመጥና በመንፈስ እንዲባረክ ተጠርቷል በማለት ቲዮሲስ ያስተምራል። ቲዮሲስ ሰውን ከወደቀበት የእንሰሳ ጠባይ ወደ ቀደመ መለኮታዊ ልዕልናው የሚመለስበት ብቻኛው መንገድወ ነው ፤ ክርስቶስም 'መንገድም ሕይወትም እኔ ነኝ'( ዩሐ 14 ፥ 6) ሲል ያስተማረው ስለዚሁ ሰው ከአብ ጋር ስለሚያደርገው የልጅነትና አባትነት ጥምረት ነው። 'ወደ እረፍት የምትወስደው ደጅ የጠበበች ናትና ማንም ወደዚያ ሊያመራ የሚወድ የዓለምን ስቃይ ሊሸከምና ድል ሊነሳ ይገባዋል!' ይላሉ። መስቀሉን እየተሸከምን በየዕለቱ ከበስተጀርባው ልንከተው የሚገባው ክርስቶስን እንደሆና ሰው በዚች ምድር የሚያሳልፈው ማንኛውም መከራና ግራ መጋባት ከእግዜር የተሰጠው ራሱን የሚጎሽምበት መንፈሱን የሚያነፃበት መሳሪያው እንጂ የሚጎሳቆልበትና የሚያማርርበት መሆን የለበትም። "ክርስቶስ እንደ እኛ ስለ ሰው ሆነ እስኪ እኛም እንደ ክርስቶስ እንሁን፤ እርሱ ስለ እኛ ሰው ስለ ሆነ ስለ እርሱ አምላክ እንሁን። የባሰውን ነገር ሊሰጠን እንደሚችል አስቦ ነበር፤ በድህነቱ ባለጠጎች እንድንሆን ድሀ ሆነ፤ ነፃነታችንን መልሰን እንድንቀበል የአገልጋይ መልክ ያዘ" ሲል ቲዮሲስ ስለክርስቶስ መከራ ያስተምራል።


የቲዮሲስ ውህደት ጉዞ የሚፈፀመው እንደግኖዚዝም 'በእውቀት ድነት ብቻ' አይደለም ፤ ስራና እምነትም ስለተጨመረ አይደለም "በፈጣሪ ምህረትና በሰውልጅ ፈቃድ" የሚፈፀም የመንፈስ ጋብቻ ነው።አስቀድሞ እግዚአብሔርን 'ሰውን በአርያውና መልኩ ፈጥሮታል' አስከትሎም ከሰማየሰማያት ወርዶ ከረከሰበት ዓለም በወልድ በኩል አድኖታልና የቲዮሲስም ውህደት በዚህ መጽሐፍ ቅዱሳዊ አንድምታ ላይ የፀና ነው።የእምነቱ አባቶች እንደሚሉት "አምላክ ሰው ባይሆን ኖሮ ሰው አምላክ መሆን ባልቻለ ነበር፤ ቃል (Logos - λόγος) ስጋን የለበሰው ሰውን በቲዮሲስ (መንፈሳዊ ውህደት) ወደ መለኮት ለመመለስ ነው" ባይ ናቸው። ቲዮሲስ 'መንፈሳዊ ፀዳል ነው' ማንም በሕይወት ፍሬ ከርሲስነትና ወለፈንዲት አቅጣጫ ቢያጣ ክርስትና የሚያቀርበት የፅድቅ መንገዱ ይሄ ብቻ ነው።


. . . .
ዘ - ጥበብ Presented

ሳልቫዶር ዳሊን በጨረፍታ

ሳልቫዶር ዳሊ ሙሉ ስሙ ሳልቫዶር ዶሚኒጎ ፊሊፔ ጃኪንቶ ዳሊ ኢ ዶሜኔች ይባላል ። በግንቦት 11 ቀን 1904 በስፔኗ የካታሎኒያ ክፍለ ሀገር ተወለደ ። እስከ ጥር 23 ቀን 1989 ድረስ በህይወት ኗሯል ። በተለይ የሚታወቀዉ በስነ ስዕል ሙያዉ ይሁን እንጂ ከዚያም ባሻገር በፊልም ፤ በፎቶግራፍ ፤ በቅርፃቅርፅ እንዲሁም በፅሁፍ ስራዎቹ በሃያኛው ክፍለዘመን ንቃተ ልቦና ላይ ከፍ ያለ ሚና ከተጫወቱ እሙር ስብዕናዎች መካከል አንዱ ነዉ ። በስዕል ስራዉ በተለይ እዉነታን እንዳለ ከማሳየትና ከመገልበጥ ተሻግረዉ በሚሄዱ የሱሪያሊዝም እና ኪዩቢዝም የአሳሳል ዘይቤዎች ከአገሩ ልጅ ፓብሎ ፒካሶ ( ስለ ፒካሶ በቅርቡ ረዘም ያለ ፅሑፍ ይኖረኛል ) እኩል ቀጠሎ የሚጠራ የፈጠራ ባለሙያ ነበር ። ከስራዎቹ መካከል በ1931 የሰራዉ " The persistence of memory " በዓብይነቱ ይጠቀሳል ።

ከሳልቫዶር ሀሳቦች ከብዙ በትንሹ እነሆ ፦

ስዕል የኪነ ጥበብ ሃቀኝነት ነዉ ። ምንም የማታለል እድል አይሰጥም ። አንድ ስዕል ወይ ጥሩ ነዉ አሊያም ቀሺም ። አለቀ ። የፍፅምና ፍርሃት አይኑርብህ ፈፅሞ አትደደርስበትምና ። ስህተቶች ሁልጊዜም ሊባል በሚችል ሁኔታ ከቅዱስ ተፈጥሮ ይመነጫሉ ። ልታሻሽላቸዉ አትሞክር ። በተቃራኒዉ ተራቀቅባቸዉ በጥልቅ ተረዳቸዉ ። ከዚህ በኋላ እጅ ልታሳጣቸዉ ትችላለህ ።

የሴትን ልጅ ጉንጭች ከፅጌረዳ አበባ ጋር ያነፃፀረዉ የመጀመሪያዉ ሰዉዬ እርሱ በርግጥም ባለቅኔ ነበር ። የእርሱን አባባል የደገመዉ የመጀመሪያዉ ሰዉዬ ግን ደደብ ነዉ ።

በእዉነተኛ እና በሀሰት ትዝታዎቻችን መካከል ያለዉ ልዩነት ልክ በእንቁዎች መካከል ያለዉን ልዩነት አይነት ነዉ ። ሁልጊዜም የሀሰቶች ናቸዉ እዉነተኛ እና ማራኪ የሚመስሉት ።

የስድስት አመት ልጅ ሳለሁ ምግብ አብሳይ መሆን አማረኝ ። ሰባት ዓመት ሲሞላኝ ደግሞ ናፖሊዎንን ልሆን ፈለግሁ ። ከዚያኑ ጊዜ አንስቶ ነዉ ፍላጎቶቼ በተመሳሳይ ፍጥነት የሚከታተሉት ። ሁልጊዜም ማለዳ ከእንቅልፌ ስነቃ ታሉቁ የደስታ ምንጬ ሳልቫዶ ዳሊን መሆን ነዉ ። ከእርካታ ያለቅጥ መብዛት የተነሳ እንዳልሞት የምሰጋባቸዉ አንዳንድ ቀናት አሉ ።

እኔ የአንድ ሰዉ ምስል ራሱን አስመስዬ አልስልም ። በተቃራኒ ሰዉዬዉ የሳልኩትን ምስል ለመምሰል እንዲጥር እንጂ ።

ብዙ ሰዎች በአርባዎቹ እድሜያቸዉ ዙሪያ ሲያንዣብቡ በርካታ ጊዜያትን ስለሚያጠፉ የሰማንያዎቹን የእድሜ አጥር አይሻገሩም ።

በእኔ እና በአበደ ሰዉ መካከል ያለዉ ብቸኛ ልዩነት እኔ ያለማበዴ ብቻ ነዉ ።

የስህተት ልጆች ሆይ ደስ ይበላቹ

በ አብዲሳ ደፋር

ለምን እንደተፈጠራቹ ጠየቃችሁኝ ልበል? እንግዲያውስ እነግራችዋለው ፣ አብዛኞቻቹ የተፈጠራችሁበት ምክንያት በዋናነት ከ3ቱ አንዱ ከመሆን ውጪ ያለው አማራጭ ጠባብ ነው

- የመጀመሪያዎቹ የፈረደባቹ የደሃ ልጆች ናቹ ፣ ቤተሰቦችህ በራሳቸው ማሳካት ያቃታቸው ሃብታም የመሆን እቅዳቸው ተስፋ እንደሌለው ባወቁ ሰአት ምን አልባት በልጄ ያልፍልኝ ይሆናል በሚል ፣ የቤተሰቦችህ ጉዳይ አስፈጻሚ ሚሊሻ ትሆን ዘንድ የፈጠሩህ ነህ ፣ በሚያሳዝን ሁኔታ ግን አንተም ሆንክ ቤተሰቦችህ የሃብትን ማማ ሳትደርሱበት ነው እምትሞቱት።

- ሁለተኞቹ ጥቂት ስትሆኑ ለከንቱ የተፈረደላቹ የሃብታም ልጆች ናቹ ፣ ቤተሰቦችህ እኔ ስሞት ሃብቴን መንግስት እና ባዳ ከሚወርሰው ለዘሬ ቢተላለፍ ይሻላል ብለው ፣ የሃብት ውክልናንን እሚሰጡት ሰው ፍለጋ የፈጠሩህ ሲሆን ፣ በሚያሳዝን ሁኔታ ሃብታቸውን ሳትወርስ እራስህን ችለህ ካረጀህ በሁዋላ ነው እሚሞቱት ፣ ሃብታቸው ባንተ ሳይሆን በሚስትህ ልጆች ነው እሚወረሰው።

- ሶስትኞቹ ለየት እምትሉት እና አብዛኞቻቹ ስትሆኑ...
እናንተ በስህተት የተፈጠራችሁት ናቹ ... ሃብት ልታደርሱም ፣ ሃብት ልትወርሱም... ታስባቹ አልተፈጠራችሁም ፣ ጭራሹንም አልታሰባችሁም ፣ ሲጀመር ቤተሰቦቻቹ ማሰብም አይችሉም ... የክረምቱ ብርድ ውጤት ብቻ ናቹ ፣ ግን ደሞ ክረምትን በጋ ማረግ እምትችሉትም ናቹ ...

በሚያሳዝን ሁኔታ የእናታቹ የወር አበባ መቆየት ምክንያት እንደሆናቹ ሲታወቅ ድንጋጤም ተፈጥሮ ነበር ፣ መፈጠራቹ ሊፈለግ ይቅርና ጭራሹኑ ያስደነገጠ ነገር ነው ፣ ሊያስወግዷችሁም አቅማምተው ነበር ... ይሄን ጽሁፍ እያነበባችሁ ከሆነ በእርግጠኝነት አላስወገዷችሁም ማለት ነው ... ለምን ይሆን ግን ያላስወገዷቹ? ሃጥያት ነው ብለው ይሆን? ወይ ደሞ “አንዴ ከተሳሳትኩ አይቀር ይወለድ እና ዘሬን ያስቀጥል” ብለውም ይሆናል

የቱም ይሁን የቱ ግን የእናንተ መፈጠር ምክንያት ስህተት ብቻ ነው! ሆኖም ግን በስህተት መፈጠራችሁ የሚሳዝናቹ ከሆነ እናንተ ለሁለተኛ ጊዜ ስህተት ናቹ!
__

እኔ ግን እላችዋለው ፣ እናንተ በስህተት የተፈጠራቹ ሆይ ደስ ይበላቹ ፣ ስህተትነታቹ የትክክሎች ሁሉ ትክክል ነው! የነጻነቶች ሁሉ ነጻነት እናንተ ናቹ ፣ ለመፈጠራቹ ምክንያት አለመኖሩ በራሱ የመፈጠሮች ሁሉ ትልቁ ምክንያት ነው ፣ ያለ ምክንያት ከመፈጠር በላይ ምክንያት የለም ፣ ከእናንተ በላይ ማን እድለኛ አለ? ከእናንተ በላይ ማን ነጻ የሆነ ፍጥረት አለ? ቤተሰብ በሚባል ወፍራም ሰንሰለት ያልታሰራቹ እናንተ የነጻነቶች ሁሉ ነጻነቶች ናቹ ፣ የተፈጠሩበት ምክንያት ድህነት እና ሃብት የሆኑት ሁሉ እሚቀኑባቹ ናቹ -

ለምን? ፣ የምትኖሩለትን ምክንያት የመፈጠር ሙሉ መብት ያለው በእጃቹ ነዋ ፣ እምታሳኩት ህልም የራሳችሁን ነዋ ፣ ህልማችሁን እምታልሙት እናንተ ናችዋ ፣ ሌሎች ባለሙት ህልም ውስጥ ከመኖር በላይ አለመኖር አለን? ሌሎች የጻፉትን የሂወት ልቦለድ ለመተወን ወደ ምድር ከመምጣት በላይ የሂወት ካድሬነት ወደየት አለ?

የእርግማኖች ሁሉ እርግማን የተረገመ ቢኖር እሱ ከምክንያት ጋር የተፈጠረ ሂወት ነው ፣ ፈጣሪ እንደሰው አይደለም እና ለሂወት ምክንያት ሳይሰጥ በነጻነት እንድትፈጠር ሲያረግ ቢተሰቦችህ ግን እምትኖርበትን ምክንያት አዘጋጅተው ያስተናግዱሃል። የቤተሰቦችህንም ህልም ሳታሳካ የራስህንም ህልም ሳትኖር እንዲው ብኩን ሆነህ “የሂወት ትርጉም ምንድን ነው?” እያልክ ታልፋለህ።

እናም እናንተ የስህተት ልጆች ሆይ እምትኖሩት በራሳችሁ የፈጠራችሁትን የሂወት ትርጉም እንጂ ሌላ አደለም እና ፍጥረት ሁሉ ይቀናባችዋል ፣ የሂወታችሁን ትርጉም በራሳቹ እጅ የመጻፍ እድል ያላቹ መሆናቹ ደሞ አለምን መቀየር እሚያስችል ታላቅ አቅም ያላቹ ያረጋችዋልና ከታላላቆቹ ተርታ ስማቹ እሚጻፈው እናንተ ናቹ።

እናንተ ከምክንያት ጋር የተፈጠራቹ ሆይ እናንተ ግን ምክሬን ስሙ ፤ የተፈጠራችሁበት ምክንያት በናንተ እሚሳካ አደለም እና ተስፋ ቁረጡ! የቤተሰባችውንም የህልም ሰንሰለት ቁረጡት ! ለተፈጠራችሁበት ሳይሆን ለፈጠራችሁት ምክንያት ኑሩ፣ የሂወታችሁን ትርጉም እናንትው በራሳቹ እጅ ጻፉት፣ በራሳቹ ህልም ውስጥ የሂወታችሁን ትርጉም ፍጠሩት!

የሂወት ትርጉም ሊኖርለት እሚገባው
ከሌላ አካል ሲሰጥ ሳይሆን
በራስ እጅ ሲፈጠር ብቻ ነው።
የተፈጠራችሁት የምትፈጥሩትን እንጂ
የተጠራችሁለትን ለመሆን አይደለም።

@abdisa_defar