ከፍልስፍና ዓለም™

"የድንቁርና አስተምህሮ ፍሬዉ ሲያፈራ" ዘዉትር ለጉዳይ የምንቀሳቀስበት የአራት ኪሎ መንገድ ሁሌም ሳይቦዝን የሚያሳየኝ አንድ ክስተት አለ፤ እሱም አላፊ አግዳሚዉን እየተከተሉ "አባት ዳቦ ግዛልኝ፣እናት ዳቦ ግዢልኝ"እያሉ የሚጠይቁ በሲቃ ድምፆች የተሞሉ አንድ ፍሬ ህፃናት ናቸዉ። ይህን ሳይ ልጆች የእግዚአብሔር ስጦታ ናቸዉ በሚል ያለ ቅጥ የሚፈለፍለዉ ማህበረሰብ፣ብዙ ተባዙ እያለ ህዝቡ ያለ ልክ እንዲፈለፍል የሚመክረዉ የድንቁርና ተቋም፤ አንዴ ነገርዬዉ ከተፈጠረ ቡሃላም ደሞ በጊዜ መላ እንዳይበጅለት pro life ነን የሚሉ በህይወት እየተሰቃዩ ላሉ አንድ ዳቦ የማይሰጡ ግን ሌላን ተጨማሪ አካል ወደ ስቃይ ለመጨመር የድንቁርና መድብላቸዉን እና መፈክራቸዉን ይዘዉ አደባባይ የሚያጨናንቁ አካላት አይምሮዬ ላይ ይመጣሉ። ሰዎች pro life ነህ pro choice ብለዉ ሲጠይቁኝ ደሜ ይፈላል። በሌላኛዉ ህይወት ላይ እኔን የሚመቸኝን ዉሳኔ እንደሰጥ ልጠየቅ  አይገባም ብዬ ስለማስብ! በዚህም የተነሳ እኔ pro well-being ነኝ፤ ከእኔ አስተሳሰብ እና ልማድ ወይ doctrineዬ ጋር የሚመቸዉ ነገር ሳይሆን ለዛ ልጅ ወይ ፅንስ ምክንያታዊ በሆነ መንገድ የሚበጀዉን ማረግን እመርጣለሁ። መፈጠር ብቻ ስኬት አይደለም፤አንድን ህይወት ወደ አለም እንድትጨመር ስትቀሰቅስ ጎን ለጎን እዛ አለም ላይ እንድትቀጥል የሚያስፈልጋትን ነገር ካላዘጋጀህ pro life ሳትሆን pro suffering ነህ!። መዉለድን ከፀጋ እና ክብር ብሎም ስጦታ ጋር እያያዙ የሚሰብኩ አስተምህሮዎች አፍሪካን የሚሰቃዩ ነብስያዎች ማጎሪያ ካምፕ ማረጋቸዉ ሳያንስ ይህን ክብረወሰን ለማሻሻል ወደ ኋላ ሳይሉ እና አስተምህሮአቸዉን ሳያለሰልሱ እየገፉበት ይገኛሉ፤ የአስተምህሮአቸዉ ዉጤትም የወሊድ መከላከያን የሚጠየፍ እና ፈልፍሎ በማሰቃየት የሚደሰት ማህበረሰብን በስኬታማ ሁኔታ እየፈጠረ ይገኛል። በሚገርም ሁኔታ እነዚህ ሰዎች ያልተወለደ ሽል ደህንነት አጥብቆ ያሳስባቸዋል ፤ይታያቹ ይህ ሽል ህመምን experience ማረግ የማይችል ለንቃተ ህሊና ያልተቃረበ ገና እንጭጭ ፍጡር ነዉ፤በተቃራኒዉ ግን አድጎ የስቃይ ሲሳይ ስለሚሆነዉ ንቃተ ህሊናዉ በፅኑ ስለ ዳበረዉ ፍጡር ይቺን ታህል ደንታ የላቸዉም፤ምክንያቱም እሳቤያቸዉ የሚነሳዉ በተወራረሰ የሺህ ዘመናት አስተምህሮ እንጂ 21ኛ ክፍለዘመን ላይ እንዳለ ነገሮችን አመዛዝኖ እንደሚወስን የሰዉ ልጅ አይደለም። የፅንስ መጨናገፍ የሚያስጨንቅህ ከሆነ ለሚሰቃዩ ነብስያዎችም እጅህን መዘርጋት ልመድ! ጉዲፈቻን የሚፀየፉ ማህበረሰቦች ከሚበዙባት አህጉር ዋነኛዋ አፍሪካ ነች!ከራሳቸዉ የዘር ፍሬ ያልወጣ አካልን እንደ ልጅ መቁጠር የማይችል እና የድርሻዉን መወጣት የማይፈልግ ህዝብ ፅንስ ይዉረድ አይዉረድ ላይ ሲመጣ ግን ጭራዉን ቀስሮ ዉሳኔ ሊሰጥ ይክለፈለፋል! አንድ ፅንስ እንዲወለድ መሞገትህ pro life አያረግህም pro birth እንጂ የዛ ፍጡር የወደፊት መዳረሻ እየታወቀም ወደ ምድር አምጥተህ የሆነ አካል በምታህት የሚገጥመዉን ስቃይ ያሳልፈዋል ብለህ ማሰብህም optimism ሳይሆን የማሰላሰል አቅም ማነስ ነዉ!።

" ከሁሉ በላይ ትልቁ ቁም ነገር በእሳቱ ( በፈተናዉ ) ዉስጥ በምን ያህል ጥንካሬ እንደምትራመድ ማሳየት ነዉ ። " ... ህይወት አሳት ናት ማንም ሰዉ ከእሳቱ አያመልጥም ። ነገር ግን ዋነዉ ነገር በእሳቱ መቃጠልህ ሳይሆን በእሳቱ ዉስጥ ስታልፍ የምታሳየዉ ፅናትና አረማመድ ነዉ ፈተናን በክብርና በጥንካሬ ማለፍ የህይወት ትልቁ ስኬት ነዉ ። ቻርለስ ቡክዉስኪ ( Charles Bukowski ) ይባላል ። የተወለደዉ ጀርመን ነዉ አባቱ አሜሪካዊ ወታደር ሲሆን እናቱ ጀርመናዊት ናት ። የተወለደዉም እ.ኤ.አ በ1920 ነዉ ። በሶስት አመቱ ነዉ ወደ አሜሪካ ወላጆቹ ይዘዉት የሄዱት ያደገዉና ሙሉ ሕይወቱን የኖረዉ እና ያሳለፈዉ ሉሳን ጀለስ ዉስጥ ነዉ ። ስለ ትዉልዱ እና ስለኖረበት ይህን ያዕክል ካልን በቂ ይመስለኛል ። ከግል ህይወቱ ይልቅ ወደ ስራዎቹ ብናተኩር ጠቃሚ ይመስለኛል ። የቡክዉስኪ የአፃፃፍ ስልት ልክ እንደ ከተማዋ ( ሉሳን ጀለስ ) ሻካራ ግልፅና ያልተቀባባ በመሆኑ ትክክለኛ የአሜሪካ የጎዳኖች ድምፅ ተደርጎ ይቆጠራል ። ቻርለስ ቡክዉስኪ በህይወት ዘመኑም ሆነ ከሞተ በኋላ የታተሙለት ስራዎች ከ60 በላይ እንደሆኑ ይነገራል ። ልቦለዶች ፣ ግጥሞች ፣ የአጫጭር ታሪክ ስብስቦች እና ደብዳቤዎች ይገኙበታል ። ቡክዉስኪ የሚፅፈዉ ስለ መኳንንቱ ወይም ስለ ባለ ባለፀጋዎች ሳይሆን በህይወት ስለ ተደበደቡ ፣ ስለ ሰራተኛዉ ክፍል ፣ ስለ ተረሱ ሰዎች እና በድህነት ዉስጥ ስላለዉ ቆሻሻ ህይወት በመፃፉ The poet laureate of low life የሚል ስም ተሰጥቶታል ። እንዲሁም ደግሞ Dirty realism ተብሎ ስለሚጠራዉ የስ-ፅሑፍ ዘዉግ እንደ ፈር ቀዳጅም ይታያል ። ይህ ዘይቤ ህይወትን ምንም ሳይሸፋፍን አንዳንዴም በሚያስፈራ ወይም በሚያስደነግጥ መልኩ በቀጥታ በማቅረብ ይታወቃል ። ቡክዉስኪ አንድን ነገር ለማሳካት የምትፈልግ ከሆነ ሁሉንም ነገር መስጠት እንዳለብህ እንዲህ በማለት ይገልፃል ፦ It you're going to try. go all the way.otherwise don't even start. this could mean losing girlfriends. wives relatives and maybe even your mind it could mean freezing on a park bench. it could mean Jail. it could mean derision. it could mean mockery_isolation.-isolation is the gift. Factotum ቡክዉስኪ እያለን ያለዉ ለዓላማህ ስትል የምትከፍለዉ ዋጋ ( ብቸኝነትና መገለልን ጨምሮ ) ትልቅ ስጦታ መሆኑንና ለዉጤት የሚያበቃዉም እስከ መጨረሻዉ ድረስ መጓዝ ብቻ እንዳለብን እየነገረን ይመስለኛል " መገለል ስጦታ ነዉ " የሚለዉን አባባል ሳንረሳ ። ቡክዉስኪ አንዳንዴ በህይወት ጉዞ ዉስጥ ለሚገጥመን ግራ መጋባት እንዲህ ይለናል ፦ << The problem With the world is that the intelligent people are full of doubts. While the stupid ones are full of confidence.>> The captain is out to lunch ... ይህ ሃሳቡ በሰዎች መካከል ያለዉን የተገላቢጦሽ እዉነታ ያሳያል ። ጥልቀት ያለዉና የሚያስብ ሰዉ ነገሮችን ስለ ሚመረምር ሁልጊዜ ጥርጣሬ ዉስጥ ይገባል ። በሌላ በኩል ግን ምንም የማይገበዉ ሰዉ ሁሉንም እንደሚያዉቅ ሆኖ በራስ መተማመን ይናገራል ። ይህም ዓለምን ለምን ግራ እንደገባት ማሳያ እንደሆነ ይናገራል ። በመጨረሻም ቡኩዉስኪ << ለብቻ መሆን >> ( Solitude ) እና << ብቸኝነት >> ( Loneliness ) የተለያዩ እንደሆኑ የገፀበትን ሃሳብ መቋጫ አድርገን እንጨርሳለን ፦ I've never been lonely.I've been in room. I've felt suicidal. I've been depressed. I've felt awful-awful beyond all - but I never felt that one other person could enter that room and cure what was bothering me. or that any number of people could enter that room_in other words. loneliness in something I've never benn bothered with because I've always hat this terrible itch for solitude. it's being at a party of 100 people and feeling lonely. The pleasure of the damned ቡኩዉስኪ ለብቻ መሆን ( solitude ) እና ብቸኝነት ( Loneliness ) የተለያዩ መሆናቸዉን ያስረዳናል ። ለእርሱ ሰላም የሚገኘዉ በሰዎች መካከል ሳይሆን በራስ ዉስጥ ነዉ ። የሰዎች መብዛት የዉስጥ ህመምን አይፈዉስም ይልቁንም አንዳንዴ ከሰዎች መሃል መሆን ብቸኝነትን ያባብሰዋል ለማለት የፈለገ ይመስለኛል ። ቻርለስ ቡኩዉስኪ ስለ ሞት ፣ ስለ ፍቅር ፣ ስለ ስኬት ፣ ስለ ጥበብ ፣ ስለ ሰብአዊነት ስለ ሌሎች ነገሮችም ብዙ ብሏል ። በእኔ በኩል ግን ጨርሻለሁ ቸር ሰንብቱ!

NOTE:- ፍልስፍና የፍልስፍና ግሩፕ ስለተከፈተ እንደዛር የሚያርፍ ነገር አደለም። ፍልስፍና ጭንቅላት ይጠይቃል! ማንበብ ይጠይቃል! እግዚአብሔር ምናምን በማለት ብቻ ሳይሆን ሙሉ የህይወታችን aspect ይዳስሳል። ስለፍልስፍና የሚያውቅ ሰው ስለየትኛውም ጉዳይ ሲያወራ ይታወቃል! ፍልስፍና በዘመድ በወዳጅነት እንደ ውቃቢ አይሰፍርም። ሌሎችን ደደብ በማለት ማወቅም አይገኝም ፍልስፍና የአይምሮ መዘባረቅ መደበቂያ አይደለም!

ይችን ውድ የሆነች ቁራሽ ህይወት እንደ አብርሃም ቤት የለኝ--እንደ ሙሴ መቃብሬ ላይታወቅ መኖር ግንቦት 2 ለብዙዎቻቹ ተራ ቀን ሊሆን ይችላል ለኢትዮጵያ ስነ-ጽሁፍ ግን ብዕረኛ ያጣንበት እውነትም የተሰወረችበት ጥቁር ቀን ነው--በአሉ ግርማ ከቤቱ ወጥቶ የቀረው ግንቦት 2 ነው ጋዜጠኛም ደራሲም ነበረ ግን ከሁሉም በላይ "ኦሮማይ" ላይ እንደታየው የማይዋጥ እውነትን መትፋት የሚቀናው ደራሲ ነበር ​ብዙ ሰው በአሉን ያደንቀዋል መጽሐፉንም ያነባል--የሚያሳዝነኝ ነገር ቢኖር ደራሲው የከፈለውን ያህል መስዋዕትነት ሀገሪቷ አለመክፈሏ ነው አርባ ሁለት ዓመት ሙሉ የደረሰበት ሳይታወቅ ገዳዮቹም ለፍርድ ሳይቀርቡ እስከ ዛሬ ድረስ "ፍትህ" የሚለው ቃል ለበአሉ ግርማ ባዶ ሆኖ ቀርቷል ቤተሰቦቹ ሐዘናቸውን የሚጨርሱበት አፈር እንኳን አላገኙም ​በአሉን ስናስበው ስለ ድርሰቱ ውበት ብቻ ማውራቱ ዋጋ የለውም ይልቅስ ስለ እውነት የቆመ ሰው መጨረሻው እንዲህ መሆን ነበረበት? የሚለው ጥያቄ ያሳምማል ዛሬም ድረስ የእርሱ ጉዳይ በታሪክ መዝገብ ውስጥ ተቆልፎበት ያለ ፍትህ መቅረቱ ለሀገርም ትልቅ ጠባሳ ነው በአሉ ግርማ በስራዎቹ ቢኖርም በሕግ ፊት ግን አሁንም ፍትህ የናፈቀው ደራሲ ይመስለኛል

ኢትዮ አርሰናል በ 433 ከተሸነፉ በኃላ Report እናደርጋለን ሲሉ 💔.....