Advertising on the Telegram channel «Oromia Education Bureau»

Karaa bot telegram yoo ilaalchu barbaadan hundaaf :- @bekerdotcombot 💠

Here is the current Channel 🫶 👇👇👇👇👇👇👇👇👇

Kunii link biiroo barnoootaa Oromiyaa kana duranittii, link ammaa ittii fayyadaa jiruu isaa kanaadha. http://t.me/Oromiaeducationbureauofficial This a old Oromia Education Bureau link, the currently Oromia Education Bureau linki is http://t.me/Oromiaeducationbureauofficial

Barattoota Manneen Barnootaa Bultii Addaafi Manneen Barnootaa Addaa Sad. 2ffaa Galuuf Galmooftan Hundaaf --------- BBO- 10/12/2017 Biiroon Barnootaa Oromiyaafi Waldaan Misooma Oromiyaa Barattoota Bara 2017 Qormaata Naannoo Kutaa 8ffaa fudhataniifi Ulaagaa dorgommii Manneen Barnootaa Bultii Addaafi Addaa Sad. 2ffaa galuuf isaan dorgomsiisuu guutan galmeessuun ni beekama. Haaluma kanaan, barattootni dorgommiif galmooftan hundi qormaata Seensaaf waamamtaniiru. Qormaatni kan Qophaa'e: #Gosa_Barnootaa:- - Afaan Oromoo - Ingiliffa - Herregaafi - Saayinsii Waliigalaa keessaa yoo ta'u, #Haala_kenniinsa_qabxii ilaachisee, - Qormaatni 80% - Qabxiin Ministirii 15% fi - Tiraansikriiptiin 5% ta'uun beekameera. #Guyyaa_Qormaataa:- Roobii, Hagayya 14/2017 #Sa'aatii Qormaataa:- Ganama Sa'aatii 2:00 irraa eegala #Iddoo_Qormaataa:- Bakka Itti Galmooftan irraa kan argattan ta'a. 💙Oromia Education Bureau 💠 💙Tolaa Bariisoo Gadaa 💠 | |📱Facebook | |📱 WhatsApp | |📱YouTube | |

Fooyya'insa #Qabxii_Kutaa_6ffaafi_8ffaa Sagantaan Tutooriyaalii Gahee Olaanaa Akka Taphate Ibsame. ----------- BBO- Hagayya 12/2017 Qabxiin barattoota kutaa 6ffaafi 8ffaa bara 2017 Qormaata Naannoo fudhatanii qabxii bara 2016 walcinaa qabamee yoo ilaalamu fooyya'insa guddaa agarsiiseera. Fooyya'insa qabxii barattootaa kanaaf sababni isaa #sagantaa_tutooriyaalii_barsiisotni_yeroo_boqonnaa_isaanii_ijoollee keenyaaf kennan irraa kan madde ta'uun beekameera. Barsiisotni qabxii bara 2017 fooyya'e kanaaf #Sanbataafi_Dilbata akkasumas, wayitii boqonaa isaanii barattootaaf tutooriyaalii kennuun barattootni akka ciman taasisuun qabxiin bara 2017 fooyya'eera. Haaluma kanaan, #barattoota_bara_2016 qormaata naannoo kutaa 6ffaa fudhatan keessaa, 81.1% gara kutaa 7ffaa darbuu kan danda'an yoo ta'u, #Bara_2017 immoo, barattootni 85.6% gara kutaa 7ffaa darbaniiru. Kunis fooyya'insa 4.5% agarsiiseera. Haaluma walfakkaatuun, #Barattoota_kutaa_8ffaa #Bara_2016 qormaata naannoo fudhatan keessaa 73.11% gara kutaa 9ffaa kan darban yoo ta'u, #Bara_2017 immoo, barattoota qormaata naannoo fudhatan keessaa 78.7% gara kutaa 9ffaa darbaniiru. Kunis, fooyya'insa 5.59% agarsiiseera. Fooyya'insa #qabxii_kana_Saalan adda baafnee yoo ilaallu: 1) Kutaa 6ffaa #Barattoota_Dhiiraa Kutaa 6ffaa #bara_2016 qormaata fudhatan keessaa 81.18% , #bara_2017 immoo, 86.2% , kunis caalmaa 5.02% kan qabu yoo ta'u, #Barattoota_Shamarran kutaa 6ffaa #bara 2016 qormaata naannoo fudhatan keessaa 80.99% yoo darban, #bara_2017 immoo, 85.1% ta'uun caalmaa 4.11% agarsiisee jira. 2) Kutaa 8ffaa Saalan #Dhiira_bara_2016 qormaata fudhatan keessaa 76.44% kan darban yoo ta'u, #Bara_2017 immoo, 81.7% darbuun fooyya'insa 5.26% agarsiiseera. #Shamarran_bara_2016 qormaata fudhatan keessaa 69.86% gara kutaa 9ffaa kan darban yoo ta'u, #Bara_2017 kan qoraman keessaa immoo, 75.6% darbuun, 5.74%n fooyya'insa agarsiiseera. - #Garaagarummaa_Saala_lamaan_jidduu jiru yoo ilallu: 1) #Kutaa_6ffaa #Bara_2016_barattoota qorman keessaa #dhiirri 81.18% kan darban yoo ta'u, #dubarri 80.99% #garaagarummaan dhiira - dubara jidduu jiru 0.19% kan ture yoo ta'u, #Bara_2017 immoo #dhiirri 86.2% kan darban yoo ta'u, #dubarri 85.1% ta'uun #garaagarummaan gara 1.1% bal'ateera. Kunis, xiyyeeffannoo irratti hojjatamuu qaba. 2) #Kutaa_8ffaa: #Barattoota_Bara_2016 Qormaata fudhatan keessaa #dhiirri 76.44% fi #dubarri 69.86% darbuun #garaagarummaan dhiiraa - dubara jiddu jiru 6.56% kan ture yoo ta'u, #Bara_2017tti immoo, #dhiirri 81.7% #dubarri 75.6% darbuun #garaagarummaan gara 6.1% gadi hir'atullee hojiin cimaan hojjatamuu akk qabu kan agarsiisedha. #Kanaafuu, Garaagarummaa dhiiraa - dubara jidduu jiru fooyyessuuf barattoota dubaraa gahomsuu irratti hawaasni manneen barnootaafi maatiin barattootaa hojii manaa cimaatu nu eeggata. Walumaa galatti, Sagantaan Tutooriyaalii barattootaaf barsiisotni keenya ofkennanii hojjachaa jiran fooyya'insa qabxii barattoota kutaa 6ffaafi 8ffaa irratti mul'ateera. Kanaafuu, barsiisota sagantaa cimsaa kanarratti kutannoon hirmaachaa jiraniif biiroon keenya galata galchaa, barattootni, maatiin barattootaafi hawaasni keenya fooyya'insa bu'aa barachuu barattootaa irratti barsiisota keenya cinaa dhaabbachuun gahee keessan akka baatan dhaamsa keenya ta'a. ♥Barsiisaan_Bu'uura Beekumsaati! 💙Oromia Education Bureau 💠 💙Tolaa Bariisoo Gadaa 💠 | |📱Facebook | |📱 WhatsApp | |📱YouTube | |

#Siistama_Hojiin_Barnootaafi #Barnoonni_Daree Keessaa Itti Cimu Irratti Mariin Gaggeeffame BBO, Hagayya, 2017 Hojiin Baruufi barsiisuu sirnaan akka lafa qabatuuf dandeettii hooggansaafi barsiisaa akka cimuuf toora intarneetii (On-line) hooggansa manneen Barnootaa Bu’uura Boruu hanga barnoota Sad.2ffaatti jiran, barsiisota Bu’uura Boruu hanga sad.2ffaatti barsiisaa jiraniif akkaataa itti ofgahoomsaa deeman irratti mariin ogeessota waliin gaggeeffameera. Kaayyoon Isaa: # Hooggansaafi_Baarsiisaa_deeggaruu #Of-barsiisuun ogummaa isaanii caalmaatti akka ol guddifatan gochuu #Barnoota dareetti kennamu guddisuu (Bu’a qabeessa gochuu) #Ogummaa hoogganummaa akka cimsatan gochuu #Mala baruu barsiisuu yeroo yerootti sakatta’uun fooyyessaa deemuu #Madaallii gaggeessuufi kkf irratti yeroo yerootti dubbisuun akka ofcimsaniif karaa toora intarneetiin(On-Line) akka argataniif hatattamaan akka qophaa’u gochuun murteessaa waan ta’eef, gara hojiitti akka seenamu murtaa’eera. Hog.BBO Dr.Tolaa Bariisoo maricharratti kan argaman yoo ta’u, barsiisaan yeroo yerootti dubbisee gahumsa isaa mirkaneeffatee barsiisuu waan qabuuf toora intarneetiin (On-Line) ofgahoomsuu akka qabutti haala mijeessuun murteessaa akka ta’e, hooggansi barnootaas haala yeroo hubatee hooggansa yeroo waliin deemuu danda’u akka kennutti akka ofijaaru gochuun akka ta’e kaasuun xiyyeeffannoon hojjetamuu akka qabu ibsaniiru. Itti dabaluunis hojiin barsiisummaa guyyaa guyyaan waan barsiisan irratti dubbisuu waan gaafatuuf mala baruu barsiisuurratti madaalliifi gamaaggama gaggeessuun, siistama barnootaa ammaa waliin wal-simsiisuun qabiyyee barsiisaan irratti barachuu danda’u qopheessuun dirqama akka ta’es ibsaniiru. BBOtti Hog.Itti Aanaa Dr.Bultoosaa Hirkoo barreeffama hojiin kun ittiin hoogganamu hirmaatotaaf dhiyeessanii jiru.

#BEEKSISA Barsiisota Mosaajii "Teachers Management Information System" (#TMIS) jedhamutti fayyadamuun #jijjiirraa_guutaa_jirtan_hundaaf ------------------------------- BBO- Hagayya 14/2017 Barsiisotni Mosaajii TMIS jedhamutti fayyadamuun jijjiirraa marsariitii(online)n guutaa jiraachuun keessan ni beekama. Liinkii kanaan dura itti fayyadamaa turtan caalaa fooyya'aafi saffisa kan qabu https://tmis2.oeb.gov.et kanatti fayyadamuun iyyannoo jijjiirraa keessanii qulqullinaan akka galfattan isin beeksifna. #Ammaa_Achi - Liinkii:- https://tmis2.oeb.gov.et itti fayyadamaa! 💙Oromia Education Bureau 💠 💙Tolaa Bariisoo Gadaa 💠 | |📱Facebook | |📱 WhatsApp | |📱YouTube | |

#Qormaatni_Seensaa_Manneen_Barnootaa_Bultii_Addaafi_Addaa Sad. 2ffaa Kennamaa Oole Xumurame. -------- BBO- Hagayya 14/2017 Qormaatni Seensaa Manneen Barnootaa Bultii Addaa WMO, Manneen Barnootaa Ifa Boruu Bultii Addaafi Manneen Barnootaa Addaa Sad. 2ffaa kennamaa oole nagaan xumurameera. Biiroon Barnootaa Oromiyaafi Waldaan Misoomaa Oromiyaa waliin ta'uun barattota qaxaleewwan qormaata naannoo kutaa 8ffaa bara 2017 qabxii giddu galeessa(average) 80% fi ol galmeessisan dorgomsiisee MB Bultii Addaafi Addaa Sad. 2ffaa kutaa 9ffaa danda'an filachuuf beeksisa baasee turerratti hundaa'un har'a (14/12/2017) ganama sa'aatii 2:30 irraa jalqabee buufata qormaataa 24 ta'an keessatti barattoota kuma 10 oli ta'aniif barreeffamaan gosa barnootaa 4 irratti qorataa oole nagaan xumurameera. Barattoota bara 2017 qormaata naannoo kutaa 8ffaa fudhatan keessaa qabxii avereejii 80%fi ol galmeessisa kuma 30 ol ta'uunis beekameera. Qormaatichis ifaafi bilisaan, naamusa gaariifi tasgabbiin kan kennamaa oole yoo ta'u, qabxiin isaas yeroo gabaabaa keessatti kan ibsamu ta'uu BBOtti, Daayirektarri Daayirektoreetii MB Bultii Addaafi Addaa Sad. 2ffaa obbo Siyyum Kabbadaa ibsaniiru. 💙Oromia Education Bureau 💠 💙Tolaa Bariisoo Gadaa 💠 | |📱Facebook | |📱 WhatsApp | |📱YouTube | |

Oromiyaatti Galmeen Barattootaa Haggaya 26 eegala - BBO Finfinnee, Hagayya 16, 2017 - Naannoo Oromiyaatti galmeen bara barnootaa 2018 Hagayya 26 hanga Qaammee 5, 2017 gaggeeffama jedhe Biiroon Barnootaa Naannichaa. Qophii karooraa bara barnootaa 2018 ilaalchiisee Sadarkaa Hogganaa itti aanaa Biirootti Gorsaan Biiroo Barnootaa Oromiyaa Obbo Efireem Tasammaa Poodkaastii Faanaa waliin turtii taaasisaniiru. Naannichatti qulqullina barnootaa mirkanneessuuf dameewwan hedduun hojjetamaa turuu yaadachiisuun, bara 2018’f qophiin barbaachiisu taasifamaa jira jedhan. Haaluma kanaan galmeen barattootaa Hagayya 26 hanga Qaammee 5, 2017tti kan geggeeffamu ta’uu kaasaniiru. Bara barnootaa kanatti barattoota miiliyoona 13 ol simachuun barsiisuuf karoorfamuus obbo Efireem himaniiru. Wayita amma hojiileen meeshaalee barnootaaf barbaachiisan mijjeessuu, haaroomsa manneen barnootaa fi kanneen biroo hojjetamaa jiru jedhan. Kitaabiilee dabalatee meeshaalee barnootaaf barbaachisaan hojiin guutuu hojjetamaa jira jedhan. Biirichi hanqinaalee kitaabiilee mudachaa turan marsaa marsaan furuuf hojjetaa akka jirus dubbatan. Tooftaalee baruu fi barsisuurratti jijjiirama fiduuf sadarkaa biyyaalessaa fi naannootti leenjiin dandeettii barsiisootaa cimsuuf gargaaru kennnamaa jiraachuus kaasaniiru. Akka naannoo Oromiyaattis dandeettii dubbisuu fi barreessuu barattootaa guddisuuf barsiisoota kutaa 3-5 barsiisan kuma 54 oliif leenjiin marsaa marsaan kennamaa jira jedhan. Hagayya 23, 2017 irraa eegalee barsiisoonni hundi manneen barnootaatti argamuun haaloota kan mijeessan ta’uus eeraniiru. Barnoonni akka Naannoo Oromiyaatti Fulbaana 5, 2018 kan eeegalu ta’uus Obbo Efireem akeekaniiru. Maatiin, hawaasni fi qooda fudhattoonni barattoota umuriin isaani barnootaaf gahee gara mana baruumsaatti akka ergan fi barataan kamuu mana baruumsarraa hafuu akka hin qabne dhaamaniiru. 💙Oromia Education Bureau 💠 💙Tolaa Bariisoo Gadaa 💠 | |📱Facebook | |📱 WhatsApp | |📱YouTube | |