Advertising on the Telegram channel «Oromia-University»

#BEEKSISA_ARIIFACHIISAA

Qaammee 5/2017 Booda Manni Barnootaa  Barataa Galmeessu Hinjiru !

Biiroon Barnootaa Oromiyaa Barattoota Idileefi Haaraa guyyaan galmee Hagayya 26 hanga Qaammee 5/2017 Qofa akka galmaa'an beeksisuun ni yaadatama.

Bu'uuruma kanaan:
Galmeen barataa Hagayya  26/12/2017 hanga Qaammee 5/13/2017tti guyyaa Sanbataa dabalatee guyyoota Sagaliif otuu wal irraa hincitin waan gaggeeffamuuf barataan idilees ta'ee haaraan akka galmooftan irra deebinee isin beeksifna.

Kanaafuu, Hawaasnifi Maatiin Barattootaa haala kana hubachuun barattoota yeroo galmeef kaa'ame keessatti akka galmeessiftan jechaa, Qaammee 5/2017 booda manni barnootaa barataa simatee galmeessu akka hin jirre gamanumaan isin beeksifna.

Barsiisonniifi hoggansi manneen barnootaa kanuma hubachuun,

Fulbaana 2-4/1/2018tti
barattoota daree dareetti qooduun maqaasaanii roostarii irratti akka qabattan;

Fulbaana 5/1/2018
barnoota kennuu jalqabuu,
Kunis yeroon barnootaa bara 2018 akka hin qisaasofne gargaara.

#Qaammee_5_2017_Booda_Galmeen_Hinjiru!
#Barnootni_Fulbaanaa_05_2018_Eegala!
#Kanaaf_Galmaa'aa_Galmeessisaa!

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝

#NGAT #MoE

Qormaanni Seensa Digrii Lammaffaa Biyyaalessaa (NGAT) yeroo dhiyootti akka kennamu Ministeerri Barnootaa beeksise.

Qormaata NGAT fudhachuuf Lakkoofsi Waraqaa Eenyummaa Biyyaalessaa Digitaalaa (Faayidaa) akka barbaachisu ministeerichi beeksiseera.

Yeroo galmee yeroo gabaabaa keessatti waan isin beeksifnuuf, qoramtoonni hunduu qophii barbaachisu akka gootan isiniin jenna.

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝

‎
#BBO

Leenjiin Hubannaa Uumuu Moosaajjii Galmee Barattootaa irratti Kennamuu Eegale

Leenjiin hubannaa uumuu moosaajjii (Software) galmee barattootaa bara 2018 irratti ogeessota Bulchiinsa Odeeffannoo Barnootaa (EMIS) godinaalee, Bul.Magaalotaa, Abbootii Adeemsaa aanaaleef  walumatti hirmaattota 400 ol ta'aniif kennamuu eegaleera.

Leenjiin Hubannaa Kun:

Galmee Barattootaa Hojii Tajaajila Lammummaafi Bulchiinsa Odeeffannoo Barnootaa Dijiitaalessuu (EMIS Digitalization) irratti kan kennamudha.

‎Bara 2018tti barattoota mil.13 ol galmeessuuf karoorri qabamee kan ittii deemamaa jiru yoo ta'u, galmichi mana barumsaarraa kaasee hanga naannootti siistama wal-simataa akka ta'uufi ragaa tuttuqqaa namaarraa bilisa ta'een raawwachuufi argachuuf akka toluttu kan raawwatu ta'a.
‎
‎Leenjicha BBOtti Daayirektara Qophii Karooraa, Gabaasaafi Gamaaggamaa Obbo Hasan Idriis jalqabsiisanii jiru.
‎Hojii Barnootaa Teekinoloojiin deeggaramuun itti fayyadamuun murteessaa  akka ta'e ibsuun,
‎Dhimmi ragaa barnootaa qulqulluu ta'e qabachuu akka naannoottis ta'e akka biyyaatti hojiin akkaataa karoorfameen raawwachuu keessatti bu'aa guddaa akka qabu dubbatan.
‎Akkasumas Barnootaafi tekinoloojiin dhimma xiyyeeffannaa olaanaan itti laatamee hojjetamaa jirudha.
‎
Leenjiin moosaajjii kun ragaan odeeffannoo barnootaa galma barbaadameef akka ooluuf yaadamee irra deebiin qophaa'e kun daataan tuttuqqaa namaarraa bilisa ta'ee odeeffannoo guutuu, sirriifi wayitawaa qabaachuufi itti dhimma bahuuf waan gargaaruuf xiyyeeffannoon hordofamuu akka qabu dhaamsi leenjitootaaf darbeera.

‎Barbaachisummaafi Kallattii Leenjii Kanaa Tekinoloojiin hojii barnootaaf hiikoo guddaa inni qabu ragaa ammayyeessanii qabachuufi maanuwaaliirraa bilisa taasisuun caasaan gubbaatii hanga dakaatti jiru ragaa dhugaafi walfakkaataa argachuuf ni gargaara.       
‎Kanaaf galmeen barattootaa toora inarneetiin (online) ta'a.
‎
Inni biraa hojii inisheetiivii tajaajila lammummaa hojjetamu yoo ta'u, hojiin ijaarsaa hundi raawwatame godina, aanaa, gandaafi bakka ijaarsi itti raawwatame siistama irratti galmeessuun karoorriifi raawwiin adda bahee bifa salphaa ta'een beekuun waan barbaachisuuf moosaajjii (software) qophaa'e irratti galmeessuun qabachuun dirqama waan ta'eef ogeessota leenjicha fudhachaa jiraniif kallattiin kaa'ameera.
‎Siistama Bulchiinsa Odeeffannoo Barnootaa (EMIS) Dijiitaalessuu. Sirni kun kanaan dura ragaan odeeffannoo barnootaa ittiin hojjetamaa ture,
‎Maanuwaaliidhaan daataan guutamaa kan ture,
‎Qabannaan ragaa isaa qulqullina kan hanqatu Odeffannoo dhugummaan isaa shakkisiisu Istandaardii kan hin eegganneefi kkf irratti rakkoo kan qabudha.

‎KANAAF, akka haaraatti irra deebiin bifa fooyyee guddaa qabuun qophaa'ee jiruufi leenjiin irratti kennamaa jiru;
‎Daataa qulqulluu qabachuu, Ragaa walmakaa ta'e irraa bilisa gochuun adda addatti galmeesseeun qabachuu,
‎Daataa istaandaardii isaa eeggate tuttuqqaa namaarraa bilisa
‎Daataan mana barumsaa, barataafi barsiisaa adda bahee qabchuuf akka tolutti ta'ee, Tekinoloojii ammayyaan deeggaramee kan qophaa'eefi kkf irratti leenjiin kennamaa jira.
‎
Leenjicha BBOtti ogeessonni Bulchiinsa Ragaa Odeeffannoo Barnootaa Dhiyeessaniiru.
‎Leenjiin kun guyyoota 4'f kan itti fufu ta'a.

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝

#BBO

Sagantaan Barnootaa Al Idilee Fooyya'insa Jireenya Hawaasa Keenyaaf Murteessaa Ta'uun Himame.

Biiroon Barnootaa Oromiyaa Sagantaa Barnootaa Idileefi Al Idileen carraa barnootaa waliin gahuun hawaasa barreessuu, dubbisuufi herrega shallaguu danda'uifi jireenya isaanii keessatti kunuunsa maatii karaa saayinsaawaa ta'een hogganuufi jireenya fooyya'aa jirachuu ga'eessotaa keessatti iddoo guddaa qaba.

Haaluma kana bu'uureeffachuun Biiroon Barnootaa Oromiyaa haala mijeessitoota Barnoota Al Idilee, keessattu, kanneen barnoota Ga'eessotaatin adda duree ta'an bulchiinsa magaalaa 10 fi Godinaalee 19 irraa  ogeessota 160 ta'an waamuun Magaalaa  Adaamaatti leenjii fooyya'insa dandeetti hogganummaa kennuu eegaleera.

Leenjicha haasawaan kan banan Hog. I/A BBO  Dr. Bultoosaa Hirkoo yoo ta'an, haasawa isaanii keessatti barmoota biyya keenyaa jalqabarraa kufee ture kan sirreessuu danda'u sirna barnootaa amma qophaa'efi barsiisota qofa waan taataniif lammii keessan gahumsaa itti horuufi dorgomaa taasisuuf carraan harka keessan jira jechuun barsiisotni sadarkaan jiran hundi kutannoo irratti hojjachuu qabna jedhaniiru.
Kanaafuu, haala mijeessitootni har'a leeni'aa jirtan hundi ummata keessan wallaala keessaa baasuuf cimee hojjachuu qaba jechuun, leenjiin ifaan ifatti banamuu ibsaniiru.

Itti aansuun haasawa kan taasisan BBOtti, Daayirektara Daayirektoreetii Barnoota Al Idilee obbo Tashoomaa Abbabaa yoo ta'an, haasawa isaanii keessatti mootummaan naannoo Oromiyaaf Biiroon Barnootaa Oromiyaa xiyyeeffannoo barnoota Al Idileef kennerraa kan ka'e Mindaa haala mijeessitootaa dabaluufi haala mijeessitoota yero yerootti leenjisuun dandeettii akka cimsatan gochuurratti baasii hedduu ta'e kan baasuuf jijjiirama hawaasa keenyaa, keessattuu jijjiirama Barnoota Ga'eessotaa qabatamaan lafarratti arguuf waan ta'eef leenjitootni hundi itti gaafatamummaa isinitti kenname qixa sirriin akka baatan jechuun kan dhaamsa dabarsan obbo Tashoomaa Abbabaati.

Walumaagalatti, BBO'n hawaasa dubbisuu, barreessuufi herrega shallaguu danda'u ummachuun foyya'insa hawaasummaatiif hojjataa kan jiru waan ta'eef sagantaa barnootaa Al Idilee hundarratti wal qixa hiriiruu qabna jechuunis biirichi dhaamsa dabarsareera.

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝

#MoE

"Yuunivarsiitiiwwan mootummaa ulaagaa barbaachisu guutuu yoo dadhaban gara manneen barnootaa bultii addaatti jijjiiramu" Ministeera Barnootaa

Yuunivarsiitiiwwan mootummaa ulaagaa barbaachisu guutuu yoo dadhaban manneen barnootaa bultii addaa sadarkaa lammaffaatti jijjiiramuu malu jechuun Ministeerri Barnootaa Prof. Birhaanuu Naggaa beeksisan.

Ministeerri kun ibsa kana kan kennan Hagayya 19/2017 waltajjii marii Ministeera Barnootaa fi Abbaa Taayitaa Barnootaa fi Leenjii waliin ta’uun raawwii irra deebiin qophaa’e irratti.

Prof. Birhaanuu Naggaa dhaabbilee dhuunfaa waliin waggoota afuriif hojjechaa akka turan hubachiisuudhaan, qulqullina barnootaa yeroo sanaatiif dursa olaanaa kennuun barbaachisaa ta’uu ibsuun, waggoota sadan darban keessatti irra deebiin galmeessuu ilaalchisee odeeffannoon waa’ee istaandaardii kanaa raawwatamaa akka turee fi warri ulaagaa kana hin guunne damicha keessatti itti fufuu akka hin dandeenye ibsaniiru.

Dhaabbilee barnoota olaanoo mootummaa irrattis gamaaggamni walfakkaataan akka gaggeeffamu eeruun, hojimaata kana bu’uura godhachuun kan cufamu yunivarsiitiiwwan dhuunfaa qofa osoo hin taane, yunivarsiitiiwwan mootummaas akka ta’an hubachiisaniiru.

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝

#KUOE

Yuunivarsiitiin Barnootaa Kotabee pireezidaantii haaraa muude.

Sadaasa 2009 irraa eegalee pirezidaantii yunivarsiitichaa ta’uun tajaajilaa kan turan Dr. Birhaana Masqal xannaa aangoo isaanii gadhiisanii jiru.

Waggoota dheeraaf damee barnoota olaanoo keessatti tajaajilaa kan turan Dr. Tashoomaa Nakaasin pireezidaantii haaraa Yunivarsiitii Barnootaa Kotabee ta'uun muudamaniiru.

Pireezidaantiin aangoo irraa gadhiifaman Dr. Birhaane Masqel hojiiwwan ijoo yeroo itti gaafatamaa yunivarsiitichaa ta’anii hojjetan, qormaata isaan mudate fi karoora gara fuula duraa ibsaniiru.

Pirezidaantiin yunivarsiitichaa haaraan gama isaaniitiin muuxannoo biyya keessaa fi idil-addunyaa isaaniitti fayyadamuun itti gaafatamummaa fi imaanaa itti kenname karaa bu’a qabeessa ta’een bahachuuf akka hojjetan ibsaniiru.

✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
▫️OROMOO FI OROMIYAAF▫️ ✦⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼⁼✦
       ╔═════◄►══════╗
      ▪️@Oromia_University▪️
      🔺@Oromia_University🔺
      ▫️@Oromia_University▫️
       ╚═════◄►══════╝