Advertising on the Telegram channel «Oromia Digital Library (ODL)»

#Qormaatni_Seensaa_Manneen_Barnootaa_Bultii_Addaafi_Addaa Sad. 2ffaa Kennamaa Oole Xumurame. -------- BBO- Hagayya 14/2017 Qormaatni Seensaa Manneen Barnootaa Bultii Addaa WMO, Manneen Barnootaa Ifa Boruu Bultii Addaafi Manneen Barnootaa Addaa Sad. 2ffaa kennamaa oole nagaan xumurameera. Biiroon Barnootaa Oromiyaafi Waldaan Misoomaa Oromiyaa waliin ta'uun barattota qaxaleewwan qormaata naannoo kutaa 8ffaa bara 2017 qabxii giddu galeessa(average) 80% fi ol galmeessisan dorgomsiisee MB Bultii Addaafi Addaa Sad. 2ffaa kutaa 9ffaa danda'an filachuuf beeksisa baasee turerratti hundaa'un har'a (14/12/2017) ganama sa'aatii 2:30 irraa jalqabee buufata qormaataa 24 ta'an keessatti barattoota kuma 10 oli ta'aniif barreeffamaan gosa barnootaa 4 irratti qorataa oole nagaan xumurameera. Barattoota bara 2017 qormaata naannoo kutaa 8ffaa fudhatan keessaa qabxii avereejii 80%fi ol galmeessisa kuma 30 ol ta'uunis beekameera. Qormaatichis ifaafi bilisaan, naamusa gaariifi tasgabbiin kan kennamaa oole yoo ta'u, qabxiin isaas yeroo gabaabaa keessatti kan ibsamu ta'uu BBOtti, Daayirektarri Daayirektoreetii MB Bultii Addaafi Addaa Sad. 2ffaa obbo Siyyum Kabbadaa ibsaniiru.

#Galmeen_Barattoota Marnootaa Barnootaa #Bultii_Addaa_Sad_2ffaa Mootummaa Federaalaan Bulan Hanga #Hagayya_25/2017 Dheeratee Jira. Kanaafuu, Galmaa'aa! #Iyyannoo_Guutuuf_Viidiyoo Kana Ilaalaa! #Maatiin, Ollaan, Namni barate kamiyyuu ijoollee keenya gargaaruu qabna! #Haagalmaa'an! 📱 Watch here :- ⬇️⬇️⬇️⬇️ https://youtu.be/YmLtyruvAsw https://youtu.be/YmLtyruvAsw https://youtu.be/YmLtyruvAsw

Oromiyaatti Galmeen Barattootaa Haggaya 26 eegala - BBO Finfinnee, Hagayya 16, 2017 - Naannoo Oromiyaatti galmeen bara barnootaa 2018 Hagayya 26 hanga Qaammee 5, 2017 gaggeeffama jedhe Biiroon Barnootaa Naannichaa. Qophii karooraa bara barnootaa 2018 ilaalchiisee Sadarkaa Hogganaa itti aanaa Biirootti Gorsaan Biiroo Barnootaa Oromiyaa Obbo Efireem Tasammaa Poodkaastii Faanaa waliin turtii taaasisaniiru. Naannichatti qulqullina barnootaa mirkanneessuuf dameewwan hedduun hojjetamaa turuu yaadachiisuun, bara 2018’f qophiin barbaachiisu taasifamaa jira jedhan. Haaluma kanaan galmeen barattootaa Hagayya 26 hanga Qaammee 5, 2017tti kan geggeeffamu ta’uu kaasaniiru. Bara barnootaa kanatti barattoota miiliyoona 13 ol simachuun barsiisuuf karoorfamuus obbo Efireem himaniiru. Wayita amma hojiileen meeshaalee barnootaaf barbaachiisan mijjeessuu, haaroomsa manneen barnootaa fi kanneen biroo hojjetamaa jiru jedhan. Kitaabiilee dabalatee meeshaalee barnootaaf barbaachisaan hojiin guutuu hojjetamaa jira jedhan. Biirichi hanqinaalee kitaabiilee mudachaa turan marsaa marsaan furuuf hojjetaa akka jirus dubbatan. Tooftaalee baruu fi barsisuurratti jijjiirama fiduuf sadarkaa biyyaalessaa fi naannootti leenjiin dandeettii barsiisootaa cimsuuf gargaaru kennnamaa jiraachuus kaasaniiru. Akka naannoo Oromiyaattis dandeettii dubbisuu fi barreessuu barattootaa guddisuuf barsiisoota kutaa 3-5 barsiisan kuma 54 oliif leenjiin marsaa marsaan kennamaa jira jedhan. Hagayya 23, 2017 irraa eegalee barsiisoonni hundi manneen barnootaatti argamuun haaloota kan mijeessan ta’uus eeraniiru. Barnoonni akka Naannoo Oromiyaatti Fulbaana 5, 2018 kan eeegalu ta’uus Obbo Efireem akeekaniiru. Maatiin, hawaasni fi qooda fudhattoonni barattoota umuriin isaani barnootaaf gahee gara mana baruumsaatti akka ergan fi barataan kamuu mana baruumsarraa hafuu akka hin qabne dhaamaniiru.

Leenjiin Barsiisota Afaan Oromoofi Herregaa Hirmaachise Marsaa 3ffaasaa Har'a Eegale. --------------------- BBO- Hagayya 17/2017 Leenjiin Biiroon Barnootaa Oromiyaa Barsiisota MB Sad. 1ffaa kutaa 3 - 5 Afaan Oromoofi Herrega barsiisaa jiraniif kennaa jiru marsaa 3ffaasaa wiirtuuwwan leenjii torba keessatti har'a (17/12/2017) eegaleera. Leenjiin TaRL barsiisota Herregaafi Afaan Oromoo, hoggansa MBfi ogeeyyii Aanaaf kennamaa ture marsaa 3ffaan buufata 7 irratti boru eegala guyyaa 17-21/12/2017 kennama. Leenjichi mala baruu barsiisuu Gulantaa Sirriirratti Barsiisuu (Teaching at The Right Level - TaRL) jedhamuun barattoota Sad. 1ffaa keessatti dubbisuu, barreessuufi lakkoofsota qoyyabachuu hin dandeenye adda baasuun yeroo gabaabaa keessatti dandeessisuu irratti kan xiyyeeffate yoo ta'u, MB. Sad. 1ffaa keessatti barattootni guutumaa guututti dubbisuu, barreessuufi herrega qoyyabachuu dandeessisuudha. Kanuma bu'uura gochuun leenjii marsaa 1ffaafi 2ffaa keessatti barsiisota, dura bu'oota MB, Supparvaayizaroota Barnootaafi ogeessota barnootaa kuma 20 ol kan leenfiman yoo ta'u, marsaa 3ffaa immoo leenjitootni 7,768 ta'an hanga Hagayya 21/2017tti kan leenji'an ta'uun beekameera. Leenjiin kun barsiisotaa, dura bu'oota MBfi Supparvaayzaroota kuma 57 oli kan hirmaachisu yoo ta'u, marsaawwan itti aanan keessatti kan wallin gahamu ta'a jedhamee eegama. Buufata leenjii Giddu Gala Qorannoofi Leenjii Barnootaa Oromiyaa -Adaamaa (QLBO)tti argamuun leenjicha kan eegalchiisan BBOtti Daayirektara Daayirektoreetii Barnoota Sad. 1ffaa obbo Shamsaddiin Ibraahim yoo ta'an, haasawa isaanii keessatti leenjitootni leenjii kana booda Manneen Barnootaa Sadarkaa 1ffaa keessatti daa'imman dubbisuu, barreessuufi herrega shallaguu hin dandeenye adda baasuun akkaataa mala baruu barsiisuu TaRL fayyadamuun yeroo gabaabaa keessatti akka dandeessiftan amantaa guddan qaba jechuun, bara 2018 irraa jalqabee barataan dubbisuu, barreessuufi lakk. qoyyabachuu hin dandeenye akka hin uumamne kutannoo keessan barbaachisa. Kanaafuu, yeroo leenjichaaf kenname qisaasama tokko malee itti fayyadamuun kaayyoo leenjichaa akka galmaan geessan jechuun leenjitootaaf ergaa dabarsaniiru. Walumaa galatti, leenjichi buufataalee leenjii torba keessatti sa'aatii walfakkaatu keessatti kan jalqabame ta'uun beekameera. Oromia Digital Library 💠

Yaa'iin 41ffaan Waldaa Madaallii Barnootaa Afrikaa Magaalaa Finfinneetti Eegalame. ---------- BBO- Hagayya 19/2017 Yaa'iin Qulqullinaafi Ammayyummaa Sirna Madaallii Barnootaa Fooyyessu Irratti Mari'atu Mata Duree " Madaallii Barnootaa Ceesisuun/Fooyyessuun Barnoota Qulqullina Qabuufi Murtee Ragaarratti Hundaa'e" jedhuun yaa'ii 41ffaa Waldaa Madaallii Barnootaa Afrikaa Magaalaa Finfinneetti jalqabamee jira. Yaa'ichis biyyoota miseensa waldichaa ta'an jiddutti sirnaa madaallii barnootaa cimaafi amanamaa ta'e ijaaruu ta'uun beekameera. Yaa'in kun guyyoota 5f kan gaggeeffamu yoo ta'u, Sirna Madaalliifi Qormaata haqaafi gahumsa qabu diriirsuun hirmaannaa sadarkaa idil Adduunyaatti ol guddisuu, barnootaafi sirna madaallii qorannoon deeggarame ijaaruu, waliin hojjachuufi wal deeggarsa itti fufiinsa qabu taasisuu irratti xiyyeeffatamee kan mari'atamu ta'uunis beekameera. Yaa'icharratti haasaa kan taasisan MMBI Prof. Birhaanuu Naggaa "Biyya keenya keessatti jijjiirama Sirna Madaallii barnootaa dhufeen qulqullina barnootaa mirkaneessuu keessatti gahee olaanaa taphatee jira" jedhaniiru. Qulqullina barnootaa eegsisuuf sirna madaallii irratti hojjatamuun barbaachisaadha kan jedhan Prof Birhaanuun, murtee ragaarratti hundaa'e dabarsuuf sirna madaallii qulqulluu ta'e diriirsuun barbaachisaadha. jedhaniiru. Daayirektarri Olaanaan TaJaajila Madaallii Barnootaafi Qormaatawwanii Dr. Isheetuu Kabbadaa haasaa taasisaniin Madaalliin Barnootaa damee barnootaa waliigalaa/hundaarratti bu'a qabeessa waan ta'eef itti fayyadamuun barbaachisaadha jedhaniiru. Oromia Digital Library 💠

#Hojiin_Tajaajila_Lammummaa Qulqullina Barnootaa Mirkaneessuu Keessatti Gahee Olaanaa Qaba Jedhame. ------------------ BBO- Hagayya 20/2017 Hojiin Kenniinsa Tajaajila Lammummaa Sagantaa Gannaa 2017 Misooma Barnootaa irratti taasifamaa jiru hirmaannaa qaama hawaasaa hunda hammateen gaggeeffamaa jira. Hojiiwwan Misooma Barnootaa irratti Ganna kana hojjatama jiran bara barnootaa 2018f akka dhaqqabutti kutannoon kan hojjatamaa jiru ta'uun hubatameera. Hirmaannaa hawaasa keenyaafi qindoomina Gumii Tiraansifoormeeshinii Barnootaa(GTB) tiin bu'aan qabatamaan lafarratti mul'ataa jira. Saffisaafi qulqullinaan raawwachuu irratti garaagarummaan aanaa irraa aanaatti, magaalaa irraa magaalatti kan mul'atu ta'ullee, akka waliigalaatti, rakkoo barnootaa keessa jiru furuu irratti abdii guddaa kan namatti horuudha. Haaluma kanaan, hojiiwwan misooma barnootaa Ganna kana raawwachuuf karoofaman keessaa kan jalqaabamaniifi kan raawwataman hanga 16/12/2017tti kan beekame yoo ta'u, kan xumuraman ibsuun ni danda'ama. Hanga Jimaata darbeetti #1_MB Bu'uura Boruu (BB),116 xumuramee tajaajilaaf kan qophaa'e yoo ta'u, MB BB dareen dabalataa 148 fi MB BB Moodeleessuun 29 xumuramaniiru. #2_MB Sad. 1ffaa - 20 ijaarsi xumurame, - 1089 dareen dabalataa yoo ijaaramu, - MB,Sad. 1ffaa 24 moodeleeffameera. #3_Paarkiin Dijitaalaa 8 xumuramuun tajaajilaaf qophaa'eera. #4_Ijaarsi Mana Jireenya Barsiisota Baadiyaatti barsiisaniif manni 1310 xumuramuun barsiisotaaf kennamaniiru. #5_Sagantaa_tutooriyaalii Gannaatiin barattootni kutaa 6ffaa, 8ffaa, 10ffaa, 11ffaafi 12ffaa, baay'inni isaanii 954 466 barachaa kan jiran yoo ta'u, #6_Ga'eessotni 594 627 barnoota bu'uuraa hojii tajaajila lammummaa Ganna bara 2017 kennamaa jiruun barnoota argachaa jiraachuun beekameera. #Haala_sosochii_Godinaaleen taasisaa jiraniin yoo ilaalamu, #Ijaarsa_MB_Bu'uura Boruu - Qellem Wallaggaa, MB Bu'uura Boruu 27 jiaaree kan xumure yoo ta'u, - Gujiin, 18fi -Arsii Lixaa immoo, 17 ijaarsa xumuruun tajaajilaaf bananiiru. #Ijaarsa_MB_Sad_1ffaa, - Gujii Lixaa MB Sad. 1ffaa 5 - Qeellem Wallaggaa 4 - Arsii Lixaa 4 ijaarsa xumuruun tajaajilaaf banaa godhaniiru. #Ijaarsa_Paarkii_Dijitaalaa. - Arsii Lixaa 2 - Baalee Bahaa 2 xumuruun tajaajilaaf qopheessaniiru. #Ijaarsa_Mana_Jireenyaa Barsiisotaa: - Godinni Jimmaa MJB 220, - Qellem Wallagga Mana 156 ijaaree xumuruun barsiisotaaf dabarseera. Walumaagalatti, Hojiin Tajaajila Lammummaa misooma barnootaa irratti kennamaa jiru kun rakkoo qulqullina barnootaa irratti qunname keessaa bahuuf gahee olaanaa kan taphatu ta'uu hayyootni barnootaa ragaa kan bahan yoo ta'u, hirmaannaan hawaasa keenyaas kanuma hubachuun gahee isaa bahachaa jira. Dabtaraafi qalama walitti qabuun, kitaaba wabii ta'an gumaachuufi kkf irratti hirmaachuun tajaajilli lammummaa hawaasa keenyaaf bu'aa qabatamaa agarsiisaa jira. Kanaafuu, Barnootni dhaloota egereef dhaalchifnu hojii har'a raawwachaa jirruun waan ta'eef hundi keenya xiyyeeffannaan akka hojjannu dhaamsa keenya ta'a. #Hubachiisa:- Ragaan asii olitti ibsaman kunniin #hanga_Hagayya_16/2017 kan gabaasame ta'uu hubatamuu qabs.

#BEEKSISA Qaammee 5/2017 Booda Manni Barnootaa Barataa Galmeessu Hinjiru ! ------------------ BBO- Hagayya 21/2017 Biiroon Barnootaa Oromiyaa Barattoota Idileefi Haaraa guyyaan galmee Hagayya 26 hanga Qaammee 5/2017 Qofa akka galmaa'an beeksisuun ni yaadatama. Bu'uuruma kanaan: Galameen barataa Hagayya 26/12/2017 hanga Qaami'ee 5/13/2017tti #guyyaa_Sanbataa dabalatee guyyoota #Sagaliif otuu wal irraa hincitin waan gaggeeffamuuf #barataan_idilees_ta'ee #haaraan_akka galmooftan_irra_deebinee isin beeksifna. Kanaafuu, #Hawaasnifi_Maatiin_Barattootaa haaluma kana hubachuun barattootni yeroo galmeef kaa'ame keessatti akka galmeessiftan jechaa, Qaammee 5/2017 booda manneen barnootaa barataa simatee galmeessu akka hinjirre gamanumaa isin beeksifna. Barsiisotniifi hoggansi manneen barnootaa kanuma hubachuun, Fulbaana 2-4/1/2018tti barattoota daree dareetti qooduun maqaasaanii roostarii irratti akka qabattan; Fulbaana 5/1/2018 barnoota kennuu jalqabuu, Kunis yeroon barnootaa bara 2018 akka hin qisaasofne gargaara. #Qaammee_5_2017_Booda_Galmeen_Hinjiru! #Barnootni_Fulbaanaa_05_2018_Eegala! #Kanaaf, Galmaa'aa! Galmeessisaa! #Barri_Haaraan_Kan_Milkii_Isiniif_Haata'u!!

‎ #Leenjiin Hubannaa_Uumuu #Moosaajjii #Galmee Barattootaarratti Kennamuu Eegale ‎&&&&&&&&&& ‎BBO, Hagayya 22/2017 Leenjiin hubannaa uumuu moosaajjii (Software) galmee barattootaa bara 2018 irratti ogeessota Bulchiinsa Odeeffannoo Barnootaa (EMIS) godinaalee, Bul.Magaalotaa, Abbootii Adeemsaa aanaaleef walumatti hirmaattota 400 ol ta'aniif kennamuu eegaleera. ‎#Leenjiin_Hubannaa_Kun: ‎#Galmee Barattootaa ‎#Hojii_Tajaajila Lammummaafi ‎#Bulchiinsa Odeeffannoo Barnootaa Dijiitaalessuu (EMIS Digitalization) irratti kan kennamudha. ‎Bara 2018tti barattoota mil.13 ol galmeessuuf karoorri qabamee kan ittii deemamaa jiru yoo ta'u, galmichi mana barumsaarraa kaasee hanga naannootti siistama wal-simataa akka ta'uufi ragaa tuttuqqaa namaarraa bilisa ta'een raawwachuufi argachuuf akka toluttu kan raawwatu ta'a. ‎ ‎#Leenjicha BBOtti Daayirektarri Qophii Karooraa, Gabaasaafi Gamaaggamaa Obbo Hasan Idriis jalqabsiisanii jiru. ‎Hojii Barnootaa Teekinoloojiin deeggaramuun itti fayyadamuun murteessaa akka ta'e ibsuun, ‎Dhimmi ragaa barnootaa qulqulluu ta'e qabachuu akka naannoottis ta'e akka biyyaatti hojiin akkaataa karoorfameen raawwachuu keessatti bu'aa guddaa akka qabu dubbatan. ‎Akkasumas Barnootaafi tekinoloojiin dhimma xiyyeeffannaa olaanaan itti laatamee hojjetamaa jirudha. ‎#Leenjiin moosaajjii kun ragaan odeeffannoo barnootaa galma barbaadameef akka ooluuf yaadamee irra deebiin qophaa'e kun daataan tuttuqqaa namaarraa bilisa ta'ee odeeffannoo guutuu, sirriifi wayitawaa qabaachuufi itti dhimma bahuuf waan gargaaruuf xiyyeeffannoon hordofamuu akka qabu dhaamsi leenjitootaaf darbeera. ‎#Barbaachisummaafi_KallattiiLeenjii_Kanaa ‎#Tekinoloojiin hojii barnootaaf hiikoo guddaa inni qabu ragaa ammayyeessanii qabachuufi maanuwaaliirraa bilisa taasisuun caasaan gubbaatii hanga dakaatti jiru ragaa dhugaafi walfakkaataa argachuuf ni gargaara. ‎Kanaaf galmeen barattootaa toora inarneetiin (online) ta'a. ‎#Inni biraa hojii inisheetiivii tajaajila lammummaa hojjetamu yoo ta'u, hojiin ijaarsaa hundi raawwatame godina, aanaa, gandaafi bakka ijaarsi itti raawwatame siistama irratti galmeessuun karoorriifi raawwiin adda bahee bifa salphaa ta'een beekuun waan barbaachisuuf moosaajjii (software) qophaa'e irratti galmeessuun qabachuun dirqama waan ta'eef ogeessota leenjicha fudhachaa jiraniif kallattiin kaa'ameera. ‎#Siistama Bulchiinsa Odeeffannoo Barnootaa (EMIS) Dijiitaalessuu. Sirni kun kanaan dura ragaan odeeffannoo barnootaa ittiin hojjetamaa ture, ‎#Maanuwaaliidhaan daataan guutamaa kan ture, ‎#Qabannaan ragaa isaa qulqullina kan hanqatu ‎#Odeffannoo dhugummaan isaa shakkisiisu ‎#Istandaardii kan hin eegganneefi kkf irratti rakkoo kan qabudha. ‎#KANAAF, #akka haaraatti irra deebiin bifa fooyyee guddaa qabuun qophaa'ee jiruufi leenjiin irratti kennamaa jiru; ‎#Daataa qulqulluu qabachuu ‎#Ragaa walmakaa ta'e irraa bilisa gochuun adda addatti galmeesseeun qabachuu ‎#Daataa istaandaardii isaa eeggate tuttuqqaa namaarraa bilisa ‎#Daataan mana barumsaa, barataafi barsiiaa adda bahee qabchuuf akka tolutti ta'ee, ‎#Tekinoloojii ammayyaan deeggaramee kan qophaa'eefi kkf irratti leenjiin kennamaa jira. ‎#Leenjicha BBOtti ogeessonni Bulchiinsa Ragaa Odeeffannoo Barnootaa Dhiyeessaniiru. ‎Leenjiin kun guyyoota 4'f kan itti fufu ta'a.

‎ #Leenjiin_Barsiisota_Afaan_Oromoofi Herrega Barsiisaniif kennamaa jiru #Marsaa_4ffaan Eegalameera. ----------- BBO-Hagayya 24/2017 Leenjiin Biiroon Barnootaa Oromiyaa Barsiisota Afaan Oromoofi Herrega kutaa 3-5 barsiisaniifi hoggansa manneen barnootaa Sad.1ffaaf kennaa jiru marsaa 4ffaan Wiirtuuwwan leenjii adda addaa keessatti eegalameera. Leenjiin Marsaa 4ffaa wiirtuuwwan leenjii 4 keessatti guyyaa kaleessaa (23/12/2017) kan jalqabame yoo ta'u, wiirtuuwwan 4 keessatti immoo guyyaa har'aa jalqabameera. Leenjii marsaa 4ffaa kanarratti #barsiisotaafi_hog_MB_13,836 leenji'aa kan jiran ta'uun beekameera. Leenjii Sagantaa #Dhaqqabsiisaa(Catch-Up Program) jedhamuun mala baruu barsiisuu #Gulantaa_Sirriirratti_Barsiisuu (Teaching at The Right Level -TaRL) irratti barattoota MB. Sad. 1ffaa keessatti dubbisuu, barreessuufi herrega shallaguu hin dandeenye adda baasuun yeroo gabaabaa keessatti dandeessisuu irratti kennamaa jira. Kunis, bara barnootaa 2018 irraa eegalee MB. Sad. 1ffaa keessatti 100% dubbisuu, barreessuufi herrega shallaguu dandeessisuu irratti kan leenji'amaa jiru ta'uu agarsiisa. Leenjiin kun barsiisotaafi hoggansa manneen barnootaa #kuma_57 oliif kennamuuf kan karoorfane yoo ta'u, #marsaan_5ffaanis marsaan 4ffaan akkuma xumurameen kan itti fufu ta'uu sagantaa baherraa hubatameera. #Leenjii_Marsaa_4ffaa irratt Baay'ina Buufataafi Leenjitootaa #Marsaa_4ffaan buufata: 1.Yunivarsiitii Mattuu irratti -Godina Buunnoo Beeddellee 2.Yunivarsiitii Jimmaa irratti - Godina Jimmaa 3.Yuniversiitii Madda Walaabuu irratt, - Godina Baaleefi BM Dodolaa), 4. GG QLB- Adaamaa irratti, - BM Mojoofi Aanaalee Sh.Bahaa sadi, Waliigala leenjitootni 5553 #guyyaa_23/12/2017 irraa kan eegalan yoo tahu, har'a kan eegalan immoo, #buufataalee: 1- Yunivarsiitii Bulee Horaa irratti, - Godina Gujii Lixaafi BM Bulee Horaa 2- Yunivarsiitii Wallaggaa irratti,- - Godina W.Bahaafi BM Naqamtee 3 -Yunivarsiitii Amboo irratti - Godina Sh.Lixaa 4- Kaampaasii Wolisootti immoo, - Godina Sh/Ki/ Lixaa Walitti leenjitoota 8,283 #har'a 24/12/2017 eegalanii jiru. #Waliigala_marsaa_4ffaa leenjitoota 13,836 ta'an leenjii fudhataa jira. #Hubachiisa , Aanaaleefi Bulchiinsi Magaalaa hafanis dabareen kan dhaqqabu waan ta'eef sagantaa isiniif qophaa'e obsaan akka eeggattan isin beeksifna.

Guyyaa - 25/12/ 2017 #Oduu_Dogoggoraa_Irraa_Of_Eegaa! "Qabxiin Barattoota Qormaata Seensaa Manneen Barnootaa Bultii Addaa beekame" jechuun qaama hin beekamneen telegraamiirratti barreeffame namootni adda addaa fuula Telegramii irraan waliif daddabarsaa jiru #oduu_Soba ta'e maqaa hogganaa BBO kaasun barreeffame argineerra. Ergaan dabre hogganaa biiroo keenyaa irraa waan hin taanef oduu Soba ta'uu hubachuun akka irraa of eegdan isin beeksifna. #Qabxiin_qormaatichaa_torban_kana_keessa_hanga_Jimaata 30/12/2017tti waan ibsamuufi #fuula_FB_keenya ( 📱 Biiroo Barnootaa Oromiyaa) ( http://t.me/Oromiaeducationbureauofficial 💠) kanarratti waan darbuuf #obsaan_akka_nu_hordoftan dhaamsa keenya ta'a! #gulantaa_sirriirratti_barsiisuu #BBO with Tolaa Bariisoo Gadaa 💠