Advertising on the Telegram channel «🇵🇸 ‏ ፍልስጢን ‏🇵🇸»

ሐማስ ለፕሬዚደንት ትራምፕ ባለ 20-ነጥብ "የሰላም እቅድ" ዲፕሎማሲያዊ ብስለት የተመላበት ምላሽ ሰጠ። • ትራምፕ እስራኤል የቦምብ ድብደባ እንድታቆም አሳሰቡ። ~~ ሐማስ በአሜሪካው ፕሬዚደንት ዶናልድ ትራምፕ በቀረበው ባለ 20-ነጥብ "የሰላም እቅድ" ውስጥ፣ በፍልስጤማውያን ወቅታዊና ዘላቂ ጥቅሞች ላይ ላማከሉት ትኩረት በመስጠት አዎንታዊ ምላሽ ሰጠ። በጥንቃቄ የተዘጋጀው የሐማስ ምላሽ፣ ከሰላም እቅዱ 20 ነጥቦች መካከል፣ ፍልስጥኤማውያን ለነጻነት የሚያካሂዱትን ትግል የሚጻረሩትን ነጥቦች ችላ በማለትና የፍልስጥኤምን የወደፊት ዕጣ ፈንታ በተመለከተ በሰፈሩት ነጥቦች ዙርያ በዓለምአቀፍ ሕግጋት እና ውሳኔዎች ማዕቀፍ ቀጣይ ድርድር ለማካሄድ ፈቃደኛ መኾኑን በመግለጽ ምላሽ ሰጥቷል። ሐማስ በሰላም እቅዱ ውስጥ ከሰፈሩት 20 ነጥቦች መካከል በጣም መሠረታዊ በሆኑት ጉዳዮች ላይ ብቻ ትኩረት ያደረገ ሲሆን፣ ከእነዚህ መካከል በሕይወት ያሉ እና የሞቱ ታጋቾችን (አስከሬን) እቅዱ ላይ በተቀመጠው የእስረኞች ልውውጥ ማእቀፍ ለመፈፀም፣ ጦርነቱን ለማቆም፣ የእርዳታ መግባትን እና ጋዛ በፍልስጥኤማዊያን ቴክኖክራቶች ትስተዳደር የሚለውን "እቀበላለሁ" ሲል አሳውቋል። ሐማስ የጋዛን መጻዒ ዕጣ ፈንታ በሚመለከቱ ጉዳዮች ላይ ለመደራደር ፈቃደኛ መሆኑን ከመግለፁም ጋር፣ ጋዛን በውጭ ኃይሎች ስለማስተዳደር እና ሐማስን ከፍልስጥኤም ጉዳይ ጨርሶ ስለማግለል የቀረቡትን ነጥቦች በተዘዋዋሪ መንገድ እንዳልተቀበላቸው የተጠቀማቸው ዓረፍተ ነገሮች ይጠቁማሉ። ሐማስ በዚሁ መግለጫው በአረብ እና እስላማዊ አገራት፣ እንዲሁም በፕሬዚደንት ትራምፕ ለተደረጉት የሰላም ጥረቶች ምሥጋና አቅርቧል። የሐማስ መግለጫ በትራምፕ "የሰላም እቅድ" ውስጥ ከሚገኙት 20 ነጥቦች መካከል፣ ለምሳሌ "ትጥቅ መፍታት"፣ "የምድር ውስጥ መተላለፊያዎችና መሣሪያ ማምረቻዎችን ማፍረስ፣ 'የሰላም ቦርድ' ማቋቋም ወዘተ. ለሚሉት ነጥቦች ቀጥተኛ ምላሽ ባለመስጠት አልፏቸዋል። እነዚያን ነጥቦች የምላሹ አካል ከማድረግና ለነሱ ተፈጻሚነት ምንም ዓይነት ቃል ከመስጠት በመታቀብ፣ በአጠቃላይም ምላሹን በአዎንታዊ ቃና በመቃኘት የሰጠው ምላሽ ቢያንስ ለጊዜው የዲፕሎማሲ ድል የሆነለት ይመስላል። ትራምፕ "ሐማስ ለሰላም ዝግጁ መሆኑን ተረድቻለሁኝ" ብለዋል። የመንግሥታቱ ድርጅት ዋና ፀሐፊን ጨምሮ፣ የተለያዩ አገራት መሪዎችም፣ ለሐማስ ምላሽ በጎ አስተያየታቸውን እየሰጡ ነው። በአሁኑ ጊዜ ጦርነቶችን በማስቆም የሰላም ሰው መስለው ለመቅረብ [እናም የኖቤል ሽልማት ለማግኘት] እየሻቀሉ የሚገኙት ፕሬዚደንት ትራምፕ፣ የሐማስን ምላሽ በበጎ መልኩ መቀበላቸውን በተናገሩበት የቪዲዮ መልዕክት፣ እስራኤል በጋዛ የምታካሂደውን የቦምብ ድብደባ በአስቸኳይ እንድታቆም አሳስበዋል። የሐማስን ምላሽ ተከትሎ፣ የእስራኤሉ ጠቅላይ ሚኒስትር ለእቅዱ "የመጀመሪያ ምዕራፍ" ተፈጻሚነት "ከሸምጋዮች ጋር አብሬ እሠራለሁ" ብሏል። ይሁንና ትራምፕም ሆኑ ኔታንያሁ ቃላቸውን በመጠበቅ የሚታሙ ሰዎች እንዳልሆኑ ይታወቃል። ©Zekeriya

ዓለም ከትናንት እስከ ዛሬ *** 1. የገዝዛን ከበባ ለመስበር የመጡትን 42 ጀልባዎች በሙሉ በቁጥጥር ሥር አውያለሁ፣ ከ400 በላይ የሚሆኑ የንቅናቄው ተሳታፊዎችንም አስሬ ምርመራ እያደረግኩባቸውና መመለስ የሚፈልጉትንም እየመለስኩ ነው ብላለች አዝራኢል። 2. የአዝራኢል የደህንነት ሚኒስትሩ ቤን ጋፊር የሱሙድ ፍሎቲላ ንቅናቄ ተሳታፊዎች የታሰሩበት ነቀብ በሚገኘው እስር ቤት ድረስ በመሄድ አሸባሪዎች ብሏቸዋል። 3. ለቤን ጋፊር ውንጀላም ታሳሪዎቹ “ነፃነት ለፍስጤም! ነፃነት ለፍልስጤም!” በማለት ጮኸዋል፡፡ 4. አዝራኢል የገዛዛ ዘመቻዋን አፋፍማ ቀጥላለች፣ ገዝዛ ከተማን ለቆ የማይወጣ ሰውም እንደ አሻባሪ ተቆጥሮ እርምጃ ይወሰድበታል ብላለች። 5. ትራምፕ ሐማስ እስከ እሑድ እኩለ ሌሊት ድረስ ላቀረብኩት ረቂቅ አዎንታዊ መልስ ካልሠጠ ገዝዛ ከዚህ በፊት ታይቶ በማይታወቅ የፈላ ጀሀነም ትሆናለች ብሏል። 6. ትራምፕ ትላልቅና ሀብታም የመካከለኛው ምሥራቅ አገራት በሙሉ ሀሳቤን ይደግፋሉ ብሏል። 7. ሐማስ በበኩሉ በረቂቁ ከተለያዩ አካላት ጋር እየተወያየሁበት ነውና ጊዜ ስጡኝ ብሏል። 8. በገዝዛ ኢስራኤል ጉዳይ ከትራምፕ ጋር ሙስሊም አገራትን ወክለው ከተወያዩት መካከል አንዱ የሆኑት የፓኪስታኑ ጠቅላይ ሚኒስትር የቀረበልንና የተስማማንበት ረቂቅ እኛ እንደተስማንበት ተደርጎ አሁን ለሐማስ ከቀረበው የተለየ ነው ብለዋል። 9. ሱዳን ከአዲሱ ታላቁ የህዳሴ ግድብ የተለቀቀው ጎርፍ ትልቅ መጥለቅለቅን ፈጥሮ ጉዳት አስከትሎብኛል፣ በርካታ መንደሮቼም በጎርፍ ተውጠዋል ብላለች። 10. ግብፅ በበኩሏ ኢትዮጲያ ከህዳሴ ግድብ አስተዳደር አንፃር ተፋሰስ አገራትን የሚጎዳ ያልተጠና የደመነፍስ ሥራ እየሠራች ነው ብላለች። 11. በበርካታ የአውሮፓ፣ ኤዥያ እና የደቡብ አሜሪካ አገራት ለፍልስጤም ድጋፍ ታላላቅ ሰልፎች ተደርገዋል። 12. ኮሎምቢያ ከትናንት በስቲያ የአዝራኢል ዲፕሎማቶችን ከአገሯ አባርራለች፣ ከጽዮናዊቷ ጋር የነበራት የንግድ ግንኙነትም አቋርጣለች። 13. በሩሲያ እና በኔቶ መካከል ያለው ውጥረት እንደቀጠለ ነው። 14. የአውሮፓ እግር ኳስ ማኅበር በኢስራኤል ላይ እግዳ የሚጥል ከሆነ ትልቅ ቅጣት ይጠብቀዋል ብሏል ትራምፕ። 15. ቱርክ አንድ የሞሳድ ሰላይ ይዣለሁ ብላለች፡፡ ©mohamed