🔴 ምክረ አበው MEKRA ABAW™

( ... ከላይኞቹ ጽሑፎች የቀጠለ - የመጨረሻው ክፍል) ፯. ላመኑበት ነገር መከራ መቀበል እንደሚታወቀው ሌሊት ብርሃን የሌለበት ሜዳውና ገደሉ የማይታይበት፤ እንቅፋት የሚበዛበት፤ ጭምልም የሚልበት፤ ግራ ቀኙ የማይለይበት፤ ማጅራት ከሚመቱ ወንበዴዎችና ከሚባሉ አራዊት በስተቀር በመንገድ ሌላ ስው የማያጋጥምበት ነው። ብርድና ቆፈን ሰውነትን የሚያስጭንቅበት ሰዓት ነው፤ ይህ የአይሁድ መምህር እነዚህ ሁሉ ፈተና እና ተግዳሮት ከዓላማው ሊያደናቅፉት አልቻሉም፡፡ እንቅልፍ፣ የሌሊት ግርማና የአራዊት ድምፅ፣ የሽፍቶች ሽምቅ ክርስቶስን ከመገናኘት አላገዱትም፡፡ ስለዚህ ብዙ እግሮች ወደ ኀጢአት በሚሮጡባት ሌሊት ወደ ክርስቶስ የሮጠውን መምህር ኒቆዲሞስን አለማድነቅ አይቻልም። የሌሊት ጨለማ የአራዊት ግርማ ሳይበግረው ወደ ኢየሱስ ክርስቶስ የተጓዘ ይህ ታላቅ መምህር ለማኅሌታውያንና ለሰዓታት ቋመሚዎች እንዲሁም ማልደው ተነሥተው ለጸሎት ለሚተጉ ብርቱ ክርስቲያኖች ምሳሌ ኾነ፡፡ በሕይወትህ ውስጥ የተስፋ ብርሃን ጭልምልም ባለብህ ሰዓት ኑሮህ ሌሊት በኾነብህ ሰዓት አንተ ወዴት ትሄዳለህ፤ እንቅፋት በበዛብህ ወቅት ግራ ቀኙን አይተህ ሰው ባጣህበት ሰዓት፤ ብቸኝነት በዋጠህ ሰዓት፤ ዙሪያህን በክፉ ስዎች በተከበብክ ሰዓት አንተ ወዴት ትሔዳለህ? ኒቆዲሞስ በሌሊት ወደ ብርሃን ክርስቶስ ሄደ፤ ሕይወቱ ሌሊት የኾነበት ሰው ወደ ኢየሱስ ክርስቶስ መሄድ እንደሚሻለው ከኒቆዲሞስ የተሻለ ምሳሌ አያገኝም። ልቡ ለጨለመበት፣ በኀጢአት ጠል ለጠቆረ፣ በበደል ቆፈን ለታሰረ ... መፍትሔው ወደ ክርስቶስ መሄድ ነው። በተስፋ መቁረጥ እያለቀስክቁጭ ብለህ ብታመሽ መቼም አይነጋልህም፣ ይልቅስ እንደ ኒቆዲሞስ በሌሊት ተነሥና ወደ ክርስቶስ ሂድ! እርሱ ግራ ለገባው ማንነትህ ቀኙን ያሳየዋል፤ ዳግም መወለድ እንዳለ ይነግርሃል፤ ኒቆዲሞስ ጌታን ሊያይ ሄዶ ራሱ ታይቶ እንደ መጣ አንተም ወደ ክርስቶስ የቀረብክ እንደኾነ ራስህን ታያለህ፡፡ በመጨረሻም ... ኒቆዲሞስ ወንጌልን ከተማረ በኋላ ምን አደረገ? የአይሁድ አለቃ መምህር ኒቆዲሞስ ከጌታችን እግር ስር ቁጭ ብሎ ወንጌልን ተምሮ ከተረዳ በኋላ እውነቱን ሲያውቅ ቀጥታ የጠባይና የአቋም ለውጥ ነው ያደረገው:: ሐዋርያው ቅዱስ ጳውሎስ:-

❝ልጅ ሳለሁ እንደ ልጅ እናገር ነበር እንደ ልጅም አስብ ነበር፤ እንደ ልጅም እቆጥር ነበር፤ ጎልማሳ ሆኜ ግን የልጅነትን ጠባይ ሽሬያለሁ። አሁን ግን ታወቀኝ በግልጥም ተረዳኝ❞

— ፩ኛ ቆሮ ፲፫፥፲፩ ብሎ እንደተናገረ መምህር ኒቆዲሞስም የአሪት መምህር ሳለ እንደ ኦሪታውያን ያስብ ነበር፤ የወንጌልን ዕውቀት ሲጨምር ግን ያላወቀው ብዙ ነገር እንዳለና ከኦሪት እውቀት የወንጌል እውቀት የበለጠ ጸጋ እንደሚያሰጥ ተረዳ፤ ስለዚህ ኦሪታዊ ባሕርይውን በወንጌላዊ ባሕርይ ለወጠ። በዚያም ሳያበቃ መማር ብቻውን እንደማያጸድቅ አውቆ የተረዳውን እውነት ደግሞ በምግባር ገለጠ። ፩. አዋቂ ነን የሚሉትን አሳፈራቸው ወቅቱ የአይሁድ የፋሲካ በዓል የቀረበበት፤ ጻፎችና የካህናት አለቆች ጌታን ለመያዝ የሙሴ ፈጣሪ መሆኑን ባለማወቃቸው እንደ ሙሴ ሕግ ሊያስፈርዱበት የቋመጡበት ጊዜ ነበር። የካህናት አለቆች ተሰብስበው ክርስቶስን ለመያዝ በሚመካከሩ ጊዜ ከሙሴ መጻሕፍት ሕግ ጠቅሶ ሊቃውንተ ኦሪትን አፋቸውን ያስያዛቸው ኒቆዲሞስ ነበር። በዚህም የተነሣ ሳይስማሙ ወደ የቤታቸው እንዲበተኑ ያደርጋቸው ነበር:: ይህንን እውነት ወንጌላዊ ቅዱስ ዮሐንስ እንዲህ ሲል እንደ መዘገበልን:-

❝ከእነርሱም አንዱ በሌሊት ወደ ጌታችን ኢየሱስ የሄደው ኒቆዲሞስ እንዲህ አላቸው ሕጋችን አስቀድሞ ከእርሱ ሳይሰማ የሠራውንም ሳያውቅ በሰው ይፈርዳልን? አላቸው፤ አንተም ከገሊላ ነህን ከገሊላ ነቢይ እንደማይነሣ መርምርና እይ አሉት፤ ሁሉም እያንዳንዳቸው ወደ ቤታቸው ሄዱ❞

— በማለት ያጠፋው ጥፋት ሳይጠና ቀኝና ግራ ሳይታይ እንዲሁ ሰውን በከንቱ መወንጀል እንደማይገባ ይህንንም ሕገ ኦሪት እንደማትፈቅድ በመናገር ጸሐፍት ፈሪሳውያንን ምክንያት አሳጥቶ ወደየቤታቸው እንዲበታተኑ ያደረገ ታላቅ ሰው ነው (ዮሐ ፯፥፶፩)። ፈሪሳውያን የተጠየቁትን የሕግ ጥያቄ በሕግ መመለስ ሲያቅታቸው «አንተ ከገሊላ ነህን?» በሚል ጉዳዩን ወደ ወገንተኝነት ለመውሰድ ቢሞከሩም ኾኖም በቂ ምክንያት ሊያቀርቡ ባለመቻላቸው አፍረው ወደ ቤታቸው ገብተዋል፡፡ ፪. ከሥርዐተ ግንዘቱ ተሳተፈ ጌታችን በቀራንዮ አደባባይ ራሱን ለዓለሙ ቤዛ አድርጎ ሲሰጥ እስከ ሞት ድረስ ከአንተ አንለይህም ያሉት፤ ሦስት ዓመት ከሦስት ወር ከዋለበት እየዋሉ ካደረበት እያደሩ ከእግሩ ስር ቁጭ ብለው የተማሩ ከዮሐንስ በቀር ደቀ መዛሙርቱ ሁሉ ሲበታተኑ በዘጠኝ ሰዓት ቀራንዮ የተገኘው ኒቆዲሞስ ብቻ ነበር። ሦስት ዓመት ሙሉ ከእጁ የበሉ የጠጡ የቃሉን ትምህርት የሰሙ የእጁን ተአምራት ያዩ መደበኞቹ ተማሪዎች ከምስክርነት ሲሸሹ በትርፍ ጊዜው ይማር የነበረው የማታው ተማሪ ኒቆዲሞስ ለምስክርነት ተገኘ።

❝ለጠቢብ አሐቲ ቃል ትበቁዖ — ለብልህ ስው አንዲት ቃል ትበቀዋለች❞

የተባለውን ቃል ተፈጸመ። ወንጌላዊ ቅዱስ ዮሐንስ:-

❝ቀድሞ በሌሊት ወደ ጌታችን ኢየሱስ ሄዶ የነበረው ኒቆዲሞስም መጣ፤ ቀብተውም የሚቀበርበትን መቶ ወቄት የከርቤና የሬት ቅልቅል ሽቶ አመጣ❞

— ብሎ እንደመዘገበልን ከአርማትያሱ ከዮሴፍ ጋር ሆኖ የክርስቶስን ሥጋ ከጲላጦስ ለምኖ የገነዘ፣ የክርስቶስን ቅዱስ ሥጋ ከርቤና የእሬት ቅልቅል ያርከፈከፈለት ለራሱ ባሳነጸው ሐዲስ መቃብር የቀበረው ኒቆዲሞስ ነበር (ዮሐ ፲፱፥፴፰)። ቅድስት በረከቱ በእውነት ትደርብን። (፫/፫) ዲ/ን ኃይለራጉኤል

( ... ከላይኛው የቀጠለ - ክፍል ፪) ፬. ለእውነት ምስክር መሆን እውነት ማለት እግዚአብሔር ነውና ለእውነት ምስክር መሆን ለእግዚአብሔር ምስክር መሆን ነው። ጌታችን መድኀኒታችን ኢየሱስ ክርስቶስ:-

❝እኔ ለእውነት ልመሰክርመጥቻለሁ❞

— በማለት እውነትን እንድንመስክር አብነት ሆኖናል (ዮሐ ፲፰፥፴፯)። በተጨማሪም:-

❝በሰው ፊት ለሚመሰክርልኝ ሁሉ እኔ ደግሞ በሰማያት ባለው አባቴ ፊት እመስክርለታለሁ:: በሰው ፊት የሚክደኝን ሁሉ ደግሞ በሰማያት ባለው አባቴ ፊት እክደዋለሁ❞

— ሲል ስለ ሃይማኖታችን መመስከር እንደሚገባን አስተምሮናል (ማቴ ፲፥፴፪)። እንዲሁም ለኒቆዲሞስ ሲያስተምረውም:-

❝እውነት እውነት እልሃለሁ የምናውቀውን እንናገራለን ያየነውንም እንመሰክራለን❞

— በማለት ለእውነት መመስከር እንደሚገባ አስገንዝቦታል (ዮሐ ፫፥፲፩)። ኒቆዲሞስ በተማረው ትምህርት መሠረት ያለፍርሃትና ያለ ሐፍረት በካህናቱ ፊት እውነትን መስክሯል። ሐዋርያው ቅዱስ ዮሐንስ በመልእክቱ:-

❝ፍጹም ፍቅር ፍርሃትን አውጥቶ ይጥላል እንጂ በፍቅር ፍርሃት የለም፤ ፍርሃት ቅጣት አለውና፤ የሚፈራም ሰው ፍቅሩ ፍጹም አይደለም❞

— በማለት እውነተኛ ፍጹም ፍቅር ላፈቀረው አካል ማንኛውንም መሥዋዕትነት ለመክፈል እንደሚዘጋጅ ተናግሯል (፩ኛ ዮሐ ፬፥፲፰)። ኒቆዲሞስም እውነትንና ጸሐይን ፈርቶ የትም መድረስ እንደማይቻል ስለተረዳ መጽሐፍ እየጠቀሰ እውነቱን በመናገር ካህናቱን አሳፍሯቸዋል:: በመሪዎችና በታላላቅ ሰዎች ፊት ቆሞ እውነትን መመስከር ክርስትናችን የሚያስገድደን አንዱ ቁም ነገር ነው (ሉቃ ፲፪፥፰)። ቤተክርስቲያን «ሰማዕታት» አያለች የምትዘክራቸው በሙሉ ለእውነት ብለው ራሳቸውን ለክርስቶስ አሳልፈው የሰጡ በአላውያን ነገሥታት ፊት እውነቱን የመሰከሩ ቅዱሳንን ነው:: በፍርሃት፣ በሐፍረትና በይሉኝታ እውነትን መካድና መሸፈን በክርስቶስ ፊት ያስጠይቃል እንጂ አያስመሰግንም (ማቴ ፲፥፴፪)። ሐዋርያው ቅዱስ ጳውሎስ:-

❝ለእውነት እንጂ በእውነት ላይ ምንም ማድረግ እንችልም❞

— ያለውም ለዚህ ነው (፪ኛ ቆሮ ፲፫፥፰)። ይህን የተገነዘበው የኦሪቱ ሊቅ ኒቆዲሞስ:-

❝መምህር ሆይ አእግዚአብሔር ዘንድ ተልከህ ልታስተምር እንደመጣህ እናውቃለን፤ አንተ የምትሠራውን ሥራ መሥራት የሚቻለው የለምና፤ እግዚአብሔር ካደረበት ሰው በቀር አንዱ ስንኳ አንተ የምታደርገውን ተአምራት ማድረግ አይቻለውምና። ስለዚህ ከእብ አካል ዘእምአካል ባሕርይ ዘእምባሕርይ ተወልደህ ልታስተምር እንደ መጣህ እናውቃለን❞

— ሲል በምሥጢር የተሟላ የአእምሮን ክፍተት የሚሞላ ምስክርነት ሰጥቷል:: ባሕረ ጥበባት ቅዱስ ያሬድም:-

❝ወሀሎ አሐዱ ብእሲ እምፈሪሳውያን ዘስሙ ኒቆዲሞስ ዘሖረ ኀቤሁ ቀዲሙ ሌሊተ ኀበ ኢየሱስ ወይቤሎ ረቢ ነአምን ብከ ከመ እምኀበ አብ መጻእከ አልቦ ዘይገብር ተአምረ ዘአንተ ትገብር ወይቤልዎ አይሁድ ኢየሐውር በሕገ ኦሪትነ ወይቤሎሙ ኒቆዲሞስ ኦሪትክሙኑ ትኴንኖ ለሰብእ ዘእንበለ ትቅድሙ ወትሕቱ ምግባሮ ወይቤሎ ለኢየሱስ ዕጓለ አንበሳ ሰከብከ ወኖምከ ወበትንሣኤከ ተንሥእ ርድአነ ወአድኅነነ በእንተ ስምከ ዘተሰምየ በላዕሌነ — አስቀድሞ ሌሊት ወደ እርሱ ይሄድ የነበረ ከፈሪሳውያን ወገን ስሙ ኒቆዲሞስ የሚባል አንድ ሰው ነበር፤ መምህር ሆይ ከአብ አካል ዘእምአካል ባሕርይ ዘእምባሕርይ ተወልደህ ወደዚህ ዓለም እንደ መጣህ እናምንብሃለን፤ አንተ የምትሠራውን ተአምር የሚሠራ የለም አለው፤ አይሁድ ግን በአሪታችንን ሕግ አይሄድም አሉት፤ ኒቆዲሞስ ኦሪታችሁ አስቀድሞ ሥራውን ሳትመረምር በውኑ ሰውን ትኮንናለችን አላቸው የሕይወታችን መሪ ኀጢአታችንን ይቅር የምትል ነህ አለው፡፡ የአንበሳ ልጅ ኢየሱስ ሆይ ተኛህ አንቀላፋህ በትንሣኤህ ተነሥ እርዳን፤ በእኛ ላይ ስለተሠየመው ስምህ አድነን አለው❞

— በማለት መጋቤ ብሉይ ኒቆዲሞስ ለኦሪት ሕግ ተቆርቋሪ እግዚአብሔርን አክባሪ ነን እያሉ ለሚመጻደቁ ፈሪሳውያን ተገቢውን መልስ እንደሰጣቸው ሊቁ በዜማው ነግሮናል፡፡ ፭. ትግሐ ሌሊት ትግሐ ሌሊት ማለት ከቆሙ ሳይቀመጡ ከጀመሩ ሳያቋርጡ በተደሞ በተመስጦ ሆኖ በጸሎትና በስግደት ተግቶ ማደር ማለት ነው:: ለትግሐ ሌሊት፣ ለመንፈሳዊ የኅሊና ቅኝት፣ ለተመስጦ የሚመቸው ደግሞ የሌሊቱ ክፍለ ሰዓት ነው፡፡ ቀን ለሥጋ ሥራ ሲሮጥ - ሲራወጥ የነበረ ሰውነት ሌሊቱን ለነፍስ በመገዛት ሥጋውን መጎስም አለበት፡፡ ለዚህም ነው ቅድስት ቤተክርስቲያን ቀኑን በቅዳሴ፤ ሌሊቱን ደግሞ በማኅሌት፤ በሰዓታትና በኪዳን እግዚአብሔርን ስታመሰግን የምታድረው:: ማር ይስሐቅም:-

❝ሌሊትስ ጌታን ለማመስገን የተፈጠረ ድንቅ ጊዜ ነው❞

— ያለው ባልባከነ ሐሳብ በተረጋጋ ልብ ሆኖ ከእግዚአብሔር ጋር ለመነጋገር ሌሊት ምቹ ሰዓት ስለሆነ ነው:: ጌታችንም ሐዋርያቱን:-

❝ወደ ፈተና እንዳትገቡ ትጉና ጸልዩ!❞

— ያላቸው ሌሊት ተኝተው ስላገኛቸው ነው (ማቴ ፳፮፥፵፩)። አሁንም ቤተክርስቲያን እንደ ኒቆዲሞስ በሌሊት ገስግሶ ለኪዳን ለማኅሌት ለጸሎት የሚመጣ ምእመን ትፈልጋለች:: የኒቆዲሞስ በሌሊት ገሥግሦ መምጣት ለምሥጢረ ጥምቀት ትምህርት መገለጥ ምክንያት እንደሆነ ሁሉ በቅዳሴው፣ በኪዳኑ በሰዓታቱና በማኅሌቱ መገኘትና መሳተፍ ረቂቅ የሆነው ሰማያዊ ምሥጢር ፍንትው ብሎ እንዲገለጥልን ምክንያት ይኾናል፡፡ ቅዱስ ጴጥሮስ:-

❝መጠራታችሁንና መመረጣችሁን ታጸኑ ዘንድ ከፊት ይልቅ ትጉ❞

— (፪ኛ ዼጥ ፩፥፲) ብሎ እንደተናገረው ለተጠራንበት ሕይወትና ሰልፍ በሰዓት ሳንወሰን ችግር ሳይበግረን እንደ ኒቆዲሞስ በቀንና በሌሊት መትጋት ይገባል:: ልበ አምላክ ቅዱስ ዳዊትም:-

❝በሌሊት አንሥኡ እደዊክሙ በቤተ መቅደስ፥ ወባርከዎ ለእግዚአብሔር — በሌሊት በቤተ መቅደስ እጆቻችሁን አንሡ እግዚአብሔርንም አመስግኑት❞

— ብሎናል (መዝ ፻፴፫፥፪)። ፮. እስከ መጨረሻ መጽናት ጌታችንን በመዋዕለ ስብከቱ ብዙ ሺህ ሕዝብ ቢከተለውም እስከ መስቀሉ አብረውት የነበሩ ከሺዎቹ መካከል ግን አንድ ሰው ብቻ ነው:: የተወሰነው ሕዝብ ቀድሞም የተከተለው ለምግበ ሥጋ ነበርና ቀራንዮ ላይ አልተገኘም:: ቀራንዮ ላይ ምግበ ነፍስ እንጂ ምግበ ሥጋ የለም። ሌሎችም በቤተሰብ በሀብት በፍርሃት ምክንያት መስቀሉ ስር አልተገኙም:: ምንም እንኳ ኒቆዲሞስ በስድስት ሰዓት ባይገኝም የክርስቶስ ሥጋ ከነፍሱ በምትለይበት ሰዓት ክርስቶስን ከመስቀል አውርዶ ለሐዲስ መቃብር ያበቃው እሱ ነበር:: በዚህ የመከራ ሰዓት ከዮሐንስና ከእናቱ ከድንግል ማርያም ውጭ ማንም እንዳልነበረ መጻሕፍት ከገለጡልን በኋላ የምናገኛቸው የቁርጥ ቀን ልጆች ዮሴፍንና ኒቆዲሞስን ነው:: ይህም ፈተናውን ሁሉ ተቋቁሞ እስከ መጨረሻው ለመጽናቱ ምስክር ነው:: በክርስትና ሕይወታችንም የምናያቸው ነገሮች ከዚህ የተለዩ አይደሉም:: በምቹ ጊዜ የምናገለግል ፈተና ሲመጣ አገልግሎታችንን ጥለን የምንሮጥና ሰበብ ፈልገን የምናፈገፍግ በጣም ብዙዎች ነን (ማር ፲፬፥ ፶፩)። ዕውቀትና ሀብት ጣዖት ሆነውበት መሐል መንገድ ላይ እንደ ዴማስ ሩጫውን ያቋረጠውን፤ ጊዜ ጣዖት ሆኖበት ቅዳሴ የሚቀረውን ቆጥረን አንጨርሰውም። ጌታ በትምህርቱ:-

❝ለዘአዝለፈ ትዕግሥቶ ውእቱ ይድኅን — እስከ መጨረሻው የሚጸና እርሱ ይድናል❞

— እንዳለ (ማቴ ፳፬፥፲፰)። ክርስትና ለጀመሩት ሳይሆን ለጨረሱት፤ ለወጠኑት ሳይሆን ለፈጸሙት የድል አክሊል የምትሰጥ መንገድ እንጂ የመሮጫ መንገዱ ጠበበን፥ ሩጫው ረዘመብን ለሚሉ ዴማሶች ቦታ የላትም (፪ኛ ጢሞ ፬፥፱)። (፪/፫) ⤵️⤵️⤵️⤵️

ከኒቆዲሞስ ምን እንማር? ፩. አትሕቶ ርእስ (ራስን በትኅትና ዝቅ ማድረግ) በቅዱስ ወንጌል ላይ በተደጋጋሚ የምናገኘው የፈሪሳውያንን ግብዝነትና የጌታችንን ተግሳጽ ነው (ማቴ ፱፥፲ ፤ ማቴ ፳፫፥፩)። ለዚህም ማሳያ የሚሆነን የፈሪሳዊውና የቀራጩ ጸሎት ምን ይመስል እንደነበር መመልከት ነው (ሉቃ ፲፰፥፱)። ኒቆዲሞስ ፈሪሳዊ፣ የአይሁድ አለቃ፣ መምህረ እስራኤል፣ ምሁረ ኦሪት ቢሆንም ራሱን ዝቅ አድርጎ ከጌታ እግር ስር ቁጭ አለ:: ሕዝብን ከመምራትና ከማስተማር ይልቅ ቁጭ ብሎ መማር ምንኛ መታደል ነው? ጌታችንስ በትምህርቱ:-

❝ማርያምም መልካም ዕድልን መርጣለች ከእርሷም አይወሰድባትም❞

— ያለው ለዚህ አይደል? (ሉቃ ፲፦፵፪)። ብዙዎቻችን ባለን የኑሮ ደረጃ፣ የዕውቀት ደረጃ፣ የሥልጣን ደረጃ ... ራሳችንን የማይሆን ከፍታ ላይ ሰቅለን የመማር አቅም አጥተናል፡፡ ቁጭ ብሎ መማር ደረጃችን የማይመጥን የሚመስለን ስንቶች እንሆን? ዘወትር ለመማር የተዘጋጀ ልቡና ካለን እግዚአብሔር በብዙ መንገድ ያስተምራል። ማን ያውቃል በአንድ ሰዓት ስብከት ውስጥ እግዚአብሔር ሊያስተምረን የፈለገ አንዲት ዐረፍተ ነገር ቢሆንስ? ትሑት ማለት ሳያውቁ አላውቅም ማለት ሳይሆን እያወቁ አላውቅም የሚል ሰው ነው:: ሳይማሩ ተምሬያለሁ ማለት ሳይሆን ተምረው ልክ እንደ ኒቆዲሞስ ለመማር ራስን ዝቅ ማድረግ ነው:: ቅዱስ ያሬድ ቤተ ክርስቲያን የትምህርት ገበታ የሕግ መውጫ የመሲሁ መገለጫ እንደሆነች:-

❝እስመ እምጽዮን ይወጽእ ሕግ ወቃለ እግዚአብሔር እምኢየሩሳሌም ብእሲ ጻድቅ ዘእምኀበ እግዚአብሔር ነዋ ንጉሥኪ በጽሐ — ሕግ ከጽዮን ቃለ እግዚአብሔርም ከኢየሩሳሌም ይወጣልና፤ ጻድቅ ሰው ከእግዚአብሔር ዘንድ እነሆ ንጉሥሽ ደረሰ❞

— በማለት አምላካዊ ሕግ የሚረቀቅባት የሕዝብ ሁሉ መጠጊያ የሆነች ጽዮን ቤተ ክርስቲያን ለሚጠይቃት ሁሉ መልስ ለመስጠት ዘወትር የተዘጋጀች መሆኗን በመዝሙሩ ነግሮናል። ፪. ጎዶሎን ማወቅ ኒቆዲሞስ ምሁረ ኦሪት እንጂ ምሁረ ሐዲስ አይደለም። ያ ማለት መምህረ እስራኤል ዘሥጋ እንጂ መምህረ እስራኤል ዘነፍስ አይደለም። ክርስትና አለቃንና አገልጋይን አንድ እንደምታደርግ አያውቅም፤ ስለዚህ የጎደለውን ፍለጋ ወደ ክርስቶስ መጣ (ገላ ፫፥፳፮)። ኒቆዲሞስ ያለውን ሳይሆን ያጣውን፤ የሞላለትን ሳይሆን የጎደለውን ፍለጋ መጣ። ዕውቀት ብቻውን ምሉእ አያደርግም፤ አለቅነትም ቢሆን ገደብ አለው:: የሕይወቱን ክፍተት ሊሞላ የሚችል አንድ ክርስቶስ ብቻ መሆኑን ተረድቶ ጎደሎነቱን አምኖ ወደ ክርስቶስ መጣ:: «የሚጎድለኝ ምንድን ነው?›› ብሎ እንደጠየቀው ሰው ጎደሎን ማመን ምንኛ ታላቅ ነገር ነው? (ማቴ ፲፰፥፳፩)። ብዙኀን ክርስቲያኖች መንፈሳዊ ሕይወታቸው አደጋ ላይ የሚወድቀውና ለሥጋ ፈተና የሚጋለጠው ክፍተትንና ጎዶሎነትን ካለማወቅ የተነሣ ነው። እንዲሁም ሕይወታችን ባዶነት እየተሰማው «ምሉእ ነኝ» ብሎ ማሰብ ራሱን የቻለ ፈተና ነው:: ኒቆዲሞስ በጊዜው በነበሩ የክብር መስፈርቶች መሠረት ‹‹አንቱ›› ሊያስኙት የሚችሉ ነገሮችን ያሟላና በሰው እይታ አዋቂና የተከበረ ሰው እንደነበረ ታሪኩ ያስረዳል። የተከበረ መሆኑ ቢታመንም አዋቂነቱ ግን ጥያቄ ውስጥ ገብቷል፡፡ ጌታችን:-

❝አንተ የእስራኤል መምህር ሆነህ ይህን አታውቅምን?❞

— ሲለው ገና ማወቅ የሚገባው ብዙ ነገር እንዳለ ያሳየናል:: ለእኛ ይህ መነሻ ነጥብ ነው። ማናችንም ብንሆን በእግዚአብሔር ፊት ገና በየቀኑ ማወቅ የሚገባንና ማድረግ የሚጠበቅብን ብዙ ነገር እንዳለና በሕይወት እስካለን ድረስ ዘወትር ለበለጠ ነገር መዘጋጀት እንዳለብን የምንረዳበት ታሪክ ነው። የክርስትና ሕይወት በአንድ ቀን ተአምራዊ ለውጥ ተሠርቶ የሚያከትም ሕይወት ሳይሆን ሁልጊዜም ለማያልቀው የእግዚአብሔር ጸጋ ራስን ከፍቶ እንደ ሕፃን መሆንን የሚጠይቅ ጥሪ ነው:: ድኛለሁ፣ አውቂያለሁ፣ በቅቻለሁ ብለን የምንቆም ሳይሆን ክርስቲያናዊ ሕይወታችን በየቀኑ እያደገ የሚሄድ መሆኑን መገንዘብ ይገባል:: ኒቆዲሞስ የክርስቶስ «ዳግም ተወለድ» የሚለው ትእዛዝ ግራ ቢገባው «እንዴት ሊሆን ይችላል?›› ብሎ ጠየቀ፤ ይህ የአንዲት የፍጡር ነፍስ የሁልጊዜ ጥያቄ ነው:: ነፍስ ስለማንነቷ ከመጠየቅ መቼም ቢሆን አትቦዝንም። ዘወትር እንዴትና ወዴት መጓዝ እንዳለባት ታስባለች:: ነፍሳችን ነገሮችን ሁሉ የምታውቅ ይመስላት ይሆናል፤ ሆኖም ግን ነገሮችን ጠንቅታ የማወቅ ብቃት ስለሌላት በእግዚአብሔር ፊት ሁልጊዜም «ምንና እንዴት ማድረግ አለብኝ?» ማለቷ የግድ ነው፡፡ ምናልባት በሰው ፊት ስንቆም የፈለግነውን ሥዕላችንን ማስተላለፍ እንችል ይሆናል፤ በክርስቶስ ፊት ግን ገና ብዙ ማወቅ የሚገባን ነገር እንዳለ እንገነዘባለን:: ለዚህም ነው በእርሱ ቃል ፊት መምሰልና ማስመሰል ለማንነታችን ቦታቸውን የሚለቁት:: መወለድ ማለት መለየት፤ ከአንድ ዐይነት አናኗር ወደ ሌላ ዓይነት መምጣት ማለት ነው:: ሕፃን ከነበረበት ከጠባብ ዓለም ከእናቱ ማኅፀን ወደ ሰፊው ዓለም ወደዚህ ምድር መውጣት እንዳለበት ሁሉ ዳግም ከእግዚአብሔር ስንወለድም ከዚህ ጠባብ ዓለም ወደ ሰፊው ዓለም ከዚህ ከጨለማው ዓለም ወደ ብርሃናማው ዓለም እንወጣለን፤ ሕፃን ሲወለድ የምግብ ማስተላለፊያ የነበረው እትብቱ መቆረጥ የግድ እንደሆነ ሁሉ እኛም መንፈሳዊ ልደት ስንወለድ መቆረጥ ያለበት ሕይወት ይቆረጣል፡፡ መሠረታዊ ህልውናችንን የሚፈታተን፤ መንፈሳዊ ልደታችንን የሚያጨነግፍ ነገር እንዳይከሠት መጠንቀቅ አለብን። ያ ካልሆነ ማደግ አንችልም:: ዕድገታችን ደግሞ የሚረጋጠው ከራስ ወዳድነት ተላቅቀን የእግዚአብሔርን ፈቃድና የሰዎችን ሸክም ስንጋራ ብቻ ነው። ከእኔነት ቅርፊት ካልወጣን ከኛ ውጭ የሆነውን ሕይወት መገንዘብ አንችልም፤ ያልተፈለፈለ ማንነት፥ ያላደገ እምነት ይዘን በሥጋ ወደፊት የምንጓዝ ከሆነ እንደተበላሸ እንቁላል መጣል ነው ትርፉ:: በዚህ ሰብእና የክርስቶስን ሕማማትንና ትንሣኤን ማክበሩ ትርጉም አይኖረውም። የኒቆዲሞስ ታሪክ ከማንነታችን ወጥተን ለክርስቶስና ለሌሎች የመኖርን ሕይወት፣ በእምነታችን ዕለት ዕለት እንድንለማመድ ይጋብዘናል:: ፫. አርቆ ማስተዋል መምህር ኒቆዲሞስ ወደ ክርስቶስ ይዞ የመጣው ሥጋዊ ሕዋሳቱን ነበር፥ ጌታችን ግን አመጣጡ ለመልካም እንደሆነ አውቆ ለሥጋዊ እውቀት እጅግ የሚከብደውን ምሥጢረ ጥምቀትን ገለጠለት:: መጀመሪያ ኒቆዲሞስ ይህን ምሥጢር ለመቀበል አልተቻለውም ነበር። ክርስቶስ ምሥጢሩን ፍንትው አድርጎ ሲያብራራለት ግን ልቡናው ይህን ምሥጢር ለመቀበል ከፍ ከፍ አለ:: የእምነታችን መሠረት በሥጋ ዐይን ማየት፤ በሥጋ ጆሮ መስማት በሥጋ እጅ መዳሰስ ብቻ ከሆነ ልክ እንደ እንቧይ ካብ ቶሎ የሚናድ ይሆናል:: ኒቆዲሞስም ምሥጢሩ መጀመሪያ ቢከብደውም ቅሉ በኋላ ግን ልቦናውን ወደ ሰማያዊው ዓለም ከፍ ስላደረገ ምሥጢሩ ተገለጠለት፡፡ ዛሬም ቅድስት ቤተ ክርስቲያንን እየተፈታተኗት ያሉ አካላት የስሕተታቸውን ምንጭ እንደ ግያዝ ከአካባቢያቸውና ከምናየው ቁሳዊ ዓለም ውጭ መመልከት አለመቻላቸው ነው (፪ኛ ነገ ፮፥፲፯)። ለዚህም ነው ካህኑ በሥርዓተ ቅዳሴ ጊዜ ከሚታየው ወደማይታየው ምሥጢር እንድንመጥቅ የቁርባኑን ምሥጢር እንድናደንቅ:-

❝አልዕሉ አልባቢክሙ — ልቡናችሁን ከፍ ከፍ አድርጉ❞

— የሚለን። (፩/፫) (ቀጣይ ፪ ክፍሎችን ከስር ይመልከቱ ⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️⤵️)

#ማስታወቂያ  We will remind you again.👇 የethiocoders ስልጠና እየተሰጠና ሰርትፍኬትም እያስገኘ ነው። የተጀመረበት ቀን፦ ሐምሌ 23 ቀን 2024 G.C (July 23, 2024) የሚጠናቀቅበት ቀን፦ ፕሮግራሙ የሶስት ዓመት እቅድ ያለው ሲሆን፣ አምስት ሚሊዮን ዜጎችን የማሰልጠን ግቡን በ2026 G.C. ለማሳካት ታስቦ ነው።  እናም የethiocoders ሰርተፍኬት ለመንግስት ሰራተኛ የመመልመያ መስፈርት እንዲሁም ለሌሎች መስፈርቶች አስፈላጊ ሆኖ ስለተገኘ። ሌላውም እንደምታውቁት ለተማሪዎችም አስፈላጊና ግዴታ ሆኖ ስለተገኘ። የስልጠናው አይነቶችም Programming (ፕሮገራሚንግ) Data science (ዳታ ሳይንስ) Artificial intelligence  (አርቲፊሻል ኢንተለጀንስ) እና Android (አንድሮይድ) ናቸው። እናም የነዚህን ሰርተፊኬት ለማግኘት የማትችሉ ለመሰልጠን አገልግሎቱን እና ጊዜውን ማግኘት የማትችሉ ካላችሁ በውስጥ መስመር አናግሩን፣ በመንግስት ተቋማት ላይ ከትምህርት ሚኒስተር፣ ከስራ እና ክህሎት ሚኒስተር.. ከሌሎችም አቅጣጫ ተሰጥቶ @ሁሉም የመንግስት ሰራተኛ እንዲያይዝ ተነግሮታል እና በተሻሻለ ዋጋ እና በፍጥነት በአሉበት ከፈለጉ ሶፍት ኮፒ /soft copy/ ባላችሁበት እናጋራለን ከፈለጉ በሀርድ ኮፒ /hard copy/ እንልካለን በውስጥ መስመር አጋሩን ትንሽ ቀናት ነው የቀረው።👇 @No_Name_Pro 👈👈ያናግሩን

💍ከጋብቻ በፊት ሩካቤ (sex) መፈጸም ምን ችግር አለው⁉️ 💁‍♂ከትዳር በፊት መሳም (ከንፈር ወዳጅ /kiss) ይቻላልን⁉️ 👨‍🦱🧑‍🦳ፍቅረኛሞቹ እጅግ በጣም ስለሚውዋደዱ (ሩካቤ/sex) ቢፈጽሙ ምን ችግር አለው⁉️ ⛪️በቤተክርስቲያናችን አስተምህሮ ከተዋደዱ በኋላ ስሜታቸው ይገደባል⁉️ 🤵‍♂የስሜት መግለጫዎች መፈጸም ይቻላል⁉️ በነዚህ ትምህርቶች ዙሪያ እየተማርን እንገኛለን እርሶም እውቀቱ እዲኖርዎ ከፈለጉ ይህን ማስፈንጠሪያ Link ጠቅ ያድርጉት                 👇👇👇      @EOTC_-OPEN_channel      @EOTC_-OPEN_channel      @EOTC_-OPEN_channel      @EOTC_-OPEN_channel                 

🛑👉 በጾም ወራት ባለትዳሮች ከሩካቤ ስጋ |ግብረ-ስጋ ግንኙነት| እንዲታቀቡ ቤተክርስትያን የምትመክረው መጽሐፍ ቅዱሳዊ ነውን⁉️ 👉 በጋብቻ ወስጥ ግብረ ስጋ ግኑኝነት በመጽሐፍ ቅዱስ እንዴት ይገለጻል ⁉️ በነዚህ ትምህርቶች ዙርያ ከታች ባለው አድራሻ በመግባት መማር ትችላላቹ ❤️በማርያም ይህን ቻናል ይቀላቀሉ❤️                             👇👇          ◤◢◤◢◤◢◣◥◣◥◣◥         █   𝐉𝐎𝐈𝐍 𝐔𝐒 ➲      █          ◣◥◣◥◣◥◤◢◤◢◤◢

#ኑ_እንቅረብ_የንስሐ_ዝማሬ ኑ እንቅረብ መጠራት ሳይመጣ (2) ሥጋውን እንብላ (3) ደሙንም እንጠጣ የቀራንዮ በግ የአምላክ ሥጋው ተፈትቶልናል እንመገበው እድፉን ኃጢአታችን በንስሐ አንጽተን እንቀበል አምነን በልጅነታችን                   አዝ= = = = = መቅረብ ወደ ጌታ በእውነት የሚገባው በስተ እርጅና አይደለም በወጣትነት ነው ጨረቃና ፀሐይ ደም የለበሱለት ከዋክብት ከሰማይ የተነጠፉለት ይኸው ተፈተተ እሳተ መለኮት            አዝ= = = = = ቅድስት እናታችን ቤተ ክርስቲያን ትጋብዘናለች ሥጋና ደሙን የአማኑኤል ሥጋ ይኸው ተዘጋጀ ከግብዣው ተጠራን አዋጁ ታወጀ          አዝ= = = = = መጥቁ ተደወለ እንቅረብ በልልታ በኋላ አይረባንም ዋይታና ጫጫታ ይህች ዕድል ፈጥነን እንጠቀምባት ዓለምን አልያዝንም ብዙ ልንቈይባት          አዝ= = = = = ካሁኑ ቅረቡ ታውጇል አዋጁ የይለፍ ደብዳቤ ስንቅን አዘጋጁ ይህ ዓለም ጠፊ ነው በሐብት አትመኩ ብሏል አምላካችን ተስፋችሁን እንኩ                   መዝሙር          ኪነጥበብ ወልደቂርቆስ              ✳️ለወዳጅ ዘመድዎ ሼር ተጨማሪ ለማግኘት 👇ᴊᴏɪɴ☑️ @MARYAM_MARYAM2127 @MARYAM_MARYAM2127 @MARYAM_MARYAM2127

🤲ቅዳሴ ማለት ምን ማለት ነው ⁉️ ​​💠 ቅዳሴ ማለት ምን ማለት ነው⁉️ 💠 በቅዳሴ ጊዜ 5ቱ ምሥዋዕቶች ምን ምን ናቸው⁉️ 💠 14ቱ ፍሬ ቅዳሴያት እነማን ይሆኑ⁉️ 💠ካህናት በቅዳሴ ወቅት 2: 3: 4: 5: 7: 12: ወይም 24: ሆነው ከቀደሱ ምሳሌነቱ ምን ምን ይሆን⁉️ 💠 እኛ ክርስቲያኖች ቅዳሴን ባስቀደስን ቁጥር 4 ነገሮች እናገኛለን ምን ይሆኑ⁉️ 💠 አምስቱ የስሜት ሕዋሳት በፀሎተ ቅዳሴ ጊዜ ያስቀድሳሉ እንዴት⁉️ በእነዚህ ትምህርቶች ዙሪያ እየተማማርን እንገኛለን እርሶም እውቀቱ እዲኖሮዎ ከፈለጉ ይህን ማስፈንጠሪያ ይጫኑት ⁉️                   👇👇👇          ◤◢◤◢◤◢◣◥◣◥◣◥          █   𝐉𝐎𝐈𝐍 𝐔𝐒 ➲      █                    ◣◥◣◥◣◥◤◢◤◢◤◢

🧕👉🏾 ሴት በወር አበባዋ ጊዜ መጸለይ ትችላለች⁉️ 👉🏾 ግለ አውናን / ሴጋ /ማስተርቤሽን/ የፈጸመ ሰው ተክሊል ማግባት ይችላልን❔ 👉🏾 በሱባኤ ወቅት ህልመ ሌሊት (ዝንየት) ቢመታን ምን እናደርጋለን❓ 👉🏾 ሕልመ ሌሊት በራሱ ኃጢአት ነውን‼️ 👉🏾 ሕልመ ሌሊት በምን ይከሰታል❕ 👉🏾 ከዝሙት አጋንንት እና ከዝንየት በተጨማሪ በሕልመ ሌሊት የሚፈትነን አጋንንት የትኛው ነው❓ 👉🏾 የሕልመ ሌሊት መፍትሔ ምንድን ነው⁉️ 👉🏾 ቁርባን ቆርበን ሕልመ ሌሊት እንዳይጸናወተን ምን ማድረግ አለብን⁉️❤️በማርያም ይህን ቻናል ይቀላቀሉ❤️             👇👇👇 ▬▬▬▬▬▬▬▬▬▬▬▬▬▬▬▬          ◤◢◤◢◤◢◣◥◣◥◣◥          █   𝐉𝐎𝐈𝐍 𝐔𝐒 ➲      █                    ◣◥◣◥◣◥◤◢◤◢◤◢

📌ሰው ሲወለድ ሙስሊም ነበር ይላሉ ሙስሊሞች በተጨማሪ ጌታችን መድኃኒታችን ኢየሱስ ክርስቶስ «እኔ ጌታ ነኝ አምልኩኝ አላለም ፣ መጽሐፍ ቅዱስ ተበርዞዋል ይላሉ» እንግዲህ ለእያንዳንዱ ከሙስሊም ለሚመጣ ጥያቄ አጥጋቢ መልስ ለማግኘት ከፈለጉ ይህን ቻናል ይቀላቀሉ። የተበረዘው መፅሐፍ ቅዱስ ነው ወይ  ቁርአን ? አንድ ቅጂ ብቻ አለው ፍፁም ከፈጣሪ ነው ተብሎ በሙስሊሞች የሚታመነው ቁርአን በዚ በኛ ዘመን 4 ዓይነት ቅጂዎች አሉት.....READ MORE