Advertising on the Telegram channel «Hasen Injamo»

እየገባን ጎበዝ

👇🏼👇🏼👇🏼

እዚህ ገጽ ላይ ትምህርት ቤት ያልተማራችሁትን ነው የምትማሩት:: Original ነው ብለን ያመንነው ዶላር ፌክ ገንዘብ ነው:: እንደኛው በ9 ወራት የተወለዱ የጦ^ር አበጋዞች ስላተሙት ኦሪጂናል ነው ብለን ማመናችን ብቻ አይደለም ችግሩ:: ከሰማይ የመጣ ማንም የማያትመው ይመስለናል:: እንዴት እንደሚታተም ግብዓቶቹን በመ-ገንዘብ መጽሐፍ በስሱ ጽፌላችሗለሁ:: ዶላር ፌክ ነው:: ገመዱን እየመዘዛችሁ እላይ ስትሄዱ ኢሉ ሚናT, ምርሃት ምናምን ቱሻ ወሬ እንደሆኑ ይገባችሗል:: የቁጥር ጨዋታ ነው ያለው:: በትምህርት ጎበዝ ወይም በሥራ ትጉህ ስለሆንክ አትደርስበትም:: ትምህርቱ ወደ ቁጥር ጨዋታው አያመጣህም:: እኔ እራሱ በቅርብ ነው የባነንኩት:: ኃይማኖትና ባሕል ቀፍድደው ይዘውኝ question ሳደርግ ነው የነቃሁት:: የኡስታዞችን አሉ/አሉ ትቼ ቀጥታ ወደ ቁርአን ሄድኩኝ:: ነቃሁ:: ብቻዬን የቆምኩ ቢመስለኝም ግን ሺዎችን አገኘሁ:: አንተ አንድ ብር ባንክ ይዘህ ስትሄድ ባንኩ በ9 ያባዛውና ብርህን ወደ 1/9ኛ ያወርደዋል:: ብሔራዊ ባንክ 1 ብር ሲያትም ብር የማያትሙ ንግድ ባንኮች ግን ወደ 9 እጥፍ ያራቡታል:: ብር ስትቆጥብ ለዘበኛ መክፈል ሲገባህ ላንተ ሲከፍሉህ እንዴት አትነቃም? ወለድ በነጻዎቹን እርሳቸው:: ሌላ ሸለቆ ውስጥ ናቸው:: በእርግጥ በፊያት ዘመን ድሮም ዘንድሮም ገንዘብ አይታተምም:: ቁጥር ነው:: ጺም ያበቀሉ ወይም ዲግሪ የጫኑ, አባወራ እማወራ የሚባሉ ትልቅዬ ሕጻናትን ለማሞኘት የተለያየ ስዕላ ስዕል ይሳልላቸውና ገንዘብ ነው ይባላሉ:: መሃሉ ላይ ብልጭልጭ (ኪሽኪሽ ኪልኪል) ይደረግበታል:: የዓለም አስተዳዳሪ ባንክ እንጂ ኃይማኖት, ካፒታሊዝም ወይም ሶሻሊዝም አይደለም:: ኪስህ ውስጥ ያለው ብር ባሪያ መሆኑኑ ካላወቅህ ለባሪያ ስትሰግድ ትኖራለህ:: የባንኮች ሰርቨር ውስጥ ያለ "የክሬዲት ቻት" ልትይዘውም ልትጨብጠውም አትችልም:: ረጋ ብለህ ሲስተሙን አጥና:: ትምህርት ቤት አያስጠኑህም:: የትምህርት ካሪኩለሙ ሌላ መስመር ነው ይዞህ የሚሄደው::

ወደ ተሻለ አቅጣጫ እየገባን ይመስላል:: (አልበለጸግሁም) - ወንዝ ገድበን ኤሌክትሪክ ካሟላን - ለግብርና ማዳበሪያ ካገኘን (በተስፋ ነው) - ወርቅን Mainly በመንግሥት ካስመረትን - ምርጥ አየር መንገድ ኖሮን - የተትረፈረፈ የወጣት ኃይል ይዘን ምን ቀረን - ግድቦችን መጨማመር - የአየር መንገድ ማኔጅመንት ሌሎች ተቋማትን እንዲያዘምኑ ማድረግ - የግብርና ባንክ መክፈት - የጎጆ ኢንደስትሪ ማጧጧፍ - ታክስን እጅግ በጣም ማውረድና የታክስ ሠራተኞች የጥራት እና የትግበራ ኦዲት ላይ ማሠማራት - ሕገመንግሥቱን ማሻሻል - ማዕከላዊ መንግሥት ማጠናከር - አሰብን በየትኛውም ክፍያ ማምጣት በፍጹም ደሃን አለመግፋት

ዴንግ ሺያዎፒንግ የአሁኗ ቻይና እድገት አርክቴክት (1904 - 1997) ================ በቻይና እድገት ዐለም ሁሉ ይደመማል:: ስለቻይና ለማውራት ጽሑፍም, ፎቶም, ቪዲዮም አይገልጹም:: ሄዶ ማየት ብቻ:: ቻይና ሕዝቧ ብዙ ሆኖ ግን ቤትን ጨምሮ መሠረተ ልማት አሟልታ ከሀገር ተርፋ ለዓለም ለመድረስ እንዴት ቻለች? የሚለው የብዙዎች ጥያቄ ነው:: የሕዝብ ብዛት ዕዳ እንዳልሆነ ቻይና ምሳሌ ስትሆን የሕዝብ ማነስም ችግር እንዳልሆነ ዐረብ ኢሚሬት ምሳሌ ነች:: የዚህ ሁሉ ምሥጢር የአመራር ብቃትና ጥበብ ላይ ይወድቃል:: ፋብሪካም ለመክፈት, ንግድም ለመጀመር ስታስቡ ዋናው ጉዳይ human skill አለ ወይ ብላችሁ ጠይቁ:: ቀድማችሁ ሰውን (ጭንቅላት)ን ምረጡ:: ማሽን ግን ግዑዝ ስለሆነ ሰዎች ይመርጡታል:: ቻይናም ዴንግን መረጠችና ተመነደገች:: በእርግጥ ማዖዜዶንግ የዘረጋው መስመርን ተጠቅሟል:: ማዖ ሉዓላዊት ቻይናን ፈጥሯል:: በዕርዳታ ላይ እንዳይንጠለጠሉ መራራ እርምጃ ወስዷል:: የትምህርት ካሪኩለም ላይ ሠርቷል:: የውጭ የዕርዳታ ድርጅቶችን አስወግዷል:: ቻይኗ ትሽር ዘንድ ኮሶ አጠጥቷታል:: ዴንግ የማዖ ትውልድ ነው:: ማዖ ሲሞት እና ቦታው ክፍት ሲሆን በሥልጣን ሽሚያ መተላለቅ እንዳይመጣ ፕሬዝዳንትነት እና በዓለ ሲመት ላይ ጊዜ አልፈጀም:: እንደውም ቻይናን ፕሬዝዳንት አልባ አድርጎ የሕዝቡ ፕሬዝዳንት ሥራና ቅርብ አለቃ እንዲሆን ታናሽ ታላቁን (አለቃውን) እንዲያከብር ሕዝቡ በሥራ ዲሲፕሊን ሥር አሳደረው:: ዴንግ ሺያዎፒንግ "ዋናው ጉዳይ የድመቱ ንጣትና ጥቁረት ሳይሆን አይጦችን መያዝ መቻሉ ነው" በሚለው አባባሉ ይታወቃል:: ስለማንነትህ አይመለከተውም:: ስለውጤትህ እንጂ:: ውጤት ይዘህ ና:: አንተ ምርጥ ቻይናዊ ነህ:: የዴንግ ሺያዎፒንግ ስትራቴጂዎችና ለውጦች (1978–1990s) 1. ግብርና ቁጥር አንድ ለውጡ ግብርና ላይ ያተኮረ ሲሆን የቀድሞውን የኮሚዩኒቲ እርሻ ሲስተምን ወደ "የቤተሰብ ኃላፊነት ሲስተም" ቀየረው:: በቀደመው በማዖ ሥርዓት መሬት የመንግሥት ቢሆንም ቅሉ በየአካባቢው ማኅበረሰቦች በማኅበር መልክ ይተዳደር ነበር:: ማኅበራቱ ካመረቱት ምርት ለመንግሥት ኮታ ያስገባሉ:: ከዚያ ግን በግዴለሽነት ይኖራሉ:: በተረፈ ብዙም መሸጥ አይፈቀድም ነበር:: ከኮሚኒቲዎቹ መካከል ሺያዎጋንግ የሚባል መንደር ነዋሪዎች የማኅበራቱን መሬት በድብቅ ሸንሽነው የመንግሥትን የምርት ኮታ ያቀርቡና የተረፋቸውን በድብቅ ይሸጣሉ:: ይህ ጉዳይ በዴንግ ተደረሰበት:: አቶ ዴንግ ገበሬዎቹን ከመቅጣት ይልቅ ሞዴላቸውን አራባው:: የድመቱን ቀለም ሳይሆን አይጥን የመያዝ ብቃት ነዋ የሚፈለገው! በኮሚቴ "የፉክክር በር ሳይዘጋ ያድር" ከነበረበት ወቅት ሲታይ ሽንሽኖቹ ባለመሬቶች በተሻለ አምርተዋል:: ስለዚህ 1978 ላይ ይህ ሲስተም ተጀምሮ 1984 ላይ 99% ግብርና በዚህ አስተራረስ ተቀየረ:: ምርት ተትረፈረፈ:: መሬት የመንግሥት መሆኑ አልተለወጠም:: ግን ከ15-30 ዓመት በኪራይ ይሰጥና የተሻለ ላመረተ ይጨመርለታል:: አምራቹ የሚገብረው በመንግሥት ፊያት (ሪሚምቢ) ሳይሆን በእህል ነው:: መንግሥትም እህል ያገኛል:: አምራችም ፊያት አግኝቶ ሌላ ሸቀጥ ይገዛል:: የዴንግ ሺያዎፒንግ የግብርና ሪፎርም ለኢንደስትሪው ጥሩ ግብዓት ሆነ:: 2. ልዩ የኢኮኖሚ ዞን በ1980 የሸንዠን, ዡሃይ, ሻንቶ, እና ሺያመን ከተሞች ለውጭ ኢንደስትሪዎች ክፍት ተደረጉ:: ቻይና በሯን ለውጭ ገርበብ አደረገች:: የታክስ እፎይታ ሰጠች:: ፖሊሲዎቿ ለቀቅ አሉ:: ኢንደስትሪው ተጧጧፈ:: ኤክስፖርት ተነቃነቀ:: የሆንግ ኮንግ የ150 ዓመታ ቆይታና የ99 ዓመታት የእንግሊዝ የሊዝ ውል አበቃና 1997 ላይ የቻይና አካል ስትሆን የቴክኖሎጂ ሽግግር መጣ:: የጓንዡ እድገት የሆንግ ኮንግ ነጻ መውጣት ጋር ይያያዛል:: 3. የመንግሥት የልማት ድርጅቶች ሪፎርም የመንግሥት የልማት ድርጅቶች ከድጎማ ወጥተው አትራፊ እንዲሆኑ ተገደዱ:: እየተዝረከረኩም እየተኮረኮሙም ማኔጀንታቸውን እያሻሻሉ ከግሉ ጋር እየተወዳደሩ መሥራት ያዙ:: 4. ቻይና IMF እና World Bank ጋር ለመሥራት መስማማት ቻይና በ1945 የ IMF እና World Bank አባል ብትሆንም ግን እስከ 1980 ድረስ በሯን ዘግታ ቆይታለች:: የፋይናንስ ተቋሞቿ ከውጭ ተጽእኖ ውጭ ሆነው ሠርተዋል:: 1980 ላይ የውጭ ኢንቨስትመንት ለመሳብ እና ኤክስፖርትን ለማቀላጠፍ በሚል አብራ ለመሥራት ተስማማች:: ምርቶቿ ወደ ዐለም ገበያ ለማድረስ ጠቀማት:: (የቻይና የፋይናንስ ሲስተም በሌላ ጽሑፍ እመለስበታለሁ):: 5. ገበያ መር የዋጋ ተመን ከ1993 ጀምሮ 90% የችርቻሮ እቃ እና 80% የግብርና ምርቶች ዋጋ ገበያ መር ተደረገ:: መንግሥት ጣልቃ አይገባም:: (የዋጋ ስትራቴጂ በሌላ ጽሑፍ እመለስበት ይሆናል):: ***** ቻይና እድገቷ እያስደመመ ቀጠለ:: ለትምህርት ለሳይንስና ምርምር ልዩ ትኩረት ሰጠች:: ቻይና የጥንት ሥልጣኔ ሀገር በመሆኗ ለሳይንስ ከቀደምቶች መሆኗ እርግጥ ነው:: ዴንግ ሺያዎፒንግ የፖለቲካ ሥርዓቷን አልነካም:: ይልቅስ ማዕከላዊ አስተዳደሩን አጠንክሯል:: መጀመሪያ ፕሬዝዳንት አልባ አደረጋት:: የሚገለበጥ ፕሬዝዳንት ጠፋ:: ማን ማንን ለመገልበጥ ያምጽ? እራሱን የሥራ እንጂ ሴረሞኒያል የሱፍ ፕሬዝዳንት ሳያደርግ ሥራ ላይ አተኮረ:: ክራቫትና ሴረሞኒ ሲደላ ነው አለ:: መልክን ማን ያሳምራል ቢሉ ሀብት ... ማን ያበላሸዋል ቢሉ ድህነት ብሎ ክተት ለሥራ አወጀ:: ማዕከላዊ መንግሥት መጠንከርና አለመለዋወጥ ለኢኮኖሚ እድገት ወሳኝ እንደሆነ አሳየ:: ማዕከል ላይ አስቸጋሪው ሙስና በመሆኑ ሞሳኞችን ያለርኅራራሄ ይቀጣሉ:: መንግሥት አገልጋይ ሕዝብ ተገልጋይ ነው በቻይና:: እያንዳንዱ ቻይናዊ ልብ ውስጥ ያለ የሀገር ፍቅር ስሜት ከሥራ ውዴታቸው በላይ ያስቀናል:: ለቋንቋቸው ያላቸው ፍቅር ይገርማል:: ጨዋነታቸው ከቁጥራቸው በላይ ነው:: ዲሲፕሊናቸው የንቁ ወታደር, ቀጠሮ አክባሪነታቸው የጥንቁቅ አማኝ, ምቀኝነት የተተፋ አክታ, ውድድሩ ሰላማዊ, ሥራና አለቃ ክቡር ናቸው በታላቋ ቻይና:: ዴንግ ፕሬዝዳንት ሳይሆን ሥራ ፕሬዝዳንት ያደረገው ሰው ነበር:: ዴንግን ታላቁ መሪ (Supreme Leader) ይሉታል:: በዓለም ላይ የክፍለዘመኑ ክስተቶች እና ተጽእኖ ፈጣሪዎች ሆኖ የማይሻር አሻራ ጥሎ ፌብሩዋሪ 19/1997 ይህንን ምድር ተሰናብቷል:: *********** እናቴ ለቻይና ዱዓ ታደርጋለች:: ምክንያት ስላት ኮቪድ የተከሰተ ወቅት ቻይና ነበርኩ:: ልክ ከቻይና እንደወጣሁ በረራ ተቋረጠ:: ሁሉም ነገር ተዘጋ:: የዓለም ፍጻሜ መሰለ:: መምጣቴን ስትሰማ ለማረጋገጥ ካገር ቤት ወዳዲስ አበባ መጣች:: በኮቪድ ፍንዳታው ወቅት ቻይና ጭምር ሆኜ ጫፌን ሳይነካኝ ስላለፈ "ቻይና ልጄን አልነካሽም:: ምንም አይንካሽ" ትላለች:: አዎ ቻይና ክፉ አይንካሽ:: ዐብዱልቃዲር ሀጅ ኑረዲን Yiwu, Zhejiang China 🇨🇳

ዴንግ ሺያዎፒንግ 👇🏼👇🏼👇🏼👇🏼

መውሊድ ደርሷል:: ዛሬ ወርሃ ሶፈር ገብቷል:: ነቢይነት በመመረጥ እንጂ በአምልኮ ብዛት አይገኝም:: ነቢ ሙሐመድ صلى الله عليه وسلم የአላህ ምርጫና ውዴታ ናቸው:: ምርጫውን በፍቅር እንድናከብረው መርጦናል:: ያልተመረጡ ሞልተዋል:: መውሊዱን አላህ ከውልደታቸው ከ50 ቀናት በፊት መካን ከጠ^ላት በማጽዳት አክብሮታል:: ቁርአን ሱራ 105 እና ሱራ 106 ተፍሲር ግባ:: አጎቶቻቸው, እራሳቸው ነቢ ሙሐመድ صلى الله عليه وسلم ሶሃቦቻቸው, ታቢዒዮች, ዑለሞቻችን በደስታ አክብረውታል:: ቁርአኑም 10:58 ላይ እንድንደሰትበት አዞናል:: በዚህ መደሰት ከሰበሰብነው ሁሉ በላጭ ነው:: ስትደሰቱ ድንበር አትለፉ የሚሉ አይጠፉም:: ድንበሩ እንዲህ በቀላሉ ይደረስበታል እንዴ? የጀመረው እንጂ የጨረሰው የለም እኮ:: የፍቅር ዋና ጀምሮ የሰመጠ እንጂ የዳነ አልተገኘም:: (አምና የተፖሰተ)

አዋጅ❗️ በእስልምናና ሙስሊሞች በኩል አሚር አዛዥ ለመሆን ለምትከጅሉና ለሥልጣን ለምትጓጉ ሁሉ:- ነቢ ሙሐመድ صلى الله عليه وسلم ይህንን ታላቅ ኃላፊነት ለማንም አሳልፈው አልሰጡም:: ኮትኩተው አስተምረው ላበቁዋቸው ለባለምርጥ ስነምግባሮቹ ለአቡበክር ሲዲቅ رضي الله عنه ወይም ለዑመሩል ፋሩቅ رضي الله عنه ወይም ለነዚያ ሁላ ታላላቅ ሶሃቦች በግልም በጀማዓም ያልሰጡትን ሥልጣን ስ^ድብና ዘለፋ ሀፍዘህ ሙፍቲዎችና ዑለሞችን በማሳደድ ልታገኘው ስትሞክር አሚርህ ኢብሊስ ሊሆን እንደሚችል አለማወቅህ:: ያማረልህ ከመሰለህ ኢብሊስ ሸልሞልህ ስለሚሆን አልቅስ:: ስ^ድብህን ስንከላከልላቸው እኛም ተሳ^ዳቢ መምሰላችን ያሳዝናል:: ወንድሜ የዑለሞችን ነውር ማየት የጀመርክ ወቅት ማንም ያልተፈተነበት ፊትና ውስጥ ወድቀሃል:: ሽሽ:: ያልተለቀቀና የማይለቀቅ ሥልጣን ፍለጋ አትባትል:: <<... ደጃ^ልን ካገኘሁት ልግ^ደለው ወይ? ..>> አላቸው አንዱ ሶሃባ:: <<... ሽሽ እንጂ ምን ትገ^ድለዋለህ? ገ^ዳዩ እኮ ታውቋል:: የመርየም ልጅ ዒሳ عليه السلام ነው ...>>> አሉት ነቢ ሙሐመድ صلى الله عليه وسلم:: የነቢ ሙሐመድ صلى الله عليه وآله وسلم ሥልጣን ከመዲና ከቁበተል ሀድራ ሥር እያስተዳደረ ... ቂያማ ቆሞ "መቃመል ማኅሙድ" የሚባለው መድረክ ድረስ ይዘልቃል:: ደጃ^ል እንኳ አይደፍረውም:: ቂያማን የሚያክል ነገር ለማን ሊተው ፈልገህ ኖሯል? ከሩሱሎች ሁላ መርጦ ለነቢ ሙሐመድ صلى الله عليه وسلم ነው የሰጠው:: አቡበክር ሲዲቅም رضي الله عنه የማይሸከሙት ስለሆነ አልሰጧቸውም:: ያንተ ድርሻ ሰይድህን صلى الله عليه وآله وسلم መታዘዝ ብቻ ነው:: በ50 ሳንቲም ፈተና የምትወድቀው ሰውዬ እረፍ:: ወላሂ! ቦርጭህን ከተሸከምክ መች አነሰህ!

እኛ ሀብታም ሆነን ለመሞት ስንጋጋጥ አጅሬ ደሃ ለመሆን መከራውን ይበላል:: ገበሬ ሁላ ሆኗል:: ድህነት ግን እምቢ ብሎታል:: ቆይ ግን ጨርቆስ መጥቶ ከድህነት ጋር ለምን አይደባደብም? እኔ እዳኛለሁ:: ለአብሮ አደጌ አላዳላም::