Biiroo Barnootaa Oromiyaa

Manneen Barnootaafi Barsiisota  Sagantaa Tutoriyaalii Barattootaaf Kennaa Jiran Galateeffataman. Hogganaan Biiroo Barnootaa Oromiyaa Dr. Tolaa Bariisoo Manneen Barnootaafi Barsiisota qabxii barattoota isaanii fooyyessuuf barattoota 12ffaa, kutaa 8ffaafi 6ffaa sagantaa tutooriyaalii qopheessuun kennaa jiran galateeffataniiru. Keessattu, barsiisota barattoota isaanii yeroo boqonnaa isaanii kaffaltiifi haalduree tokko malee dhaloota ceesisuuf barsiisaa jiran manneen barnootaa adda addaatti daawwannaa tasaa tasifameen argachuu isaanii kan himan Dr. Tolaan, barsiisotniifi hoggansi manneen barnootaa qabxii barattoota isaanii fooyyessuuf seenaa dhaloota ceesisuu keessatti gumaachi isaanii olaanaa ta'uu ibsuun galateeffataniiru. Qulqullina Barnoota Naannoo keenyaa deeggaruun mirkaneessuuf Gumiin Tiraansifoormeeshinii Barnootaa Oromiyaa sadarkaa naannoo hanga gandaatti jiran qindoominaan bobba'an hojjachaa jiran manneen barnootaa hunda kan daawwatan yoo ta'u, deeggarsa ogummaafi teeknikaa kan kennan ta'a. Kanumarratti hundaa'un, qabxii barattootaa bara 2018, keessattu qabxii barattoota qarmaata naannoo fudhatan kutaa 6ffaafi 8ffaa, barattoota qormaata biyyoolessaa kutaa 12ffaa fudhatan qabxii isaanii fooyyessuuf  barsiisotniifi dura bu'oota Manneen Barnootaa, Maatiin Barattootaa, GMB fi GTB bara dabre caalaa akka fooyya'u hojjataa waan jiraniif galata isaanif malu kan himan Dr. Tolaan, milkaa'ina qabatamaan fuul dura mul'atuuf  qindoominni jiru cimee itti fufuu akka qabu dhaamaniiru. Walumaagalatti, Dr. Tolaan dhaamsa dabarsaniin, GTB yeroo ammaa hojii mootummaaf dirree bobba:an hundi carraa kanatti fayyadamuun manneen barnootaa keenya hunda dhaqqabuun deeggarsa akka kennan, haala kenniinsa qormaata kutaa 6ffaa. 8ffaafi 12ffaa akka mijeessan gamanumaa dhaamsa dabarsaniiru. Barsiisota barattoota isaanii qabxii fooyyessuuf of kennanii hojjachaa jiranis irra deebi'un galateeffataniiru. Dhumarratti, Qormaatni Naannoo kutaa 6ffaafi 8ffaa jalqaba Ji'a Waxabajjii 2018 irratti; kan biyyoolessaa kutaa 12ffaa immoo, Waxabajjii 24 -Adoolessa 17/2018 kan kennamu ta'uu sagantaan bahe agarsiiseera. ━━━━━━━━━━━━━━━━━━- @Biiroo_BarnootaaOromiyaa

century real estate It’s our mission to alleviate the city’s property shortage while operating ethically and in a community-conscious manner that will serve all stakeholders. Over the past seven years, we’ve created more than 200 new homes and 150 commercial shops and offices. We have utilized over 91k sq.m of workspace in over four projects. book a site visit

‎#Leenjiin_Hubannaa_Cimsuu Hojjettoota Dubartootaa BBOfi Giddugala Leenjiifi Qorannoo Barnootaa Oromiyaaf Kenname ‎============ ‎BBO, Ebla 09/08/2018 Leenjiin Hubannaa Cimsuu Hojjettoota Dubartootaa BBOfi Giddugala Leenjiifi Qorannoo Barnootaa Oromiyaaf guyyaa har'aa ogeessotaan kennamee jira. Leenjichi hirmaannaafi fayyadamummaa mirkaneessuurratti kan xiyyeeffatu yoo ta'u, Gahee isaan misooma, siyaasa, hawaasummaa keessatti qaban guddaafi bu'a qabeessa waan ta'eef caalmaatti guddisuuf leenjiin hubannaa cimsuufi humna raawwachiistummaa isaanii cimsu yeroo yerootti kennuun murteessaa waan ta'eef, leenjiin guyyaa har'aa kennames kanuma bu'uureffate. ‎Leenjicha I/A/Hog.BBO #Obbo_Girmaa #Baayisaa irratti argamuun jalqabsiisanii jiru. ‎Akka barnootaatti hojiin barattoota shamarranii addatti jajjabeessuun barnoota isaaniitti cimanii akka baratan taasisuufi barsiisota dubartootaa gara hooggansaatti dhufanii barnoota akka hoogganan, hirmaannaan isaanii akka cimu, leenjii yeroo garaa garaa BBOn kennu gara fuula duraattis cimee akka itti fufu gochuuf xiyyeeffannoon hojjetamaa jiraachuu kan ibsan obbo Girmaan, kanneen biiroorra jiranis haaluma walfakkaatuun humna raawwachiistummaa isaanii guddisuuf leenjii gaggabaabaa akkasii kennuun murteessaa akka ta'es addeessanii jiru. ‎Akkasumas jedhan #misoomni_kamuu hirmaannaa dubartootaa malee fooyyee agarsiisuu waan hin dandeenyeef cimanii akka hojjetanis dhaamaniiru. ‎ ‎BBOtti Daayirektarri Idileessa Sirna Kornayaafi Daa'immanii #Aadde_Na'iimaa #Abbaabiyyaas gama isaaniin leenjiin kennamu hirmaannaafi fayyadamummaan dubartootaa akka dabalu gochuufi kabaja mirga dubartootaaf hojjechuu, dhaloota dhufuuf galaa/ seenaa gaarii kaa'uuf har'a xiiqeffatanii hojjechuufi ofkennanii hojjechuu barbaada.  Kanaaf jedhan Aadde Na'iimaan caasaa barnootaa keessatti hirmaannaan dubartootaa akka dabaluufi barattoonni shamarranii manneen barnootaa keessa jiran qabxii isaan sadarkaa jiranitti galmeessaa jiran abdii waan namatti horuuf, hojjettoonni dubartootaafi barsiisonni dubartootaa deeggaruu akka qaban yaada isaanii kaasanii jiru leenjitootaaf. ‎Dhumarrattis bakka jirrutti hundi gahee ofii akka bahatu dhaamuun,gaheen bahatamu kun dinagdeen fooyya'uu, siyaasa keessatti hirmaannaa ho'aa taasisuu, hawaasummaa keessatti adda durummaan hirmaachuu waan gaafatuuf dubartoonni hariiroo gaarii uumuun xiiqiidhaan hojjechuun akka isaanirra jiru dhaamuun ergaa isaanii xumuran. ‎Dhumarrattis hirmaattonni leenjii mata duree garaa garaarratti yeroo garaa garaa leenjiin kennamu humna akka isaaniif ta'u hubachuun, jijjiiramaaf akka hojjetan yaada kennaniin waadaa galaniiru. ━━━━━━━━━━━━━━━━━━- @Biiroo_BarnootaaOromiyaa