Advertising on the Telegram channel «Barruu Walaabuu»

“Sammuu yaada guddaa qabu caala isa duwwaatu ulfaata. Namni eerga du’ee booda ulfaata. Kanattuu reenfi nama afuriin baatama. Waanti hin fayyadne ba’aadha.” Kitaabicha keessaa fudhatame.

Siyaasni afriikaaf hin galu. Afriikaanis siyaasa hin bartu. Mootonni afriikaa hedduun uummata cunqursuufi olaantummaa ibsachuudhaan beekamu. Namoota siyaasaa afriikaas waayee aangoo malee, waayeen uummataafi dhimmi jaalala biyyaa isaan hin dhiphisu. Warri Awurooppaa garraamii fakkaataniitu, gowwummaa namoota afriikaatti dhimma bahu. Dhumarratti… Gaariin bakka jiru jira. Garuummoo lafa gaarii nuuf baattu dhabne. Keenyatti fayyadamuu wallaalleetu, jabaan keenya hedduun orma tajaajila. Keessumattuu uummanni afriikaa martiyyuu, nama jabaa isaanii kununfachuufi tikfachuu irratti dadhaboodha. Gaafa darbe garuu gaabbiin quba alanfachuun akka shubbisa aadaa amala nuuf ta’e. Bifa kanaan immoo biyyi Afriikaa godoo rakkinaa jalaa waan baatu hin fakkaattu. Afriikaan siyaasa bartii laata? Afriikaaf ni darbaa laata? Ani nama siyaasaa miti. Garuummoo waa na dhibdeetti. @Bilisummaa_Shibbiruu ✍🏻

Dimshaashumatti… Addunyaa kana irratti namni gaariin lama hin bulu. Yookaan dabdootaan ajjeefama. Yookaan sodaa “Na caala ta’innaa?” jedhuun ajjeefama. Kanaaf namni gaariin hagas mara toora siyaasaafi hooggansaatti hin argamu. Kana malees immoo namoonni gaariin eerga dhabamanii booda nama gaabbisiisu malee, yeroo lubbuun jiran hagas mara qaalii ta’uun isaanii namaaf hin galu. Uummanni Liibiyaa erga Gaadaafiin du’een booda gaabbe. Uummanni Burkinaa Faasoo erga Saankaaraan ajjeefamee booda gaabbe. Uummanni Itoophiyaa Injinar Qixaw Ijjiguu qabachuu wallaallaan Ameerikaan barootaaf dhimma itti baate. Sanuummoo qorannaa hawaa irratti akka Ameerikaan milkooftuuf Injinar Qixaaw gahee olaanaa bahate. Biyyi keenyammoo gama qorannaa saatalaayitiin afaan qabattee teessoo dhumaarra teessee, warra milkaa’e ajaa’ibsiifachaa jirti. Har’a jiraachuuf du’uunsaa hin beekamu. Egaa…biyyoota Afriikaa keessatti mootii gaariin wareeganiyyuu hin argamu. Kan argames lama hin bulu. Akkuma beekamummoo mootii gaariin biyyaaf yaadu Afriikaa keessaa gaafa ka’u, biyyattiin gammachuun seeqxi. Afriikaadhaa afaan kaawwatanii, awurooppaatti alanfachuu warri amaleeffatan awurooppaanonni immoo mataa dhukkubbiin qabamu. Kunoo… Yeroo dhihoon asitti biyyi Burkinaa Faasoo du’aatii Saankaaraan booda, reefuu bulchaa gaarii waan argatte fakkaatti. Kaappiteen Ibrahim Traoren akkuma Toomaas Saankaaraa gochoota jaalala biyyaa ibsan hedduu raawwachuutti jira. Konkolaataa qaalii bitachuu dhiisee, konkolaataa qonnaa bite. Suufii uffatee pirootokooliisaaf dhiphachuu dhiisee, yeroo mara wayyaa waraanaa uffata. Albuudonni Burkinaa Faasoo keessaa bahan hedduun gara biyyoota awurooppaatti akka hin geeffamne godhe. Qonnaan bultoota jajjabeessuudhaan, omishni akka dabaluuf sanyii filatamaafi tajaajiloota biroo qonnaan bultootaaf dhiyeesse. Warshaalee garaagaraa biyyasaa keessatti hundeesse. Walumaa galatti biyyi Burkinaa Faasoo akka guddattuuf tattaaffii guddaa taasisaa jira. Maarree…Saamicha Burkinaa Faasoo irratti gaggeessituun omisha garaa garaa kan dhabde Faransaay ijaan argaa nama kanaa jibbite. Aariidhaan waxalamte. Yaaliin ajjeechaa marsaa hedduuf irratti yaalame. Qabeenya biyyattii seeraan qabee biyyattiif oolchuu waan yaadeef qofa, biyyoonni Awurooppaa hedduun irratti guunguman. Eegdotasaaf maallaqa kanfalanii isa ajjeesisuu yaalanis hin milkoofne. Kunoo si’anammoo lammiilee Burkinaa Faasoo kanneen Faransaay jiraataniif maallaqa kennuudhaan, hiriira mormii Ibrahim Traore irratti akka gaggeessan taasisan. Maarree gowwaan sireerraa bu’a malee hin dammaquutii, lammiileen Afriikaa tokko tokko nama ta’uun isaanii akka nama shakkisiisu godhu. Kana malees immoo biyyoonni afriikaa tokko tokko kanneen awurooppaanota harka arraabuu baranis Ibrahim Traore irratti komii dhiyeessaa jiru. Silaa kana gochuu hin qaban ture. Biyyi Afriikaa nameenya dhabdeetu rakkatte malee, qabeenya hin dhabne. Warra awurooppaatti qamadii gurgurree makoronii isaan kadhachuufi isaanirraa bituun amala biyyoota afriikaa ta’e. Afriikaanonni, amantii warri adii as ergan qabatanii hojii hiiku. Awurooppaanonnimmoo hojii isaaniitti fufanii jiru. Irra hedduun gargaarsa warra awurooppaa karaa mana amantii dhufa. Namoonni siyaasaa Afriikaa irra hedduun isaanii awurooppaa keessa taa’aniitu akkaataa ittii mootonni afriikaa aangoorra kaafaman dubbatu malee, afriikaa keessa taa’anii, akkaataa ittiin afriikaan warra Awurooppaatiin qixxaattu yaada hin kaasan. Lammiileen Burkinaa Faasoo Faransaay jiraatan kunneen, akka Ibrahim Traoren aangoorraa fonqolchamuuf mormii dhageessisuu dhiisanii, akka Faransaay dhimma Burkinaa Faasoo keessaa baatuuf osoo sagalee kennanii maaltu isaanitti hir’ata? Osoo gara biyya isaaniitti galanii hoogganaa kana waliin hojjetanii, maallaqa kanfalameefii mormii dhageessisuuf bahan kana caalu hin hojjetanii?

“Maseenni dhaluu diddu, fincaa’uu hin diddu” akka jedhamu sana yeroon booda mootonni gaggaariin Afriikaa keessaa bahuu eegalan. Biyyoonni afriikaa mootota gaggaarii argachuuf carrooman “Uffee” jedhanii afuursuu eegalan. Mootonni gaggaariin wareega hedduu booda argaman kunneenis biyya isaaniif waan gaarii hojjechuu eegalan. Ta’us garuummoo umuriin bulchitoota warra gaggaarii dhundhuma guutuu dide. Mohaammad Gaadaafiin amala of jajaafi of tuttuuluu qabaatuyyuu, liibiyaanota bira darbee afriikaa kabachiiseera. Keessuma warra adiitti sirrii isaanii himuudhaan, akka isaan afriikaatti abshaalomuu dhiisan dhiibbaa taasisaa ture. Lammiileen biyyattii osoo hojii hin hojjenne, baatii baatiidhaan kanfaltii argachaa turan. Garuummoo nagaan buluu Afriikaa kan hin barbaanne warri Awurooppaa shira xaxanii Gaadaafiitti duulan. Lammiileen liibiyaa kanneen sireerraa ka’anis dammaquu dadhaban awurooppaanota gargaaranii Gaadaafiitti duulan. Nama gaarii kana NTOn xiyyaaraan reebdee ajjeeste. Sana booda uummanni liibiyaa hongee nageenyaan dhagame. Liibiyaa keessatti garboomsanii wal gurguruutu eegalame. Nagaan biyyattii ni goolame. Awurooppaanonni gaafas finciltoota liibiyaa gargaaranii Gaadaafii ajjeesan har’a uummata sanarraa saammachuu malee bu’aa hin buufne. Toomaas Saankaaraan yeroo Burkinaa Faasoo bulchuu eegalu, wantoonni hedduun jijjiiramuufi kanneen nama ajaa’ibsiisan ta’uu danda’anii ture. Toomaas Saankaaraan of tuulummaafi abbaa irruummaa kan hin qabne ta’uudhaan alatti nama biyya isaatiif quuqamu ture. Bara hooggansa isaa keessa namni tokko yakka hojjetee yoo argame, adabbii jalqabaa miidiyaatti bahee uummata dhiifama gaafata. Sana yoo didemmoo baadiyyaa deemee hojii qonnaa hojjeta. Kanarraan kan hafe reebuu, fannisuufi biyyaa baasuun hin turre. Inumaayyuummoo ilaalcha “Waraana jechuun waardiyyaa biyya isaati. Akkasumas immoo kan haqaaf hin dhaabanne yoo ta’e, ajjeesaa yakkamaa ta’uurra hin darbu.” Jedhu qaba. Maarree awurooppaanonni kallattii maraan nama gaarii kanatti duuluu hin dhiisne. Yaaliin ajjeechaa yeroo hedduu irratti taasifame. Kanneen ajjeechaa isaaf tattaafan keessaa jaala qabsoo isaa kan ta’e, Beeliyes Kompawureedhaan ajjeefame. Warri shira xaxee Toomaas Saankaaraa ajjeesise Awurooppaanonni sana booda waanta Saankaaraan biyyasaattitti hanqise waan guutan homaa hin qaban ture. Paatiriis Lumumbaan biyya Koongoo bittaa warra Beeljiyeem jalaa baasuuf qabsoo jabaa taasisaa ture. Amma hidhatee loluutti qabsaa’uudhaan biyyasaa bilisa baase. Eerga biyyisaa bittaa warra Beeljiyeem jalaa baateen booda, pireezdaantii biyyattii ta’ee hojii eegale. Haa ta’ullee malee Beeljiyeemonni lammiileedhuma Koongoo warreen Paatiriik Lumumbaa waliin qabsaa’aa turan keessaa kanneen Lumumbaatti dhiyaatan faayidaan bitanii, Lumumbaa ajjeesisan. Paatiriik Lumumbaan biyyasaa bilisa baasuun pireezdaantii biyyattii ta’ee hojii eegalee, baatii lama caala osoo hin turiin ajjeefame. Yeroo Lij Iyyaasuun mootii ta’ee ture, waanti wal qixxummaa fakkaatu akka mul’achuu ta’ee ture. Garuummoo shira Hayile Sillaaseefi namoonni biroon taasisaniin Iyyaasuun aangoorraa kaafame. Hayile Sillaaseen yeroo aangoo qabatu saboota irratti cunqursaa gaggeessuu eegale. Keessumattuu uummata Oromoo daran miidhe. Kan gaarummaa yaadu fonqolchamee, kan akka waaqaa sagadamuuf gara aangootti dhufuun saba darare. Turee bulee innis aangoorraa kaafame. Yeroo inni aangoorraa kaafamu, Jeneraal Amaan Amdoom akka bulchaa ta’u dudubbatamuu eegale. Ilaalchi nama kanaas gaarii kan fakkaatu ture. Ta’us kaabinoota dargii waliin walii galtee dhabe. Battala waraana erganii mana jireenyaa isaatti ajjeesisan. Mangistuu H/Maaraam aangoo qabatee, biyyattii mana ‘Game’ qawwee fakkeesse. Kaabinoonni isa gargaaranii Jeneraal Amaan ajjeesan hedduunis boodarra ni ajjeefaman. Biyyis jeequmsaan guutamte.

Afriikaadhaaf ni darbaa? Akkam jirtu? Ani nama siyaasaa akkan hin taane nan beeka. Garuummoo kitaabilee siyaasaa dubbisuurraa of hin qusadhu. Ammuman dubbiseef amman hubadherraa yaada garaagaraa walitti coree, kitaaba siyaasa ilaallattu tokko qopheessuu kanan eegale waggaa tokko darbee jira. Xummura itti godhee maxxansuudhaaf garuu waggaa tokkoo ol kitaabilee garaagaraa dubbisuufi wantoota garaagaraa qorachuun qaba. Garuummoo guyyaa tokko kitaabichi dubbifamuuf ni carrooma. Kitaaba Devid Lamb (The Africans) jedhu kan Nabiyu Iyasu ‘Ye Afrika Ambagenen mariwoch’ jedhee afaan amaariffaatti hiike, kitaaba bara mootummaa dargii akka biyya keenya hin seenne dhorkamaa ture, osoon dubbisuun jecha “Biyya namoonni kuma dhibbootaan lakkaa’aman sababa sanyummaa isaaniif qofa ajjeefaman kanaan maal jenna?” jedhun arge. Pireezidaantiin Taanzaaniyaa Juuliyees Nereereenis “Akka ofiin of bulchinu carraasaa osoo nuuf kennanii jaannata lafarraa akka uumnu fakkeessinee dubbanne. Faallaa kanaatiin kan hundeeffame garuu haqummaan hir’achuufi anatu siif beekaadha.” Jedhee ture. Dhuguma dubbate! Biyyoonni afriikaa hedduun bara hedduuf bittaa warra adii jala turan. Ummanni afriikaas bara hedduuf nama isaatiin buluu dharra’aa ture. Guyyaan gahee gaafa gurraachi mootummaa gurraachaa ta’u garuu dubbiin faallaa ta’e. Akka Weellisaan Afriikaa tokko “Waraabessa adiin deemnaan, waraabessi gurraachi dhufe.” Jedhe sanaa ta’ee argame. Mootonni Afriikaa hedduun gaafa aangoo qabatan uummata isaaniitti garaa jabaachuun dararaa hamaa irraan gahan. Fakkeenyaaf:- Idi Amiin Daadaan yeroo aangoo qabatee ture, uummata Yugandaa irratti gocha gara jabumaa isa daangaa darbaa raawwate. Amma jiraattonni kaan hirriba dhabanitti, amma naannoon jeeqamutti namoota isa morman bifa ciiggaasisaadhaan reebe. Namoota danuu mana hidhaatti guuree manni hidhaa guute. Bakka itti nama biroo hidhan dhabnaan manneen hidhaa hundaaf burruusni bitamee gale. Hidhamaa hundaaf burraasa qoodan. Sana booda “Wal reebaatii, kan lubbuun hafe bilisa baha.” Jedhaman. Hidhamtoonnis walitti dacha’anii burruusaan reebanii wal ajjeesuun hangi xiqqoon hafe. Kan hafan garuu waadaa galameef hin arganne. Loltoonni Idi Amiin Daadaa rasaasaan fixan. Muusaa Daadis Kaamaaraan Yeroo Giinii bulchaa ture, lammiilee biyyattii hedduu hacuuce. Uummata istaadiyeemii guutuu fixe. Dubartoonni hedduun guyyaa saafaa loltoota isaatiin gudeedaman. Dhiigni lammiileeshii akka lolaatti akka lola’u taasise. Bedel Bookaasaan Afriikaa Giddu galeessaa bulchaa yeroo ture, hacuuccaa inni taasisuufi gara jabinnisaa daangaa darbuu irraan kan ka’e, hanga foon namaa nyaatee, eegdota isaas nyaachisutti gahe. Miidiyaaleen idil addunyaa hedduun “Afriikaa keessatti namni nama nyaate.” Jedhanii wal harkaa fuudhuun gabaasan. Firansiskoo Masiyas yeroo Ikuwator Giinii bulchaa ture, akka waan waaqa irraa ergameetti of lakkaa’ee, dubbachaa ture. Jaalala aangoo waan qabuuf ministeerota isaa hedduu istaadiyeemiitti waamee, uummata biyyattii danuu fuulduratti jumlaan fixe. Namoota isa morman gara jabina guddaan guutameetu fixa. Kanneen barumsaafi beekumsaan isa caalaniifi namoota ilaalcha gaarii qabanis akka isa hin caalleef jumlaadhaan fixaa ture. Gara biyya keenyaatti yoo dhufne bara Teewdiroos, Yohaannis, Minilik, H/Sillaasee, Mangistuufi Mallas fa’aan biyya bulchaa turan lammiilee hedduun jumlaan dhumaa turan. Isaan kana akka fakkeenyaatti kaasnuyyuu, kanneen biroos gocha abbaa irrummaa dalagaa akka turan seenaan ni ibsa. Walumaa galatti mootonni Afriikaa hedduun isaanii uummata isaanii dararuu, ajjeesuu, biyyaa aryachuu, cunqursuuf mirga namoomaa dhiibuun beekamu. Kanneen armaan olii maleeyyuu danuu kaasuu dandeenya. Ammi mootonni afriikaa lammiilee isaanii cunqursan kan warri adiin yeroo koloneeffanitti cunqursan dacha caala. Duubahoo?...

"Cidhaafi duuti tokkumadha. Garaagarummaansaa garuu abbaan cidhaa habaaboo sana urgeeffachuu danda'a." #Osho @Bilisummaa_Shibbiruu

【DPK-AI Trading】Automatic quantitative system can automatically search for the lowest selling price of digital currencies such as BTC, ETH, USDT, etc. on major exchanges, and quickly purchase them in seconds. 1.DPKAI-quantification, deposits and withdrawals are automatically credited. 2. VIP1-VIP11, quantitative income 20% -35% income. 3. Support multi-currency, smart investment income 25%% up to 40% income. 4. Quantification is reset every 24 hours, and each person can participate in quantitative trading income once a day. 5. Recommend three-level agent invitation rewards, the more invitations, the more rewards, there is no upper limit [A reward 10%, B reward 5%, C reward 3% = 18% reward], send the invitation link to share to your social software, such as: Tiktok, Facebook, Twitter, YouTube, Instagram, WhatsApp group, Telegram group, etc. 【DPK-AI Trading】Registration link: https://dpk-ai.com/#/register?ref=409163 【DPK-AI Trading】Online customer service: https://chat.ssrchat.com/service/gomw2j

"Gaaffii dhugaan 'Du'a booda jireenyi jiraa?' Isa jedhu miti. Gaaffii sirriin 'Du'uukeen dura lubbuun jirtaa?' Kan jedhudha." #Osho

Jirtuu? Dargaggeessa humnaan bulaa ta’eedhuma osoon jiruu, jaalalli og-barruu kan na booji’e, reefuu osoon umurii dargaggummaa hin dhamdhamiin dura ture. Ammas jaalala og-barruu irraa adda hin baane, ba’uus hin fedhu. Inumaa jireenyi dubbisaan alaa jireenya natti hin fakkaatu. Osoo hin dubbisiin jiraachuun, osoo hin dubbisiin hoogganaa ta’uun, osoo hin dubbisiin nama aartii ta’uu ofii odeeffachuun maalidha?... Osuman kitaabota michoomfadhee waliin ooluu, hanga naaf gale, dhalootaafis waa galaasuuf of duuba hin deebine. Kana dura amma humnakoo kitaabota muraasa dubbistoota afaan Oromoo biraan gaheen ture. Hedduun namaa yaada jajjabinaa, yaada qeeqaaf gorsa biroo naaf gumaachaa turan. Ta’us ani dubbisaaf kanan dursa laadhu yoo ta’u, yaadota namoonni garaagaraa naaf kennaniin dhawatuma jabaachaan deema. Kaayyoof hawwiikoottis caalattin bilchaadha. Dabalataanis immoo ani dhaggeeffachuufi gorfamuutti nan amana. Gaafachuu nan jaaladha. Fuulduraafis kana caala akkan jabaadhuuf gorsaaf yaada namootaa simachuuf qophiidha. Yaada keessan natti hin sassatiinaa! Tole! Bara darbe, kitaaba Asoosamaa tokko akkan qopheessaa ture miidiyaa irratti dubbadheen ture. Ta’us garuu akkan yaade ta’ee kitaabni sun ariitiin maxxansaaf qaqqabuuf hin carroomne. Turuun hafuu waan hin taaneef yeroo ammaa kanammoo xummuree mana maxxansaa galcheen jira. Yeroo muraasaan booda haala gaariidhaan eebbifamee dubbistoota kan qaqqabu ta’a. #AKKA_MALAA Akki Malaa daawwitii jiruuf jireenya keessatti daawwatanidha. Akki maluu qabu, akka ta’uu qabu osoo hin taane hafee nama burjaajessa. Gabaabumatti, Akki Malaa maqaa daawwitii xiqqoo keessatti jireenya ilaalaniiti. Yeroon booda dubbistoota kan qaqqabu ta’a. @Bilisummaa_Shibbiruu

USDT fi crypto kamiyyuu namoonni gurgurachuu barbaaddan @Walaloo_bot irratti nu qunnamuu dandeessu. Hub:- screenshot gootanii erguun amma fi ammaamiin akka gurgurattan ibsuun jalqabdu Usdt 1 qarshii 135 kaasee hanga 150tti baayyina isaa irratti hundaa’uun ni bitna.