𝗔𝗕𝗖 𝗡𝗘𝗪𝗦 𝗔𝗠𝗛𝗔𝗥𝗜𝗖

#PeaceTalk

በመካከለኛው ምስራቅ ሰላም እንዲወርድ ለማድረግ ፓኪስታን ሁለተኛ ዙር ድርድር እንዲደረግ ጥረት እያደረገች እንደምትገኝ ታውቋል።

በሌላ በኩል ፤ የአሜሪካው ምክትል ፕሬዝዳንት ጄ.ዲ. ቫንስ የመጀመሪያው ድርድር ያለ ስምምነት ሊበተን ስለቻለበት ምክንያት ለፎክስ ኒውስ ማብራሪያ ሰጥተዋል።

ቫንስ እንደገለጹት፣ አሜሪካ ከንግግሩ የወጣችው ኢራን ከአሜሪካ የቀረበውን ሃሳብ ውድቅ ስላደረገች ሳይሆን በድርድር ክፍሉ ውስጥ የነበሩት የኢራን ተደራዳሪዎች " ውሳኔ የመስጠት ስልጣን (Authorization) " ስለሌላቸው ነው።

" እንደ ጋሊባፍ እና አራቅቺ  ያሉ ባለስልጣናት ስምምነት ላይ ለመድረስ ፍላጎት ቢኖራቸውም የመጨረሻውን ቃል የሚናገሩት አካላት ግን አልፈቀዱላቸውም " ብለዋል።

እውነተኛዎቹ ውሳኔ ሰጪዎች የኢራን አብዮታዊ ዘብ (IRGC) እና በአሁኑ ወቅት በህክምና ላይ ናቸው ተብለው የሚገመቱት አዲሱ ጠቅላይ መሪ አያቶላህ ሞጅታባ ኻሜኒ እንደሆኑ ጠቁመዋል።

ምንም እንኳን ስምምነት ባይደረስም ቫንስ በኢስላማባድ ያሳለፉትን 21 ሰዓታት " ጠቃሚ " ብለዋቸዋል።

አሜሪካ በዚህ ሂደት ውስጥ፥ ኢራን እንዴት እንደምትደራደር እና ትክክለኛው የሥልጣን ቁልፍ በማን እጅ እንደሆነ ጠቃሚ መረጃ ማግኘቷን ገልጸዋል።

በዲፕሎማሲው ቋንቋ " ብዕሩን የጨበጠው ማን እንደሆነ አውቀናል " ብለዋል። ይህ ማለት ወደፊት ከማን ጋር መነጋገር እንዳለባቸው ግልጽ ሆኖላቸዋል።

አሜሪካ " ስምምነት " ላይ ለመድረስ አሁንም በሩ ክፍት እንደሆነ ብታምንም ግን የማይደራደሩ ነጥቦች እንዳሉ አረጋግጣለች።

እነዚህም ፦

- የሆርሙዝ ሰርጥ ሙሉ በሙሉ ክፍት ሆኖ ለንግድ ዝውውር ምቹ መሆን አለበት።

- ኢራን ያበለጸገችውን ዩራኒየም ለኒውኩሌር መሳሪያ እንዳይውል ማድረግ። የኒውኩሌር ባለቤት እንዳትሆን።

... የሚሉት ናቸው።

ቫንስ " አሁንም ኳሱ በኢራን እጅ ነው " ብለዋል።

አሁን ፓኪስታን ሁለተኛው ዙር ድርድር ተካሂዶ በሁለቱም ወገን አስተማማኝ ስምምነት ተደርሶ የዓለም ህዝብ እፎይ እንዲል ጥረት እያደረገች ነው።

በሌላ የመካከለኛው ምስራቅ ዜና ፥ የእስራኤል እና የሊባኖስ አምባሳደሮች ልዩ የተባለ የሰላም ንግግር በዛሬው ዕለት በአሜሪካ፣ ዋሽንግተን ውስጥ ያደርጋሉ።

ዲፕሎማሲያዊ ግንኙነት የሌላቸው የእስራኤል እና ሊባኖስ ባለሥልጣናት ለቀጥታ ንግግር ፊት ለፊት ሲገናኙ በአስርት ዓመታት ውስጥ ይህ የመጀመሪያው ነው።

የአሜሪካ የውጭ ጉዳይ ሚኒስትር ማርኮ ሩቢዮ ልዩ በሆነው የቀጥታ ንግግር እንደሚሳተፉ ይጠበቃል።

የሊባኖስ ሹማምንት በመጀመሪያ እስራኤል ሄዝቦላህ ላይ የከፈተችው ጦርነት ላይ የተኩስ አቁም እንዲደረስ የማስማማት ፍላጎት አላቸው።

እስራኤል መጀመሪያ በኢራን የሚደገፈው ሄዝቦላህ ቡድን " ትጥቁን ይፍታ " ባይ ናት።

ሄዝቦላህ በበኩሉ የሁለቱ አገራትን ንግግር ውድቅ በማድረግ ስምምነት ለሚደረስበት ማንኛውም ጉዳይ እንደማይገዛ አስታውቋል።

ቲክቫህ ኢትዮጵያ መረጃውን ከፎክስ ኒውስ እንዲሁም ከቢቢሲ ነው ያገኘው።

ቲክቫህ ኢትዮጵያ
ሚያዚያ 6 ቀን 2018 ዓ/ም

@tikvahethiopia

" ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መልሷል " - የአርቲስቱ ማኔጅመንት

በኢትዮጵያ የኪነጥበብ ዘርፍ ዛሬም ድረስ ስሙ በጉልህ የሚነሳውና በርካታ አድናቂዎች ያሉት አርቲስት ቴዎድሮስ ካሳሁን (ቴዲ አፍሮ) ከ9 ዓመታት በኋላ  አዲስ አልበም ነገ ለአድማጮቹ ያቀርባል።

አርቲስቱ " ኢትዮጵያ " የተሰኘውን አልበሙን የዛሬ 9 ዓመት ለአድማጩ ካደረሰ በኋላ ነገ " ኢትዮሪካ " የተሰኝ አልበሙን በራሱ የዩትዩብ ቻናል ላይ እንዲሁም በዓለም አቀፍ የሙዚቃ ማዳመጫ ድረገጾች ላይ እንደሚለቅ ተገልጿል።

አልበሙ ምንም እንኳን " ሰዋሰው መልቲሚዲያ " በተሰኘው የዘፈን አቅራቢ ድርጅት በኩል ለህዝብ ይደርሳል ተብሎ ቢነገርም በመካከል አለመግባባት ተፈጥሮ በራሱ መንገድ ወደ አድማጭ እንደሚያደርሰው ነው የተሰማው።

በማህበራዊ ሚዲያ ላይ ይህን አለመግባባት አጀንዳ ያደረጉና ያራገቡ የተለያዩ ገጾች ጉዳዩን ቀጥታ ከፖለቲካ ጋር እንደሚያያዝ ሲገልጹና ያልተረጋገጡ መረጃዎችን ሲያሰራጩ ከርመዋል።

ስምምነቱ የፈረሰው ለምድነው ?

እንደ " ኢትዮፒካሊንክ " የመዝናኛና መረጃ የሬድዮ ፕሮግራም ከሆነ፣ ቴዎድሮስ ካሳሁን (ቴዲ አፍሮ) ከሰዋሰው መልቲሚዲያ ጋር የነበረውን ውል በስምምነት ነው ያፈረሰው።

ስምምነቱ የፈረሰው በአሳታሚውና በአርቲስቱ በኩል ውል ውስጥ የተካተቱት አዳዲስ ጉዳዮች ልዩነት ለመፍጠራቸው ነው።

ሁለቱ አካላት ከአራት አመት በፊት ነው ስምምነት የተፈራረሙት። ውሉን ለማደስ በነበረ ሂደት ግን አዳዲስ ሃሳቦች በመግባታቸው አለመግባባቶች ተፈጥረዋል።

ሰዋሰው በአዲሱ ውል ላይ ቀደም ያሉ የቴዴ አፍሮ ዘፈኖችን በሰዋሰው መተግበሪያ ላይ እንዲጫኑና ለዚህም በየአመቱ የሚከፈል ገንዘብ በቅድመ ክፍያ ለመክፈል ፍላጎቱን ገልጿል።

ይህ ሃሳብ ግን በቴዲ በኩል ተቀባይነት ሳያገኝ ቀርቷል።

በተጨማሪ ከአራት ዓመት በፊት በተፈረመው ውል ላይ ከስልክ ድምጽ ማሳመሪካ CRBT የሚገኝ ገቢ ለሰዋሰው እንዲሰጥ የሚፈቅደውን ስምምነት ማሻሻያ እንዲደረግበት በቴዲ የቀረበው ጥያቄ ከሰዋሰው ይሁንታ አላገኘም።

ልዩነቶቹ ሊጠቡ ባለመቻላቸውና የአልበሙ መውጫ በመድረሱ ሁለቱም ወገኖች ውሉን በስምምነት አቋርጠዋል።

ውሉ ሲፈረም ሰዋሰው ለቴዲ አጠቃላይ 50 ሚሊዮን ብር ለመክፈል ተስማምቶ ነበር። የዚህንም ግማሽ 25 ሚሊዮን ብር በወቅቱ ተከፍሎት ነበር።

አልበሙ እንዲወጣ ስምምነት ላይ ተደርሶ የነበረው ከአራት አመት በፊት የነበረ ቢሆንም በተለያዩ አለመግባባቶች ምክንያት ውሉ ሊታደስ አልቻለም። በመጨረሻም ውሉ በሰላማዊ መግባባት ፈርሷል።

ከሁለት ሳምንት በፊት ቴዲና አሳታሚው ድርጅት ውይይት አድርገው ውሉን ለማደስ ባለመግቤታችው ቴዲ ወስዶት የነበረውን 25 ሚሊዮን ብር ከአራት አመት የባንክ ወለድ ጋር ታሳቢ ተደርጎ 33 ሚሊዮን ብር ለሰዋሰው መመለሱን የአርቲስቱ የማናጅመንት ባልደረባ ተናግረዋል።

ሰዋሰው መልቲሚዲያም አርቲስቱ የወሰደውን ግማሽ ክፍያ 25 ሚሊዮን ብር ከአራት አመት የባንክ ወለድ ጋር ጨምሮ መመለሱን አረጋግጧል።

አሳታሚው " በስራ ሂደት በሚያጋጥሙ ሃሳቦች ምክንያት ውሉ በስምምነት ነው የተፈረሰው " ብሏል።

ቴዲ አፍሮ " ኢትዮሪካ " የተሰኘው አልበሙን ነገ ሀሙስ ሚያዚያ 8 ቀን 2018 ዓ.ም ከቀኑ 8 ሰዓት ላይ በራሱ ዩትዩብ ቻናል እንዲሁም በተለያዩ የማዳመጫ አማራጮች ለህዝብ ያደርሳል ተብሎ ይጠበቃል።

አልበሙ ቅዳሜ ይወጣል ቢባልም ቀደም ብሎ እንዲወጣ የተወሰነው በቴዲ አፍሮ መሆኑን እንዲሁም የወር ፣ የቀን እና ሰዓቱ ቁጥር ግጥምጥሞሽ አርቲስቱ በምክንያት ያደረገው መሆኑን የማናጅመንት ክፍሉ ለ" ኢትዮፒካሊንክ " የመዝናኛና መረጃ ፕሮግራም አሳውቋል።

NB. ስምምነቱ ሊፈርስ ስለቻለበት ምክንያት እና አርቲስቱ ስለመለሰው የገንዘብ መጠን ሙሉ መረጃው የተወሰደው ከ " ኢትዮፒካሊንክ " የሬድዮ ፕሮግራም ነው።

ቲክቫህ ኢትዮጵያ
ሚያዚያ 7 ቀን 2018 ዓ/ም

@tikvahethiopia

#Tigray

ሌ/ጄነራል ታደሰ ወረደ በቅርቡ ወደ አዲስ አበባ ሄደው የነበረው ከደብረፅዮን ገ/ሚካኤል ጋር በመመካከርና በመስማማት እንደሆነ አሳወቁ።

ፌዴራል መንግሥት ለአንድ ዓመት ስልጣናቸውን ያራዘመላቸው የትግራይ ክልል ጊዜያዊ አስተዳደር ፕሬዝዳንት ሌ/ጄነራል ታደሰ ወረደ፣ ወደ አዲስ አበባ ያደረጉት ጉዞ የህወሓት ሊቀ-መንበር ደብረፅዮን ገብረሚካኤል (ዶ/ር) በሚያውቁትና በመከሩበት እንዲሁም በተስማሙበት መንገድ መሆኑን ገልጸዋል።

ፕሬዝዳንቱ ዛሬ ከሰዓት በኋላ በሰጡት ጋዜጣዊ መግለጫ እንዳብራሩት በቅርቡ ወደ አዲስ አበባ የተጓዙት በፌደራል መንግስት በተደረገላቸው ጥሪ መሰረት ሲሆን ጉዞውም የፕሪቶሪያ ውል ፈራሚ ከሆነው ህወሓት ሊቀ-መንበር ዶ/ር ደብረፅዮን ጋር በመመካከርና በመስማማት የተደረገ መሆኑን ይፋ አድርገዋል።

ሌ/ጀ ታደሰ ወረደ በአዲስ አበባ ለፌደራል መንግስት ያቀረቡት ሪፖርት የክልሉ መሥሪያ ቤቶች የሥራ አፈጻጸምን መሠረት ያደረገ መሆኑን ገልጸዋል።

" በሪፖርቱና በውይይቱ ከተነሱ ዋና ዋና ጉዳዮች መካከል፦

- ተፈናቃዮችን ወደ ቀያቸው የመመለስና የትግራይ ክልልን ግዛት እንዲከበር ማድረግ፣

- በጦርነት የወደሙ ተቋማትን መልሶ መገንባት፣

- በትምህርትና ጤና ዘርፍ ያሉ እንቅስቃሴዎች፣

- የበጀት መቋረጥን ተከትሎ የተከሰተው የመድኃኒት እጥረት ይገኙበታል " ብለዋል።

ከዚህ በተጨማሪ ከጦርነቱ በኋላ የክልሉ የእርሻ እንቅስቃሴ መልሶ ለማነቃቃት ሊገቡ ከተፈቀዱት 500 ትራክተሮች 85 ከገቡ በኋላ ጅቡቲ ወደብ የቀሩበት ምክንያት በሪፓርቱ ለፌደራል መንግስት በጥያቄ መልክ መቅረቡን ገልጸዋል።

በሌላ በኩል ፥ ሌ/ጄነራል ታደሰ ወረደ ህወሓት ወጥቶ ስለተቃወመው የስልጣን ዘመናቸው ለአንድ አመት መራዘም ማብራሪያ ሰጥተዋል።

" መጋቢት 30/2018 ዓ.ም ይጠናቀቅ የነበረው የጊዚያዊ አስተዳደሩ የስልጣን ጊዜ ተከትሎ የስልጣን ክፍተት ተከስቶ ክልሉ መንግስት አልባ እንዳይሆን ከሁለት ወር በፊት ጀምሮ ከፌደራል መንግስት ምክክር ሲደረግበት ነበር " ብለዋል።

" ወደ አዲስ አበባ ስጓዝ የፕሪቶሪያ ውል ፈራሚ ከሆነው ህወሓት ሊቀ-መንበር ደብረፅዮን ገ/ሚካኤል (ዶ/ር) በመመካካርና በመስማማት ነው " ሲሉ አሳውቀዋል።

የትግራይ ጊዜያዊ አስተዳደር ፕሬዜዳንት ሌ/ጄነራል ታደሰ ወረደ የስልጣን ዘመን በአንድ አመት መራዘሙ ይፋ ከተደረገ በኋላ ህወሓት " የተናጠል " ውሳኔ ነው በሚል  በመግለጫ እንደተቃወመው ይታወሳል።

ቲክቫህ ኢትዮጵያ
መቐለ
ሚያዚያ 6 ቀን 2018 ዓ/ም

@tikvahethiopia

#PeaceTalk

በመካከለኛው ምስራቅ ሰላም እንዲወርድ ለማድረግ ፓኪስታን ሁለተኛ ዙር ድርድር እንዲደረግ ጥረት እያደረገች እንደምትገኝ ታውቋል።

በሌላ በኩል ፤ የአሜሪካው ምክትል ፕሬዝዳንት ጄ.ዲ. ቫንስ የመጀመሪያው ድርድር ያለ ስምምነት ሊበተን ስለቻለበት ምክንያት ለፎክስ ኒውስ ማብራሪያ ሰጥተዋል።

ቫንስ እንደገለጹት፣ አሜሪካ ከንግግሩ የወጣችው ኢራን ከአሜሪካ የቀረበውን ሃሳብ ውድቅ ስላደረገች ሳይሆን በድርድር ክፍሉ ውስጥ የነበሩት የኢራን ተደራዳሪዎች " ውሳኔ የመስጠት ስልጣን (Authorization) " ስለሌላቸው ነው።

" እንደ ጋሊባፍ እና አራቅቺ  ያሉ ባለስልጣናት ስምምነት ላይ ለመድረስ ፍላጎት ቢኖራቸውም የመጨረሻውን ቃል የሚናገሩት አካላት ግን አልፈቀዱላቸውም " ብለዋል።

እውነተኛዎቹ ውሳኔ ሰጪዎች የኢራን አብዮታዊ ዘብ (IRGC) እና በአሁኑ ወቅት በህክምና ላይ ናቸው ተብለው የሚገመቱት አዲሱ ጠቅላይ መሪ አያቶላህ ሞጅታባ ኻሜኒ እንደሆኑ ጠቁመዋል።

ምንም እንኳን ስምምነት ባይደረስም ቫንስ በኢስላማባድ ያሳለፉትን 21 ሰዓታት " ጠቃሚ " ብለዋቸዋል።

አሜሪካ በዚህ ሂደት ውስጥ፥ ኢራን እንዴት እንደምትደራደር እና ትክክለኛው የሥልጣን ቁልፍ በማን እጅ እንደሆነ ጠቃሚ መረጃ ማግኘቷን ገልጸዋል።

በዲፕሎማሲው ቋንቋ " ብዕሩን የጨበጠው ማን እንደሆነ አውቀናል " ብለዋል። ይህ ማለት ወደፊት ከማን ጋር መነጋገር እንዳለባቸው ግልጽ ሆኖላቸዋል።

አሜሪካ " ስምምነት " ላይ ለመድረስ አሁንም በሩ ክፍት እንደሆነ ብታምንም ግን የማይደራደሩ ነጥቦች እንዳሉ አረጋግጣለች።

እነዚህም ፦

- የሆርሙዝ ሰርጥ ሙሉ በሙሉ ክፍት ሆኖ ለንግድ ዝውውር ምቹ መሆን አለበት።

- ኢራን ያበለጸገችውን ዩራኒየም ለኒውኩሌር መሳሪያ እንዳይውል ማድረግ። የኒውኩሌር ባለቤት እንዳትሆን።

... የሚሉት ናቸው።

ቫንስ " አሁንም ኳሱ በኢራን እጅ ነው " ብለዋል።

አሁን ፓኪስታን ሁለተኛው ዙር ድርድር ተካሂዶ በሁለቱም ወገን አስተማማኝ ስምምነት ተደርሶ የዓለም ህዝብ እፎይ እንዲል ጥረት እያደረገች ነው።

በሌላ የመካከለኛው ምስራቅ ዜና ፥ የእስራኤል እና የሊባኖስ አምባሳደሮች ልዩ የተባለ የሰላም ንግግር በዛሬው ዕለት በአሜሪካ፣ ዋሽንግተን ውስጥ ያደርጋሉ።

ዲፕሎማሲያዊ ግንኙነት የሌላቸው የእስራኤል እና ሊባኖስ ባለሥልጣናት ለቀጥታ ንግግር ፊት ለፊት ሲገናኙ በአስርት ዓመታት ውስጥ ይህ የመጀመሪያው ነው።

የአሜሪካ የውጭ ጉዳይ ሚኒስትር ማርኮ ሩቢዮ ልዩ በሆነው የቀጥታ ንግግር እንደሚሳተፉ ይጠበቃል።

የሊባኖስ ሹማምንት በመጀመሪያ እስራኤል ሄዝቦላህ ላይ የከፈተችው ጦርነት ላይ የተኩስ አቁም እንዲደረስ የማስማማት ፍላጎት አላቸው።

እስራኤል መጀመሪያ በኢራን የሚደገፈው ሄዝቦላህ ቡድን " ትጥቁን ይፍታ " ባይ ናት።

ሄዝቦላህ በበኩሉ የሁለቱ አገራትን ንግግር ውድቅ በማድረግ ስምምነት ለሚደረስበት ማንኛውም ጉዳይ እንደማይገዛ አስታውቋል።

ቲክቫህ ኢትዮጵያ መረጃውን ከፎክስ ኒውስ እንዲሁም ከቢቢሲ ነው ያገኘው።

ቲክቫህ ኢትዮጵያ
ሚያዚያ 6 ቀን 2018 ዓ/ም

@tikvahethiopia

" በዓመት 8 ሺሕ ልጆች በካንሰር በሚታሙባት ኢትዮጵያ ያሉት 8 ሆስፒታሎች በቂ አይደለም" - ዶ/ር አቤል ኃይሉ

በዓመት 8 ሺ ህፃናት በካንሰር በሽታ በሚጠቁባት ኢትዮጵያ ህክምና የሚሰጡ ሆስፒታሎች ብዛት በጣም አነስተኛ በመሆኑ መጨመር እንደሚገባ የኢትዮጵያ የህፃናት የደምና ካንሰር ማህበር ለቲክቫህ ኢትዮጵያ ገልጿል።

የማህበሩ ፕሬዚዳንት ዶ/ር አቤል ኃይሉ በሰጡን ቃል፣ ያሉት ሆስፒታሎች ከስምንት እንደማይበልጡ ገልጸው፣ " በዓመት እስከ 8 ሺሕ ልጆች በካንሰር በሚታሙባት ኢትዮጵያ ያሉት 8 ሆስፒታሎች በቂ አይደሉም " ብለዋል።

ለህፃናት ካንሰር ህመም የህክምና አገልግሎት የሚሰጡት ሆስፒታሎች፥
° ነቀምት፣
° ጥቁር አንበሳ፣
° ጅማ፣
° ሀዋሳ፣
° ጎንደር፣
° መቐለ፣
° ባህርዳር፣
° አምቦ መሆናቸውን ገልጸው አገልግሎቱን ለማስፋፋት ማህበሩ ጥረት እያደረገ መሆኑን ጠቁመዋል።

በሌላ በኩል የዘርፉ ምሁራን እንደሚሉት በተለይ ህፃናት ከካንሰር ህመም የመዳን እድላቸው ከፍተኛ ነው። ዶ/ር አቤል በበኩላቸው፣ " በጥቁር አንበሳና እና በሌሎች ሆስፒታሎች ታክመው የዳኑ ብዙ ልጆች አሉን። ሥራ የያዙ፣ ዩኒቨርሲቲ ውስጥ ያሉ በካንሰር ተጠቅተው የዳኑ ልጆች አሉ " ሲሉ መስክረዋል።

ለመዳን ደግሞ ህፃናቱ የኬሞቴሪፒ ቴራፒ ህክምና፣ የቀዶ ጥገና ህክምና፣ የጨረር ህክምና እንደሚያስፈልጋቸውም ለቲክቫህ ኢትዮጵያ ገልጸዋል።

" ለምሳሌ የኩላሊት፣ የጡንቻ ካንሰር ከሆነ በካንሰር የተጠቃው ኩላሊት በሰርጀሪ መውጣት ይኖርበታል " ያሉት ዶ/ር አቤል፣ " የጨረር ህክምና ሁሉም አይፈልግም፤ ያስፈልጋል ለሚባልባቸው የካንሰር አይነቶች ግን በጣም ፍቱን የሆነ ከፍተኛ ለውጥ ያመጣል " ብለዋል።

ከ15 እና ከ20% የማይልጥ ደግሞ ንቅለ ተከላ ህክምና እንደሚያስፈልግ ገልጸው፣ " የንቅለ ተከላ ህክምና ገና በኢትዮጵያ አልጀመርንም " በማለትም ተናግረዋል።

" ድጋፍ ሰጭ የሆነው የደም ህክምናም በጣም አስፈላጊ ነው፤ ሰዎች ደም ሊለግሱ ይገባል። ደም ከሌለ ከደም ካንሰር ጋር የተገኙትን ለማከም ያስቸግራል " ሲሉም ገልጸዋል።

በተያያዘ ገለጻ፣ የኬሞቴራፒ መድኃኒት፣ የጨረር ህክምና ሰርቪስ፣ የባለሙያዎች እጥረትም ዘርፉን በዋናነት እየፈተነው መሆኑን ለቲክቫህ ኢትዮጵያ የተናገሩት ዶ/ር አቤል፣ ጤና ሚኒስቴር፣ በጤና ላይ የሚሰሩ መንግስታዊ ያልሆኑ ተቋማት፣ ሚዲያዎች ከተረባረቡ ችግሩን መቅረፍ እንደሚቻል ጠቁመዋል።

በሌላ በኩል፥ በርካታ የካንሰር ህሙማን ውጭ ሀገር ሄደው የሚታከሙት ኢትዮጵያ ውስጥ ምን አይነት ህክምና ስለሚጎድል ነው? ስንል ላቀረብንላቸው ጥያቄ፣ በዋናኝነት ምርመራ ለማድረግ የሚያስፈልጉ ነገሮችና አንዳንድ እንደ ዘረመል ህክምናዎች ስለሌሉ መሆኑን አስረድተዋል።

ቲክቫህኢትዮጵያ
አዲስ አበባ
#TikvahEthiopiaFamilyAA

@tikvahethiopia