Mana Tewaahidoo ቤተ ተዋህዶ

React gochuun maalif isin mararaa kana barreessuuf sa'atii meeqa akkan gube osoo beektanii React tolaa mitii Star birrii roobsitani. Isin baraiisaa hin jirus taanaan nu barsiisaa hin jiru jedhaatii comment naaf kennaa.

Barumsa Hosaa'inaa Qabadhee Dhufaan Jira. Hammasitti Walaloo Hosaa'inaa Kutaa Jalqabaa Kana Dubbisaa @Walaloo0

1) Fannoo Luboota Harkaa Maalif Dhunganna? 2) Luboonni maaliif yemmuu sirna qulqulleessaa xumura irratti harka isaanii uummata dhungachiisuu? 👇Deebii Obsaan Dubbisaa👇 Share gochuun hiriyoota keessan biraan gahaa👇 1) Yeroo luboonni nu eebbisan, "amanaan yeroo Fannoo dhungachuuf jedhu, na hiikaa na eebbisaa" jedha. Kunis kan ta'u gadi of qabinsa guddaan fi amantiin ta'uu qaba. Lubnis adda keenyaa fi afaan keenya Fannoo sanaan nu eebbisu. ↪️Adda keenyaa fannodhaan eebisuun isaanii " cubbuu nuuti yaada keenyaan hojjenne irraa akka hiikamnuuf" jecha yoo ta'u, afaan keenya dhungachiisuun isaanii immoo " cubbuu nuuti dubbiidhaan hojjene akka nuuf dhifamuuf" jechadha. Nama amantiidhaan naaf ta'a jedhee fudhate hundaaf ni ta'a. Kanaafis Fannoon kana hunda hojjechuuf humna qaba. "Addunyaa fayyisuuf jedhe Iyyesuus kiristoos kan itti fannifame Fannoo isaaf ni jilgeenfanna, Fannoo humna keenya, humni keenya fannoodha, kan nu dhaabu fannoodha, Fannoon beenyaa keenyadha, Fannoon fayyisaa lubbuu keenyaati, ayihuudootni ni ganu, nuuti garuu itti amanna" (kadhannaa yeroo hundaa) "Dubbiin Fannoo warra itti amannuf humna waaqayyooti, warra karaa badiisaa irra jiraniif garuu gowwummaadha" (1qor 1:18). Luboonni maaliif yemmuu sirna qulqulleessa xumura irratti harka isaanii ummata dhungachiisuu? Foonif dhiigni Gooftaa yeroo gara uummataatti gadi ba’u “dirget” jedhama. Hikkaan isaas "tokko taasise" jechu dha. Fooni fi dhiiga Gooftaa yoo nyaanne dhugne kiristoos nurra bula, nu waliin tokko ni ta’a(yoohanis 6:56). Yeroo dirgatiin ta’us kiristaanoni ni jilbeenfatu. Kun immoo fakkeenyummaan isaa qulqullootni dubartootni yeroo Gooftaan du'aa ka'ee arganitti kufanii sagadaniifii jiru. (Maat. 28:9). Nuutis dhugumatti foon Gooftaa fi dhiiga Gooftaa kan ta'e luboonni mana qulqullumma keessaa gara uummataatti yeroo fidan kufnee jilgeenfannaaf. Luboonnii fi Diyaaqonoonni erga namootaf fooniif dhiiga Gooftaa kennanii booda taateen jiru immo “irget" ykn oromiffaan ol ba’uu jedhama. Akka lubooni mana qulqulluma ol galaniin golgi mana qulqulluma ni cuufama. Golgi kunis fakkenya duumessaati (Duuk. 1:9). Innis Yeroo Gooftaan keenya Iyyesuus kiristoos olba’e duuka bu’ootni isaa, osoo samii ilaalaa jiranii suutuma suuta ija isaanii jalaa dhokateera. Golgi kunis icciitii kana ibsuuf olba'uu fi duumessa keessa dhokachuu isaa ibsuuf kan fakkeeffamedha. Yeroo muraasa booda luboonni mana Qulqullummaa keessaa gadi ba’uun uummata ni eebbisu. Kun immoo ergamootni erga Gooftaan keenya Fayyisaan keenya Iyyesuus Kitistoos ol ba’ee booda duuka bu’ootni akka mana isaaniitti deebi'an itti himaniiru. "isaanis osoo samii ilaalaa jiranii, Ergamoonni uffata adaadii uffatan lama gara isaanii dhufanii ‘isin yaa namoota Galiilaa gara samii ilaaltanii maalif dhaabattu? Inni isin ilaala turtan, akkuma olba'e, akkasumas deebi’ee ni dhufa' jedhaniin" (Duuk. 1:10-11). Luboonnis fakkenya Ergamootaa ta’uun harka isaanii uummata dhungachisuun. Akkasumas Gooftaan keenya yeroo olba'utti isaan eebbisaa olba'e jedha (Luq. 24:50). Abbootni luboonnis kana fakkeenya godhachuun kadhannaa hikumsaa erga kennanii booda, ebbisuun akka isaan gara mana isaaniitti galan ni ajaaju. Dhuma irrattis harka isaanii dhungachisu. Nu haa turu..... Galanni Waaqayyoof haa ta'u🙏 Gaaffilee kanneen hafanis suuta isiniif deebi'u sana dura garuu hirmaannaan keessan nu barnaachisa yaada keessan dabalatee. 👇Share, React, Join 👇 gochuun nu jajjabeessaa👇 @Faaruu_fi_Barumsa_Ortodoksii

​​Sirna Qulqulleessaa/Galatoo irratti kitabani qulqulluun maaliif kallattii afranitti naanna'uun dubbifama? Akkuma hedduun keenya hubachuu dandeeyu, kitaabni qulqulluun sirna galatoo irratti kallattii afuriin dubbifama.Kunis diyaaqoniin jalqabaa ergaa qulqulluu Phaawulos ennaa dubbisu fuula isaa gara lixaatti garagalche dubbisa, ergaawwan duuka bu'ootaa kan dubbisu diyaaqonii gargaaraan gara kaabatti fuula isaa naannessee dubbisa, lubni gargaaran ammoo hojii duuka bu'ootaa gara kibbaatti naannessee dubbisa. Xumura irrattis lubni hangafti sirna qulqulleessaa dursu kutaa wangeelaa keessaa, fuula isaa gara bahaatti naannessee dubbisa. Yeroo hundumas diyaaqoniin jalqabaa ergaawwan qulqulluu Phaawulos kudha afran keessaa qofa dubbisa Diyaaqonii gargaaran ammoo ergaawwan duuka bu'oota kaanii keessaa tokko ni dubbisa. Egaa fakkeenyummana fuula kallattii gara garaatti naannessanii dubbisuu kun wangeelli hundumaaf lallabamuu akka qabdu kan ibsu dha. Akkasumas fakkeenya laggeen afranii seera uumamaa irratti eeramaniiti. Laggeen afran kunniin biqiltuu jireenyaa irraa madduun jalqaba jannata sanaan booddee ammoo dachee obsaasanii/jiisanii lafti akka hin gogne,biqiltuun akka hin cooligne akka taasisan hunduma,kitaabonni kunis namni cubbuudhan goguu irraa gara gaabbii ishee lubbuu namaa lalalisiistutti, lalisistes gara hababaoo fi firii kabajaatti ka nama geessan ta'uu isaa hima. (Kitaaba: SIRNA GUUTUU MANA KIRISTAANAA) 👇join #share react👇 @Faaruu_fi_Barumsa_Ortodoksii