Advertising on the Telegram channel «Songs Official»

📖 Lal 7:19 Wanta bulchitoonni kudhan mandara tokkoof hin hojjenne, ogummaan nama ogeessa tokkoof hojjetti*. ➪ Bara dhumaa kana jala ogummaa isa waaqarraa baricha ittiin moonutu nu barbaachisa. ➪ Kanaaf macafni, "Ati namicha dhibaa'aa nana, mee dhaqii mixii ilaali, akka isheen itti jiraattu yaadaan qabi, ogeessas ta'i!" jedha. ➪ Mixiin uumama dadhabduu, ija namaa hin guunnee, waas hojjechuu dandeessi jedhamtee hin yaadamnedha. Garuu bara gaariirra dhaabattee bara hamaa beekti. Bona irra dhaabattee ganna beekti. Ganna keessa akka ittiin dabartutti bona walitti qabatti. 📖 FAKK 6:6-8 Ati namicha dhibaa'aa nana, mee dhaqii mixii ilaali, akka isheen itti jiraattu yaadaan qabi, ogeessas ta'i! Isheen geggeessituu, eegduu, mootiis hin qabdu; kana keessaa immoo waan ishee barbaachisu bona in tuullatti, nyaata ishees yeroo makarii walitti in qabatti. ❷. Kadhannaadha. ➪ Bara hamaa keessa karaan ittiin darbamuu danda’u inni tokko kadhannaadha. ➪Yesus waa’ee kadhannaa gaafa barsiisu, "Qoromsatti akka galle kadhadhaa" jedhe. ➪ Kadhannaan qorumsatti erga gallee iyyuu utuu hin ta’in, humna ittiin keessa dabarru gooftaaarraa fudhachuudha. 📖 Mar 14:38 Qoramatti akka hin galleef dammaqaa, kadhadhaa! Hafuurri illee dhimmaa dha, foon garuu dadhabaa dha" jedhe* ➪ Meeshaan lolaa kan kiristaanotaa innni guddaan kadhannaadha ➪ Yesuus biyya lafaa kanarra yeroo ture halkaniif guyyaa immimmaaniin ni kadhata ture. ➪ Daani’eel bara mootummaa Daariyoos kiristaanotaaf jiraachuun ulfaaate san keessa iyyuu, kan inni ittiin mo’ee darbe humna kadhannaatiini. 📖 Dan 6:10-11 Yommus Daani'el caaffatichatti milikkinni akka godhame beekee, gara mana isaatti, mana isaa keessaas gara kutaa isa mana irraatti, isa qaawwi isaa gara Yerusaalemitti garagalee banamee jirutti ol ba'e; akkuma dur guyyaatti si'a sadii gochaa tures WAAQAYYO isaa dura jilbeenfatee in kadhate, galatas isaaf in galche. Yeroo sanatti namoonni sun wal ga'anii dhufanii, Daani'el utuu kadhatuu WAAQAYYO isaa biraas araara utuu gaafatuu argatan. Kadhannaadhaan bitee mo’ee darbe Daani’eel baruma kiristaanotaaf jiraachuun ulfaate sana keessa jireenyi wal qixxaateef 📖 Dan 6:28 Bara Daariyos mootichaa fi bara Qiiros mooticha Faares keessa Daani'el kanaaf jireenyi wal in qixxaateef. ➪ Bara mootummaa Herodos keessa, bara inni kiristaanota mormaa irraa kuchisiia ture, obboleessa yohaannis yaaqobiin morma irraa kuchisiise, kun immoo warra Yihuudotaa akka garaa ciibse waan bareef, Pheexiroosins mana hidhaatti dabarsee kennee. Ayyaan maxinoo boodaa ajjeesisuuf ture, Waldaan kiristaanaa garuu utuu gargar hin kutin hin kadhatti turte. ➪ Humna kadhannaa sanaan waaqayyo ergamaa isaa ergee Pheexiroosin harka herodoosii oolche. 📖 Act 12:5 Yeroo Phexros mana hidhaa keessatti eegamaa turetti, waldaan kiristiyaanaa immoo utuu gargar hin kutin WAAQAYYOON in kadhattiif turte ➪ Macaafni akkas jedha , "utuma dadhabanii iyyuu diinota isaanii ari'uu ittuma in fufan" jedha. ➪ Jireenya kiristaanummaa keessatti, hammam dadhabbiif lolli yoo jiraatellee, humni kadhannaa keenyaa laafuu hin qabu. 📖 Abo. 8:4 Giidewonii fi jarreen dhibbi sadan isaa wajjin turan hamma laga Yordaanositti adeemanii, lagicha in ce'an; utuma dadhabanii iyyuu diinota isaanii ari'uu ittuma in fUfan ❸. Fedha Waaqayyoo keessa socho’uu ➪ Bara hamaa keessa, shaakala kanaan duraatiin qofa deddeebi'uun, gatii nama baasisa. ➪ Utuu waah in hojjetin, utuu wayittuu hin galiin ba’aanii hin adeemin, iddoo kana deemuun koo jaalala, Waaqayyootii jedhanii adda baafachuun gaariidha. ➪ "Jaalalli gooftaa maal akka ta’e hubadhaa malee wallaalota hin ta’inaa" jedha. 📖 Efes 5:18 Kanaaf jaalalli gooftaa maal akka ta'e hubadhaa malee, wallaalota hin ta'inaa, ➪ Fedha waaqayyoo Ykn jaalala waaqayyoo keessa socho’uun yeroo hundumaa kisaaraa hin qabu ➪ Kisaaraan yeroo hundumaa yaada mataa ofii keessa socho’uu keessa jira

Bara hamaa kana akkamitti moona 📖 Eph 5:16 -17 Egaa attamitti akka deddeebitan haleelaa ilaalladhaa! Akka warra ogeessotaatti malee, akka warra ogeessota hin ta'iniitti hin jiraatinaa! Guyyoonni kun guyyoota gadhee waan ta'aniif, yeroo isiniif kenname utuu hin dabarsin itti hojjedhaa*! ➪ Phaawuloos warra efesoon kanaaf gaafa caafu, "Guyyoonni kun guyyoota gadhee waan ta’aaniif, egaa akkamitti akka deddeebitan haleelaa ilaalladhaa!" jedha. ➪ 'Akkamitti akka deddeebitan' gaafa jedhu, deddeebiin kun oolmaa jireenyaa hundumaa of keessaa qaba. Hojjechuu, ba’aanii galuun, maraanmartoo jireenya (life cyle) namaa hundumaa qabata. ➪ Nu kiristaanonni, biyyuma lafaa isa hammeenyaan guute kana keessa jiraanna malee odola mataa keenyaa hinqabnu. ➪ Caaffatichi, "Biyyi lafaa kun guutummaattii harka isa hamaa jala akka jiru in beekna" jedha. 📖 1yoh 5:18 Nuyi kan WAAQAYYO akka taane, guutummaan biyya lafaa immoo harka isa hamaa jala akka jiru in beekna. ➪ Kanaafidha Yesus, "Isa hamaattii akka isaan eegduuf malee, biyya lafaa keessaa akka isaan baaftuuf si hin kadhadhu " jedhe. 📖 YOH 17:15 Isa hamaattii akka isaan eegduuf malee, biyya lafaa keessaa akka isaan baaftuuf si hin kadhadhu. ➪ Egaa biyyi lafaa kun hammeenyaaf jal'inaan kan guuteedha. Yeroon nuti keessa jirru kunimmoo yeroo hamaadha. Biyyi lafaas gara dhumaatti deemaa jira. ❓KANAAF AKKAMITTIIN DEDDEEBI’UU QABNA❓ ➊. Ogummaadhaan deddeebi’uu qabna: - ➪ Yesus bartootasaatiin, "Akka nama hoolota yeeyyii gidduutti erguuttiin isin erga, Kanaaf akka bofaa abshaala, akka gugee garraamii ta’aa" jedheen. ➪ Waqqayyoo wajjin jiraachuuf, garraamummaa, biyya lafaa kana keesassa jiraachuuf immoo ogummaatu barbaachisa. ➪ 'Abshaalummaa' inni jedhu kun, ogummaaa jechuusaati. ➪ Bofti yoo namni ishee rukutuuf ka’e, daftee mataashee dhokfatti; kun abshaalummaasheeti. ➪ Yoo iddoo biraa dha’aan deebitee muuxatti, yoo mataashee dha’aan garuuu in duuti waan ta’eef, itti duutee mataashee dhokfatti. 📖 Mat 10:16 Yesus itti dabalee, "Kunoo, akka hoolota yeeyyii gidduu dhaqaniittan isin erga; egaa akka bofaa afshaala ta'aa, akka gugees garraamii ta'aa." ➪Kanaaf dubbannaan keenya ba’uuf galuun keenya, ogummaan hin ta’u taanaan bara hamaa kana keessa kiyyoon baay’eedha. 📖 Yaq 3:13 Isin keessaa namni ogeessi hubataanis jiraa? Inni karaa garraamummaa ogummaa keessaa argamu sanaa, adeemii isaa isa gaariidhaan hojii isaa isa gaarii haa mul'isu. ➪ Yeroo hamaa kana keessa, kaleessa humna qaba lolee mo’adheera, dubbadhee dhageessifadheera, gochuu nan danda’a, jedhanii akka kaleessa baran ba’uu utuu hin taane ogummaadhaan socho’uutu barbaachisa ➪ Daawwit namni humna jabaa qabu, bara baay’ee lolees mo’ee beeku, gaaf tokko garuu saa’ol jalaa baqatee biyya gaatiin gaafa dhaqee, mootii warra filisxeemotaa Akshi akka Daawwit biyyasaa gale gaafa itti himan, " Dhaqaa itti marsaa qabaa fidaa" jedhe. Kanarratti Daawit akka kaleessa bareetti uleefi dhagadhaan utuu hin taane, gaafa geessanii fuula mootichaa dura isa dhaaban, gorora ofirra yaasee maraatuu of fakkeessanaan, mootichi, " Maraatuu dhabnaan kaanaa fiddanii?" jedhe. ➪ Akkasitti Daawit gowwoomsee harkaa ba'e. 📖1Sam 21:12-15Daawitis dubbii kana garaa isaatti qabatee, Akiishin mootii Gaat baay'isee in sodaate. Kanaaf jara duratti akka nama qalbiin isaa butamee godhatee, isaan gidduu utuu jiruu, cufaa karraa irratti barreessee, gorora isaa immoo areedaa isaa irra yaasuu isaatiin maraatuu of in fakkeesse. Akiish hojjetoota isaatiin, "Namni kun maraatuu ta'uu isaa hin arginee, maaliif gara kootti isa fiddan? Ani maraatota dhabnaan, akka inni na bira dhaabatee maraatummaa argisiisuuf gara kootti fiddanii?" jedhe. ➪ Daawit guyyaa gaafa sana akka kaleessaa humnaan lolee ba’e utuu hin taane ogummaadhaan harkaa ba’e. ➪ Kanaaf macafni, "Ogummaan wanta bulchitoonni kudhan biyya tokkoof hin hojjenne nama tokkoof hojjetti." jedha.

Isa guyyuma guyyaatti ba'aa keenya nuuf baatu 📖 Far. 68:19 “Gooftichi inni guyyuma guyyaatti ba'aa keenya nuuf baatu, Waaqayyo inni nu oolchu, maqaan isaa haa eebbifamu!” 👉 Bartokko qofa baatee dhiisa utuu hin taane, yeroo hundumaa ba'aa keenya ofitti fudhatu. 👉 Namni ba'aa kee waliin si jaallatu hin jiru. Ba'aa namaa waliin kan nama jaallaatu ilma waaqayyoo Yesuusiin qofa.  👉 Kanaaf Mat. 11:28 irratti  “Yesus itti fufee, "Isin warri itti dhamaatanii dadhabdan, ba'aanis kan isinitti ulfaatu hundinuu gara koo kottaa; ani boqonnaa isiniifan kenna.” jedha.   🔊 Waamicha kana nama dadhabaautuu hin taane, ilma Waaqayyoo isa hundumaa danda'utu ba'aa kee sirraa fuudhee si boqachiisuudhaaf si waame. ✍️ Akkuma beekamu jireenya dhala namaatti ba'aa kanta'u hedduudha. Fakkeenyaaf: Abaarsi, dhukkubni, waanjoon seexanaa, cubbuunii fi kanneen kana fakkaatan hundi isaanii iyyuuba'aadha. 👉 Hundumaafuu deebii inni ta'e ilmi waaqayyoo ba'aa keenya hundumaa ofitti fudhate. 📖 Isa. 53:12 “inni cubbuu namoota baay'ee baatee, waa'ee cubbuu isaaniitiifis isaaniif in kadhate; lubbuu isaa du'atti dabarsee kennee, warra balleessaa qabanii wajjinis waan lakkaa'ameef, ani qooda isaa warra gurguddootaa wajjin nan godhaaf, warra jajjaboo wajjinis boojuu in hirmaata" jedhe.” 👉 Kanaafidha Yohaannis Cuuphaan utuu Yesus gara isaa dhufuu argee, "Ilaa hoolicha Waaqayyoo, isa cubbuu biyya lafaa irraa fuudhu.” jedhe. Ameen

Humna wangeelaa 📖 Efe. 3:5-6 ⁵ Dhaloota darban keessatti dhoksaan kun ilmaan namaatti hin argisiifamne; amma garuu Waaqayyo hafuura isaatiin ergamoota qulqullootaa fi raajotatti mul'iseera. ⁶ Dhoksaan kunis warri saba Waaqayyoo hin ta'in wangeelatti amanuudhaan wanta Yihudoonni argatan akka argatan, isaanii wajjin bu'aa dhagna tokkoo akka ta'an, abdii isa Waaqayyo karaa Kristos Yesus kenne keessaas akka hirmaatan gochuuf kan qophaa'e ture. ✝️ WANGEELLI YESUUS KIRISTOOS KUN, EEBBA YIHUUDOONII ARGATAN KEESSAA HIRMMAATTUU NU GODHE Kunis amantii karaa wangeelaatiin mucaa Waaqayyoo akka taanu Yoh. 1:11-12 ¹¹ Gara biyya dhuunfaa isaa dhufe; namoonni isaa garuu isa hin simanne. ¹² Hamma isa simataniif immoo ijoollee Waaqayyoo akka ta'aniif aboo isaaniif kenne; isaanis warra maqaa isaatti amananii dha. ✝️ Amantii karaa wangeelaatiin qajeelummaa akka argannuu hojiidhaan utuu hin taane isatti amanuudhaan 📖 Rom. 3:28-26 ²⁵ Inni dhiiga isaa dhangalaasee du'uudhaan warra isatti amananiif mi'a araaraa haa ta'uuf, Waaqayyo isa dhaabe. Waaqayyo ofii isaa qajeelaa akka ta'e mul'isuudhaaf kana godhe; obsa isaatiinis cubbuu namoonni kanaan dura hojjetan irra darbeeraaf. ²⁶ Bara sanaattis Waaqayyo qajeelummaa isaa argisii suuf inni ofii isaa qajeelaa ta'uu isaa, nama Yesusitti amanus qajeelaa gochuu isaa mul'iseera. ✝️ Amantii karaa wangeelaatiin eebba Abraam argate hundumaa akka argannu. 📖 Gal. 3:7-9 ⁷ Egaa warri amanan Abrahaamiif ilmaan akka ta'an hubadhaa!⁸ Waaqayyo warra saba isaa hin ta'in amantiidhaan qajeelota gochuuf akka jiru duraan dursee caaffata qulqullaa'aa keessatti dubbachiiseera; inni Abrahaamiin "Sabni hundinuu siin in eebbifamu" jedhee duraan dursee misraachoo itti himeera. ⁹ Egaa warri amanan Abrahaam isa amanee wajjin in eebbifamu ✝️ Dhaloota darban keessatti dhoksaan ifa hin bane kun karaa wangella yesuus kiristoos ifatti ba’uun karaa wangeela kanaa hirmaattuu nu godheera. ❓WANGEELLI HUMNA AKKAMII OF KEESSAA QABA ➊. Humna fayyisu: - ✝️ Angoon fayyisuu isaa sammuu nama fooniin ibsamuu hin danda’u. ✝️ Dhibee qoricha hin qabne kamiifiyyuu fayyina, dhukkuba yaada nmaa ilaalchaaf qalbii nama afayyisuufis aangoo qaba, In fayyisa gaafa jennu: - ✝️ Dhukkuba cubbuuttii nama fayyisa; dhukkuba fooniittii in fayyisa. ✝️ Aangoo seexanaattiis birmaduu nama baasa 📖 Rom 1:16 “Ani wangeelatti hin yeella'u, inni humna Waaqayyo isa warra amantii qaban hundumaa, duraan dursee warra Yihudootaa akkasumas warra Giriikotaa fayyisuu dha.” ✝️ Dursee Giriikota warra ogummaa barbaadan, akkasumas yihuudota warra milikkita barbaadan isa fayyise, darbee gara keenya kan dhufe inni humna waaqayyooti. ✝️ Dhibee qoricha hin qabne kamiifiyyuu fayyisaadha. Kanaafidha Yesuus biyya lafaarra yeroo ture wangeela mootummaa Waaqayyoo lallabaa namootas dhukkubaaf dhibee hundumaatti fayyisaa ture. 🔊 Har’as humni wangeelaa in fayyisa!

Tuqaatii Amantii 📖 Maatewos 21:18 Yesus ganama barii gara mandarichaatti utuu deebi'uu in beela'e. 19 Muka harbuu tokko karaa bukkeetti argee, gara isaatti yommuu gore baala duwwaa malee, homaa irraa hin arganne. Kanaaf mukichaan, Bara baraan iji si irraa hin argamin! jedhe; kana irratti harbichi achumaan goge. Bartoonni mukicha yommuu argan raajeffatanii, Attamitti mukti harbuu sun achumaan goge? jedhan. 21 Yommus Yesus deebisee, Ani dhuguman isiniin jedha, amantii yoo qabaattan, yoo mamuu dhabaattanis, mukicha irratti waan ta'e duwwaa hin gootan; gaaruma kanaan, Ol kaafamii galaanattis darbatami! yoo jettan iyyuu in raawwatama. 🎄 Gooftaan harbuttii kana irraa baala malee ija irraa dhabnaan ishee abaaree darbe. 🔊 Gooftaan ija sirraa hin dhabin! 🎄 Harbichi achumaan gogee arganii bartoonni gooftaadhaan, "Attamitti mukti harbuu sun achumaan goge?" jennaan Gooftaan deebisee, "Ani dhuguman isiniin jedha, amantii yoo qabaattan, yoo mamuu dhabaattanis, mukicha irratti waan ta'e duwwaa hin gootan; gaaruma kanaan, Ol kaafamii galaanattis darbatami! yoo jettan iyyuu in raawwatama." isaaniin jedhe. ☝️ Shakkii/ mamii fi sodaan diina amantiiti. ✝️ Dubartiin waggaa kudha lamaaf dhiigni ishee dhaabachuu diduudhaan rakkattu sun waa'ee Yesus yommuu dhageesse, namoota sana gidduu dugda isaa duubaan dhuftee uffata isaa tuqxe. Achumaan lolaan dhiiga ishee in cite; isheen immoo dhukkuba isheettii akka fayyite itti dhaga'ame. ✝️ Yesus yeroodhuma sana humni fayyisu isa keessaa akka ba'e beekee, namoota gidduudhaa gara galee, Eenyutu uffata koo tuqe? jedhee gaafate. Bartoonni isaa immoo, Akka namoonni si dhiiban utuma argituu, Eenyutu na tuqe? jettee gaafattaa? jedhaniin. ✝️ Maarqos 5:33 (MACQUL) Kana irratti dubartittiin waan isheedhaaf godhame hubattee, sodaachaa rom'aa dhuftee miilla Yesus jalatti lafa dhoofte; dhugaa ishee hundumaas isatti himte. ✝️ Namoota hedduutu Isa dhiibaa ture; tuqaatii ishee kan adda godhe garuu kan amantii ta'uusaati. ✝️ Har'as jijjiirama kan fidu, bara dheeraa waldaa keessa jiraachuu, yookiin immoo gooftaa wajjin deemuu utuu hin taane amantiidhaan humna isa keessaa baafachuudha. Ameen

“Yesus deebisee, "Karichi, dhugaan, jireenyis, ana; anaan yoo ta'e malee, eenyu iyyuu gara abbaa hin dhufu.” Yoh. 14:6

KUTAA 2ffaa ➁. QOROMSAAN ILAALAMANI DARBUU KEESSAAN DHUFA. ✍️ Qorumsi waan namni jaallatee itti galuu utuu hin taane waan fedhii fi yaada namaa ala namatti dhufudha. Qorumsi yeroo jalqaba nama mudatu waan nama naasisuu fi abdii nama kutachiisu yoo ta’ellee, achi keessatti namni obsa, amantii, danda’uu fi caalaatti gar Waaqayyootti siquu namatti hora. 📖 1Phe. 1:5-7 ⁵ Kunis, isin warra, karaa amantii fayyina bara booddeetti mul'achuuf qophaa'ee taa'u sanaaf, humna Waaqayyootiin eegamtanii jirtaniif in ta'a.⁶ Amma yeroo gabaabduudhaaf qorama garaa garaatiin gaddisiifamuun keessan kan hin oolle yoo ta'e iyyuu, isa sanatti immoo baay'iftanii in gammaddu. ⁷ Warqeen inni baduuf jiru iyyuu ibiddaan in qorama; amantiin keessan inni warqee caalaa gati-jabeessi immoo, guyyaa Yesus Kristos itti mul'achuuf jiru sanatti, jajamee guddinaa fi ulfina akka argatutti qoramee in ilaalama. ✍️ Qulqullinii fi miidhaginni (the quality and beauty) hafuuraa kan inni dhufu morkee (challenge) sana keessatti. 📖 IYOB 23:10 “Haa ta'u iyyuu malee, inni karaa koo in beeka, yeroo inni qoree na ilaaluttis akka warqeetti nan ba'a.” ✍️ Akkuma Warqeen warqummaansaa ibidda keessa erga darbee fudhatamu, jireenyi kiristaanummaas qorumsaan ilaalamanii erga darbanii fudhatama. 📖 Isa 48:10-11¹⁰ Kunoo, akka meetiitti yoo ta'uu dhabaatte iyyuu, si qulleessuudhaaf rakkina isa akka ibiddaatiin ani si qoreera; ¹¹ ani ofuma kootiif, ofuma kootiif jedhee kana nan godha; maaliifan maqaan koo akka balleeffamu godha? Attamittanis ulfina koo kan biraatiif kenna ree? ✍️ Qormaanni mana barumsaatii dhiyaatu akka sadarkaa barumsaatti namaaf dhiyaata. Qorumsi kutaa 6ffaaf dhiyaatu kanuma kuticha malee kan kutaa 8ffaa hin ta'u, kan kutaa 8ffaa immoo kan kutaa 12ffaa hin ta'u. Akkasuma hamma dandeettii keenyaatiin ol-waaqayyo nu hin qoru. Haa ta'u malee kiristaanni kamiyyuu qorumsa matasaa qaba. 📖 1Qor. 10:13 “Qoramni namatti dhufee hin beekne isinitti hin dhufne. Waaqayyo amanamaa waan ta'eefis, humna keessan gararraatti akka isin qoramtaniif isin hin dhiisu, garuu qorama sana keessatti akka isin dandeessan in godha, karaa isin keessaa baatanis isiniif in kenna.” ✍️ Ilaalamanii erga darbanii booda barbaadamu, jireenya, ulfinaafi mo’icha isa caalutti darbuu fi fira Waaqayyoo ta’uutu jira. 📖 ZakZak. 13:8-9 ⁸ Guutummaa namoota biyyichaa keessaa harka sadii keessaa harki lama rukutamee in dhuma; haa ta'u iyyuu malee, harka sadii keessaa harki tokko isa keessatti in hafa; ⁹ harka sadii isa hafe sanas ibidda keessa buusee, akka meetii fi akka warqeetti qoree nan ilaala; yommuu isaan maqaa koo waammatan, ani immoo isaaniif nan dhaga'a; 'Isaan saba koo ti' nan jedha; isaanis, 'Waaqayyo gooftaa keenya' in jedhu" jedha.