Advertising on the Telegram channel «የኦርቶዶክስ አስተምህሮዎች»

@Ethiopian_Orthodox @Ethiopian_Orthodox

\\በፆም ትትፌወስ// በጾም ትትፌወስ ቁስለ ነፍስ ወበጸሎት ትትሀሰይ መንፈስ /2/ አዝ…………. መአልትና ሌሊት በጾም ጸሎት ተግቶ አሳይቷል ጌታ ስርዓትን ሰርቶ አይቀርም ፈተናው ትጋት ከሌለበት ስጋ ካልደከመች በጾምና ጸሎት አዝ…………. ሙሴ የተባለው ያ የእግዚአብሔር ሰው ፊቱን የበራለት አርባ ቀን ጾሞ ነው በሲና ተራራ ተቀብሎ ህግን እርሙን እንድንተው አሳየን መንገድን አዝ…………. የጸሎት እናቷ ስለሆነች ጾም ትህትናን ይዘን ደግሞም አንድ ሆነን ብንተጋ በጸሎት ከንስሀ ጋራ ጾም ታደርሰናለች ከጽዮን ተራራ አዝ…………. አንድበትም ይጹም ኃይልም ይረጋጋ ጆሮም ክፉ ሰምቶ ነፍሱን እንዳይወጋ ድኅን ከመበደል ልብም ተመልሶ መጾምስ እንዲህ ነው የበደለን ክሶ...... በዘማሪ አቤል ተስፋዬ @Ethiopian_Orthodox @Ethiopian_Orthodox

🗣እሑድ ጾም ነው! ጾመ ነቢያት የሚገባው እሑድ ህዳር 15 ሲሆን: የጾም ማሰሪያ ቅዳሜ ነው:እሑድ ከጥሉላት ምግቦች እንጾማለን። እንደ ቀኖናም ጾም ሁሉ ሰኞ ይገባል የሚል አዋጅ የለም። ግዴታ ሰኞን ጠብቀው የሚገቡ አጽዋማት ነነዌ: ሁዳዴ(ዓቢይ ጾም): ጾመ ሐዋርያት (የሰኔ ጾም) ብቻ ናቸው። ሌሎች አጽዋማት በሰኞ ሊገቡም ላይገቡም ይችላሉ።ይህ ጾም ደግሞ ያለ ተውሳክ የሚወጣ ስለሆነ ቀንን እንጂ ዕለትን አይጠብቅም። ይህ ጾም የአጽዋማት ሁሉ መሠረት ነው። የተስፋ: የሱባኤ ጾም ነው: ከአዳም እስከ መጥምቁ ዮሐንስ ያሉ ቅዱሳን የጮሁት ጩኸትም ነው። የሌሎች አጽዋማት መወለድ በዚህ ጾም ምክንያት ነው። ነቢያት የአምላክን በሥጋ መገለጥ: የንጉሡን ከድንግሊቱ መወለድ ተስፋ በማድረግ ጾመውታል: በርግጥም ተስፋቸው ተፈጽሞ ጌታችን ስለእኛ ከድንግል ማርያም ተወልዷል: በጨለማ ለምንኖር የማይጠፋ ብርሃን በራልን:ወንጌል ወይም የምስራች መባሉም ዋነኛ ምክንያት ይህ ነው። ታዲያ ለምን እንጾመዋለን? ጌታ አንዴ ተወልዶ የለም ወይ? የሚል ጥያቄ ሊነሣ ይችል ይሆናል:መልሳችን ጌታ ኢየሱስ በልባችን ገና ስላልተወለደ ነው! የሚል ይሆናል። ባዶ ሆድ ከመሆን እንዲሁ ከመራብ ከፍ ያለ ጾም ያርግልን :ልባችንም ቤተልሔም ይሆን ዘንድ ፈቃዱ ይሁን! ©ዲ/ን ኤርምያስ ተፈራ @Ethiopian_Orthodox @Ethiopian_Orthodox

"እንዳይፈረድባችሁ አትፍረዱ" ጌታችንና አምላካችን መድኃኒታችን ኢየሱስ ክርስቶስ በሌላው ላይ መፍረድ እንደማይገባ አስተምሯል፡፡ በዚህ ትምህርቱም “እንዳይፈረድባችሁ አትፍረዱ፤ በምትፈርዱበት ፍርድ ይፈረድባችኋልና፡፡”ማቴ ፯÷፩ ብሏል፡፡ ይህም ንጹሕ ሳትሆኑ ወይም ሳትሾሙ ብትፈርዱ ይፈረድባችኋል ማለት ነው፡፡ ምክንያቱም ተሾመው የፈረዱ አሉና፡፡ ለምሳሌ፡- ሙሴ በስለጰዓድ፣ ኢያሱ በአካን፣ ቅዱስ ጴጥሮስ በሐናንያና ሰጲራ፣ ቅዱስ ጳውሎስ ደግሞ በበርያሱስ ፈርደዋል ዘኁ.27፡1-15፣ 36፡2-12፣ ኢያ.7፡1-26፣ የሐዋ.5፡1-11፣ 13፡4-12፡፡ አንድ ሰው ንጹሕ ሳይሆን በፈረደው ፍርድ እንደሚፈረድበት ከንጉሡ ከዳዊት ሕይወት መማር ይቻላል 2ኛ ሳሙ.12፡1-15፡፡ ቅዱስ ጳውሎስም በመልእክቱ “ስለዚህ አንተ የምትፈርድ ሰው ሁሉ የምታመካኘው የለህም፤ በሌላው በምትፈርድበት ነገር ራስህን ትኰንናለህና፤ አንተው ፈራጁ እነዚያን ታደርጋለህና፡፡ እንደዚህም የሚያደርጉት ላይ የእግዚአብሔር ፍርድ እውነተኛ እንደሆነ እናውቃለን፡፡ አንተም እንደዚህ በሚያደርጉ የምትፈርድን ያንን የምታደርግ ሰው ሆይ አንተ ከእግዚአብሔር ፍርድ የምታመልጥ ይመስልሃልን?” ብሏል፡፡ ለዚህም ነው ጌታችን በወንድምህ ዓይን ያለውን ጉድፍ ከማውጣትህ በፊት በዓይንህ የተጋረድውን ምሰሶ አስወግድ ያለው፡፡ ጉድፍ የተባሉት ጥቃቅን ኃጢአቶች ሲሆኑ ምሰሶ የተባሉት ደግሞ ታላላቅ ኃጢአቶች ናቸው፡፡ ይህም ጥቃቅኗን ኃጢአቶች እየተቆጣጠርክ በባልንጀራህ ከመፍረድህ በፊት አንተው ራስህ ታላላቆቹን ኃጢአቶችህን በንስሐ አስወግደህ እንዳይፈረድብህ ሁን ማለት ነው፡፡ እዚህ ላይ የባልንጀራ ኃጢአት ትንሽ የራስ ኃጢአት ደግሞ ትልቅ የተባለበት ምክንያት ሰው የባልንጀራውን ኃጢአት የሚያውቀው በከፊል የራሱን ግን የሚያውቀው ሙሉ በሙሉ በመሆኑ ነው፡፡ ስለዚህ ከዚህ ተላልፎ እገሌ እንዴት ኃጢአት ይሠራል ብሎ በሌላው መፍረድ ፈሪሳውያንን መሆን ነው ማቴ.23፡1-39፡፡ ............ ✞ ✞ ✞ ........... ይልቁኑም እነዲህ ብለን እንጸልይ :- "አቤቱ ጌታ ሆይ የራሴን ጥፋት አስመልክተኝ እንጂ በወንድሜ ላይ እንድፈርድ አታድርገኝ" ቅዱስ ዮሐንስ አፈወርቅ @Ethiopian_Orthodox @Ethiopian_Orthodox

@Ethiopian_Orthodox @Ethiopian_Orthodox

ፈቃዴ ነው

ፈቃዴ ነው የሰውን ነገር ላልናገር/፪/ የእኔ ተሸፍኖ ከቆምኩኝ በክብር ፈቃዴ ነው የሰውን ነገር ላልናገር

አዝ.....

ሕይወቴ በሙሉ በኃጢአት ተሞልታ አምላኬ ከማረኝ በፍቅሩ ዝምታ የሰው በደል ላላይ በእውነት ምያለሁ እኔን ከታገሠኝ ፍቅር ተምሬያለሁ/፪/

አዝ.....

በዐይኔ ፊት ተጋርዶ ያለውን ምሶሶ እያየ ካለፈኝ በምሕረት ታግሦ የሰው በደል ላላይ በእውነት ምያለሁ እኔን ከታገሠኝ ፍቅር ተምሬያለሁ /፪/

አዝ.....

አንተ ቀራጩ ሰው ያለህ አቀርቅረህ በምሕረት ተመለስክ ከእኔ ይልቅ ድነህ በአንተ ላይ ስጠቁም የእኔን ጸሎት ትቼ የመዳኑ ሰዐት አለፉ ቀኖቼ/፪/

አዝ.....

ተቆጥሮ የማያልቅ ኃጢአቴ ተጠርቶ በሞትና በደል በኃጢአት ሸፍኖ ሰው አርጎ አቁሞኝ በሰው ፊት ጌታዬ በማንም አልፈርድም ኃጢአተኛ ብዬ በማንም አልፈርድም በደለኛ ብዬ

አዝ.....

ሊቀ መዘምራን ቴዎድሮስ ዮሴፍ @Ethiopian_Orthodox @Ethiopian_Orthodox

መምህር ኢዮብ ይመኑ እባላለሁ! በኢኦተቤ ሰባኬ ወንጌል ነኝ! መምህራን በተለያዩ ቦታዎች እየተዘዋወርን ወንጌልን እናዳርሳለን! እርስዎ የማኅበረ ቅዱሳንን ዩቱዩብ ሰብስክራይብ በማድረግና በማጋራት ብቻ ወንጌልን ለዓለም ማድረስ እንደሚችሉ ያውቃሉ? እኔ ዘመቻውን ተቀላቅያለሁ እናንተስ? ዩ ቲዩብ፡- http://www.youtube.com/user/EOTCMK

ኅዳር ፳፩ ጽዮን ማርያም ኅዳር ሃያ አንድ በዚች ቀን የእመቤታችን የቅድስት ድንግል ማርያም የበዓሏ መታሰቢያ ነው። “ታቦተ ጽዮን” የሚለውንም ስያሜ ያገኘችው ጽዮን ተብላ በምትጠራው የእስራኤል ከተማ ስም ነው፡፡ ጽዮን ማለት ተፀወነ፡ ተጠጋ፣ ተማጠነ ማለት ነው፡፡ ክቡረ ዳዊትም ጽዮንን አምባ፣ መጠጊያ አድርጎ ብዙ ጠላቶቹን ተዋግቶ አሸንፎ ድልን ተጎናጽፏል። ጽዮን የተባለችው የታላቁ የዳዊት ከተማ የተገፉና የተበደሉ ሕዝቦች ሁሉ እውነተኛ ፍርድ ለማግኘት፣ ተሰብስበው የሚሰነብቱባት ከተማ ስለነበረች፣ ጽላተ ሙሴም በዚያ ስለነበረች በርሷ ተማጽነውም ችግራቸው ሰለሚቃለል ታቦቷ “ታቦተ ጽዮን” ተብላለች፡፡ ታቦተ ጽዮን ብዙ ጊዜ "ጽላተ ኪዳን፣ ታቦተ ሕጉ" እየተባለች ትጠራለች። "ጽሌ" ማለት "ሰሌዳ" እንደ ማለት ሲሆን "ጽላት" ደግሞ በብዙ ቁጥር ነው። "ኪዳን" ደግሞ በፈጣሪና በሰው ልጆች መካከል ያለ "ውል - ስምምነት" ነው። "ታቦት" ማለት "ማሕደር-ማደሪያ" እንደ ማለት ነው። ሕጉ የተጻፈባቸውን ሰላድው "ጽላት" ስንላቸው የጽላቱ ማደሪያ ደግሞ "ታቦት" ይባላል። ጽላት (ታቦትን) ያመጣ ፈጣሪ ነው። በሐዲስ ኪዳንም ምሥጢርና ሐተታ ቢኖረውም 2 ቦታ ላይ ስለ ታቦት ተጠቅሶ እናገኛለን። (2ቆሮ.6፥16 ፣ ራዕይ.11፥19) የአምላክ ማደሪያ ቅድስት ድንግል ማርያም በቃል ኪዳን ታቦት ትመሰላለች ይኽቺም ፦ ✿ የእግዚአብሔር የጌትነቱ መግለጫ የኾነችው፤ ✿ በፍልስጥኤም ይመለክ የነበረ ጣዖትን ቀጥቅጣ ያጠፋች፤ ✿ በድፍረት ሊነካት የሞከረ ኦዛን የቀሰፈች፤ ✿ በታላቅ ክብር ወደ ሀገሯ ስትመለስ ነቢየ እግዚአብሔር ዳዊት በታላቅ መንፈሳዊ ደስታ በፊቷ የዘመረላት ፤ ✿ ልጁ ሰሎሞንም ታላቅ ቤተ መቅደስ ሠርቶ በክብር ያኖራት ናት፡፡ ጌታ የታቦቷን አሠራር ሲነግረው "ሽምሽር ስጢን ከሚባል ከማይነቅዝ እንጨት ቀርጸኽ አብጅ ከታች እንደ ዙፋን አራት እግር አውጣለት ሞላልነቱን ኹለት ክንድ ከስንዝር ቁመቱ ክንድ ከስንዝር ወርዱን ክንድ ከስንዝር ኹለት ክንድ ከስንዝር ምስሃል ለዚኽ ቁመት የለውም አራት ቀለበት ኹለት ሙሎጊያ አበጅለት አፍአውን ውስጡን በንጹሕ ወርቅ ለብጠው በምስማኩና በምስማኩ ኹለቱን ኪሩቤል እንደሚናተፉ አውራ ዶሮዎች አንገታቸውን ደፋ አድርገኽ በላይ ሣልበት ዙሪያውን ፈለግ አውጣለት ብጽብጽ ወርቅ አፍስበት ጽላቶቹን በውስጡ አኑር" ብሎታል፡፡ ይኸውም ምሳሌ ✅ታቦት ፡- የእመቤታችን ✅ወርቅ፡- የንጽሕናዋ የቅድስናዋ ✅ታቹ መቀመጫው ፡- የንጽሓት እንስት ✅ላዩ መግጠሚያው ፡- የንጹሓን አበው ✅ግራ ቀኙ ፡- የሐና የኢያቄም ✅ወደ ውስጥ የገባችው:-የድንግል ማርያም ያቺ በመኻከላቸወም እንደኾነች እመቤታችንም ከሐና ከኤያቂም ለመገኘቷ ምሳሌ ነው። ✅ኹለት ክንድ ከስንዝር:- ከአዳም እስከ ኖኅ ባለው ዘመን 2260 ዘመን ይመስላል ይኸውም በኖኅ ዘመን አርአያ ድንግል ታቦተ ኖኅ ለመገኘቷ ምሳሌ፡፡ ✅አንድ ክንድ ከስንዝር ቁመቱ :- ከኖኅ እስከ  ሙሴ ባለው ዘመን ይመስላል ይኸውም 1600 ዘመን ነው። በዚህ ዘመን አርአያ  ድንግል ጽላተ ሙሴ  ለመገኘቷ ምሳሌ ነው፡፡ ✅አንድ ክንድ ከስንዝር ወርዱ:- ከሙሴ እስከ  እመቤታችን ባለው ዘመን ይመስላል ይኽውም 1640 ዘመን ይኾናል ይኽ በኾነ አርአያ ድንግል ታቦተ ኖኅ አርአያ ድንግል ጽላተ ሙሴ ምሳሌዎቿ የሚሆኑ አማናዊት ድንግል ማርያም ለመገኘቷ ምሳሌ ነው፡፡ ✅አራቱ ቀለበት:- የአራት ወገን ንጽሕናዋ  ምሳሌ ይኸውም ከርእይ /ኃጢአትን ከማየት/፤ ከሰሚዕ/ኃጢአትን ከመስማት/ ፤ ከገሲስ/በእጅ ዳሰሶ ኃጢአትን ከመሥራት እና ከአጼንዎ /የኃጢአት መዐዛን ከማሽተት/ እመቤታችን ከነዚኽ ኹሉ ተጠብቃለችና ✅ኹለቱ ቀለበት:- የፍቅረ እግዚአብሔርና  የፍቅረ ቢጽ ምሳሌ ✅ኹለቱ ሥዕለ ኪሩቤል:- የጠባቂ መልአክ  የቅዱስ ሚካኤልና የአብሳሪ መልአክ የቅዱስ ገብርኤል ምሳሌ ናቸው ይኽውም የብሉይ ሊቀ ካህናት በዓመት አንድ ቀን ገብቶ ከኹለቱ ኪሩቤል መካከል ቃል ሰምቶ ይወጣ ነበር ቅድስት ድንግል ማርያም በሊቀ መላእክት በቅዱስ ሚካኤል ተጠብቃ ከቅዱስ ገብርኤል ቃል ሰምታ አካላዊ ቃልን በግብረ መንፈስ ቅዱስ ያለ ዘር ያለ ሩካቤ ፀንሳ ተገኝታለችና። ሊቁ ቅዱስ ያዕቆብ ዘስሩግ ይኽንን መንፈሳዊ ምስጢር በጥልቅት በመመርመር ድንግል ማርያምን ፡- 👉በምስጢር የተመላች ታቦት 👉 እሳትን የተመላች ታቦት 👉የቅዱስ ቃል ታቦት 👉የቃል ኪዳን ታቦት በማለት ገልጿታል፡፡ ኅዳር 21 ቀን የሚከበረውም የእመቤታችን ምሳሌዎች የተገለጡበት እና የተለያዩ ሥራዎች የተሰሩበት ዕለት ስለሆነ ነው፡፡ እነዚህም፡- 1. ነቢዩ ዘካርያስ ሁለንተናው ወርቅ የሆነ፣ የዘይት ማሰሮ በራሱ ላይ የነበረበትንና ሰባት መብራቶች ያሉትን መቅረዝ ሲያበራ ያየበት ዕለት ነው፡፡ ዘካ. 4፤1-2። ዘካርያስ ያየው ብርሃን የመድኃኒታችን የኢየሱስ ክርስቶስ ምሳሌ ነው፡፡ ዮሐ. 8፤12፡፡ ይህ ብርሃን የታየባትና የተገለጠባት መቅረዝ የእመቤታችን የቅድስት ድንግል ማርያም ምሳሌ ናት፡፡ ብርሃን መቅረዝ እንዲያዝና እንዲገለጥ መድኃኔዓለም ክርስቶስ ከእመቤታችን ከቅድስት ድንግል ማርያም ተወልዶ ተገልጦልናል፡፡ ጨለማ ዓለምን አብርቷል፡፡ ብርሃን ክርስቶስን ወልዳለችና እርሷም እመ ብርሃን / የብርሃን እናት/ ትባላለች፡፡ 2. ታቦተ ጽዮን ዳጎንን ገልብጣ በመጣል ኃይሏን የገለጠችበት ዕለት ነው፡፡ በፍልስጥኤማውያን ተማርካ ቤተ ጣዖት ወስደው ከጣዖታቸው ከዳጎን በታች አስቀምጠዋት ነበር፡፡ ታቦተ ጽዮን ግን በላይዋ ያለውን ዳጎንን ገልብጣ ጥላ እርሷ ከላይ ተቀመጠች፡፡ በታቦት የሚገለጠው የእግዚአብሔር ኃይል ነው፡፡ ምክንያቱም በታቦቱ ላይ ያለው ሕገ እግዚአብሔርና ስመ እግዚአብሔር ነው፡፡ የእግዚአብሔር ስም የጸና ክንድ ነውና ሁሉን ያሸንፋል። ስለዚህ ምንም እንኳ ለጊዜው ስትማረክ ደካማ ብትመስልም መማረኳ ግን ኃይሏን ለመግለጥ፣ ለአሕዛብ የጣዖትን ከንቱነት የታቦትን ክቡርነት ለመግለጥ ነበር፡፡ 3. ቀዳማዊ ምኒልክ ታቦቱን ይዞ አክሱም የገባበት፣ ንግሥት ሳባ ታላቅ በዓል አድርጋ የተቀበለችበት፣ 4. አብረሃ ወአጽብሐ በአክሱም ከተማ 12 ቤተ መቅደስ ያለው ቤተ ክርስቲያን በአስደናቂ ሁኔታ ሠርተው ከጨረሱ በኋላ ቅዳሴ ቤቱን ያከበሩበት፣ እንዲሁም 5. በ9ኛው መ/ክ/ዘመን ዮዲት ክርስትና ለማጥፋት በተነሳች ጊዜ በእርሷ ምክንያት ታቦተ ጽዮን ወደ ዝዋይ ሐይቅ የተሰደደችበት፡፡ በኋላም የሰላሙ ዘመን ሲመጣ ተመልሳ አክሱም የገባችበት በዚሁ በኅዳር 21 ስለሆነ በእነዚህ በተደራራቢ ታሪኮች ምክንያት በየዓመቱ በደመቀ ሁኔታ ይከበራል “ኅዳር ጽዮን በአክሱም ጽዮን” የሚባለውም ለዚህ ነው፡፡ የእመቤታችን ልመናዋ ክብሯ አማላጅነቷም ከእኛ ከህዝበ ክርስቲያን ጋር ለዘለዓለም ጸንቶ ይኑር! አሜን! @Ethiopian_Orthodox @Ethiopian_Orthodox

@Ethiopian_Orthodox @Ethiopian_Orthodox

"እናታችን ጽዮን" እናታችን ጽዮን ይድረስሽ ምስጋና፤ መጠጊያ ማረፊያ ጥላችን ነሽና። ከገነት ብንወጣ ማረፊያ ሆንሽን፤ የምሕረት ደመና ውኃ ሰጠሽን፤ የሕይወት እንጀራ አመጣሽልን፤ በአስራትም በአደራም ለአንቺ ተሰጠን። አዝ የኤልሳቤጥ አጽናኝ የጭንቅ ቀን ደራሽ፤ የኃጢአታችን ብዛት ዳገት ሳይሆንብሽ፤ ምሥራችን ደስታን ይዘሽልን መጣሽ፤ ማርያም ስንልሽ ደረስሽልን ፈጥነሽ። አዝ ውለታሽ ብዙ ነው ከልብ የማይጠፋ፤ ስምሽ መጽናኛ ነው አዝኖ ለተከፋ፤ በእንተ ማርያም ብሎ ለለመነ፤ የሰማይ የምድርም ማንም አልጨከነ። አዝ በትራችን አንች ነሽ የምትደግፊን፤ ባሕረ እሳትን የምታሳልፊን፤ ጽርሐ ሥላሴ ነሽ ማኅደረ መለኮት፤ ሁልጊዜ አንጠግብሽም እንላለን ብጽእት። አዝ ©በማኅበረ ቅዱሳን መዘምራን @Ethiopian_Orthodox @Ethiopian_Orthodox