Advertising on the Telegram channel «Ijtimoiy himoya milliy agentligi»

🌸 Navro‘z – yangilanish, yasharish va ezgulikning abadiy ramzi.

🌙 Ramazon Hayiti – sabr, shukr va insoniylik fazilatlarini ulug‘laydigan muborak ayyomdir.

🧠 O‘zbekiston Respublikasi Prezidenti huzuridagi Ijtimoiy himoya milliy agentligi barcha yurtdoshlarimizni ushbu qutlug‘ bayramlar bilan samimiy muborakbod etamiz.

Yurtimizda inson qadri ulug‘lanib, mehr-oqibat, saxovat va ijtimoiy himoya tamoyillari tobora mustahkamlanib borayotgan bugungi kunda bu ayyomlar qalblarimizni yanada yaqinlashtiradi, jamiyatimizda birdamlik va hamjihatlikni kuchaytiradi.

Navro‘zning musaffo nafasi va Ramazon hayitining muborak ruhi har bir xonadonga fayz-u baraka, yuragimizga tinchlik va quvonch olib kirsin.

💚 Barchangizga ulug‘ ayyomlar muborak bo'lsin!

🍀 Navro‘z – yangilanish, ezgulik va insoniy qadriyatlar tantanasi

Navro‘z ayyomi – xalqimizning asrlar davomida shakllangan boy an’analari, mehr-oqibat va birdamlik kabi ezgu qadriyatlarini o‘zida mujassam etgan ulug‘ bayramdir.

Mazkur qutlug‘ kunda barchangizga mustahkam sog‘liq, xonadonlaringizga tinchlik va farovonlik, qalblaringizga esa quvonch va umid tilaymiz. Yurtimizda doimo totuvlik, barqaror taraqqiyot hamda ezgu tashabbuslar bardavom bo‘lsin.

🧠 Ijtimoiy himoya milliy agentligi jamoasi sizlarni Navro‘z ayyomi bilan samimiy muborakbod etadi hamda barchangizga farovon hayot va ezgu ishlaringizda muvaffaqiyat tilaydi.

Barcha hududlarga, qishloq va ovullar, mahallalarga Yangi O‘zbekiston nafasini olib kirish bo‘yicha katta harakat boshlangani ta’kidlandi.

Yangi ish o‘rinlari yaratish, kambag‘allikni qisqartirish, ijtimoiy himoyani kuchaytirish borasida ham ulkan qadamlar qo‘yilmoqda. Yangi-yangi zamonaviy korxonalar, kommunikatsiya tarmoqlari, shinam uy-joylar, ta’lim, tibbiyot, madaniyat va sport obyektlari barpo etilmoqda.

Kelgusida bunday qurilishlar ko‘lami yanada kengaytirilishi ta’kidlandi.

“Ushbu fayzli tongda mirishkor dehqon va fermerlarimizga barchamiz yuksak hurmat va ehtirom bildiramiz.

Siz, azizlarning elimiz dasturxonini yanada to‘kin va farovon qilishdek ezgu ishlaringizda zafar va omadlar tilaymiz. Chunki sizlarning olijanob mehnatingiz bilan xalqimizning rizq-u nasibasi butun bo‘ladi. Bu borada davlatimiz, jamiyatimiz sizlarni doimo qo‘llab-quvvatlaydi”,

– dedi Prezidentimiz.

Axborotsiz yashash mumkinmi?
Yo‘q ❗️

Kimdir eshitganiga, yana kimdir o‘qiganiga, ayrimlar bor — faqat ko‘rganiga ishonadi.

📝 Tezkor ma’lumotlar kerakmi — "Telegram" kanalimizdan topasiz;

💻 Sifatli surat va videolar ma’qulmi — unda "Instagram" sahifamiz aynan siz uchun;

🎞 Izlayotgan videomateriallaringizni esa shubhasiz,
"YouTube" imizdan topasiz;

📝 Munozaralar markazida bo‘lishni istaysizmi — u holda "Facebook" sahifamizni kuzatib boring.

🧠 Ijtimoiy himoya milliy agentligining axborot makonidagi eng tezkor va ishonchli manbalariga ulanib, obuna bo‘ling. Bu sizga respublikamizda ijtimoiy himoya sohasi bilan hamnafas bo‘lib yashash imkonini beradi.

#JahonDaunSindromiKuni 🌟💙

Bugun Ijtimoiy himoya milliy agentligi jahon hamjamiyati bilan birgalikda Daun sindromi bilan yashayotgan insonlarning huquqlarini himoya qilish va ularning jamiyatdagi munosib o‘rnini ta’minlash yo‘lida birdam ekanini bildiradi.

2026-yil mavzusi — “Yolg‘izlikka qarshi birgamiz”. Ushbu tashabbus Birlashgan Millatlar Tashkiloti tomonidan ilgari surilib, ijtimoiy yakkalanish va stigmani kamaytirish, har bir inson o‘zini jamiyat, maktab va ish joyining to‘laqonli a’zosi sifatida his qilishi zarurligini ta’kidlaydi.

Biz uchun bu mavzu — amaliy harakatdir. Agentlik tomonidan inklyuziv ta’limni kengaytirish, maktablarda inklyuziv sinflarni joriy etish va bolalar uchun moslashtirilgan o‘quv muhitini yaratish bo‘yicha tizimli ishlar olib borilmoqda.

Biz ishonamiz: har bir bola teng sharoitda ta’lim olish, o‘z qobiliyatini namoyon etish, rivojlanish va orzularini ro‘yobga chiqarish huquqiga ega. Inklyuziya — bu alohida sharoit yaratish emas, balki barcha bolalar o‘zini “boshqacha” emas, balki “birga” his qiladigan muhitni barpo etishdir.

Aynan shu orqali biz yolg‘izlikka qarshi turamiz — mehr, hurmat va teng imkoniyatlar orqali.

Ijtimoiy himoya milliy agentligi Daun sindromi bilan yashayotgan insonlar va ularning oilalarini qo‘llab-quvvatlaydi hamda har bir farzand jamiyatimizning to‘laqonli va qadrlangan a’zosi bo‘lishi uchun o‘z faoliyatini davom ettiradi.

Birga bo‘lsak — hech kim yolg‘iz emas. 💙

#RamazonFilmi

Prezidentimiz tashabbusi bilan Ramazon oyida ehtiyojmand oilalarni qo‘llab-quvvatlash dasturiga bag'ishlangan Ijtimoiy himoya milliy agentligi tomonidan maxsus film tayyorlandi.

Unda dastur doirasida amalga oshirilgan manzilli yordam, bepul jarrohlik amaliyotlari hamda oilalarning hayotida yuz bergan ijobiy o‘zgarishlar yoritiladi.

#RamazonFilmi

"O‘zbekiston 24” telekanali bilan hamkorlikda Ramazon oyida amalga oshirilgan ijtimoiy qo‘llab-quvvatlash dasturining insonlar taqdiriga ta’siri haqida maxsus videofilm tayyorlandi.

Unda minglab oilalar hayotida yuz bergan o‘zgarishlar, og‘ir vaziyatdan chiqishda dastur qanday amaliy madad bo‘lgani yoritiladi. Bu, albatta, barcha muammolar to‘liq hal bo‘ldi degani emas. Ammo Ramazon oyida ko‘rsatilgan manzilli yordam ko‘plab oilalarga yengillik, barqarorlik va ertangi kunga ishonch berdi.

Bu natijalar ijtimoiy himoyaning yangi, institutsionallashtirilgan yondashuvi samarasidir. Joriy yilda qo‘llab-quvvatlash choralari aniq mezonlar va Ijtimoiy reyestr asosida amalga oshirildi. Fuqarolarni aniqlash jarayonining shaffofligi adolat va tizimlilikni ta’minladi.

Bir martalik moddiy yordam oilalarga o‘z ehtiyojlarini mustaqil ravishda belgilash imkonini berdi — kimdir oziq-ovqat, dori-darmon xarid qildi, kimdir qarzini yopdi, kimdir farzandlari uchun zarur ehtiyojlarni ta’minladi. Tanlov oilaning o‘zida bo‘ldi.

6 ming nafar fuqaroga amalga oshirilgan bepul jarrohlik amaliyotlari esa nafaqat bir insonning, balki butun oilaning hayotiga ta’sir ko‘rsatdi. Chunki oiladagi bir bemorning dardi — butun oila zimmasidagi yukdir. Sog‘liq tiklanganda, barqarorlik ham tiklanadi.

Shuningdek, ayrim oilalar turar joylarini ta’mirlash imkoniga ega bo‘lib, bu ular uchun xavfsiz va munosib yashash sharoitini yaratdi.

Ramazon dasturi — tizimli va adolatli yondashuv asosida amalga oshirilgan ijtimoiy siyosat namunasidir.

🎥 Lavhani tomosha qilib, ushbu o‘zgarishlar ortida turgan inson taqdirlari bilan yaqinroq tanishing.

📝

#natija

🥹 O‘zbekiston Respublikasi Prezidenti tashabbusi bilan muborak Ramazon oyi davomida ehtiyojmand oilalarni qo‘llab-quvvatlash, ularning turmush sharoitini yaxshilash hamda energiya tejamkorligini oshirishga qaratilgan keng ko‘lamli ishlar amalga oshirilmoqda.

🏃 Mazkur ezgu tashabbus doirasida Ijtimoiy himoya milliy agentligining Navoiy viloyati boshqarmasi tomonidan ham aniq manzilli ishlar olib borilmoqda. Xususan, Karmana tumanining “Sardoba”, "Malik" va "Do'stlik" mahallalarida 25 ta xonadonga quyosh panellari o‘rnatilmoqda.

😮 Loyiha Saudiya Arabistonining “Akva Power” kompaniyasi bilan hamkorlikda amalga oshirilib, uning asosiy maqsadi — ehtiyojmand oilalarda elektr energiyasidan samarali foydalanish tizimini yo‘lga qo‘yish, energiya xarajatlarini kamaytirish va yashash sharoitlarini yanada yaxshilashdan iborat.

✅ Shu bilan birga, ushbu tashabbus Energetika vazirligi tomonidan ilgari surilayotgan “yashil energiya” siyosatini qo‘llab-quvvatlashga xizmat qilib, qayta tiklanuvchi energiya manbalaridan foydalanish ko‘lamini kengaytirishga qaratilgan.

↗️ Eng muhimi, bu kabi amaliy ishlar orqali nafaqat energiya samaradorligi ta’minlanmoqda, balki ijtimoiy himoyaga muhtoj oilalarning hayot sifatini yaxshilaydi.

🎬Batafsil videoda…

#tuhfa

Аlohida ta’limga ehtiyoji bo‘lgan bolalar uchun yangi bog‘cha foydalanishga topshirildi

Ijtimoiy himoya milliy agentligi Toshkent viloyati boshqarmasi tasarrufidagi Chirchiq shahar 20-sonli ko‘p tarmoqli ixtisoslashtirilgan maktabgacha ta’lim tashkiloti o‘z faoliyatini boshladi.

100 o‘rinli mazkur bog‘cha alohida e’tiborga muhtoj bolalarning sifatli ta’lim olishi va ijtimoiy moslashuvi uchun barcha zarur sharoitlar bilan jihozlangan.

Ochilish marosimida mas’ul tashkilotlar vakillari, nuroniylar va keng jamoatchilik ishtirok etdi.

🎥Tafsilotlar yuqoridagi videolavhada.

#AmaliyYordamlar

↗️Energiya tejamkor uylar – aholi farovonligi yo‘lida

🖋O‘zbekiston Respublikasi Prezidentining 2026-yil 5-fevraldagi PQ-49-son qarori doirasida “Ijtimoiy reyestr”ga kiritilgan, davlat ta’minoti toifasidagi mehnatga layoqatsiz 1-guruh nogironligi bo‘lgan a’zolari bor oilalar xonadonlarini energiya tejamkor qilib ta’mirlash ishlari yo‘lga qo‘yilgan.

👩‍👩‍👧‍👦Uychi tumani Yangi Tong MFYda istiqomat qiluvchi Sohiba Tog’ayevani xonadoni ayni vaqtda energiya tejamkor qilib ta’mirlanmoqda.

🧮Shuningdek, fuqaroga quyidagi ijtimoiy xizmat va yordamlar ko‘rsatilgan:

☑️Bepul sanatoriyga yo‘llanma olish uchun ariza kiritildi;
☑️Ovozli tonometr olib berildi;
☑️Bepul dori-darmon bilan ta’minlandi;
☑️Bir martalik moddiy yordam ajratildi;
☑️O‘g‘li PTPK ko‘rigi asosida 46-son maxsus maktab-internatga joylashtirildi;
☑️“Saxovat va ko‘mak” jamg‘armasi orqali oziq-ovqat mahsulotlari yetkazildi;
☑️Quyosh paneli o‘rnatib berildi;
☑️Turmush o‘rtog‘i ish bilan ta’minlandi;
☑️Qo‘shimcha moddiy yordam olish uchun ariza kiritildi;
☑️Psixolog xizmat ko’rsatildi;
☑️Nikoh masalasi bo‘yicha yuridik xizmatga ariza kiritildi.

😮Mazkur fuqaroga ko‘rsatilayotgan ijtimoiy yordam va xizmatlar tizimli ravishda davom ettirilmoqda.

🎙Bu yilgi Ramazon oyi har yilgidanda boshqacha shukuhli keldi – deydi Sohiba Tog’ayeva biz bilan suhbatda.

🎬Batafsil videoda…